ಶೀತ, ಕೆಮ್ಮು ಇವುಗಳಿಗೆ ರಾಮಬಾಣ ಈ ಶುಂಠಿ ಮತ್ತು ಬೆಲ್ಲದ ಉಂಡೆ!

• ಈ ಬಗ್ಗೆ ಆಯುರ್ವೇದ ತಜ್ಞರಾದ ಮಿಹಿರ್ ಕತ್ರಿ ರೋಗನಿ ರೋಧಕ ಶಕ್ತಿ ಹೆಚ್ಚಿಸಿಕೊಳ್ಳಲು ಈ ಒಂದು ಅದ್ಭುತ ಲಾಡು ತಯಾರಿಸಿ ತಿನ್ನಬೇಕು ಎಂದು ಹೇಳುತ್ತಾರೆ. ಅಂದ ಹಾಗೆ ಇದು ಯಾವ ಲಾಡು ಗೊತ್ತಾ? ಶುಂಠಿ ಮತ್ತು ಬೆಲ್ಲದ ಲಾಡು!
• ಇದನ್ನು ವೈದ್ಯರು ತಮ್ಮ ಇನ್‌ಸ್ಟಾಗ್ರಾಂ ಪೋಸ್ಟ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದು ಮಕ್ಕಳಿಗೆ, ದೊಡ್ಡವರಿಗೆ ಮತ್ತು ವಯಸ್ಸಾದವರಿಗೆ ಈ ಸಮಯದಲ್ಲಿ ಆರೋಗ್ಯಕ್ಕೆ ತುಂಬಾ ಬೆಸ್ಟ್ ಎಂದು ಹೇಳುತ್ತಾರೆ.​

• ಒಣಗಿದ ಶುಂಠಿ ಪುಡಿ
• ಬೆಲ್ಲ
• ಅಪ್ಪಟ ಹಸುವಿನ ತುಪ್ಪ​

ಈ ಮೇಲಿನ ಮೂರು ಪದಾರ್ಥಗಳನ್ನು ಒಂದು ಬೌಲ್ ನಲ್ಲಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಸಣ್ಣ ಗೋಲಿ ಆಕಾರದಲ್ಲಿ ಉಂಡೆ ಮಾಡಿ ಶೇಖರಿಸಿ ಇಟ್ಟುಕೊಂಡು ಸೇವಿಸಬಹುದು.

• ಯಾವ ಮಕ್ಕಳಿಗೆ ಅಲರ್ಜಿ, ಶೀತ, ಕೆಮ್ಮು, ವೈರಲ್ ಸೋಂಕುಇರುತ್ತದೆ ಅವರಿಗೆ ಇದು ಬೆಸ್ಟ್ ಎಂದು ಡಾಕ್ಟರ್ ಹೇಳುತ್ತಾರೆ.
• ಸೋಂಕು ನಿವಾರಣೆ ಮಾಡುವುದರ ಜೊತೆಗೆ ಶೀತದ ಸಮಸ್ಯೆಗಳಿಂದ ಬಹಳ ಬೇಗನೆ ಮುಕ್ತಿ ಕೊಡುತ್ತದೆ.
• ಜೀರ್ಣ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಅಜೀರ್ಣತೆ, ಮಲಬದ್ಧತೆ ಸಮಸ್ಯೆಯನ್ನು ದೂರ ಮಾಡುತ್ತದೆ.
• ನಿಮಗೆ ಸುಸ್ತಾದಂತೆ ಅಥವಾ ಆಯಾಸವಾದಂತೆ ಇದ್ದರೆ, ತಕ್ಷಣ ನಿಮಗೆ ಶಕ್ತಿ ಕೊಡುತ್ತದೆ.

ಪ್ರತಿದಿನ ಒಂದನ್ನು ಅಥವಾ ದಿನದಲ್ಲಿ ಎರಡನ್ನು ಸೇವಿಸಿದರೆ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ ಎಂದು ವೈದ್ಯರು ಹೇಳುತ್ತಾರೆ.

• ಆಯುರ್ವೇದ ತಜ್ಞರಾದ ಡಾ. ದೀಕ್ಷಾ ಭಾವಸಾರ್ ಹೇಳುವ ಪ್ರಕಾರ ಬೆಲ್ಲ ಮತ್ತು ಒಣಗಿದ ಶುಂಠಿ ಶೀತದ ಸಮಸ್ಯೆಯನ್ನು ಹೋಗಲಾಡಿಸುವಲ್ಲಿ ಕೆಲಸ ಮಾಡುತ್ತದೆ.
• ಅಷ್ಟೇ ಅಲ್ಲದೆ ಒಣಗಿದ ಶುಂಠಿ ಆಯುರ್ವೇದ ಶಾಸ್ತ್ರದಲ್ಲಿ ದೇಹದ ಕಫ ದೋಷದ ಪ್ರಭಾವವನ್ನು ಕಡಿಮೆ ಮಾಡುತ್ತದೆ.
• ಹಾಗಾಗಿ ಇದು ಮೇಲಿನ ಆರೋಗ್ಯ ಸಮಸ್ಯೆಗಳಿಗೆ ಮತ್ತು ಉಸಿರಾಟ ತೊಂದರೆಗೆ ಅತ್ಯುತ್ತಮ ನೈಸರ್ಗಿಕ ಔಷಧಿ ಎಂದು ಹೆಸರು ಪಡೆದಿದೆ.
• ಜೊತೆಗೆ ತುಪ್ಪ ದೇಹಕ್ಕೆ ತಂಪು ಪ್ರಭಾವವನ್ನು ನೀಡು ತ್ತದೆ. ದೀರ್ಘಕಾಲದ ನೆಗಡಿ, ಶೀತ, ಕೆಮ್ಮು ಇವುಗಳಿಗೆ ರಾಮಬಾಣ ವಾಗಿ ಈ ಲಾಡು ನೆರವಿಗೆ ಬರುತ್ತದೆ.

All Image Courtesy: Istock