ಮೆಂತ್ಯೆಯಿಂದ ಸಿಗುವ ಆರೋಗ್ಯದ ಪ್ರಯೋಜನಗಳೇನು ಗೊತ್ತೇ?

ಮೆಂತ್ಯೆಯಿಂದ ದೊರೆಯುವ ಆರೋಗ್ಯದ ಪ್ರಯೋಜನಗಳೇನು ಗೊತ್ತಾ?

1. ಮಗುವಿಗೆ ಎದೆಹಾಲು ಉಣಿಸುತ್ತಿದ್ದೀರಾ?
ನೀವು ಮಗುವಿಗೆ ಎದೆಹಾಲು ಉಣಿಸುತ್ತಿದ್ದರೆ ನಿಮ್ಮ ಆಹಾರ ಪದ್ಧತಿಯಲ್ಲಿ ಮೆಂತ್ಯೆ ಬೀಜಗಳನ್ನು ಸೇವಿಸಿರಿ. ಅದರಿಂದ ಹಾಲಿನ ಉತ್ಪಾದನೆ ಹೆಚ್ಚಾಗುವುದಲ್ಲದೆ ಸ್ತನ ಅಂಗಾಂಶ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ.

2. ಸಕ್ಕರೆ ಕಾಯಿಲೆಗೆ ರಾಮಬಾಣ
ನಿಮಗೆ ಡಯಾಬಿಟೀಸ್‌ ಇದೆಯಾ? ಹಾಗಾದ್ರೆ ಮೆಂತ್ಯೆ ಬೀಜಗಳನ್ನು ತಿಂದರೆ ರಕ್ತದಲ್ಲಿನ ಸಕ್ಕರೆ ಅಂಶ ಕಡಿಮೆ ಮಾಡಲು ಸಹಾಯಕವಾಗುತ್ತದೆ. ಅಲ್ಲದೆ, ದೇಹಕ್ಕೆ ಇನ್ಸುಲಿನ್ ಅವಶ್ಯಕತೆಯನ್ನೂ ಕಡಿಮೆ ಮಾಡುತ್ತದೆ.

3. ಕೊಲೆಸ್ಟ್ರಾಲ್ ಕಡಿಮೆ ಮಾಡುತ್ತದೆ
ಕೊಲೆಸ್ಟ್ರಾಲ್ ( ಕೊಬ್ಬು) ಸಮಸ್ಯೆ ಇರುವವರಿಗೆ ಮೆಂತ್ಯೆ ಸೇವನೆಯಿಂದ ಪ್ರಯೋಜನ ಸಿಗಲಿದೆ. ಯಕೃತ್ತಿನಲ್ಲಿ ತಯಾರಾಗುವ ಕೊಬ್ಬಿನ ಅಂಶವನ್ನು ಕಡಿಮೆಗೊಳಿಸುತ್ತದೆ.

4. ಹಾರ್ಮೋನುಗಳ ಸಮಸ್ಯೆ ನಿವಾರಣೆ
ಇನ್ನು, ಹಾರ್ಮೋನುಗಳ ಸಮಸ್ಯೆ ನಿವಾರಿಸಲು ಹಾಗೂ ಮುಟ್ಟಿನ ನೋವನ್ನು ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಲು ಮೆಂತ್ಯೆ ಸಹಾಯ ಮಾಡುತ್ತದೆ ಎಂದೂ ತಿಳಿದುಬಂದಿದೆ.

5. ಚರ್ಮ ಸಮಸ್ಯೆಗಳಿಗೆ ನೆರವು
ಇನ್ನೊಂದೆಡೆ, ಚರ್ಮದ ಉರಿಯೂತದ ಹಲವು ಸಮಸ್ಯೆಗಳಿಗೆ ಮೆಂತ್ಯೆ ದೊಡ್ಡ ರೀತಿಯಲ್ಲಿ ನೆರವು ನೀಡುತ್ತದೆ. ಚರ್ಮ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ಕೆಲಸ ಮಾಡುತ್ತದೆ.