ಸ್ಟ್ರಾಂಗ್ ಮೂಳೆಗಳಿಗಾಗಿ ಹಸಿರೆಲೆತರಕಾರಿ, ಕಾಳುಗಳು, ಮೊಸರನ್ನು ಜಾಸ್ತಿ ಸೇವಿಸಿ!

ಇವುಗಳಲ್ಲಿ ಕ್ಯಾಲ್ಸಿಯಮ್ ಅಂಶದ ಪ್ರಮಾಣ ಹೆಚ್ಚಾಗಿದೆ. ಕೇವಲ ಒಮ್ಮೆ ತಿಂದರೆ ಸಾಕಷ್ಟು ಪ್ರಮಾಣದಲ್ಲಿ ನಮ್ಮ ದೇಹಕ್ಕೆ ಕ್ಯಾಲ್ಸಿಯಂ ಅಂಶ ಸಿಗುತ್ತದೆ. ಆದರೆ ನಾರಿನ ಹೆಚ್ಚಾಗಿರುವ ಮತ್ತು ಕಡಿಮೆ ಸಕ್ಕರೆ ಅಂಶವನ್ನು ಒಳಗೊಂಡ ಕಾರ್ನ್ ಫ್ಲೇಕ್ ಗಳನ್ನು ನೀವು ಆಯ್ಕೆ ಮಾಡಿಕೊಳ್ಳಬೇಕು.

• ಕ್ಯಾಲ್ಸಿಯಂ ಅಂಶ ಹೆಚ್ಚಾಗಿರುವ ಪಾಲಕ್ ಸೊಪ್ಪು, ಕೇಲ್, ಸಾಸಿವೆ ಸೊಪ್ಪು, ಬ್ರೊಕೋಲಿ ಇತ್ಯಾದಿಗಳು ನಮ್ಮ ದೇಹಕ್ಕೆ ತುಂಬಾ ಒಳ್ಳೆಯದು.
• ಇವುಗಳಿಂದ ಬೇರೆ ಬಗೆಯ ಪೌಷ್ಟಿಕಾಂಶಗಳು ಹೇಗೆ ಸಿಗುತ್ತವೆ ಅದೇ ರೀತಿ ಕ್ಯಾಲ್ಸಿಯಂ ಅಂಶ ಕೂಡ ಸಿಗುತ್ತದೆ. ಹೀಗಾಗಿ ಬಹಳಷ್ಟು ಆರೋಗ್ಯಕರವಾಗಿ ಮೂಳೆಗಳನ್ನು ಹಾಗೂ ದೇಹದ ಮಾಂಸಖಂಡಗಳನ್ನು ಹೊಂದಲು ಇವುಗಳನ್ನು ಸೇವನೆ ಮಾಡಿ.

• ಬೀನ್ಸ್, ದ್ವಿದಳ ಧಾನ್ಯಗಳು, ಒಣ ಕಾಳುಗಳು ಇತ್ಯಾದಿಗಳಲ್ಲಿ ಕ್ಯಾಲ್ಸಿಯಂ ಹಾಗೂ ಮೆಗ್ನೇಶಿಯಂ ಅಂಶದ ಪ್ರಮಾಣ ಹೆಚ್ಚಾಗಿದೆ. ನಾರಿನ ಅಂಶ ಮತ್ತು ಇತರ ಪೌಷ್ಟಿಕ ಸತ್ವಗಳು ಕೂಡ ಸಾಕಷ್ಟು ಕಂಡುಬರುವುದರಿಂದ ಇವುಗಳ ಪ್ರಭಾವದಿಂದ ನಮ್ಮ ದೇಹಕ್ಕೆ ಕ್ಯಾಲ್ಸಿಯಂ ಅಂಶ ಹೆಚ್ಚಾಗಿ ಹೀರಿಕೊಳ್ಳಲು ಸಾಧ್ಯವಾಗುತ್ತದೆ.
• ಹೀಗಾಗಿ ಇವುಗಳನ್ನು ನೀರಿನಲ್ಲಿ ಹೆಚ್ಚು ನೆನೆಹಾಕಿ ನಂತರ ಬೇಯಸಿ ಸೇವನೆ ಮಾಡುವುದು ಆರೋಗ್ಯಕ್ಕೆ ಹೆಚ್ಚು ಲಾಭಕರ. ನಿಯಮಿತವಾಗಿ ಇವುಗಳ ಸೇವನೆಯನ್ನು ಮಾಡಿಕೊಂಡರೆ, ಮೂಳೆಗಳು ಯಾವಾಗಲೂ ಸದೃಢವಾಗಿರುತ್ತವೆ.

ಬಹುತೇಕ ಸಮುದ್ರಾಹಾರಗಳಲ್ಲಿ ವಿಟಮಿನ್ ಡಿ ಅಂಶಕ್ಕೆ ಯಾವುದೇ ಕೊರತೆ ಇರುವುದಿಲ್ಲ. ಪ್ರಮುಖವಾಗಿ ದೇಹಕ್ಕೆ ಕ್ಯಾಲ್ಸಿಯಂ ಅಂಶವನ್ನು ಒದಗಿಸುವ ಕೆಲಸವನ್ನು ಇವುಗಳು ಮಾಡುತ್ತವೆ. ಮೀನು, ಮ್ಯಾಕೆರೆಲ್, ಸಾರ್ಡೀನ್, ಸಾಲ್ಮನ್ ಇತ್ಯಾದಿಗಳಲ್ಲಿ ಮೂಳೆಗಳ ಸದೃಢತೆ ಹೆಚ್ಚಿಸುವ ಗುಣವಿದೆ.

• ಕರುಳಿನ ಆರೋಗ್ಯಕ್ಕೆ ಸಹಕಾರಿಯಾಗಿರುವ ಮೊಸರು ನಮ್ಮ ದೇಹದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚು ಮಾಡುವ ಜೊತೆಗೆ ತನ್ನಲ್ಲಿ ಅಪಾರ ಪ್ರಮಾಣದ ಕ್ಯಾಲ್ಸಿಯಂ ಅಂಶವನ್ನು ಹೊಂದಿರುವ ಕಾರಣದಿಂದ ನಮ್ಮ ದೇಹದ ಜೀವ ಕೋಶಗಳಿಗೆ ಶಕ್ತಿ ಹಾಗೂ ಚೈತನ್ಯವನ್ನು ತುಂಬುತ್ತದೆ.
• ಆರೋಗ್ಯಕರವಾದ ರೀತಿಯಲ್ಲಿ ಮೂಳೆಗಳ ಬಲವನ್ನು ಕ್ರಮೇಣವಾಗಿ ಹೆಚ್ಚು ಮಾಡುತ್ತದೆ. ದೇಹದ ರೋಗನಿರೋಧಕ ಶಕ್ತಿಯ ಕೊರತೆ ಇಲ್ಲದಿದ್ದರೆ ಮೂಳೆಗಳ ಆರೋಗ್ಯ ಸದೃಢವಾಗಿರುತ್ತದೆ.

• ಡೈರಿ ಉತ್ಪನ್ನಗಳಲ್ಲಿ ವಿಟಮಿನ್ ಡಿ ಅಂಶ ಮತ್ತು ಕ್ಯಾಲ್ಸಿಯಂ ಅಂಶ ಹೆಚ್ಚಾಗಿದೆಯೆಂದು ತಿಳಿದುಬಂದಿದೆ. ನಾವು ಪ್ರತಿದಿನ ಮನೆಗಳಲ್ಲಿ ಮಾಡುವ ಹಾಲು, ಮೊಸರು, ಬೆಣ್ಣೆ, ತುಪ್ಪ, ಚೀಸ್, ಪನ್ನೀರ್ ಇತ್ಯಾದಿಗಳು ನಮ್ಮ ಮೂಳೆಗಳನ್ನು ಬಲಪಡಿಸುವ ಆಹಾರಗಳು ಎಂದು ಹೇಳಬಹುದು.
• ಹಾಲಿನ ವಿಚಾರಕ್ಕೆ ಬಂದರೆ ವಯಸ್ಸಿನಿಂದ ದಿನ ಬೆಳಗ್ಗೆ ಮತ್ತು ಸಂಜೆ ಒಂದೊಂದು ಲೋಟ ಹಾಲು ಕುಡಿಯುವ ಅಭ್ಯಾಸ ಇಟ್ಟುಕೊಂಡರೆ ಮುಂಬರುವ ದಿನಗಳಲ್ಲಿ ಮೂಳೆಗಳಿಗೆ ಸಂಬಂಧಪಟ್ಟ ಯಾವುದೇ ಸಮಸ್ಯೆಗಳು ಕಾಡುವುದಿಲ್ಲ ಎಂದು ಹೇಳಬಹುದು.