ಪ್ರತಿದಿನ ಈ 'ರೋಪ್ ಜಂಪಿಂಗ್' ವ್ಯಾಯಾಮ ಮಾಡಿ ಫಿಟ್ ಆಗಿರುವಿರಿ

ರೋಪ್ ಜಂಪಿಂಗ್ , ಸ್ಕಿಪ್ಪಿಂಗ್ , ಅಚ್ಚಕನ್ನಡದಲ್ಲಿ ಹಗ್ಗದಾಟ. ಈ ವ್ಯಾಯಾಮದ ಬಗ್ಗೆ ನೀವು ಈಗಾಗಲೇ ಸಾಕಷ್ಟು ಕೇಳಿರುತ್ತೀರಿ. ಚಿಕ್ಕಮಕ್ಕಳಿದ್ದಾಗ ನಮಗೆಲ್ಲರಿಗೂ ಹಗ್ಗದಾಟವೆಂದರೆ ಆಟ. ದೊಡ್ಡವರಾದ ಮೇಲೆ ಮೈ ಮಾಟ ಕಾಪಾಡಿಕೊಳ್ಳಲು ಇರುವ ಸೂತ್ರ.

ಹಗ್ಗದಾಟ ಬಹಳ ಸರಳ ಮತ್ತು ಪರಿಣಾಮಕಾರಿಯಾದ ಕಾರ್ಡಿಯೋ ವ್ಯಾಯಾಮ. ಹಳ್ಳಿಯಿಂದ ದಿಲ್ಲಿಯವರೆಗೂ ಈ ವ್ಯಾಯಾಮ ಜನಪ್ರಿಯ. ಕ್ರೀಡಾಪಟುಗಳು ಮತ್ತು ಫಿಟ್ನೆಸ್ ತಜ್ಞರು ತಮ್ಮ ಬಳಿ ಬರುವ ಪ್ರತಿಯೊಬ್ಬರಿಗೂ ಈ ವ್ಯಾಯಾಮ ಮಾಡಲು ಖಡ್ಡಾಯವಾಗಿ ಹೇಳುತ್ತಾರೆ. ಅವರು ಹಾಗೆ ಹೇಳಲು ಕಾರಣವೂ ಇದೆ. ಈ ಹಗ್ಗದಾಟದಿಂದ ಆರೋಗ್ಯಕ್ಕೆ ಹಲವಾರು ಪ್ರಯೋಜನಗಳಿವೆ. ಈ ವ್ಯಾಯಾಮದಲ್ಲಿ ಹಲವಾರು ವಿಶೇಷತೆಗಳೂ ಇವೆ. ಅದೇನೆಂದು ನೋಡೋಣ ಬನ್ನಿ.

ಹೃದಯ ರೋಗಗಳ ನಿಯಂತ್ರಣಕ್ಕೆ
ಅಧಿಕ ರಕ್ತದೊತ್ತಡ, ಅಧಿಕ ಕೊಲೆಸ್ಟ್ರಾಲ್ ಮತ್ತು ಅಧಿಕ ತೂಕದಂತಹ ಹೃದಯದ ಹಲವಾರು ಕಾಯಿಲೆಗಳನ್ನು ನಿಯಂತ್ರಿಸಲು ಸ್ಕಿಪ್ಪಿಂಗ್ ಸಹಾಯ ಮಾಡುತ್ತದೆ. ಹೃದಯಾಘಾತ, ಹೃದಯಕ್ಕೆ ಸಂಬಂಧಿಸಿದ ಯಾವುದೇ ಕಾಯಿಲೆಯ ಬೆಳವಣಿಗೆಯನ್ನು ತಡೆಯುತ್ತದೆ. ಸ್ಕಿಪ್ಪಿಂಗ್ ಮಕ್ಕಳ ಮೇಲೆ ಯಾವ ರೀತಿ ಪರಿಣಾಮ ಬೀರಬಹುದು ಎಂದು 12 ವಾರಗಳ ಕಾಲ ಅಧ್ಯಯನ ನಡೆಸಿದಾಗ ಹೃದಯರಕ್ತನಾಳದ ಸಮಸ್ಯೆಯ ಅಪಾಯವನ್ನು ಕಡಿಮೆ ಮಾಡಿರುವುದು ರುಜುವತಾಗಿದೆ.

ಕೊಬ್ಬನ್ನು ಹೊರತೆಗೆಯುತ್ತದೆ
ರೋಪ್ ಜಂಪಿಂಗ್ ಇಡೀ ದೇಹಕ್ಕೆ ವ್ಯಾಯಾಮ ಕೊಡುತ್ತದೆ. ದೇಹದ ಎಲ್ಲಾ ಭಾಗಗಳಿಂದ ಕೊಬ್ಬನ್ನು ಹೊರತೆಗೆಯಲು ಸಹಾಯ ಮಾಡುತ್ತದೆ. ಪ್ರತಿದಿನ 2-3 ನಿಮಿಷದಿಂದ ಜಂಪಿಂಗ್ ಪ್ರಾರಂಭಿಸಿ. ರೂಢಿಯಾದ ಮೇಲೆ 30 ನಿಮಿಷದವರೆಗೂ ಮಾಡಬಹುದು.

ಶಕ್ತಿ ಬರುತ್ತದೆ
ನಿಮ್ಮ ದೈನಂದಿನ ದಿನಚರಿಯಲ್ಲಿ ಸ್ಕಿಪ್ಪಿಂಗ್ ಮಾಡುವ ಅಭ್ಯಾಸವಿಟ್ಟುಕೊಂಡಿದ್ದರೆ ವಿಶೇಷವಾಗಿ ಯುವ ಕ್ರೀಡಾಪಟುಗಳಲ್ಲಿ ಸಮನ್ವಯ, ಶಕ್ತಿ, ಸಹಿಷ್ಣುತೆ ಮತ್ತು ದೇಹದ ಸಮತೋಲನ ಸುಧಾರಿಸಲು ಸಹಾಯ ಮಾಡುತ್ತದೆ ಎನ್ನುವುದು ವೈಜ್ಞಾನಿಕವಾಗಿ ಸಾಬೀತಾಗಿದೆ.

ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ
ರೋಗನಿರೋಧಕ ಶಕ್ತಿ, ಟಿ-ಕೋಶಗಳ ಸಂಖ್ಯೆಯನ್ನು ಹೆಚ್ಚಿಸುತ್ತದೆ ಮತ್ತು ನ್ಯಾಚುರಲ್ ಕಿಲ್ಲರ್ ಕೋಶಗಳ ಕಾರ್ಯವನ್ನು ಸುಧಾರಿಸುತ್ತದೆ. ಆದರೆ ಜಾಗರೂಕರಾಗಿರಿ ಹೆಚ್ಚು ಶ್ರಮವು ನಿಮ್ಮನ್ನು ಸೋಂಕುಗಳಿಗೆ ಗುರಿಯಾಗಿಸಬಹುದು.

ಮೂಳೆಗಳು ಆರೋಗ್ಯವಾಗಿರಲು
ಈ ಜಂಪಿಂಗ್ ವ್ಯಾಯಾಮ ಅಂದರೆ ಹಗ್ಗದಾಟ ನಿಮ್ಮ ಮೂಳೆಗಳು ಆರೋಗ್ಯವಾಗಿರಲು ಸಹಾಯ ಮಾಡುತ್ತದೆ. ನೀವು ಅದನ್ನು ಹೇಗೆ ಮಾಡುತ್ತೀರಿ ಎಂಬುದರ ಆಧಾರದ ಮೇಲೆ ನಿಮ್ಮ ಮೂಳೆ ಸಾಂದ್ರತೆಯನ್ನು ಹೆಚ್ಚಿಸಬಹುದು.

ಮಾನಸಿಕ ಕಾಯಿಲೆ ಹೋಗಲಾಡಿಸಲು
ಸ್ಕಿಪ್ಪಿಂಗ್ ಸಿರೊಟೋನಿನ್ ಸ್ರವಿಸುವಿಕೆಯನ್ನು ಉತ್ತೇಜಿಸುತ್ತದೆ. ಇದರಿಂದ ನಿಮ್ಮಲ್ಲಿ ಉತ್ತಮ ಭಾವನೆ ಮೂಡುತ್ತದೆ. ಖಿನ್ನತೆ ಮತ್ತು ಆತಂಕದಂತಹ ಮಾನಸಿಕ ಅಸ್ವಸ್ಥತೆಗಳನ್ನು ಸುಧಾರಿಸುತ್ತದೆ.

ಎಡಿಎಚ್‌ಡಿ ಮಕ್ಕಳಿಗೆ ಅನುಕೂಲ
ಯುಎಸ್ ನಲ್ಲಿ ಸುಮಾರು 5% ಮಕ್ಕಳು ಎಡಿಎಚ್ ಡಿ (ಅಟೆನ್ಷನ್ ಡೆಫಿಸಿಟ್ ಹೈಪರ್ ಆಕ್ಟಿವಿಟಿ ಡಿಸಾರ್ಡರ್) ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಎಡಿಎಚ್‌ಡಿ ಇರುವ ಮಕ್ಕಳಿಗೆ ಸ್ಕಿಪ್ಪಿಂಗ್ ಸಹಾಯ ಮಾಡಿದೆ ಎಂದು ಸಂಶೋಧನಾ ಅಧ್ಯಯನಗಳು ಹೇಳಿವೆ. ಆದ್ದರಿಂದ ಹಗ್ಗದಾಟದಿಂದ ನಿಮ್ಮ ಮಕ್ಕಳಿಗೆ ಪ್ರಯೋಜನವಾಗಬಹುದೇ ಎಂದು ತಿಳಿಯಲು ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

ಶಸ್ತ್ರಚಿಕಿತ್ಸೆಯ ನಂತರ ಬೇಡ
ಮೊಣಕಾಲು ಅಥವಾ ಇನ್ಯಾವುದೇ ಕೀಲುಗಳಿಗೆ ಗಾಯವಾಗಿದ್ದರೆ ಅದರಿಂದಾಗುವ ಅಪಾಯವನ್ನು ಸ್ಕಿಪ್ಪಿಂಗ್ ಆಡುವುದರಿಂದ ಕಡಿಮೆ ಆಗುತ್ತದೆ. ಆದರೆ ಒಂದು ಮಾತ. ಶಸ್ತ್ರಚಿಕಿತ್ಸೆಯ ನಂತರ ಅಥವಾ ಗಂಭೀರವಾಗಿ ಗಾಯವಾಗಿದ್ದರೆ ರೋಪ್ ಜಂಪಿಂಗ್ ಮಾಡಬೇಡಿ. ವೈದ್ಯರು ಮತ್ತು ಫಿಟ್ನೆಸ್ ತಜ್ಞರ ಅನುಮತಿ ಪಡೆದು ನಂತರ ಪ್ರಯತ್ನಿಸಿ.

ಚರ್ಮದ ಆರೋಗ್ಯ ಕಾಪಾಡುತ್ತದೆ
ಚರ್ಮದ ಮೇಲೆ ಧೂಳು, ಮಾಲಿನ್ಯ ಮತ್ತು ಸೂಕ್ಷ್ಮಜೀವಿಯ ಬೆಳವಣಿಗೆಯನ್ನು ತಡೆಯಲು ಸ್ಕಿಪ್ಪಿಂಗ್ ತಡೆಗೋಡೆಯಾಗಿ ಕಾರ್ಯನಿರ್ವಹಿಸುತ್ತದೆ. ಈ ವ್ಯಾಯಾಮನ್ನು ಮಾಡುವವರು ಹೆಚ್ಚು ನೀರು ಕುಡಿಯುವುದನ್ನು, ಆರೋಗ್ಯಕರ ಆಹಾರ ಪದಾರ್ಥಗಳನ್ನು ಸೇವಿಸಬೇಕು.


ಮುನ್ನೆಚ್ಚರಿಕೆಗಳು

• ಹಗ್ಗದಾಟ ಆಡುವ ಮೊದಲು ಕನಿಷ್ಠ 10 ನಿಮಿಷಗಳ ಕಾಲ ದೇಹ ಬೆಚ್ಚಗಿರಬೇಕು.
• ಶಾಕ್ ಅಬ್ಸಾರ್ಬಿಂಗ್ ಬೂಟುಗಳನ್ನು ಧರಿಸಿ.
• ಹೆಣ್ಣುಮಕ್ಕಳು ಸ್ಪೋರ್ಟ್ಸ್ ಬ್ರಾ ಧರಿಸಿ.
• ತಾಲೀಮು ಮಾಡುವ ಮೊದಲು ಮತ್ತು ನಂತರ ಎಲೆಕ್ಟ್ರೋಲೈಟ್ ನೀರನ್ನು ಕುಡಿಯಿರಿ

ಎಷ್ಟು ಸಮಯದವರೆಗೆ ಹಗ್ಗವನ್ನು ಹಾರಿಸಬೇಕು?

• 1 ನಿಮಿಷದವರೆಗೂ ರೋಪ್‌ ಜಂಪ್‌ ಮಾಡಿ. ನೀವು ಆರಾಮಾಗಿದ್ದರೆ ನಂತರ ವೇಗದ ತೀವ್ರತೆ ಮತ್ತು ಸಮಯವನ್ನು ಹೆಚ್ಚಿಸಿ.
• ಪ್ರತಿ ವಾರ ಸಮಯವನ್ನು ಕನಿಷ್ಠ 1-2 ನಿಮಿಷ ಹೆಚ್ಚಿಸಿ. ವಿರಾಮ ತೆಗೆದುಕೊಳ್ಳಿ. ಎಲೆಕ್ಟ್ರೋಲೈಟ್ ನೀರನ್ನು ಕುಡಿಯಿರಿ, ಮತ್ತೆ ಜಿಗಿಯಿರಿ.
• ತೂಕ ನಷ್ಟಕ್ಕೆ ದಿನಕ್ಕೆ ಎರಡು ಬಾರಿ 10 ನಿಮಿಷದವರೆಗೂ ಸ್ಕಿಪ್ಪಿಂಗ್ ಮಾಡಬೇಕು.
• ಶಕ್ತಿಯುತರಾಗಲು ದಿನಕ್ಕೆ ಎರಡು ಬಾರಿ 10-15 ನಿಮಿಷ ಸಮಯ ತೆಗೆದುಕೊಳ್ಳಿ.
• ಸ್ನಾಯುಗಳನ್ನು ಬಲಪಡಿಸಲು 1 ನಿಮಿಷ ವೇಗವಾಗಿ ಜಂಪ್ ಮಾಡಿ. 10 ಸೆಕೆಂಡುಗಳ ಕಾಲ ವಿರಾಮ ತೆಗೆದುಕೊಳ್ಳಿ. ಮತ್ತೆ 5
• ನಿಮಿಷಗಳ ಕಾಲ ಪುನರಾವರ್ತಿಸಿ.

ಯಾರಿಗೆ ಸೂಕ್ತವಲ್ಲ?

• ನಿಮಗೆ ಹೃದಯ ಸಮಸ್ಯೆಯಿದ್ದರೆ ನಿಮ್ಮ ವೈದ್ಯರನ್ನು ಕೇಳಿ ಸ್ಕಿಪ್ಪಿಂಗ್ ಮಾಡಿ.
• ಗಂಭೀರ ಅನಾರೋಗ್ಯ ಸಮಸ್ಯೆ ಅಥವಾ ಶಸ್ತ್ರಚಿಕಿತ್ಸೆಯಿಂದ ಚೇತರಿಸಿಕೊಳ್ಳುತ್ತಿದ್ದರೆ ಬೇಡ.
• ಅಧಿಕ ರಕ್ತದೊತ್ತಡ ಇರುವವರು ವೈದ್ಯರ ಅಭಿಪ್ರಾಯವನ್ನು ತೆಗೆದುಕೊಳ್ಳಿ.
• ಮೂಳೆ ಗಾಯವಾಗಿದ್ದರೂ ಬೇಡ.
• ಶಕ್ತಿಯುತರಾಗಲು ರೋಪ್ ಜಂಪಿಂಗ್ ಉತ್ತಮ ವ್ಯಾಯಾಮ. ಆದರೆ ಮೂಲಭೂತ ಅಂಶಗಳನ್ನು ನಾವು ನೆನಪಿನಲ್ಲಿಡಬೇಕು.