ಕಾಲು ನೋವನ್ನು ವಾಸಿ ಮಾಡಿಕೊಳ್ಳಲು ಸುಲಭ ಟಿಪ್ಸ್

• ಇದ್ದಕ್ಕಿದ್ದಂತೆ ಉಂಟಾಗುವ ಕಾಲಿನ ಸೆಳೆತ ಅಥವಾ ನೋವಿನಿಂದ ರಕ್ಷಿಸಿ ಕೊಳ್ಳಬೇಕಾದರೆ ಮೊದಲು ನೋವು ಬಂದಿರುವ ಕಾಲನ್ನು ಅತ್ತಿತ್ತ ಆಡಿಸಲು ಪ್ರಯತ್ನಪಡಿ. ನಂತರ ಕಾಲನ್ನು ವಿಸ್ತರಿಸಿ.
• ಇದರಿಂದ ಹಾನಿಯಾದ ಕಾಲಿನ ಭಾಗದ ಮಾಂಸಖಂಡಗಳಿಗೆ ರಕ್ತದ ಹರಿವು ಹೆಚ್ಚಾಗುವುದು ಮಾತ್ರವಲ್ಲದೆ ಕಾಲಿನ ಉರಿಯೂತ ಕಡಿಮೆಯಾಗಿ ಕಾಲಿನ ನೋವಿಗೆ ಕಾರಣವಾಗುತ್ತಿರುವ ಮಾಂಸಖಂಡಗಳ ಮೇಲಿನ ಒತ್ತಡ ನಿವಾರಣೆಯಾಗುತ್ತದೆ. ಸಣ್ಣಪುಟ್ಟ ವ್ಯಾಯಾಮದಿಂದ ಎಷ್ಟೆಲ್ಲಾ ಅನುಕೂಲವಾಗಲಿದೆ ಎಂಬುದಕ್ಕೆ ಇದೊಂದು ತಾಜಾ ಉದಾಹರಣೆ.

ಕಾಲು ನೋವು ಮಾಯ ಮಾಡುವ ಎಣ್ಣೆಗಳ ಬಗ್ಗೆ ತಿಳಿದುಕೊಳ್ಳಿ…

• ಒಂದು ವೇಳೆ ನಿಮ್ಮ ಕಾಲಿಗೆ ಪೆಟ್ಟು ಬಿದ್ದು ಕಾಲು ಊದಿಕೊಂಡು ನೋವು ಕಂಡು ಬರುತ್ತಿದ್ದರೆ,
• ಉಗುರು ಬೆಚ್ಚಗಿನ ನೀರಿನ ಸ್ನಾನ ಮಾಡಿ ನೋವಿರುವ ಕಾಲಿನ ಭಾಗದಲ್ಲಿ ರಕ್ತಸಂಚಾರವನ್ನು ಹೆಚ್ಚು ಮಾಡಿ ನೋವನ್ನು ಕಡಿಮೆ ಮಾಡಿಕೊಳ್ಳಬಹುದು.
• ಒಂದು ವೇಳೆ ನಿಮಗೆ ಬಿಸಿ ನೀರು ಸ್ನಾನ ಮಾಡಲು ಈ ಸಮಯದಲ್ಲಿ ಅನುಕೂಲವಿಲ್ಲದೆ ಹೋದರೆ ಒಂದು ಬಟ್ಟೆಯನ್ನು ಉಂಡೆ ಮಾಡಿ ಅದನ್ನು ಸುಡುವ ಬಿಸಿ ನೀರಿನಲ್ಲಿ ಅದ್ದಿ ನೋವಿರುವ ಜಾಗದಲ್ಲಿ ಇಟ್ಟುಕೊಳ್ಳುತ್ತಾ ಬನ್ನಿ.
• ಇದರಿಂದ ಮಾಂಸಖಂಡಗಳ ಭಾಗದಲ್ಲಿರುವ ರಕ್ತನಾಳಗಳು ವಿಶ್ರಾಂತ ಗೊಂಡು ರಕ್ತ ಸಂಚಾರ ಹೆಚ್ಚಾಗಿ ಕಾಲಿನ ನೋವು ವಾಸಿಯಾಗುತ್ತದೆ.

ಕೈಕಾಲುಗಳ ಸೆಳೆತ ಮತ್ತು ನೋವಿಗೆ ನುಗ್ಗೆ ಸೊಪ್ಪು ಒಂದು ನೈಸರ್ಗಿಕ ದಿವ್ಯೌಷಧ

• ಕಾಲುಗಳು ಮತ್ತು ಹಿಮ್ಮಡಿಗಳು ನೋವು ಬರಲು ನಾವು ಕಾಲಿಗೆ ಧರಿಸುವ ಚಪ್ಪಲಿ ಮತ್ತು ಶೂ ಕೂಡ ಕಾರಣವಾಗುತ್ತದೆ.
• ನಮ್ಮ ಕಾಲುಗಳಿಗೆ ಸರಿಯಾಗಿ ಹೊಂದಿಕೊಳ್ಳದ ಚಪ್ಪಲಿಗಳು ಅಥವಾ ಬೂಟುಗಳು ಯಾವುದೇ ಕ್ಷಣದಲ್ಲಿ ನಮಗೆ ಅಂಗಾಲು ಮತ್ತು ಹಿಮ್ಮಡಿ ನೋವನ್ನು ತಂದುಕೊಡಬಹುದು.
• ಅದರಲ್ಲೂ ಒಂದು ವೇಳೆ ನೀವು ಬೆಳಗಿನ ಸಮಯದಲ್ಲಿ ವಾಕಿಂಗ್ ಅಥವಾ ಜಾಗಿಂಗ್ ಮಾಡುತ್ತಿದ್ದರೆ, ಅಳತೆ ಸರಿಯಿಲ್ಲದ ಬೂಟು ಧರಿಸಿ ಹೀಗೆ ಮಾಡುವುದರಿಂದ ಕಾಲುಗಳ ನೋವು ಕಟ್ಟಿಟ್ಟ ಬುತ್ತಿ.
• ನಿಮ್ಮ ಕಾಲುಗಳಿಗೆ ಸರಿಯಾದ ಅಳತೆಯ ಬೂಟುಗಳನ್ನು ತೆಗೆದುಕೊಳ್ಳುವ ಮುಂಚೆ ನೀವು ಒಂದು ಖಾಲಿ ಪೇಪರ್ ಮೇಲೆ ನಿಮ್ಮ ಕಾಲನ್ನು ನೆನೆಸಿ ಇಡಬೇಕು.
• ಇದರಿಂದ ನಿಮ್ಮ ಕಾಲಿನ ಪಾದದ ಸಂಪೂರ್ಣ ಚಿತ್ರಣ ಬರುವುದರಿಂದ ಚಪ್ಪಲಿ ಅಂಗಡಿಯವರಿಗೆ ಸರಿಯಾದ ಅಳತೆಯ ಬೂಟುಗಳನ್ನು ನಿಮಗೆ ಕೊಡಲು ಅನುಕೂಲವಾಗುತ್ತದೆ.

• ಸ್ಪೋರ್ಟ್ಸ್ ಶೂ ತಯಾರು ಮಾಡಿರುವವರು ವಿವಿಧ ಬಗೆಯ ವಿನ್ಯಾಸಗಳಲ್ಲಿ ಜನರ ಅಭಿರುಚಿಗೆ ತಕ್ಕಂತೆ ಬೂಟುಗಳನ್ನು ತಯಾರು ಮಾಡಿರುತ್ತಾರೆ.
• ಹಾಗಾಗಿ ಹೆಚ್ಚು ದೂರ ಅವುಗಳನ್ನು ಹಾಕಿಕೊಂಡು ಓಡಬಹುದು ಅಥವಾ ಕ್ರೀಡಾ ಚಟುವಟಿಕೆಗಳಲ್ಲಿ ಸಾಕಷ್ಟು ಸಮಯ ಪಾಲ್ಗೊಳ್ಳಬಹುದು.
• ಆದರೆ ಕೆಲವೊಮ್ಮೆ ನಿಮಗೆ ಹೊಂದಿಕೆಯಾಗದ ಬೂಟುಗಳ ವಿನ್ಯಾಸ ನಿಮ್ಮ ಕಾಲುಗಳಿಗೆ ನೋವು ತಂದುಕೊಡಬಹುದು. ಹಾಗಾಗಿ ಸರಿಯಾದ ಬೂಟುಗಳ ಆಯ್ಕೆ ನಿಮಗೆ ನೆನಪಿರಲಿ.

ಆಗಾಗ ಕಾಲಿನ ಸೆಳೆತ ಉಂಟಾಗುತ್ತಿದ್ದರೆ ಈ ಟಿಪ್ಸ್ ಅನುಸರಿಸಿ

• ಹಿಂದೆ ಅಭ್ಯಾಸವಿಲ್ಲದೆ ಮೊಟ್ಟ ಮೊದಲ ಬಾರಿಗೆ ವ್ಯಾಯಾಮದಲ್ಲಿ ಪಾಲ್ಗೊಳ್ಳುತ್ತಿರುವ ಜನರಿಗೆ ವ್ಯಾಯಾಮ ಮಾಡುವ ಉತ್ಸಾಹದಿಂದ ಹೆಚ್ಚು ಶ್ರಮವಹಿಸಿ ಕಸರತ್ತು ಮಾಡುವುದರಿಂದ ಮಂಡಿಗಳ ಭಾಗದ ಮೇಲೆ ಹೆಚ್ಚು ಒತ್ತಡ ಬೀಳುತ್ತದೆ ಮತ್ತು ಇದರಿಂದ ಕಾಲುಗಳ ನೋವು ಪ್ರಾರಂಭವಾಗುತ್ತದೆ, ಜೊತೆಗೆ ಕಾಲಿನ ಭಾಗದ ಮಾಂಸಖಂಡಗಳು ಊದಿಕೊಳ್ಳುತ್ತವೆ.
• ಹಾಗಾಗಿ ಆರಂಭಿಕ ದಿನಗಳಲ್ಲಿ ವ್ಯಾಯಾಮ ಮಾಡುವಾಗ ಹೆಚ್ಚು ಗಾಸಿ ಮಾಡಿಕೊಳ್ಳಬೇಡಿ. ಮೊದಲು ಕೆಲವು ದಿನಗಳು ವ್ಯಾಯಾಮಕ್ಕೆ ನೀವು ಹೊಂದಿಕೊಂಡು ನಂತರ ನಿಮ್ಮ ವ್ಯಾಯಾಮದ ಸಮಯ ಮತ್ತು ಕಷ್ಟಕರ ಅಭ್ಯಾಸಗಳನ್ನು ರೂಢಿ ಮಾಡಿಕೊಳ್ಳಬಹುದು.