ಈ ಚೋಟುದ್ದ ಹಸಿಮೆಣಸಿನಕಾಯಿಯಲ್ಲಿ ಯಾವೆಲ್ಲಾ ಪೌಷ್ಟಿಕ ಸತ್ವಗಳು ಇರುತ್ತವೆ ಗೊತ್ತಾ?

ಹಸಿಮೆಣಸಿನಕಾಯಿಯಲ್ಲಿ ನಮ್ಮ ದೇಹದ ರೋಗ ನಿರೋಧಕ ಶಕ್ತಿ ಯನ್ನು ಹೆಚ್ಚಿಸುವ ವಿಟಮಿನ್ ಸಿ ಪ್ರಮಾಣ ಹೇರಳವಾಗಿ ಕಂಡು ಬರುತ್ತದೆ. ಇದು ನಮ್ಮ ದೇಹವನ್ನು ಕಾಯಿಲೆಗಳಿಂದ ರಕ್ಷಿಸುವ ಜೊತೆಗೆ ಆರೋಗ್ಯಕರವಾದ ಚರ್ಮ, ರಕ್ತನಾಳಗಳು, ಮೂಳೆಗಳು ಹಾಗೂ ಮಾಂಸಖಂಡಗಳನ್ನು ನಿರ್ವಹಿಸುತ್ತದೆ.

ಹಸಿಮೆಣಸಿನಕಾಯಿ ತಿನ್ನುವುದರಿಂದ ನಮ್ಮ ತಲೆ ಕೂದಲಿನ ಆರೋಗ್ಯ ಚೆನ್ನಾಗಿರುತ್ತದೆ ಎಂದು ಹೇಳುತ್ತಾರೆ. ಇದಕ್ಕೆ ಪ್ರಮುಖ ಕಾರಣವೆಂದರೆ ವಿಟಮಿನ್ ಬಿ 6. ಇದು ಕೂಡ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸು ವುದರಲ್ಲಿ ನೆರವಾಗುವುದರ ಜೊತೆಗೆ ತಲೆ ಕೂದಲಿಗೆ ಸಂಬಂಧಪಟ್ಟಂತೆ ಯಾವುದೇ ತೊಂದರೆಗಳು ಬರದಂತೆ ಕಾಪಾಡುತ್ತದೆ.

• ನಮಗೆ ಗಾಯ ಆದ ಸಂದರ್ಭದಲ್ಲಿ ಸುರಿಯುತ್ತಿರುವ ರಕ್ತವನ್ನು ತಡೆ ಹಿಡಿಯಲು ಅನುಕೂಲವಾಗುವಂತೆ ರಕ್ತ ಹೆಪ್ಪುಗಟ್ಟುವ ಅವಶ್ಯಕತೆ ಇರುತ್ತದೆ.
• ಇದಕ್ಕೆ ವಿಟಮಿನ್ ಕೆ ನೆರವಾಗುತ್ತದೆ. ಇಷ್ಟು ಮಾತ್ರವಲ್ಲದೆ ನಮ್ಮ ದೇಹದಲ್ಲಿ ಮೂಳೆಗಳು ಬಲಗೊಳ್ಳಲು ಕೂಡ ವಿಟಮಿನ್ ಕೆ ಪ್ರಮಾಣ ಹೆಚ್ಚಾಗಿ ಕೆಲಸ ಮಾಡುತ್ತದೆ.​

ಹಸಿಮೆಣಸಿನಕಾಯಿಯಲ್ಲಿ ತಾಮ್ರದ ಪ್ರಮಾಣ ಕೂಡ ಸಣ್ಣ ಪ್ರಮಾಣದಲ್ಲಿ ಇರುತ್ತದೆ ಎಂದು ಹೇಳುತ್ತಾರೆ. ಇದು ನಮ್ಮ ಜೀವ ಕೋಶಗಳನ್ನು ರಕ್ಷಿಸುವ ಜೊತೆಗೆ ನಮ್ಮ ರೋಗ ನಿರೋಧಕ ಶಕ್ತಿಯನ್ನು ಬಲಪಡಿಸಿ ನರಮಂಡಲ ವ್ಯವಸ್ಥೆಯನ್ನು ಕಾಪಾಡುತ್ತದೆ. ತಾಮ್ರದ ಪ್ರಮಾಣ ದೇಹ ಸೇರುವುದರಿಂದ ದೇಹ ಗಟ್ಟಿಮುಟ್ಟಾಗಿರುತ್ತದೆ.

• ಹಸಿ ಮೆಣಸಿನಕಾಯಿಯಲ್ಲಿ ಮ್ಯಾಂಗನೀಸ್ ಪ್ರಮಾಣ ಕೂಡ ಹೇರಳವಾಗಿ ಕಂಡುಬರುತ್ತದೆ ಎಂದು ಹೇಳುತ್ತಾರೆ.
• ಇದು ನಮ್ಮ ಜೀವಕೋಶಗಳನ್ನು ರಕ್ಷಿಸುತ್ತದೆ ಮತ್ತು ಆರೋಗ್ಯಕ ರವಾದ ಮೂಳೆಗಳನ್ನು ನಮ್ಮದಾಗುವಂತೆ ಮಾಡುತ್ತದೆ. ಹಸಿ ಮೆಣಸಿನಕಾಯಿಯನ್ನು ಆಗಾಗ ಬಳಸುವುದರಿಂದ ಮೂಳೆ ಗಳ ಸಮಸ್ಯೆ ಬರುವುದಿಲ್ಲ.

ಮನುಷ್ಯನ ದೇಹಕ್ಕೆ ಕಬ್ಬಿಣದ ಅಂಶ ಬಹಳ ಅವಶ್ಯಕತೆ ಇದೆ. ಹಸಿ ಮೆಣಸಿನಕಾಯಿಯಲ್ಲಿ ಕಬ್ಬಿಣದ ಅಂಶಕ್ಕೆ ಯಾವುದೇ ಕೊರತೆ ಇಲ್ಲ. ಇದು ಜೀವಕೋಶಗಳ ಅಭಿವೃದ್ಧಿಯಲ್ಲಿ ಕೆಲಸ ಮಾಡುವುದು ಮಾತ್ರ ವಲ್ಲದೆ ಸುಸ್ತು ಮತ್ತು ಆಯಾಸವನ್ನು ದೂರ ಮಾಡುತ್ತದೆ ಜೊತೆಗೆ ನಮ್ಮ ಅರಿವಿನ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ.

ಈ ಒಂದು ಪ್ರಮಾಣ ಹಸಿ ಮೆಣಸಿನ ಕಾಯಿಯಲ್ಲಿ ಸಿಗುವುದರಿಂದ ನಮ್ಮ ಜೀವಕೋಶಗಳು ಹಾಳಾಗುವುದು ತಪ್ಪುತ್ತದೆ ಮತ್ತು ಇದರಿಂದ ಕ್ಯಾನ್ಸರ್ ಮತ್ತು ಸಕ್ಕರೆ ಕಾಯಿಲೆ ಬರುವ ಸಾಧ್ಯತೆ ಕೂಡ ಕಡಿಮೆಯಾಗುತ್ತದೆ ಎಂದು ಹೇಳುತ್ತಾರೆ. ಬೇರೆ ಬೇರೆ ರುಚಿಕರ ಖಾದ್ಯಗಳಲ್ಲಿ ಹಸಿ ಮೆಣಸಿನ ಕಾಯಿಯನ್ನು ಬಳಸಬಹುದು.

ಇದನ್ನೂ ಓದಿ: ಹಸಿಮೆಣಸಿನಕಾಯಿ ಖಾರ ಅಂತ ಇದನ್ನು ದೂರ ಮಾಡ ಬೇಡಿ! ಇದರಿಂದ ಆರೋಗ್ಯಕ್ಕೆ ತುಂಬಾನೇ ಲಾಭವಿದೆ!