ನಿಂಬೆ ನೀರಿಗೆ ಕೊಂಚ ಕಪ್ಪುಪ್ಪು ಬೆರೆಸಿ ಕುಡಿದ್ರೆ ತೂಕ ಕಡಿಮೆ ಆಗುತ್ತೆ

ಬೆಳಿಗ್ಗೆ ಎದ್ದ ಬಳಿಕ ಖಾಲಿ ಹೊಟ್ಟೆಯಲ್ಲಿ ಒಂದು ಲೋಟ ಉಗುರು ಬೆಚ್ಚನೆಯ ನೀರಿಗೆ ಕೊಂಚ ನಿಂಬೆ ರಸ ಮತ್ತು ಕಪ್ಪುಪ್ಪು ಬೆರೆಸಿ ಕುಡಿಯುವುದರಿಂದ ಸೊಂಟದ ಕೊಬ್ಬನ್ನು ಕಡಿಮೆ ಮಾಡಲು ಅತ್ಯುತ್ತಮ ಪರಿಹಾರವೆಂದು ಪರಿಗಣಿಸಲಾಗುತ್ತದೆ. ನಿಂಬೆಯಲ್ಲಿ ವಿಟಮಿನ್ ಸಿ ಸಮೃದ್ಧವಾಗಿದೆ, ಕಡಿಮೆ ಕ್ಯಾಲೊರಿಗಳಿವೆ ಮತ್ತು ಉತ್ಕರ್ಷಣ ನಿರೋಧಕಗಳು, ಜೀವಸತ್ವಗಳು ಮತ್ತು ಖನಿಜಗಳು ಉತ್ತಮ ಪ್ರಮಾಣದಲ್ಲಿವೆ.

ನಿಂಬೆ ನೀರು ಪೂರ್ಣತೆಯನ್ನು ಉತ್ತೇಜಿಸುತ್ತದೆ, ದೇಹದಲ್ಲಿ ನೀರಿನ ಸಂಗ್ರಹವನ್ನು ಹೆಚ್ಚಿಸುತ್ತದೆ, ಜೀವ ರಾಸಾಯನಿಕ ಕ್ರಿಯೆಯನ್ನು ಚುರುಕುಗೊಳಿಸುತ್ತದೆ ಹಾಗೂ ತೂಕ ಇಳಿಕೆಯ ಪ್ರಯತ್ನಗಳಿಗೆ ಹೆಚ್ಚಿನ ಬೆಂಬಲ ನೀಡುವ ಮೂಲಕ ತೂಕ ಇಳಿಕೆಯ ಗತಿಯನ್ನು ಹೆಚ್ಚಿಸುತ್ತದೆ. ನಿಂಬೆ ರಸ ಹಾಗೂ ಕಪ್ಪುಪ್ಪು ಬೆರೆಸಿದ ಪಾನೀಯದ ಸೇವನೆಯಿಂದ ಹಲವಾರು ಆರೋಗ್ಯ ಸಂಬಂಧಿತ ಪ್ರಯೋಜನಗಳನ್ನು ಪಡೆಯಬಹುದು. ಕಪ್ಪುಪ್ಪು ಮಾನವ ದೇಹದ ಆರೋಗ್ಯಕರ ಕಾರ್ಯಚಟುವಟಿಕೆಗೆ ಅವಶ್ಯಕವಾದ ಹಲವಾರು ನೈಸರ್ಗಿಕ ಖನಿಜಗಳಿಂದ ಸಮೃದ್ಧವಾಗಿದೆ.

ಆರೋಗ್ಯ, ಸೌಂದರ್ಯ ಎರಡೂ ಬೇಕಂದ್ರೆ ಅವಕಾಡೊ ಎಣ್ಣೆ ಬಳಸಿ

ಈ ಹುಳಿಮಿಶ್ರಿತ ಉಪ್ಪು ನೀರು ಜೀರ್ಣಕ್ರಿಯೆಗೆ ನೆರವಾಗುತ್ತದೆ ಹಾಗೂ ಜೀರ್ಣಕ್ರಿಯೆಯಲ್ಲಿ ಎದುರಾಗುವ ತೊಂದರೆಗಳನ್ನು ಸರಿಪಡಿಸುತ್ತದೆ. ತನ್ಮೂಲಕ ಜೀರ್ಣಗೊಂಡ ಆಹಾರ ಕರುಳುಗಳ ಒಳಗೆ ಚಲಿಸಲು ಸುಲಭವಾಗುತ್ತದೆ ಹಾಗೂ ಅಜೀರ್ಣತೆಯಯ ಯಾವುದೇ ತೊಡಕು ಎದುರಾಗುವುದಿಲ್ಲ. ತೂಕ ಇಳಿಸುವ ಪ್ರಕ್ರಿಯೆ ಸುಸೂತ್ರವಾಗಿ ಆಗಬೇಕೆಂದರೆ ಜೀರ್ಣಕ್ರಿಯೆ ಉತ್ತಮವಾಗಿರಬೇಕು. ಅಷ್ಟೇ ಅಲ್ಲ, ದೇಹದಿಂದ ಅನಗತ್ಯ ಜೀವಾಣುಗಳನ್ನು ತೆಗೆದುಹಾಕಲೂ ಈ ಪಾನೀಯವು ಸಹಾಯ ಮಾಡುತ್ತದೆ, ಇದರಿಂದಾಗಿ ನಿಮ್ಮ ಜೀವ ರಾಸಾಯನಿಕ ಕ್ರಿಯೆ ಚುರುಕುಗೊಳ್ಳುವ ಮೂಲಕ ಕೊಬ್ಬಿನ ಸಂಗ್ರಹ ಬಳಸಲ್ಪಡುತ್ತದೆ ಮತ್ತು ತೂಕ ಇಳಿಕೆಯ ಗತಿ ಹೆಚ್ಚುತ್ತದೆ.

ಕಪ್ಪುಪ್ಪಿನೊಂದಿಗೆ ನಿಂಬೆ ರಸವನ್ನು ಬೆರೆಸಿದ ನೀರನ್ನು ಕುಡಿಯುವ ಮೂಲಕ ಜೀರ್ಣಾಂಗವ್ಯೂಹದ ಪಿಹೆಚ್ ಮಟ್ಟವನ್ನು (ಆಮ್ಲೀಯ-ಕ್ಷಾರೀಯ ಮಟ್ಟ) ಕಾಪಾಡಿಕೊಳ್ಳಲು ಸಹ ಸಹಾಯ ಮಾಡುತ್ತದೆ. ಅದು ಆಮ್ಲೀಯತೆ, ಚರ್ಮ ರೋಗಗಳು, ಮೂಳೆಗಳಲ್ಲಿ ಗಾಳಿಗುಳ್ಳೆಗಳು ತುಂಬಿ ಶಿಥಿಲವಾಗುವ ಓಸ್ಟಿಯೊಪೊರೋಸಿಸ್ ಮತ್ತು ಸಂಧಿವಾತದ ಸಮಸ್ಯೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಕಪ್ಪುಪ್ಪು ನೀವು ತಿನ್ನುವ ಆಹಾರದಿಂದ ಹೆಚ್ಚಿನ ಪೋಷಕಾಂಶಗಳನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಪ್ರಬಲ ಉತ್ಕರ್ಷಣ ನಿರೋಧಕ ಅಥವಾ ಆಂಟಿ ಆಕ್ಸಿಡೆಂಟ್ ಗುಣದಿಂದ ಸಮೃದ್ಧವಾಗಿರುವ ಈ ಮಿಶ್ರಣವು ಅಧಿಕ ರಕ್ತದೊತ್ತಡ, ಕೊಲೆಸ್ಟ್ರಾಲ್ ಮಟ್ಟಗಳನ್ನು ನಿಯಂತ್ರಿಸುತ್ತದೆ ಮತ್ತು ರಕ್ತನಾಳಗಳಲ್ಲಿ ರಕ್ತ ಹೆಪ್ಪುಗಟ್ಟುವುದನ್ನು ತಡೆಯುತ್ತದೆ.

ಉಗುರುಗಳ ಮೇಲೆ ಅರ್ಧ ಚಂದ್ರ : ಇದರ ಅರ್ಥ ಏನು?

ಒಂದು ಲೋಟ ನೀರನ್ನು ಉಗುರುಬೆಚ್ಚಗಾಗುವಷ್ಟು ಬಿಸಿ ಮಾಡಿ. ತಣ್ಣೀರು ಬೇಡ. ಈ ನೀರಿಗೆ ಎರಡು ಚಮಚ ನಿಂಬೆ ರಸ ಮತ್ತು ಒಂದು ಚಿಟಿಕೆ ಕಪ್ಪುಪ್ಪು ಸೇರಿಸಿ. ಇದನ್ನು ಚೆನ್ನಾಗಿ ಬೆರೆಸಿ ಕುಡಿಯಿರಿ. ನೀವು ಅದನ್ನು ಬೆಳಿಗ್ಗೆ ಪ್ರಥಮ ಆಹಾರವಾಗಿ ಸೇವಿಸಿದರೆ ಉತ್ತಮ. ಇದು ಸಾಧ್ಯವಾಗದೇ ಇದ್ದಲ್ಲಿ ಊಟವಾದ ಕೊಂಚ ಹೊತ್ತಿನ ಬಳಿಕವೂ ಸೇವಿಸಬಹುದು.

ಇದು ನಿಮ್ಮ ತೂಕ ಇಳಿಸುವ ಯೋಜನೆಯನ್ನು ಬೆಂಬಲಿಸುವ ಒಂದು ಪೂರಕ ವಿಧಾನವೇ ಹೊರತು ಈ ನೀರನ್ನು ಕುಡಿಯುವುದರಿಂದ ಮಾತ್ರವೇ ತೂಕ ಇಳಿಯುವುದಿಲ್ಲ ಎಂಬುದನ್ನು ನೀವು ನೆನಪಿಟ್ಟುಕೊಳ್ಳಬೇಕು. ಈ ಪಾನೀಯವನ್ನು ಕುಡಿಯುವುದರಿಂದ ಮಾತ್ರ ನಿಮ್ಮ ಗುರಿಯನ್ನು ತಲುಪಲು ಸಾಧ್ಯವಾಗುವುದಿಲ್ಲ. ಆರೋಗ್ಯಕರ ಆಹಾರ ಮತ್ತು ವ್ಯಾಯಾಮಗಳೂ ಅತ್ಯಗತ್ಯವಾಗಿವೆ.

ಒಂದು ಲೋಟ ನೀರಿಗೆ ಚಿಕ್ಕದಾದರೆ ಒಂದು, ದೊಡ್ಡ ದಾದರೆ ಅರ್ಧ ನಿಂಬೆಯ ರಸವನ್ನು ಬೆರೆಸಬಹುದು. ಉಪ್ಪು ಚಿಟಿಕೆಯಷ್ಟಿದ್ದರೆ ಸಾಕು. ಬೆಳಗ್ಗಿನ ಪ್ರಥಮ ಆಹಾರವಾಗಿ ಅಥವಾ ಮಧ್ಯಾಹ್ನದ ಊಟದ ಬಳಿಕ ಒಂದು ಲೋಟ ಸೇವಿಸಿದರೆ ಸಾಕು. ಯಾವುದಕ್ಕೂ ದಿನಕ್ಕೆ ಒಂದು ಲೋಟಕ್ಕಿಂತ ಹೆಚ್ಚು ಸೇವಿಸುವುದು ಬೇಡ.

To read in English Click: Lemon water with black salt: A drink to lose weight and detoxify