ಗರ್ಭಪಾತಕ್ಕೆ ಕಾರಣವಾಗಬಲ್ಲ ಆಹಾರಗಳು

ಸಣ್ಣದಾಗಿ ಶುರುವಾಗುವ ಸೊಂಟ ನೋವು, ಕಿಬ್ಬೊಟ್ಟೆಯಲ್ಲಿ ಕಿವುಚಿದಂತಹ ಅನುಭವ. ನೋಡನೋಡುತ್ತಿದ್ದಂತೆ ರಕ್ತಸ್ರಾವ. ಅಲ್ಲಿಗೆ ಅಸಾಧ್ಯ ಅನ್ನುವ ಮಟ್ಟಿಗೆ ಹೊಟ್ಟೆ ನೋವು ಶುರುವಾಗಿದ್ದು ನಿಲ್ಲುವ ಹಾಗೆ ಕಾಣಿಸುವುದಿಲ್ಲ. ಹಂತಹಂತವಾಗಿ ಜಾಸ್ತಿಯಾಗುತ್ತಲೇ ಹೋಗಿ ಏನೋ ಆಗಬಾರದ್ದು ಆಗುತ್ತದೆಯೇನೋ ಅನ್ನುವ ಹಂತಕ್ಕೆ ಬೇಡವೆಂದುಕೊಂಡಿದ್ದೇ ಆಗಿ ಬಿಡುತ್ತದೆ. ಅಲ್ಲಿಗೆ ಅವಳ ಹೊಟ್ಟೆಯೊಳಗಿನ ಪುಟ್ಟ ಜೀವದ ಉಸಿರು ನಿಂತೇ ಹೋಗುತ್ತದೆ. ಮೂರು ತಿಂಗಳು ತುಂಬುವುದರೊಳಗೆ ಬಸಿರು ಮುಗಿದು ಹೋಗುತ್ತದೆ. ಒಡಲು ಖಾಲಿ. ಮನಸ್ಸು ಭಾರ.


ಗರ್ಭಪಾತಕ್ಕೆ ಕಾರಣ ಹಲವು

ಯಾವುದೋ ಆಹಾರ, ಇನ್ಯಾವುದೋ ಪ್ರಯಾಣ, ಮತ್ಯಾವುದೋ ಆಘಾತಕ್ಕೆ ಗರ್ಭಪಾತ ಆಗಬಹುದು ಅಥವಾ ಇದೇ ನೆಪವಾಗಲೂಬಹುದು. ಯಾವ ಯಾವ ಆಹಾರಗಳು ಗರ್ಭಪಾತಕ್ಕೆ ಕಾರಣವಾಗಬಲ್ಲವು ಗೊತ್ತೇ?

ಗರ್ಭಿಣಿಯರು ಕಡ್ಡಾಯವಾಗಿ ಪಾಲಿಸಬೇಕಾದ 8 ಆಹಾರ ಕ್ರಮಗಳು


ಹಬೆಯಾಡಿಸಿದ ಸೀ ಫುಡ್

ಹಬೆಯಾಡಿಸಿದ (Smoked) ಮತ್ತು ಶೈತ್ಯೀಕರಿಸಿದ ಸೀ ಫುಡ್ (ಸಾಮಾನ್ಯವಾಗಿ ನೋವಾ ಅಥವಾ ಲಾಕ್ಸ್ ಎಂದು ಹೆಸರಿಸಲ್ಪಟ್ಟಿದೆ) ಲಿಸ್ಟೇರಿಯಾವನ್ನು ಹೊಂದಿರುವುದರಿಂದ ಸೋಂಕುಟಾಗಿ ಗರ್ಭಪಾತಕ್ಕೆ ಕಾರಣವಾಗಬಹುದು.


ಹಸಿ ಮೊಟ್ಟೆ

ಗರ್ಭಿಣಿಯರು ಕಡಿಮೆ ಬೇಯಿಸಿದ ಆಹಾರವನ್ನು ಸೇವಿಸಬಾರದು. ಇದರಿಂದ ಫುಡ್ ಪಾಯ್ಸನ್ ಆಗುವ ಸಾಧ್ಯತೆಗಳಿರುತ್ತವೆ.

ಪಾಶ್ಚರೀಕರಣಗೊಳಿಸದ ಹಾಲು

ಗರ್ಭಿಣಿ ಮಹಿಳೆಯರು ಕಚ್ಚಾ ಅಥವಾ ಪಾಶ್ಚರೀಕರಿಸದ ಹಾಲನ್ನು ಸೇವಿಸಬಾರದು, ಇದರಿಂದ ಕೂಡ ಫುಡ್ ಪಾಯ್ಸನ್ ಆಗುವ ಸಂಭವವಿರುತ್ತದೆ.


ನುಗ್ಗೆಕಾಯಿ

ಆರಂಭಿಕ ಗರ್ಭಾವಸ್ಥೆಯಲ್ಲಿ ಗರ್ಭಪಾತಕ್ಕೆ ಕಾರಣವಾಗುವ ಅತ್ಯಂತ ಅಪಾಯಕಾರಿ ಆಹಾರ ನುಗ್ಗೆಕಾಯಿ. ಕಾರಣ ನುಗ್ಗೆಕಾಯಿ ಮರ ಆಲ್ಫಾ-ಸಿಟೊಸ್ಟೆರಾಲ್ ಅನ್ನು ಒಳಗೊಂಡಿರುತ್ತದೆ, ಈಸ್ಟ್ರೊಜೆನ್ ತರಹದ ಈ ರಚನೆಯು ಗರ್ಭಪಾತಕ್ಕೆ ಕಾರಣವಾಗುತ್ತದೆ.

ಗರ್ಭಿಣಿಯರಿಗೆ ರಾಜ್ಮಾ ಬೀಜಗಳು ತುಂಬಾ ಒಳ್ಳೆಯದು. ಏಕೆ ಗೊತ್ತಾ ?


ಪ್ರಾಣಿಗಳ ಯಕೃತ್ತು

ಪ್ರಾಣಿಗಳ ಯಕೃತ್ತು ಪೌಷ್ಟಿಕವಾಗಿದ್ದರೂ ಸಹ, ಗರ್ಭಿಣಿ ಸ್ತ್ರೀಯರಿಗೆ ಹಾನಿ ಉಂಟು ಮಾಡಬಹುದು. ಸೋಂಕಿತ ಅಥವಾ ರೋಗಪೀಡಿತ ಪ್ರಾಣಿಗಳ ಯಕೃತ್ತಿನಲ್ಲಿ ಟಾಕ್ಸಿನ್ ಇರುವ ಸಾಧ್ಯತೆಗಳಿವೆ. ಅಷ್ಟೇ ಅಲ್ಲ ಯಕೃತ್ತು ಹೆಚ್ಚಿನ ಪ್ರಮಾಣದಲ್ಲಿ ವಿಟಮಿನ್ ಎ ಮತ್ತು ಕೊಲೆಸ್ಟ್ರಾಲ್ ಅನ್ನು ಹೊಂದಿರುತ್ತದೆ. ಹೆಚ್ಚಿನ ಪ್ರಮಾಣದಲ್ಲಿ ಇವುಗಳ ಸೇವನೆಯು ಭ್ರೂಣದ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಗರ್ಭಪಾತವನ್ನು ಉಂಟುಮಾಡುತ್ತದೆ.



ಅಲೋ ವೆರಾ

ಗರ್ಭಿಣಿಯರು ಅಲೋ ವೆರಾವನ್ನು ಒಳಗೊಂಡಿರುವ ಏನನ್ನು ಕೂಡ ತಿನ್ನಬಾರದು ಅಥವಾ ಕುಡಿಯಬಾರದು. ಏಕೆಂದರೆ ಇದು ಗರ್ಭಪಾತದ ಕಾರಣವನ್ನುಂಟು ಮಾಡುವ ಪೆಲ್ವಿಕ್ ರಕ್ತಸ್ರಾವಕ್ಕೆ ಕಾರಣವಾಗಬಹುದು. ಗರ್ಭಾವಸ್ಥೆಯ ಮೊದಲ ತ್ರೈಮಾಸಿಕದಲ್ಲಿ ಅಲೋ ವೆರಾ ಉತ್ಪನ್ನಗಳನ್ನು ಅವಾಯ್ಡ್ ಮಾಡುವುದು ಉತ್ತಮ.

ಮೊಳಕೆಯೊಡೆದ ಆಲೂಗಡ್ಡೆ

ಮೊಳಕೆಯೊಡೆದಾಗ ಆಲೂಗೆಡ್ಡೆ ವಿವಿಧ ವಿಷಗಳನ್ನು ಹೊಂದಿದ್ದು ತಾಯಿ ಆರೋಗ್ಯಕ್ಕೆ ಮತ್ತು ಅವಳ ಮಗುವಿಗೆ ಹಾನಿಕಾರಕ. ಹಸಿರು ಮೊಳಕೆಯೊಡೆದ ಆಲೂಗೆಡ್ಡೆಯಲ್ಲಿ ಸೊಲೊನಿನ್ ಇರುತ್ತದೆ. ಇದು ಭ್ರೂಣದ ಬೆಳವಣಿಗೆಗೆ ಹಾನಿಕಾರಕವಾಗಿದೆ.


ಪಪಾಯ

ವಿಶೇಷವಾಗಿ ಹಣ್ಣಾಗದಿರುವ ಅಂದರೆ ಕಾಯಿ ಪಪಾಯ ಗರ್ಭಪಾತಕ್ಕೆ ಕಾರಣವಾಗಬಹುದು. ಹಸಿರು ಪಪಾಯವು ಕಿಣ್ವವನ್ನು ಒಳಗೊಂಡಿರುತ್ತದೆ, ಅದು ಗರ್ಭಾಶಯದ ಕುಗ್ಗುವಿಕೆಗೆ ಕಾರಣವಾಗಿ ಇದು ಗರ್ಭಪಾತವಾಗುತ್ತದೆ.

ಅನಾನಸ್

ಹೆರಿಗೆ ಪ್ರಕ್ರಿಯೆಯನ್ನು ಸುಲಭಗೊಳಿಸಲು ಸಾಮಾನ್ಯವಾಗಿ ಅನಾನಸ್‌ನ್ನು ಬಳಸಲಾಗುತ್ತದೆ. ಅನಾನಸ್‌ನಲ್ಲಿ ಬ್ರೋಮೆಲಿನ್ ಇದ್ದು, ಇದು ಗರ್ಭಾಶಯದ ಸ್ನಾಯುವನ್ನು ನಯಗೊಳಿಸುತ್ತದೆ ಮತ್ತು ಗರ್ಭಪಾತಕ್ಕೆ ಕಾರಣವಾಗುತ್ತದೆ. ನಿಮ್ಮ ಗರ್ಭಾವಸ್ಥೆಯ ಮೊದಲ ಮೂರು ತಿಂಗಳುಗಳಲ್ಲಿ ನೀವು ಇದನ್ನು ಸೇವಿಸಿದರೆ, ಇದು ಗರ್ಭಪಾತಕ್ಕೆ ಕಾರಣವಾಗಬಹುದು.