ಶುಂಠಿಯಲ್ಲಿ ಇಷ್ಟೊಂದು ಶಕ್ತಿ ಇದೆ ಎಂದರೆ ನಂಬಲಿಕ್ಕೆ ಆಗುವುದೇ ಇಲ್ಲ!

ಬೆಳಗಿನ ಸಮಯದಲ್ಲಿ ಕೆಲವರಿಗೆ ಪ್ರತಿದಿನ ವಾಕರಿಕೆ ಹಾಗೂ ಒಂದು ಬಂದ ಅನುಭವ ಉಂಟಾಗುತ್ತಿರುತ್ತದೆ. ಸಾಧಾರಣವಾಗಿ ಗರ್ಭಿಣಿ ಮಹಿಳೆಯರಿಗೆ ಇದೊಂದು ಸಾಮಾನ್ಯ ಪರಿಸ್ಥಿತಿ ಎಂದು ಹೇಳಬಹುದು.

ಆದರೆ ಗರ್ಭಿಣಿ ಮಹಿಳೆಯರು ಸಣ್ಣ ಪ್ರಮಾಣದಲ್ಲಿ ಮಾತ್ರ ಶುಂಠಿಯನ್ನು ಸೇವನೆ ಮಾಡಬೇಕು. ಉಳಿದವರು ಆರಾಮವಾಗಿ ಶುಂಠಿ ಚಹಾ ತಯಾರು ಮಾಡಿ ಸೇವನೆ ಮಾಡಿ ಪರಿಹಾರಗಳನ್ನು ಕಂಡುಕೊಳ್ಳಬಹುದು.

• ನೀವು ಒಂದು ವೇಳೆ ವ್ಯಾಯಾಮ ಮಾಡಿ ಮೈಕೈನೋವು ಬರಿಸಿಕೊಂಡಿದ್ದರೆ, ಅಥವಾ ಬೇರೆ ಕಾರಣಗಳಿಂದ ನಿಮಗೆ ಮೈಕೈ ನೋವು ಉಂಟಾಗಿದ್ದರೆ, ಅದಕ್ಕೆ ಶೀಘ್ರ ಪರಿಹಾರ ನಿಮಗೆ ಶುಂಠಿಯಲ್ಲಿ ಸಿಗುತ್ತದೆ.
• ನಿಮ್ಮ ದೇಹದ ಉರಿಯೂತವನ್ನು ನಿಯಂತ್ರಣ ಮಾಡುವ ಜೊತೆಗೆ ದೀರ್ಘಕಾಲ ನಿಮ್ಮ ದೇಹದಲ್ಲಿ ನೋವು ನಿವಾರಕ ಗುಣಲಕ್ಷಣಗಳು ಉಳಿಯುವಂತೆ ಶುಂಠಿ ಮಾಡುತ್ತದೆ.

• ಕೀಲುಗಳಿಗೆ ಸಂಬಂಧಪಟ್ಟಂತೆ ಒಂದು ವೇಳೆ ನಿಮಗೆ ಯಾವುದಾದರೂ ಸಮಸ್ಯೆ ಇದ್ದರೆ, ಕೈ-ಕಾಲು ಹಿಡಿದು ಕೊಳ್ಳುವ ಸಾಧ್ಯತೆ ಇದ್ದರೆ, ಆಗಲೂ ಸಹ ನೀವು ಶುಂಠಿಯನ್ನು ಉಪಯೋಗಿಸಬಹುದು.
• ಶುಂಠಿ ಚಹಾ ಸೇವನೆ ಮಾಡಿ ನಿಮ್ಮ ತೊಂದರೆಯನ್ನು ದೂರ ಮಾಡಿಕೊಳ್ಳಬಹುದು. ಶುಂಠಿಯನ್ನು ಜಜ್ಜಿ ಪೇಸ್ಟ್ ತಯಾರು ಮಾಡಿಕೊಂಡು ನೋವಿರುವ ಜಾಗದಲ್ಲಿ ಕೂಡ ಇದನ್ನು ಅನ್ವಯಿಸಬಹುದು.

• ತಜ್ಞರು ಹೇಳುವಂತೆ ಶುಂಠಿ ನಮ್ಮ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶವನ್ನು ಕಡಿಮೆ ಮಾಡಿ ಹೃದಯದ ತೊಂದರೆಗಳನ್ನು ದೂರ ಮಾಡುತ್ತದೆ. ಹೀಗಾಗಿ ಪ್ರತಿದಿನ ಮೂರು ಬಾರಿ ಸುಮಾರು ಅರ್ಧ ಟೀ ಚಮಚ ಶುಂಠಿಯನ್ನು ಸೇವನೆ ಮಾಡುವುದರಿಂದ ಟ್ರೈಗ್ಲಿಸರೈಡ್ ಮತ್ತು ಕೊಲೆಸ್ಟ್ರಾಲ್ ಅಂಶಗಳು ರಕ್ತದಲ್ಲಿ ಕಡಿಮೆಯಾಗಲಿವೆ.
• ಇವುಗಳು ಹೃದಯದ ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿ ಆಗಲಿವೆ. ಏಕೆಂದರೆ ಶುಂಠಿಯಲ್ಲಿ ರಕ್ತವನ್ನು ತೆಳುವಾಗಿಸುವ ಗುಣವಿದೆ. ಹೀಗಾಗಿ ರಕ್ತ ಹೆಪ್ಪುಗಟ್ಟುವ ಸಾಧ್ಯತೆಯನ್ನು ಇದು ತಪ್ಪಿಸುತ್ತದೆ ಮತ್ತು ಹೃದಯದ ಕಾಯಿಲೆ, ಪಾರ್ಶ್ವವಾಯು ಸಮಸ್ಯೆಯನ್ನು ಇದು ದೂರ ಮಾಡಬಲ್ಲದು.

ಈಗಿನ ಚಳಿಗಾಲದಲ್ಲಿ ಬ್ಯಾಕ್ಟೀರಿಯಾ ಹಾಗೂ ವೈರಸ್ ಸೋಂಕುಗಳು ಪದೇ ಪದೇ ನಮ್ಮನ್ನು ಕಾಡುತ್ತವೆ. ಇದಕ್ಕೆ ಪರಿಹಾರವಾಗಿ ಶುಂಠಿಯ ಸೇವನೆ ಮಾಡುವುದರಿಂದ ನಮ್ಮ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಬಲಗೊಳ್ಳುತ್ತದೆ ಮತ್ತು ಸೋಂಕುಗಳ ಪ್ರಮಾಣ ಕಡಿಮೆಯಾಗುತ್ತದೆ.