ತಂದೂರಿ ಚಿಕನ್‌ ತಿಂದರೆ ತೂಕ ಇಳಿಯುತ್ತೆ.. ಟ್ರೈ ಮಾಡಿ!

ನಾನ್‌ ವೆಜ್‌ ಆಗಿರುವವರಿಗೆ ಚಿಕನ್‌ ಎಂದು ಹೆಸರೆತ್ತಿದರೇ ಸಾಕು, ಬಾಯಲ್ಲೆಲ್ಲಾ ನೀರೂರಿ ಬಿಡುತ್ತದೆ.. ಹೀಗಿರುವಾಗ ತೂಕ ಇಳಿಸಲು ಚಿಕನ್‌ ತ್ಯಾಗ ಮಾಡಬೇಕು ಎಂದರೆ ದುಃಖ ಎಷ್ಟಾಗಬಹುದು ಯೋಚಿಸಿ!

ಆದರೆ ಇದೀಗ ತಿಳಿದು ಬಂದ ಸಿಹಿ ಸುದ್ದಿಯಿಂದ ಚಿಕನ್‌ ಪ್ರಿಯರಿಗೆ ಇನ್ನಷ್ಟು ಸಂತೋಷವಾಗುತ್ತದೆ. ಚಿಕನ್‌ ತಿನ್ನುವುದರಿಂದ ನಿಮ್ಮ ವೇಯ್ಟ್‌ ಲಾಸ್‌ ಡಯಟ್‌ಗೆ ಒಳ್ಳೆಯದು ಎನ್ನಲಾಗಿದೆ. ಅತ್ಯಧಿಕ ಪ್ರೊಟೀನ್‌ ಉಳ್ಳ ಆಹಾರವಾಗಿರುವುದರಿಂದ ಇವುಗಳು ತೂಕ ಇಳಿಸಿಕೊಳ್ಳಲು ಅನುಕೂಲಕರ ಎಂದು ಹೇಳಲಾಗಿದೆ.

ಚಿಕನ್‌ ಬೆಸ್ಟ್‌ ಯಾಕೆ?
ಪ್ರೊಟೀನ್‌ ಹೆಚ್ಚಿರುವ ಹಿನ್ನೆಲೆಯಲ್ಲಿ ಇವುಗಳು ನಿಮ್ಮ ಹೊಟ್ಟೆಯನ್ನು ಹೆಚ್ಚು ಸಮಯದ ವರೆಗೆ ಫುಲ್‌ ಆಗಿ ಇರಿಸುತ್ತದೆ. ಅಷ್ಟೇ ಅಲ್ಲ ನಿಮ್ಮ ದೇಹದಲ್ಲಿನ ಕೊಬ್ಬಿನ ಅಂಶವನ್ನು ಕರಗಿಸಲೂ ಚಿಕನ್‌ ಸಹಕಾರಿ. ಆದರೆ ಒಂದು ಗಮನಿಸಬೇಕಾದ ಸಂಗತಿ ಎಂದರೆ, ಹತ್ತಿರದ ಫಾರಂನಿಂದ ನೀವು ಚಿಕನ್‌ ತಯಾರಿಸುವುದು ಸೂಕ್ತ. ರೆಡಿಮೇಡ್‌ ಅಷ್ಟೊಂದು ಹಿತವಲ್ಲ ಎನ್ನಲಾಗುತ್ತದೆ.

ಯಾವ ರೀತಿ ತಿನ್ನಬೇಕು?
ಚಿಕನ್‌ ಗ್ರಿಲ್‌ ಮಾಡಿ ಸೇವಿಸುವುದು ಹೆಚ್ಚು ಒಳ್ಳೆಯದು ಎನ್ನಲಾಗಿದೆ. ಆದರೆ ಫ್ರೈಡ್‌ ಚಿಕನ್‌ ಹಾಗೂ ರೆಸ್ಟೋರೆಂಟ್‌ಗಳಲ್ಲಿ ಸಿಗುವ ಚಿಕನ್‌ ಡಯಟ್‌ಗೆ ಒಳ್ಳೆಯದಲ್ಲ ಎನ್ನಲಾಗಿದೆ. ಇವುಗಳಲ್ಲಿ ಅತ್ಯಂತ ಹೆಚ್ಚು ಕ್ಯಾಲೋರಿಗಳಿರುವುದರಿಂದ ತೂ ಇಳಿಸುವ ಡಯಟ್‌ ವೇಳೆ ಇವುಗಳಿಂದ ದೂರ ಇರುವುದೇ ಒಳಿತು. ಮನೆಯಲ್ಲೇ ಮಾಡಿದ ತಂದೂರಿ ಚಿಕನ್‌ ಅಥವಾ ರೋಸ್ಟೆಡ್‌ ಚಿಕನ್‌, ಚಿಕನ್‌ ಸೂಪ್‌, ಸಲಾಡ್‌ಗಳು ಬೆಸ್ಟ್‌ ಎನ್ನಲಾಗಿದೆ.

ತಂದೂರಿ ಚಿಕನ್‌ನಲ್ಲಿ ಏನು ವಿಶೇಷ?
ತಂದೂರಿ ಚಿಕನ್‌ಗೆ ಹಾಕಲಾಗುವ ವಿವಿಧ ವಸ್ತುಗಳು, ಪದಾರ್ಥಗಳಿಂದ ಸ್ಪೈಸಿಯಾಗುತ್ತವೆ. ಇದರಲ್ಲಿ ಕಾರ್ಬೋಹೈಡ್ರೇಟ್‌ಗಳಿರದು ಆದರೆ ಅತ್ಯುತ್ತಮ ಪ್ರೊಟೋನ್‌ ಅಂಶಗಳಿರುತ್ತದೆ. ಚಿಕನ್‌ ವಿಂಗ್ಸ್‌ ಹಾಗೂ ಲೆಗ್ಸ್‌ನಲ್ಲಿ 18ಗ್ರಾಂ ಫ್ಯಾಟ್‌ ಹಾಗೂ 20 ಗ್ರಾಂ ಪ್ರೊಟೀನ್‌ಗಳಿರುತ್ತದೆ.
ಸ್ನಾಯುಗಳನ್ನು ಬೆಳೆಸುವ ಆಲೋಚನೆಯುಳ್ಳವರಿಗಂತೂ ಚಿಕನ್‌ ಅತ್ಯುತ್ತಮ ಡಿಶ್‌ ಎನ್ನಲಾಗುತ್ತದೆ.

ತಂದೂರಿ ಚಿಕನ್‌ ಮಾಡುವ ವೇಳೆ ಮಸಾಲೆ, ಮೊಸರು ಇತ್ಯಾದಿ ಅಗತ್ಯ ಪದಾರ್ಥಗಳನ್ನು ಮಿಶ್ರಣ ಮಾಡುವುದೇ ಮುಖ್ಯ. ರೆಸ್ಟೋರೆಂಟ್‌ಗಳಲ್ಲಿ ಸೋಡಿಯಂ ಅಂಶ ಹಾಗೂ ಇನ್ನಿತರ ಮಸಾಲ ವಸ್ತುಗಳನ್ನು ಅತಿಯಾಗಿ ಬಳಸಲಾಗುತ್ತದೆ. ಇವುಗಳು ಆರೋಗ್ಯಕ್ಕೆ ಒಳಿತಲ್ಲ. ಹೀಗಾಗಿ ವಾರದಲ್ಲಿ ಒಂದೆರಡು ಬಾರಿ ರೆಸ್ಟೋರೆಂಟ್‌ಗಳಲ್ಲಿ ಚಿಕನ್‌ ತಿನ್ನಬಹುದು. ಮನೆಯಲ್ಲೇ ತಯಾರಿಸುವ ತಂದೂರಿ ಚಿಕನ್‌ ನಿಮ್ಮ ತೂಕ ಇಳಿಸಲು ಸಹಕಾರಿಯಾಗುತ್ತದೆ.