ದಿನಾ ನಾನ್‌ವೆಜ್ ತಿಂದ್ರೆ, ನಿಮ್ಮ ಹೃದಯಕ್ಕೆ ಸಮಸ್ಯೆ! ಇರಲಿ ಎಚ್ಚರ...

• ಸಂಶೋಧಕರು ನಡೆಸಿರುವ ಅಧ್ಯಯನದ ಪ್ರಕಾರ, ಇತ್ತೀಚಿನ ದಿನಗಳಲ್ಲಿ, ಸಸ್ಯಹಾರ ಸೇವನೆ ಮಾಡುವ ಜನಸಂಖ್ಯೆ ತುಂಬಾನೇ ಕಡಿಮೆ ಆಗುತ್ತದೆ. ಮಾಂಸಹಾರಿಗಳ ಸಂಖ್ಯೆಯೇ ಅಧಿಕವಾಗಿದೆ. ಇದಕ್ಕೆಲ್ಲಾ ನಮ್ಮ ಪಾಶ್ಚಿಮಾತ್ಯ ಸಂಸ್ಕೃತಿ ಎಂದರೆ ತಪ್ಪಾಗಲಾರದು!
• ಇಂತಹ ಪಾಶ್ಚಿಮಾತ್ಯ ಸಂಸ್ಕೃತಿ ನಮ್ಮ ದೇಶದ ಮೇಲೆ ಎಷ್ಟರ ಮಟ್ಟಿಗೆ ಪ್ರಭಾವ ಬೀರಿದೆಯೆಂದರೆ, ಆಹಾರ ಪದ್ಧತಿಯಿಂದ ಹಿಡಿದು, ಧರಿಸುವ ಉಡುಪುಗಳವರೆಗೂ ಸಹ ಪರದೇಶದ ಸಂಸ್ಕೃತಿ ಪ್ರಭಾವ ಬೀರಿದೆ.
• ಅದು ಏನೇ ಇರಲಿ, ಆದರೆ ತಜ್ಞರು ಹೇಳುವ ಪ್ರಕಾರ ಹೆಚ್ಚಿನ ಸಂಖ್ಯೆಯಲ್ಲಿ ದೀರ್ಘಕಾಲದ ಕಾಯಿಲೆಗಳಿಂದ ಬಳಲುವವರ ಸಂಖ್ಯೆ ಕೂಡ ಮಾಂಸಹಾರಿಗಳು ಅಂದರೆಪ್ರತಿದಿನ ನಾನ್ ವೆಜ್ ತಿನ್ನುವವರು ಆಗಿರುತ್ತಾರೆ ಎಂದು ತಿಳಿಸಿದೆ. ಅದರಲ್ಲೂ ಪ್ರತಿದಿನ ಸಸ್ಯಹಾರ ಸೇವನೆ ಮಾಡುವವರ ಆರೋಗ್ಯದಲ್ಲಿ ಏರುಪೇರಾಗುವುದು ತುಂಬಾನೇ ಕಡಿಮೆ ಎಂದು ತಮ್ಮ ವರದಿಯಲ್ಲಿ ತಿಳಿಸಿದ್ದಾರೆ ಎನ್ನುಲಾಗಿದೆ.

• ಕ್ಯಾನ್ಸರ್‌ ಎನ್ನುವ ಮೂರಕ್ಷರ ಪದ ಕೇಳಿದರೆ ಸಾಕು, ಕುಳಿತಲ್ಲೇ ಬೆವರಿಬಿಡುತ್ತೇವೆ! ಕ್ಯಾನ್ಸರ್ ಕಾಯಿಲೆ ಕಾಣಿಸಿಕೊಂಡ ಬಳಿಕ ವ್ಯಕ್ತಿ ಬದುಕಿ ಉಳಿಯುತ್ತಾನೆ ಎನ್ನುವ ಯಾವ ಗ್ಯಾರೆಂಟಿ ಕೂಡ ಇಲ್ಲ ಎನ್ನುವ ಆಲೋಚನೆ ಅದಾಗಲೇ ಮನಸ್ಸಿನಲ್ಲಿ ಒಂದು ಬಿಡುತ್ತದೆ..
• ಯಾಕೆಂದರೆ ಇನ್ನು ಕೂಡ ಈ ಭಯಾನಕ ಕಾಯಿಲೆಗೆ ಸರಿಯಾದ ಚಿಕಿತ್ಸೆ ಕಂಡು ಹಿಡಿಯಲು ಸಾಧ್ಯವಾಗಿಲ್ಲ. ಹೀಗಾಗಿ ಇಂತಹ ಕಾಯಿಲೆಗಳು ನಮ್ಮನ್ನು ಆವರಿಸುವ ಮುನ್ನವೇ ಸರಿಯಾದ ಆಹಾರಪದ್ಧತಿ, ಆರೋಗ್ಯಕಾರಿ ಜೀವನಶೈಲಿ ಅಭ್ಯಾಸ ಮಾಡಿಕೊಂಡರೆ ಮಾತ್ರ, ಇಂತಹ ಕಾಯಿಲೆ ಯಿಂದ ನಾವು ದೂರ ಇರಲು ಸಾಧ್ಯವಾಗುತ್ತದೆ.

ಇನ್ನು ಈ ಬಗ್ಗೆ ಆರೋಗ್ಯ ತಜ್ಞರು ಹೇಳಿರುವ ಭಯಾನಕ ಸತ್ಯ ಏನೆಂದರೆ, ಎಷ್ಟೋ ದಿನಗಳವರೆಗೆ ಸಂಸ್ಕರಿಸಲ್ಪಟ್ಟ ಮಾಂಸಗಳು ಕ್ಯಾನ್ಸರ್ ಉಂಟು ಮಾಡುವ ಅಪಾಯ ಹೆಚ್ಚಿರುತ್ತದೆಯಂತೆ! ಇಂತಹ ಮಾಂಸವನ್ನು ಪ್ರತಿದಿನ ಸೇವನೆ ಮಾಡುವುದರಿಂದ ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್,ಪುರುಷರಲ್ಲಿ ಪ್ರಾಸ್ಟೇಟ್ ಕ್ಯಾನ್ಸರ್ ಹಾಗೂ ಕರುಳಿನ ಕ್ಯಾನ್ಸರ್ ಕಂಡು ಬರುವ ಸಾಧ್ಯತೆ ಹೆಚ್ಚಿರುತ್ತದೆಯಂತೆ!

• ದಿನಾ ಮಾಂಸಹಾರ ಸೇವನೆ ಮಾಡುವವರ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶಗಳು ಹಾಗೂ ಕೆಟ್ಟ ಕೊಬ್ಬಿನಾಂಶ ಹೆಚ್ಚಿನ ಪ್ರಮಾಣದಲ್ಲಿ ಶೇಖರಣೆ ಆಗುತ್ತಾ ಹೋಗುತ್ತದೆ. ಇವೆರೆಡೂ ಕೂಡ ಮನುಷ್ಯನ ಆರೋಗ್ಯಕ್ಕೆ ತುಂಬಾನೇ ಡೇಂಜರ್.
• ಯಾಕೆಂದರೆ ರಕ್ತದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶ ಹೆಚ್ಚಾಗುತ್ತಾ ಹೋದಂತೆ ಮನುಷ್ಯನ ಹೃದಯದ ಬಡಿತದಲ್ಲಿ ಏರುಪೇರು ಉಂಟಾಗುತ್ತದೆ. ಇದರಿಂದಾಗಿ ಹೃದಯಕ್ಕೆ ಸಂಬಂಧಪಟ್ಟ ಸಮಸ್ಯೆಗಳು ಕಾಣಿಸಿಕೊಳ್ಳುವ ಜೊತೆಗೆ ಸಕ್ಕರೆಕಾಯಿಲೆ ಆವರಿಸಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.

• ಪ್ರತಿನಿತ್ಯ ಮಾಂಸದಡುಗೆ ಊಟ ಮಾಡುವುದರಿಂದ ಆರೋಗ್ಯದಲ್ಲಿ ಹಲವಾರು ರೀತಿಯ ಸಮಸ್ಯೆ ಗಳು ಕಂಡು ಬರುವ ಸಾಧ್ಯತೆ ಹೆಚ್ಚಿರುತ್ತದೆ. ಅದರಲ್ಲೂ ಗ್ರಿಲ್ ಮಾಡಿದ ಚಿಕನ್ ಅಥವಾ ಕೆಂಪು ಮಾಂಸದಂತಹ ಆಹಾರಪದಾರ್ಥಗಳನ್ನು ದಿನಾ ಸೇವನೆ ಮಾಡುವುದರಿಂದ, ಕ್ಯಾನ್ಸರ್‌ನಂತಹ ಭಯಾನಕ ಕಾಯಿಲೆಗಳಿಂದ ಹಿಡಿದು ದೀರ್ಘಕಾಲದವರೆಗೆ ಕಾಡುವ ಕಾಯಿಲೆಗಳಾದ ಮಧುಮೇಹ ಹಾಗೂ ಹೃದಯಕ್ಕೆ ಸಂಬಂಧಪಟ್ಟ ಕಾಯಿಲೆಗಳು ಬರುವ ಅಪಾಯ ಹೆಚ್ಚಿರುತ್ತದೆ.
• ಇನ್ನೂ ಶಾಕಿಂಗ್ ಸುದ್ದಿ ಏನೆಂದರೆ, ಪ್ರತಿದಿನ ಮಾಂಸಹಾರ ತಿನ್ನುವ ಪುರುಷರಲ್ಲಿ ರಕ್ತ ಸಂಚಾರ ಹರಿವಿನಲ್ಲಿ ವ್ಯತ್ಯಾಸ ಕಂಡು ಬರುತ್ತದೆಯಂತೆ ಅಂದರೆ ಅವರ ಜನನಾಂಗ ಭಾಗಕ್ಕೆ ರಕ್ತ ಸಂಚಾರ ಹರಿವು ಸರಿಯಾಗಿ ನಡೆಯದೇ ಇದರಿಂದಾಗಿ ನಿಮಿರು ದೌರ್ಬಲ್ಯ ಕಂಡುಬರುವ ಸಾಧ್ಯತೆ ಕೂಡ ಹೆಚ್ಚಿರುತ್ತದೆ.
• ಇನ್ನು ನಮಗೆಲ್ಲಾ ಗೊತ್ತೇ ಇರುವ ಹಾಗೆ, ಕೋಳಿ, ಕುರಿ, ಆಡುಗಳನ್ನು ಸಾಕಣೆ ಮಾಡುವ ಸಂದರ್ಭ ದಲ್ಲಿ ಅವುಗಳು ದಷ್ಟ-ಪುಷ್ಟವಾಗಿ ಬೆಳೆಯುವ ಸಲುವಾಗಿ ಆ್ಯಂಟಿಬಯೋಟಿಕ್ಸ್‌ ಗಳನ್ನು ನೀಡಲಾಗುತ್ತದೆ. ಹೀಗಾಗಿ ಇಂತಹ ಪ್ರಾಣಿಗಳ ಮಾಂಸವನ್ನು ನಾವು ದಿನಾ ಸೇವನೆ ಮಾಡುತ್ತಾ ಹೋದರೆ, ಹಲವು ಬಗೆಯ ಆರೋಗ್ಯ ಸಮಸ್ಯೆಗಳು ನಮ್ಮಲ್ಲಿ ಕಂಡು ಬರುವ ಸಾಧ್ಯತೆ ಹೆಚ್ಚಿರುತ್ತದೆ.