ಶೇಖರಿಸಿಟ್ಟ ಅಂಡಾಣುನಿಂದ ಗರ್ಭವತಿಯಾದ 44 ವರ್ಷದ ಮಾಜಿ ಮಿಸ್‌ ಇಂಡಿಯಾ

ಮಾಜಿ ಮಿಸ್‌ ಇಂಡಿಯಾ 44 ವರ್ಷದ ಡಯನಾ ಹೇಡನ್ ಎರಡನೇ ಬಾರಿ ಗರ್ಭಾವತಿಯಾಗಿದ್ದು ಅವಳಿ ಮಕ್ಕಳಿಗೆ ಜನ್ಮ ನೀಡಲಿದ್ದಾರೆ. ಮೂರು ವರ್ಷದ ಹಿಂದೆ ಶೇಖರಿಸಿಟ್ಟ ಅಂಡಾಣು ಬಳಸಿ ಗರ್ಭವತಿಯಾಗಿದ್ದಾರೆ.

2016ರ ಜನವರಿಯಲ್ಲಿ ಡಯಾನ ಮೊದಲಿನ ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಮಗುವಿಗಾಗಿ 8 ವರ್ಷಗಳ ಹಿಂದೆ ಶೇಖರಿಸಿಟ್ಟ ಅಂಡಾಣು ಬಳಸಿ ಗರ್ಭವತಿಯಾಗಿದ್ದರು.

ವಯಸ್ಸು ಹೆಚ್ಚಾಗುತ್ತಿದ್ದಂತೆ ಮಹಿಳೆಯರಲ್ಲಿ ಅಂಡಾಣು ಉತ್ಪತ್ತಿ ಕಡಿಮೆಯಾಗಲಾರಂಭಿಸುತ್ತದೆ. ಆಗ ಗರ್ಭಧಾರಣೆ ಕಷ್ಟ. ಯೌವನದಲ್ಲಿಯೇ ಅಂಡಾಣುಗಳನ್ನು ಸಂಗ್ರಹಿಸಿಟ್ಟರೆ ವಯಸ್ಸು ಮೂವತ್ತು ದಾಟಿದರೂ ಗರ್ಭಧಾರಣೆಯಾಗಬಹುದು.

'ಬಂಜೆತನ ನಿವಾರಿಸುವಲ್ಲಿ ತಂತ್ರಜ್ಞಾನ ತುಂಬಾ ಮುಂದುವರೆದಿದೆ ಎನ್ನುವುದುಕ್ಕೆ ಡಯಾನಾ ಗರ್ಭ ಧರಿಸಿರುವುದೇ ಸಾಕ್ಷಿ'ಬಂಜೆತನ ನಿವಾರಣಾ ತಜ್ಞರು ಡಾ. ನಂದಿತಾ ಫಾಲ್‌ಶೇತ್ಕರ್‌. ಇವರು ಡಯಾನಾ ಅವರಿಗೆ ಚಿಕಿತ್ಸೆ ನೀಡುತ್ತಿರುವ ತಜ್ಞರು.

ಶನಿವಾರ ಫ್ಯಾಷನ್‌ ಶೋವೊಂದರಲ್ಲಿ ರ‍್ಯಾಂಪ್‌ ವಾಕ್‌ನಲ್ಲಿ ಭಾವಹಿಸಿದ್ದ ಡಯಾನಾ ಟೈಮ್ಸ್‌ ಆಫ್‌ ಇಂಡಿಯಾ ಜತೆ ಮಾತನಾಡುತ್ತಾ' ಮಕ್ಕಳು ಆಗಲು ತೊಂದರೆ ಇರುವವರೆಗೆ ಬಂಜೆ ನಿವಾರಣಾ ತಜ್ಞರು ದೇವರು ಇದ್ದಂತೆ. ನಾನೀಗ ಅವಳಿ ಮಕ್ಕಳ ತಾಯಿಯಾಗಲಿದ್ದೇನೆ ಎಂದು ಕೇಳಿ ತುಂಬಾ ಸಂತೋಷವಾಗಿದೆ. ಅವರ ಬರುವಿಕೆಯನ್ನು ಎದುರು ನೋಡುತ್ತಿದ್ದೇನೆ' ಎಂದರು.

ಹೇಡನ್‌ ಅಮೆರಿಕನ್‌ ಕೊಲಿನ್‌ ಡಿಕ್‌ ಅವರನ್ನು ಪ್ರೀತಿಸಿ ಮದುವೆಯಾದರು. ಡಯಾನಾ ಗರ್ಭವತಿಯಾಗ ಬಯಸಿದಾಗ endometriosis ಸಮಸ್ಯೆ ಇರುವುದರಿಂದ ಮಕ್ಕಳಾಗುವುದು ಕಷ್ಟಕರವೆಂದು ಗೊತ್ತಾಯಿತು.

ಆದರೆ ಡಯನಾಳ ತಾಯಿಯಾಗುವ ಕನಸು ನನಸಾಗಿದ್ದು ಅಂಡಾಣು ಶೇಖರಣೆ ತಂತ್ರಜ್ಞಾನದಿಂದ.