ಇದರಿಂದ ಅವರ ದೇಹ ಹಾಗೂ ಮಾನಸಿಕವಾಗಿಯೂ ಬದಲಾವಣೆಗಳು ಕಂಡುಬರುವುದು. ಇಂತಹ ಕೆಲವು ಸಮಸ್ಯೆಗಳಲ್ಲಿ ಪಾಲಿಸಿಸ್ಟಿಕ್ ಒವೆರಿ ಸಿಂಡ್ರೋಮ್(ಪಿಸಿಒಎಸ್) ಕೂಡ ಒಂದಾಗಿದೆ.
ಆಂಡ್ರೋಜೆನ್ ಎನ್ನುವ ಹರ್ಮೋನ್ ಗಳು ಅತಿಯಾಗಿ ಉತ್ಪತ್ತಿ ಆದ ವೇಳೆ ಅದರಿಂದ ಅಂಡಾಶಯದಲ್ಲಿ ಉರಿಯೂತದ ಚೀಲಗಳು ನಿರ್ಮಾಣವಾಗುತ್ತದೆ. ಇದರ ಕೆಲವೊಂದು ಲಕ್ಷಣಗಳನ್ನು ತಡೆಯಲು ಆರೋಗ್ಯಕಾರಿ ಆಹಾರ ಕ್ರಮ, ಆರೋಗ್ಯಕಾರಿ ತೂಕ ಇತ್ಯಾದಿಗಳನ್ನು ಪಾಲಿಸಿಕೊಂಡು ಹೋದರೆ ತುಂಬಾ ಒಳ್ಳೆಯದು.
ಪಿಸಿಒಎಸ್ ಸಮಸ್ಯೆ ಇರುವವರು ಯಾವ ಆಹಾರಗಳನ್ನು ಸೇವನೆ ಮಾಡಿದರೆ ತುಂಬಾ ಒಳ್ಳೆಯದು ಮತ್ತು ಯಾವುದನ್ನು ಕಡೆಗಣಿಸಬೇಕು ಎಂದು ನಾವು ನಿಮಗೆ ಈ ಲೇಖನದಲ್ಲಿ ತಿಳಿಸಿಕೊಡುತ್ತೇವೆ.
ಕಾರ್ಬ್ಸ್ ಸೇವನೆ ತಗ್ಗಿಸಿ
ಕಾರ್ಬ್ಸ್ ಇನ್ಸುಲಿನ್ ಮಟ್ಟದ ಮೇಲೆ ಪರಿಣಾಮ ಬೀರುವ ಪರಿಣಾಮವಾಗಿ ಪಿಸಿಒಎಸ್ ಲಕ್ಷಣಗಳನ್ನು ನಿರ್ವಹಣೆ ಮಾಡಲು ನೀವು ನಿತ್ಯವೂ ಕಾರ್ಬ್ಸ್ ಸೇವನೆ ಕಡಿಮೆ ಮಾಡಬೇಕು. ರಕ್ತದಲ್ಲಿನ ಸಕ್ಕರೆ ಮಟ್ಟ ಕಾಪಾಡುವಲ್ಲಿ ಇನ್ಸುಲಿನ್ ಪ್ರಮುಖ ಪಾತ್ರ ವಹಿಸುವುದು ಮತ್ತು ಇದು ದೇಹದಲ್ಲಿ ಶಕ್ತಿ ಕಾಪಾಡಲು ಅತ್ಯಗತ್ಯ.
ಇನ್ಸುಲಿನ್ ಪ್ರಮಾಣವು ಹೆಚ್ಚಾಗಿದ್ದರೆ, ಅದರಿಂದ ದೇಹದಲ್ಲಿ ಕೊಬ್ಬು ಅಧಿಕವಾಗಿ, ತೂಕ ಹೆಚ್ಚಳವಾಗುತ್ತದೆ. ಮಹಿಳೆಯರಲ್ಲಿ ಇದರಿಂದ ಪಿಸಿಒಎಸ್ ಸಮಸ್ಯೆಯು ಉಂಟಾಗುವುದು. ಪಿಸಿಒಎಸ್ ಸಮಸ್ಯೆ ಇರುವ ಮಹಿಳೆಯರು ಇದರಿಂದ ಪರಿಹಾರ ಪಡೆಯಲು ದೇಹದಲ್ಲಿನ ಕೊಬ್ಬನ್ನು ಕಡಿಮೆ ಮಾಡಬೇಕು.
ಹೆಚ್ಚಿನ ಪ್ರಮಾಣದ ಪ್ರೋಟೀನ್ ಸೇವಿಸಿ
ಆಹಾರದಲ್ಲಿ ಪ್ರೋಟೀನ್ ಪ್ರಮಾಣವನ್ನು ಹೆಚ್ಚು ಸೇವನೆ ಮಾಡಿದರೆ, ಅದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಸ್ಥಿರವಾಗಿ ಇಡುವುದು ಮತ್ತು ಊಟವಾದ ಬಳಿಕ ಹೊಟ್ಟೆಯು ತುಂಬಿರುವಂತೆ ಮಾಡುವುದು.
ಪಿಸಿಒಎಸ್ ಸಮಸ್ಯೆ ಇರುವ ಮಹಿಳೆಯರು ತೂಕ ಹೆಚ್ಚಿಸಲೇಬಾರದು. ಹೀಗಾಗಿ ತೂಕ ಇಳಿಸಲು ಬಯಕೆ ಕಡಿಮ ಮಾಡಲು ಪ್ರೋಟೀನ್ ಸೇವನೆ ಹೆಚ್ಚು ಮಾಡಿ. ಇದರಿಂದ ಕ್ಯಾಲರಿ ದಹಿಸುವುದು ಮತ್ತು ಹಸಿವಿನ ಹಾರ್ಮೋನ್ ನ್ನು ನಿರ್ವಹಿಸಬಹುದು.
ದೇಹ ತೂಕ ಇಳಿಸಲು ಐದು ಪ್ರೋಟೀನ್‌ಯುಕ್ತ ಉಪಾಹಾರಗಳು
ಆರೋಗ್ಯಕಾರಿ ಕೊಬ್ಬು ಸೇವನೆ ಹೆಚ್ಚಿಸಿ
ಆರೋಗ್ಯಕಾರಿ ಕೊಬ್ಬನ್ನು ನಿತ್ಯದ ಆಹಾರ ಕ್ರಮದಲ್ಲಿ ಸೇರಿಸಿಕೊಂಡರೆ, ಅದು ಹೊಟ್ಟೆ ತುಂಬಿದಂತೆ ಮಾಡುವುದು ಮತ್ತು ಊಟದ ಬಳಿಕವೂ ಹೊಟ್ಟೆ ತುಂಬಿದಂತೆ ಇಡುತ್ತದೆ. ಇದರಿಂದ ತೂಕ ನಿರ್ವಹಿಸಬಹುದು ಮತ್ತು ಪಿಸಿಒಎಸ್ ಲಕ್ಷಣಗಳನ್ನು ಕಡಿಮೆ ಮಾಡಬಹುದು.
ಕೊಬ್ಬಿನಲ್ಲಿ ಅಧಿಕ ಮಟ್ಟದ ಕ್ಯಾಳರಿ ಇದೆ ಮತ್ತು ಇದನ್ನು ನಿಮ್ಮ ದೈನಂದಿನ ಆಹಾರ ಕ್ರಮದಲ್ಲಿ ಸೇರಿಸಿದರೆ, ಆಗ ಬಯಕೆ ತಗ್ಗಿಸಲು ನೆರವಾಗುವುದು. ತೆಂಗಿನ ಬೆಣ್ಣೆ, ತೆಂಗಿನ ಎಣ್ಣೆ, ಅವಕಾಡೊ ಮತ್ತು ಬಾದಾಮಿ ಬೆಣ್ಣೆಯು ಆರೋಗ್ಯಕಾರಿ ಕೊಬ್ಬು ಹೊಂದಿರುವ ಆಹಾರಗಳು. ಪ್ರೋಟೀನ್ ಮೂಲಕವು ನೀವು ಆರೋಗ್ಯಕಾರಿ ಕೊಬ್ಬು ಸೇವಿಸಬಹುದು ಮತ್ತು ಹಸಿವಾದ ವೇಳೆ ನೀವು ಇದನ್ನು ಸೇವಿಸಿ.
ಸಂಸ್ಕರಿತ ಆಹಾರ ಮತ್ತು ಸಕ್ಕರೆ ಕಡಿಮೆ ಮಾಡಿ
ಆಹಾರದಲ್ಲಿ ಸಕ್ಕರೆ ಪ್ರಮಾಣವು ಅತಿಯಾಗಿದ್ದರೆ ಅದು ಸಾಮಾನ್ಯರಿಗೂ ಒಳ್ಳೆಯದಲ್ಲ. ಅದರಲ್ಲೂ ಪಿಸಿಒಎಸ್ ಸಮಸ್ಯೆ ಇರುವ ಮಹಿಳೆಯರು ತಮ್ಮ ಆಹಾರ ಕ್ರಮದಲ್ಲಿ ಸಕ್ಕರೆ ಮತ್ತು ಸಂಸ್ಕರಿತ ಆಹಾರವನ್ನು ಕಡಿಮೆ ಮಾಡಬೇಕು.
ಸಂಸ್ಕರಿತ ಆಹಾರ ಮತ್ತು ಸಕ್ಕರೆಯು ದೇಹದಲ್ಲಿ ರಕ್ತದ ಸಕ್ಕರೆ ಮಟ್ಟವನ್ನು ಹೆಚ್ಚಿಸುವುದು ಮತ್ತು ಇನ್ಸುಲಿನ್ ಪ್ರತಿರೋಧಕದ ಅಪಾಯವು ಹೆಚ್ಚಾಗುತ್ತದೆ. ಹೀಗಾಗಿ ಬೊಜ್ಜು ಕಾಡುವುದು. ಅಧಿಕ ಸಕ್ಕರೆ ಮತ್ತು ರಿಫೈನ್ಡ್ ಕಾರ್ಬ್ಸ್ ಇರುವ ಕ್ಯಾಂಡಿ, ಫಾಸ್ಟ್ ಫುಡ್, ಮಫಿನ್, ಸಿಹಿ ತಿಂಡಿ ಇತ್ಯಾದಿಗಳನ್ನು ಕಡೆಗಣಿಸಿ.
ಹುದುಗು ಬಂದಿರುವ ಆಹಾರ ಸೇವಿಸಿ
- ದೇಹದ ತೂಕ ನಿರ್ವಹಿಸಲು ಹಾಗೂ ಚಯಾಪಚಯದಲ್ಲಿ ಹೊಟ್ಟೆಯ ಆರೋಗ್ಯಕಾರಿ ಬ್ಯಾಕ್ಟೀರಿಯಾ ಪ್ರಮುಖ ಪಾತ್ರ ನಿರ್ವಹಿಸುವುದು. ಸಾಮಾನ್ಯ ಮಹಿಳೆಯರಿಗೆ ಹೋಲಿಕೆ ಮಾಡಿದರೆ, ಪಿಸಿಒಎಸ್ ಸಮಸ್ಯೆ ಇರುವ ಮಹಿಳೆಯರಲ್ಲಿ ಹೊಟ್ಟೆಯ ಬ್ಯಾಕ್ಟೀರಿಯಾವು ಕಡಿಮೆ ಇರುವುದು.
- ಹೊಟ್ಟೆಯ ಬ್ಯಾಕ್ಟೀರಿಯಾವನ್ನು ಹೆಚ್ಚಿಸಲು ಹುದುಗು ಬಂದಿರುವಂತಹ ಆಹಾರವನ್ನು ಆಹಾರ ಕ್ರಮದಲ್ಲಿ ಸೇರಿಸಿಕೊಳ್ಳಬೇಕು. ಪ್ರೋಬಯೋಟಿಕ್ ಅಧಿಕವಾಗಿ ಇರುವಂತಹ ಆಹಾರವಾಗಿರುವ ಮನೆಯಲ್ಲೇ ತಯಾರಿಸಿದ ಮೊಸರು ಅಥವಾ ಕಡಿಮೆ ಕೊಬ್ಬು ಇರುವ ಮೊಸರು ಹೊಟ್ಟೆಯಲ್ಲಿ ಒಳ್ಳೆಯ ಬ್ಯಾಕ್ಟೀರಿಯಾದ ಸಂಖ್ಯೆ ಹೆಚ್ಚಿಸುವುದು.
- ಪಿಸಿಒಎಸ್ ಸಮಸ್ಯೆ ಇರುವ ಮಹಿಳೆಯರಿಗೆ ತೂಕ ಇಳಿಸುವುದು ತುಂಬಾ ಕಠಿಣ ಕೆಲಸವಾಗಿರುವುದು. ಸಮತೋಲಿತ ಆಹಾರ ಕ್ರಮ ಮತ್ತು ಮನಸ್ಸಿಗೆ ನೆಮ್ಮದಿ ನೀಡುವ ಆಹಾರ ತಿನ್ನುವ ಜತೆಗೆ ನಿತ್ಯವೂ ವ್ಯಾಯಾಮ ಮಾಡಬೇಕು.
- ಪಿಸಿಒಎಸ್ ಲಕ್ಷಣಗಳನ್ನು ಕಡಿಮೆ ಮಾಡಲು ತೂಕ ಇಳಿಸುವುದು ಅತೀ ಅಗತ್ಯವಾಗಿರುವುದು. ರಿಫೈನ್ಡ್ ಮಾಡದೆ ಇರುವ, ಕಾರ್ಬ್ಸ್ ಕಡಿಮೆ ಇರುವ ಆಹಾರ ಕಡಿಮೆ ಮಾಡಿ. ಪ್ರೋಟೀನ್, ಆರೋಗ್ಯಕಾರಿ ಕೊಬ್ಬು ಮತ್ತು ನಾರಿನಾಂಶವು ಇರುವ ಆಹಾರಗಳ ಕಡೆ ಹೆಚ್ಚಿನ ಗಮನಹರಿಸಿ.