ದೋಸೆ ಪ್ರಿಯರಿಗೆ ಸಿಹಿ ಸುದ್ದಿ, ದೋಸೆ ತಿಂದು ತೂಕ ಕಡಿಮೆಮಾಡಬಹುದು

ದಕ್ಷಿಣ ಭಾರತದ ಪ್ರಸಿದ್ಧ ತಿನಿಸುಗಳಲ್ಲೊಂದು ದೋಸೆ. ದೋಸೆಯಲ್ಲಿ ಅನೇಕ ಬಗೆಯ ದೋಸೆಗಳು ನಮ್ಮ ನಾಲಗೆಯ ರುಚಿಯನ್ನು ಹೆಚ್ಚಿಸುತ್ತದೆ. ಸಾದಾ ದೋಸೆಯಿಂದ ಹಿಡಿದು ಮಸಾಲೆ ದೋಸೆ, ಬೆಣ್ಣೆ ದೋಸೆ, ಈರುಳ್ಳಿ ದೋಸೆ, ನೀರು ಹೀಗೆ ನೂರಾರು ಬಗೆಯ ದೋಸೆಗಳು ದಕ್ಷಿಣ ಭಾರತೀಯರ ಬೆಳಗ್ಗಿನ ಉಪಾಹಾರದ ಪಟ್ಟಿಯಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ.

ದೋಸೆ ಬಹಳ ಆರೋಗ್ಯಕರವಾದ ತಿನಿಸು ಆಗಿದೆ. ಆದರೆ ದೋಸೆ ತಿಂದರೆ ದಪ್ಪಗಾಗುತ್ತಾರೆ ಎಂಬ ಭಾವನೆ ಅನೇಕರದಲ್ಲಿದೆ. ಆದ್ದರಿಂದಾಗಿ ಕಟ್ಟು ನಿಟ್ಟಿನ ಡಯಟ್‌ ಪಾಲಿಸುವವರು ತಮ್ಮದ ಇಷ್ಟದ ದೋಸೆಯನ್ನು ತಿನ್ನುವುದನ್ನು ನಿಲ್ಲಿಸುತ್ತಾರೆ. ಆದರೆ ದೋಸೆ ಪ್ರಿಯರಿಗೆ ಇಲ್ಲಿದೆ ನೋಡಿ ಸಿಹಿ ಸುದ್ದಿ, ದೋಸೆ ತೂಕ ಹೆಚ್ಚಿಸುವುದಿಲ್ಲ ಬದಲಿಗೆ ತೂಕ ಇಳಿಕೆಯಲ್ಲಿ ಸಹಕಾರಿಯಾಗಿದೆ.

ತೂಕ ಇಳಿಕೆಗೆ ಬಯಸುವವರು ಯಾವ ಬಗೆಯ ದೋಸೆ ತಿನ್ನಬೇಕು ಎಂಬುವುದು ಮುಖ್ಯವಾಗಿರುತ್ತದೆ. ಸಾದಾ ದೋಸೆ, ನೀರು ದೋಸೆ, ಓಡು ದೋಸೆ ಇವೆಲ್ಲಾ ತಮೈ ತೂಕ ಹೆಚ್ಚಿಸುವುದಿಲ್ಲ.

ಸಾದಾ ದೋಸೆ ತುಂಬಾ ಆರೋಗ್ಯಕರವಾದ ಬ್ರೇಕ್‌ಫಾಸ್ಟ್ ಆಗಿದೆ. ಇದರಲ್ಲಿ ಅಕ್ಕಿ, ಉದ್ದು, ಸ್ವಲ್ಪ ಎಣ್ಣೆಯಷ್ಟೇ ಬಳಸಿ ಮಾಡುತ್ತಾರೆ. ಎಣ್ಣೆ ಹಾಕದೆಯೂ ಈ ದೋಸೆ ತಿನ್ನಬಹುದು. ತೂಕ ಇಳಿಕೆಗೆ ಡಯಟ್‌ ಮಾಡುತ್ತಿರುವವರು ಸಾದಾ ದೋಸೆಯನ್ನು ಖುಷಿ-ಖುಷಿಯಾಗಿ ಸವಿಯಬಹುದು ನೋಡಿ.

ಆರೋಗ್ಯಕರ ರೀತಿಯಲ್ಲಿ ತೂಕ ಇಳಿಕೆಗೆ ಸಹಕಾರಿ
ತೂಕ ಇಳಿಕೆ ಮಾಡುವವರು ಆರೋಗ್ಯಕರ ರೀತಿಯಲ್ಲಿ ತೂಕ ಇಳಿಕೆ ಮಾಡಬೇಕು, ತೂಕ ಕಮ್ಮಿಯಾಗಬೇಕು, ಆದರೆ ದೇಹಕ್ಕೆ ಯಾವುದೇ ಪೋಷಕಾಂಶಗಳ ಕೊರತೆ ಉಂಟಾಗಬಾರದು. ಇದರಲ್ಲಿ ಆರೋಗ್ಯಕರ ಕಾರ್ಬೋಹೈಡ್ರೇಟ್ಸ್ ಹಾಗೂ ಪ್ರೊಟೀನ್ ಇದ್ದು ದೇಹದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.

ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು
ದೋಸೆಯನ್ನು ರುಬ್ಬಿ 6-7 ಗಂಟೆ ಉದುಗು ಬರಲು ಇಡಲಾಗುವುದು. ಇದರಿಂದ ಜೀರ್ಣಕ್ರಿಯೆಗೆ ತುಂಬಾ ಸಹಕಾರಿ.

ಕಡಿಮೆ ಕ್ಯಾಲೋರಿ
ದೋಸೆ ಮಾಡುವಾಗ ಮಿತ ಎಣ್ಣೆ ಅಥವಾ ತುಪ್ಪ ಹಾಕಿದರೆ ಕ್ಯಾಲೋರಿ ಹೆಚ್ಚಾಗುವುದಿಲ್ಲ. ಬಾಯಿ ರುಚಿಗೆ ಭಂಗ ತರದೆ ಡಯಟ್‌ ಮಾಡಲಿಚ್ಚಿಸುವವರು ದೋಸೆ ಡಯಟ್ ಫಾಲೋ ಮಾಡಬಹುದು.

ಮೂಳೆಯ ಆರೋಗ್ಯಕ್ಕೆ ಒಳ್ಳೆಯದು
ದೋಸೆಯಲ್ಲಿ ಕ್ಯಾಲ್ಸಿಯಂ, ಕಬ್ಬಿಣದಂಶ ಇದ್ದು ಮೂಳೆಯ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.