ಉತ್ತಮ ಕೊಲೆಸ್ಟ್ರಾಲ್ ಹೆಚ್ಚಿಸುವ ಬಾದಾಮಿ

ಕೊಲೆಸ್ಟ್ರಾಲ್ ಸಮಸ್ಯೆ ಆಧುನಿಕ ಜೀವನ ಶೈಲಿ ಕೊಟ್ಟ ಉಡುಗೊರೆ. ಮದ್ಯಪಾನದಂತಹ ಅಭ್ಯಾಸ, ಶಾರೀರಿಕ ಶ್ರಮ ಕಡಿಮೆಯಾಗಿರುವುದು, ಆಹಾರ ವಿಧಾನದಲ್ಲಿ ವ್ಯತ್ಯಾಸ ದ ಜೀರ್ಣ ವ್ಯವಸ್ಥೆಯಲ್ಲಿ ಅಸಮತೋಲನವನ್ನುಂಟು ಮಾಡುತ್ತದೆ. ಇದರ ಪರಿಣಾಮವಾಗಿ ಬರುವ ಸಮಸ್ಯೆಯಲ್ಲಿ ಕೊಲೆಸ್ಟ್ರಾಲ್ ಕೂಡ ಒಂದು.

ಕೊಬ್ಬು ಅಥವಾ ಕೊಲೆಸ್ಟ್ರಾಲ್ ನಮ್ಮ ಶರೀರದಲ್ಲೆಲ್ಲ ಇರುತ್ತದೆ. ನಾವು ಸೇವಿಸುವ ಆಹಾರದಿಂದ ಲಿವರ್‌ನಲ್ಲಿ ಕೊಲೆಸ್ಟ್ರಾಲ್ ತಯಾರಾಗುತ್ತದೆ. ಕೊಲೆಸ್ಟ್ರಾಲ್ ಹೆಚ್ಚಾದರೂ ಕಡಿಮೆಯಾದರೂ ಸಮಸ್ಯೆ ಪ್ರಾರಂಭವಾಗುತ್ತದೆ. ರಕ್ತದಲ್ಲಿರುವ ಕೊಬ್ಬಿನ ಪದಾರ್ಥಗಳೇ ಕೊಲೆಸ್ಟ್ರಾಲ್. ವಿಟಮಿನ್ ಡಿ, ಹಾರ್ಮೋನ್ ತಯಾರಿಸಲು ಕೊಲೆಸ್ಟ್ರಾಲ್ ಬೇಕೇ ಬೇಕು.

ಕೊಲೆಸ್ಟ್ರಾಲ್‌ನಲ್ಲಿ ಎರಡು ವಿಧ 1. HDL (ಒಳ್ಳೆಯ) ಕೊಲೆಸ್ಟ್ರಾಲ್ 2. LDL (ಕೆಟ್ಟ) ಕೊಲೆಸ್ಟ್ರಾಲ್.

ನಮ್ಮ ದೇಹಕ್ಕೆ ಮಾರಕವಾಗಿರುವ ಕೆಟ್ಟ ಕೊಲೆಸ್ಟ್ರಾಲ್‌ನ್ನು ಬರ್ನ್ ಮಾಡಲೇ ಬೇಕು. ಹಾಗೆಯೇ ಉತ್ತಮ ಕೊಲೆಸ್ಟ್ರಾಲ್‌ ದೇಹದ ಆರೋಗ್ಯಕ್ಕೆ ಅಗತ್ಯವಿರುತ್ತದೆ. ಈ ಉತ್ತಮ ಕೊಲೆಸ್ಟ್ರಾಲ್ ಮಟ್ಟ ಹೆಚ್ಚಿಸುವ ಆಹಾರಗಳಲ್ಲೊಂದು ಬಾದಾಮಿ.

ಆರೋಗ್ಯವಂತ ಹೃದಯಕ್ಕಾಗಿ ಬಾದಾಮಿ ಅಗತ್ಯ. ಏಕೆಂದರೆ ಇದು ನಿಮ್ಮ ಉತ್ತಮ ಎಚ್‌ಡಿಎಲ್‌ ಕೊಲೆಸ್ಟ್ರಾಲ್‌ ಮಟ್ಟವನ್ನು ನಿಯಂತ್ರಿಸುತ್ತದೆ ಅಂತೆಯೇ ನಿಮ್ಮ ಕೆಟ್ಟ ಎಲ್‌ಡಿಎಲ್‌ ಮಟ್ಟವನ್ನು ಕಡಿಮೆ ಮಾಡಲು ಸಹಾಯಕವಾಗುತ್ತದೆ. ನಿಮ್ಮ ಉತ್ತಮ ಎಚ್‌ಡಿಎಲ್‌ ಕೊಲೆಸ್ಟ್ರಾಲ್‌ ಹೆಚ್ಚು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸಲು ಸಹ ಸಹಕಾರಿಯಾಗಬಹುದು ಎನ್ನಲಾಗಿದೆ. ಬಾದಾಮಿಯನ್ನು ಒಂದು ತಿನಿಸಿನಂತೆ ಆಯ್ಕೆ ಮಾಡುವುದರಿಂದ ಹೃದಯಾಘಾತದ ವಿರುದ್ಧ ಅತ್ಯಂತ ಸುರಕ್ಷಿತವೆಂದು ಕರೆಯಲ್ಪಡುವ ಉತ್ತಮ ಎಚ್‌ಡಿಎಲ್‌ ಕೊಲೆಸ್ಟ್ರಾಲಿನ ಬಗೆಯನ್ನು ವೃದ್ಧಿಸಲು ಸಹಾಯಕ ಎಂಬುದನ್ನು ಇತ್ತೀಚಿನ ಸಂಶೋಧನೆಯಲ್ಲಿ ಬೆಳಕಿಗೆ ಬಂದಿದೆ.

ಈ ಸಂಶೋಧನೆಯಲ್ಲಿ ಹಲವಾರು ಸಂಗತಿಗಳು ಬಹಿರಂಗಗೊಂಡಿವೆ. ಬಾದಾಮಿಯ ಸೇವನೆ ಮಾಡುವವರಿಗೆ, ಕೆಟ್ಟ ಎಲ್‌ಡಿಎಲ್‌ ಕೊಲೆಸ್ಟ್ರಾಲ್‌ ಮಟ್ಟವು ಇಳಿಮುಖವಾಯಿತು. ಆದರೆ ಉತ್ತಮ ಎಚ್‌ಡಿಎಲ್‌ ಕೊಲೆಸ್ಟ್ರಾಲ್‌ ಮಟ್ಟಗಳು ಬದಲಾಗದೆ ಉಳಿದವು. ಇದು ಹೃದಯ, ಆರೋಗ್ಯವಂತ ಆಹಾರ ಪದ್ಧತಿಯಲ್ಲಿ ಬಾದಾಮಿಯನ್ನು ಜೊತೆಗೂಡಿಸಿದಾಗ ಕಾಣುವ ಸಹಜವಾದ ಬದಲಾವಣೆ ಅದನ್ನು ಇಲ್ಲಿಯೂ ಕಾಣಬಹುದು.