ತೂಕ ಇಳಿಸಬೇಕೇ? ಹಾಗಾದ್ರೆ ಈ ತರಕಾರಿ ಸಲಾಡ್ ಚೆನ್ನಾಗಿ ತಿನ್ನಿ!!

• ನೀವು ತಯಾರು ಮಾಡುವ ಸಲಾಡ್ ಆರೋಗ್ಯಕರವಾಗಿ ಕೂಡಿರಬೇಕು. ಹಾಗಿದ್ದ ಮೇಲೆ ಕೊಬ್ಬು ರಹಿತ ಎಣ್ಣೆಯ ಅಂಶವನ್ನು ನೀವು ಅದಕ್ಕೆ ಸೇರಿಸಬೇಕು. ಹೌದು ಅಧ್ಯಯನ ಕೂಡ ಇದನ್ನೇ ಹೇಳಿದೆ.
• ಕೆನೊಲಾ ಅಥವಾ ಆಲಿವ್ ಆಯಿಲ್ ಬೆಸ್ಟ್ ಎಂದು ಹೇಳಬಹುದು. ಇಂತಹ ಸಲಾಡ್ ಸೇವನೆ ಮಾಡುವುದರಿಂದ ರಕ್ತದಲ್ಲಿ ವಿಟಮಿನ್ ಎ ಅಂಶ ಹೆಚ್ಚಾಗುತ್ತದೆ. ಜೊತೆಗೆ ಸೊಂಟದ ಭಾಗದ ಕೊಬ್ಬು ಕರಗಿ ದೇಹಕ್ಕೆ ಒಳ್ಳೆಯ ಆಕಾರ ಸಿಗುತ್ತದೆ.
• ಸಲಾಡ್ ತಯಾರು ಮಾಡುವಾಗ ಆಪಲ್ ಸೈಡರ್ ವಿನಿಗರ್ ಸ್ವಲ್ಪ ಬಳಸಿದರೆ ಉತ್ತಮ. ಏಕೆಂದರೆ ದೇಹದ ಬೊಜ್ಜು ಕರಗಿಸುವಲ್ಲಿ ಇದು ಹೆಚ್ಚು ಸಹಾಯಕ ಎಂದು ನಂಬಬಹುದು.

• ನೀವು ನಿಮಗೆ ಇಷ್ಟವಾದ ಸಲಾಡ್ ತಯಾರು ಮಾಡುವಾಗ ಇಂತಹದೇ ತರಕಾರಿಗಳು ಬೇಕು ಎನ್ನುವ ನಿಯಮವನ್ನು ಇಟ್ಟುಕೊಳ್ಳಬಾರದು.
• ದಿನನಿತ್ಯ ಸೇವನೆ ಮಾಡುವ ತರಕಾರಿಗಳ ಜೊತೆಗೆ ಹಸಿರು ಎಲೆ-ತರಕಾರಿಗಳನ್ನು ಸಹ ಬಳಕೆ ಮಾಡಿಕೊಂಡು ಸಲಾಡ್ ತಯಾರು ಮಾಡಿದರೆ ಉತ್ತಮ. ಕೆಲವರು ಸೌತೆಕಾಯಿಯನ್ನು ಸಹ ಬಳಸುತ್ತಾರೆ.
• ಇದರ ಮುಖ್ಯ ಉದ್ದೇಶ ಇಷ್ಟೇ. ದೇಹಕ್ಕೆ ಅಗತ್ಯವಾಗಿ ಬೇಕಾಗಿರುವ ಎಲ್ಲಾ ಬಗೆಯ ಖನಿಜಾಂಶಗಳು ಮತ್ತು ವಿಟಮಿನ್ ಅಂಶಗಳು ನಿಮಗೆ ಇದರಿಂದ ಸಿಗಲಿವೆ. ಮಿಶ್ರ ತರಕಾರಿಗಳ ಸಲಾಡ್ ಸೇವನೆ ಮಾಡಿದರೆ ನಿಮ್ಮ ದೇಹ ಶಕ್ತಿ ಮತ್ತು ಸದೃಢತೆಯಿಂದ ಕೂಡಿರುತ್ತದೆ.
• ತುಳಸಿ ಅಂತಹ ಗಿಡಮೂಲಿಕೆಯನ್ನು ಬಳಕೆ ಮಾಡುವುದರಿಂದ ಹೇರಳ ಪ್ರಮಾಣದ ಆಂಟಿಆಕ್ಸಿಡೆಂಟ್ ಅಂಶಗಳು ನಿಮಗೆ ಸಿಗಲಿವೆ. ಇದರಿಂದ ನಿಮಗೆ ರೋಗರುಜಿನಗಳ ವಿರುದ್ಧ ಹೋರಾಡುವಂತಹ ಶಕ್ತಿ ಸಿಗುತ್ತದೆ ಎಂದು ಹೇಳಬಹುದು.

• ಸಾಧಾರಣವಾಗಿ ಎಲ್ಲರೂ ಹೇಳುವುದು ನೋಡಿದರೆ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಬೇಕು ಎನ್ನುವವರು ಚೀಸ್ ಸೇವನೆ ಮಾಡುವುದನ್ನು ತಡೆ ಹಿಡಿಯುತ್ತಾರೆ.
• ಏಕೆಂದರೆ ಅಂತಹವರಿಗೆ ಆರೋಗ್ಯಕ್ಕೆ ಇದು ಅಷ್ಟು ಒಳ್ಳೆಯದಲ್ಲ ಎನ್ನುವ ನಂಬಿಕೆ ಎಲ್ಲರಲ್ಲೂ ಇದೆ. ಆದರೆ ಆರೋಗ್ಯ ತಜ್ಞರ ಪ್ರಕಾರ ಇದು ಸುಳ್ಳು. ಏಕೆಂದರೆ ಚೀಸ್ ನಲ್ಲಿ ಅತಿ ಹೆಚ್ಚು ಪ್ರಮಾಣದ ಕ್ಯಾಲ್ಸಿಯಂ ಅಂಶ ಇರುತ್ತದೆ.
• ನಮ್ಮ ದೇಹಕ್ಕೆ ಹೆಚ್ಚು ಕ್ಯಾಲ್ಸಿಯಂ ಅಂಶ ಸೇರಿದಷ್ಟು ಕೊಬ್ಬಿನ ಅಂಶ ಬಿಡುಗಡೆ ಆಗಲು ಇದು ಸಹಾಯ ಮಾಡುತ್ತದೆ. ನಿಮ್ಮ ಸಲಾಡ್ ಮೇಲೆ ಚೀಸ್ ಅನ್ನು ಸ್ವಲ್ಪ ಪ್ರಮಾಣದಲ್ಲಿ ಹಾಕಿಕೊಂಡು ಸೇವನೆ ಮಾಡುವುದರಿಂದ ಆರೋಗ್ಯಕರವಾದ ದೇಹದ ತೂಕದ ಜೊತೆಗೆ ಕೊಬ್ಬಿನ ಅಂಶವನ್ನು ಕರಗಿಸಿ ನಿಮ್ಮನ್ನು ದೀರ್ಘಕಾಲ ಹೊಟ್ಟೆ ಹಸಿವು ಉಂಟಾಗದಂತೆ ನೋಡಿಕೊಳ್ಳುತ್ತದೆ. ಹಾಗಾಗಿ ಇದನ್ನು ನೀವು ಕೂಡ ಒಮ್ಮೆ ಟ್ರೈ ಮಾಡಿ.

ಕ್ರೀಮ್ ಚೀಸ್ ಎಂದರೇನು? ಇದನ್ನು ಉಪಯೋಗಿಸುವುದು ಹೇಗೆ ?

• ಒಂದು ವೇಳೆ ನೀವು ಮಾಂಸಹಾರಿ ಆಗಿದ್ದಲ್ಲಿ, ನೀವು ಸೇವನೆ ಮಾಡುವ ಚಿಕನ್, ಸಮುದ್ರಾಹಾರಗಳು ಇತ್ಯಾದಿಗಳ ಜೊತೆಗೆ ಪ್ರೊಟೀನ್ ಅಂಶ ಹೆಚ್ಚಾಗಿರುವ ಗೋಡಂಬಿ ಬಾದಾಮಿ ಮತ್ತು ವಾಲ್ನಟ್ ಬೀಜಗಳನ್ನು ಸ್ವಲ್ಪ ಪ್ರಮಾಣದಲ್ಲಿ ಸೇರಿಸಿ ಸೇವನೆ ಮಾಡಿ.
• ಇದರಿಂದ ಆರೋಗ್ಯಕರ ಕೊಬ್ಬಿನ ಆಮ್ಲಗಳು ಬಿಡುಗಡೆಯಾಗಿ ನಿಮಗೆ ಹೊಟ್ಟೆ ಹಸಿವು ಆಗದಂತೆ ನೋಡಿಕೊಳ್ಳುತ್ತವೆ. ನಿಮ್ಮ ಸಲಾಡ್ ಗೆ ಪ್ರೋಟೀನ್ ಅಂಶ ಹೆಚ್ಚಾದಷ್ಟು ನಿಮ್ಮ ಮಾಂಸಖಂಡಗಳು ಬಲಿಷ್ಠವಾಗುತ್ತವೆ. ಆದರೆ ಪ್ರೋಟೀನ್ ಅಂಶದ ಸೇವನೆಯಲ್ಲಿ ನೀವು ಸ್ವಲ್ಪ ಮಿತಿಯನ್ನು ಕಾಯ್ದುಕೊಳ್ಳುವುದು ಒಳ್ಳೆಯದು.

ದೇಹ ತೂಕ ಇಳಿಸಲು ಐದು ಪ್ರೋಟೀನ್‌ಯುಕ್ತ ಉಪಾಹಾರಗಳು

• ಕೃಟಾನ್ ಸೇವನೆ ಮಾಡಬೇಕು ಎನ್ನುವವರು ಸ್ವಲ್ಪ ಆಲೋಚನೆ ಮಾಡಬೇಕು. ಏಕೆಂದರೆ ಇವುಗಳನ್ನು ಓವನ್ನಲ್ಲಿ ಬೇಯಿಸಿ ಅಥವಾ ಎಣ್ಣೆಯಲ್ಲಿ ಕರಿದು ಸೇವನೆ ಮಾಡಬೇಕಾಗಿ ಬರುತ್ತದೆ. ಇದು ಆರೋಗ್ಯಕ್ಕೆ ತುಂಬಾ ಹಾನಿಕರ.
• ಒಂದು ವೇಳೆ ನೀವು ನಿಮ್ಮ ದೇಹದ ತೂಕವನ್ನು ಬಹಳ ಬೇಗನೆ ಕಡಿಮೆ ಮಾಡಿಕೊಳ್ಳಬೇಕು ಎಂದುಕೊಂಡಿದ್ದರೆ ಅಪ್ಪಿ ತಪ್ಪಿಯೂ ಇವುಗಳನ್ನು ಸೇವನೆ ಮಾಡಬೇಡಿ. ಬೇಕೆಂದರೆ ಸ್ವಲ್ಪ ಮಸಾಲೆಭರಿತ ವಾಲ್ನಟ್ ಗಳನ್ನು ಸೇರಿಸಿ ಸೇವಿಸಿ.