ಸಂತೋಷವಾಗಿ ಇರಬೇಕೆ ದಿನಾ ಹೀಗೆ ಮಾಡಿ

ದುಃಖ, ಸಂತೋಷ ಎಲ್ಲವೂ ನಮ್ಮ ಕೈಯಲ್ಲಿ ಇದೆ. ಕಷ್ಟಗಳು ಬಂದಾಗ ಅದನ್ನೇ ನೆನೆದು ದುಃಖ ಪಡುವುದಕ್ಕಿಂತ ಇರುವ ಜೀವನವನ್ನು ನಗು ನಗುತಾ ಕಳಿಯುವುದೇ ಬೆಸ್ಟ್‌.

ನೀವು ನಗು ನಗುತಾ ಇದ್ದರೆ ನಿಮ್ಮ ಆ ಪರ್ಸಾನಾಲಿಟಿ ಇತರರನ್ನು ಆಕರ್ಷಿಸುತ್ತದೆ. ಖುಷಿ-ಖುಷಿಯಾಗಿ ಇರಲು ನೀವು ಮಾಡ ಬೇಕಾಗಿರುವುದು ಇಷ್ಟೇ:

ಯಾವುದಾದರು ಸೇವೆ ಅಥವಾ ಒಳ್ಳೆಯ ಚಟುವಟಿಕೆಯಲ್ಲಿ ಸ್ವಯಂ ಪ್ರೇರಿತರಾಗಿ ಭಾಗವಹಿಸಿ
ಸಾಕು ಪ್ರಾಣಿಗಳ ಆರೈಕೆ ಅಥವಾ ಯಾವುದಾದರೂ ಸೇವೆಯಲ್ಲಿ ತೊಡಗಿಸಿಕೊಳ್ಳುವುದು ಮಾಡಿದರೆ ಬ್ಯುಸಿಯಾಗುತ್ತೀರಾ ಮನಸ್ಸಿಗೆ ಖುಷಿ, ತೃಪ್ತಿ ಸಿಗುತ್ತದೆ.

ಗೆಳೆಯರ ಜತೆ ಸಮಯ ಕಳೆಯುವುದು
ಮನಸ್ಸಿಗೆ ನೋವಾದರೆ ಒಂಟಿಯಾಗಿ ಕೂತರೆ ಚಿಂತೆ ಮತ್ತಷ್ಟು ಹೆಚ್ಚುವುದು, ಸ್ನೇಹಿತರ ಜತೆ ಮಾತನಾಡುವುದು, ಔಟಿಂಗ್‌ ಹೋಗುವುದು ಮಾಡಿದರೆ ಮನಸ್ಸಿಗೆ ಖುಷಿ ಸಿಗುವುದು.

ಧ್ಯಾನ ಮಾಡಿ
ಮನಸ್ಸನ್ನು ನಿಯಂತ್ರಿಸುವಲ್ಲಿ ಧ್ಯಾನ ತುಂಬಾ ಪರಿಣಾಮಕಾರಿ. ಪ್ರಾಣಯಾಮ, ಧ್ಯಾನ ಇವೆಲ್ಲಾ ಮನಸ್ಸಿನಲ್ಲಿ ಒಳ್ಳೆಯ ಆಲೋಚನೆ ತುಂಬುವುದು.

ನಗು
ನಕ್ಕಾಗ ಡೊಪಾಮೈನ್‌ ಹಾರ್ಮೋನ್ ಬಿಡುಗಡೆ ಮಾಡುವುದರಿಂದ ಮನಸ್ಸು ಉಲ್ಲಾಸದಿಂದ ಕೂಡಿರುತ್ತದೆ.

ವ್ಯಾಯಾಮ
ದಿನಾ ಅರ್ಧ ಗಂಟೆ ವ್ಯಾಯಾಮ ದೇಹಕ್ಕೆ ಮಾತ್ರವಲ್ಲ, ಮನಸ್ಸಿನ ಆರೋಗ್ಯಕ್ಕೂ ಮುಖ್ಯ.

ನಿದ್ದೆ
ಕಮ್ಮಿಯೆಂದರೂ 6 ಗಂಟೆ ನಿದ್ದೆ ಅವಶ್ಯಕ, ಮೊಬೈಲ್‌ ಪಕ್ಕದಲ್ಲಿದ್ದರೆ ಅದರ ಮೇಲೆ ಕಣ್ಣಾಡಿಸುತ್ತಾ ನಿದ್ದೆ ಹಾಳಾಗುವುದು ಆದ್ದರಿಂದ ಮಲಗುವ ಮುನ್ನ ಮೊಬೈಲ್‌ ದೂರವಿಡಿ.

ಖುಷಿ ಕೊಡುವ ಆಹಾರ ತಿನ್ನಿ
ಡಾರ್ಕ್‌ ಚಾಕಲೇಟ್‌, ಪ್ರೊಟೀನ್‌ ಇರುವ ಆಹಾರ, ಸೊಪ್ಪು ತರಕಾರಿ ತಿನ್ನಿ. ಫಾಸ್ಟ್ ಫುಡ್‌ಗಳಿಂದ ದೂರವಿರಿ.