ಹೃದಯದ ಆರೋಗ್ಯಕ್ಕ ಸೇವಿಸಿ ಈ ಆಹಾರ

ಹೃದಯ ಆರೋಗ್ಯಪೂರ್ಣವಾಗಿರಲು, ಹೃದಯ ಸಂಬಂಧಿ ತೊಂದರೆಗಳನ್ನು ತಡೆಗಟ್ಟಲು ಸಮತೋಲನ ಆಹಾರ ಮತ್ತು ಜೀವನ ಶೈಲಿಯಲ್ಲಿನ ಬದಲಾವಣೆಗಳು ಬಹಳ ಪ್ರಮುಖ ಅಸ್ತ್ರಗಳು. ಜೀವನ ಪರ್ಯಂತ ಯಾವ ವ್ಯಕ್ತಿ ಇದನ್ನು ಸರಿಯಾಗಿ ಪಾಲಿಸುತ್ತಾನೋ ಅವನಿಗೆ ಹೃದಯದ ತೊಂದರೆಗಳು ಬಹಳ ಕಡಿಮೆ.

ಹೃದಯದ ಆರೋಗ್ಯಕ್ಕೆ ನಿತ್ಯ ನೀವು ಸೇವಿಸುವ ಆಹಾರದ ಪ್ರಭಾವ ಹೆಚ್ಚು. ಬಾದಾಮಿ ಹೃದಯ ರಕ್ಷಕ ಆಹಾರ. ಆದರೆ ಕೇವಲ ಬಾದಾಮಿ ಮಾತ್ರವಲ್ಲ. ಇನ್ನೂ ಹಲವು ಆಹಾರಕ್ಕೆ ಆರೋಗ್ಯವನ್ನು ಕಾಪಾಡುವ ಶಕ್ತಿ ಇದೆ. ಕೆಲವು ಹೃದಯ ರೋಗ ಬಾರದಂತೆ ತಡೆದರೆ ಇನ್ನೂ ಹಲವು ಅಪಾಯದ ಹಂತ ತಲುಪುವುದನ್ನು ತಡೆಯುತ್ತವೆ. ಬಟರ್‌ಫ್ರೂಟ್‌ ತಿನ್ನುವ ಅಭ್ಯಾಸ ರೂಢಿಸಿಕೊಳ್ಳಿ. ಇದು ರಕ್ತ ಹೆಪ್ಪುಗಟ್ಟುವಿಕೆಯನ್ನು ತಡೆಯುತ್ತದೆ.

ಬ್ಲ್ಯಾಕ್‌ ಚಾಕ್ಲೇಟ್‌ ಸೇವಿವುದರಿಂದ ನಿಮ್ಮ ಮನಸ್ಸು ರಿಲ್ಯಾಕ್ಸ್‌ ಆದ ಭಾವ ಉಂಟಾಗುತ್ತದೆಯಲ್ಲ, ಅದೇ ರೀತಿ, ಕೆಟ್ಟ ಕೊಲಸ್ಟ್ರಾಲ್‌ ಮಟ್ಟವನ್ನು ಇದು ತಗ್ಗಿಸುತ್ತದೆ. ಬೆಳ್ಳುಳ್ಳಿಯನ್ನು ಆಹಾರದಲ್ಲಿ ಬೆಳಸುವುದರಿಂದ ಇದು ಹೆಚ್ಚಿನ ರಕ್ತದೊತ್ತಡ ಹಾಗೂ ಕೊಲಸ್ಟ್ರಾಲ್‌ ಮಟ್ಟವನ್ನು ತಗ್ಗಿಸುತ್ತದೆ. ಹೃದಯ ಕೋಶಗಳಿಗೆ ಹಾನಿ ಉಂಟಾಗದಂತೆ ಕಾಪಾಡುವ ಶಕ್ತಿ ಕಿತ್ತಳೆಗೆ ಇದೆ.

ಬ್ಲೂಬೇರಿ ಹಣ್ಣಿಗೆ ಹೃದಯದ ಆರೋಗ್ಯವನ್ನು ಕಾಪಾಡುವ ಶಕ್ತಿ ಇದೆ. ಸ್ಟ್ರಾಬೆರಿ ಸೇವಿಸುವುದರಿಂದ ಹಾರ್ಟ್‌ ಆ್ಯಟೆಕ್‌ ರಿಸ್ಕ್‌ ಕಮ್ಮಿ ಆಗುತ್ತದೆ. ಟೊಮೇಟೊ ಹೃದಯ ಸಮಸ್ಯೆ ಉಂಟಾಗದಂತೆ ತಡೆಯುತ್ತದೆ. ಆಗಾಗ ಗ್ರೀನ್‌ ಟೀ ಕುಡಿಯುವುದರಿಂದ ಹೃದಯ ಕಾಯಿಲೆ ಬರದಂತೆ ತಡೆಯುತ್ತದೆ.

ಜೀವಸತ್ವ ಇರುವ ತರಕಾರಿಗಳು ಹಾಗೂ ಹಣ್ಣುಗಳ ಸೇವನೆ, ಹೊಟ್ಟಿರುವ ವಿವಿಧ ಧಾನ್ಯಗಳು, ಮೊಳಕೆ ಕಾಳುಗಳು, ಓಟ್ಸ್, ಬಾರ್ಲಿ, ಕುಸಬಲಕ್ಕಿ, ಗೋಧಿ, ರಾಗಿ ಇತ್ಯಾದಿ ಸೇವನೆ ಅವಶ್ಯ.