ಆ ವಿಷಯಕ್ಕೆ ಬಂದರೆ ಕೆಂಪು ಹಣ್ಣುಗಳು ಜಾದು ಮಾಡುತ್ತವೆ. ಆ ಕೆಂಪು ಬಣ್ಣದ ಹಣ್ಣುಗಳಲ್ಲಿ ಸ್ಟ್ರಾಬೆರಿ ಕೂಡ ಒಂದು. ಈ ಹಣ್ಣಿನಲ್ಲಿ ಸಾಕಷ್ಟು ಪೋಷಕಾಂಶಗಳನ್ನು ಹೊಂದಿದ್ದು ಆರೋಗ್ಯಕ್ಕೆ ಹೇಗೆಲ್ಲಾ ಪ್ರಯೋಜನಕಾರಿಯಾಗಲಿದೆ ಎಂಬುದನ್ನು ಲೇಖನದ ಮೂಲಕ ಸಂಕ್ಷಿಪ್ತವಾಗಿ ತಿಳಿಯಿರಿ.
೧. ೩೨% ಕ್ಯಾಲೋರಿ ಇದೆ
- ಸ್ಟ್ರಾಬೆರಿಯಲ್ಲಿರುವ ಪೋಷಕಾಂಶಗಳು ಕೇಳಿದರೆ ಬೆರಗಾಗುತ್ತೀರಾ..!
- ಸ್ಟ್ರಾಬೆರಿಯಲ್ಲಿ ಕೇವಲ ೩೨% ಕ್ಯಾಲೋರಿ ಹೊಂದಿದೆ.
- ಹಾಗಾಗಿ ನಿಮ್ಮ ಡಯಟ್ ನಲ್ಲಿ ಈ ಹಣ್ಣನ್ನು ಸೇರಿಸಿಕೊಳ್ಳಬಹುದು.
- ೯೧% ರಷ್ಟು ನೀರಿನಿಂದ ತುಂಬಿದೆ.
- ನೈಸರ್ಗಿಕ ಸಕ್ಕರೆಯ ಪ್ರಮಾಣವು ೪.೯% ಗ್ರಾಂ ಇದೆ.
- ಬೇಕಾದಷ್ಟು ಪ್ರೋಟೀನ್, ಫೈಬರ್, ಕೊಬ್ಬು ಹೊಂದಿದೆ.
- ಅಲ್ಲದೇ, ಇದರಲ್ಲಿ ವಿಟಮಿನ್ ಸಿ, ಪೋಟ್ಯಾಶಿಯಂಗಳಿಂದ ಸಮೃದ್ಧವಾಗಿದೆ.
೨. ಯಾವೆಲ್ಲಾ ರೋಗಗಳಿಂದ ರಕ್ಷಿಸುತ್ತದೆ
- ಸ್ಟ್ರಾಬೆರಿಗಳಲ್ಲಿರುವ ಆಂಥೋಸಯಾನಿನ್ ಗಳನ್ನು ನಿಯಮಿತವಾಗಿ ಸೇವಿಸುವುದರಿಂದ ಹೃದ್ರೋಗದಂತಹ ಅಪಾಯವನ್ನು ಕಡಿಮೆ ಮಾಡಿಕೊಳ್ಳಬಹುದು ಎಂದು ಕೆಲವು ಅಧ್ಯಯನಗಳು ಸಾಬೀತು ಪಡಿಸಿವೆ.
- ಇದು ರಕ್ತದೊತ್ತಡವನ್ನು ನಿವಾರಿಸುವ ಶಕ್ತಿಯನ್ನು ಕೂಡ ಹೊಂದಿದೆ.
- ಪ್ರತಿನಿತ್ಯ ನಿಯಮಿತವಾಗಿ ಸ್ಟ್ರಾಬೆರಿಯ ಸೇವನೆ ದೇಹಕ್ಕೆ ಒಳ್ಳೆಯದು.
- ಸ್ಟ್ರಾಬೆರಿಯಲ್ಲಿರುವ ಪೊಟ್ಯಾಶಿಯಮ್ ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವವ ಜನರಿಗೆ ಉತ್ತಮವಾದ ಪ್ರಯೋಜನಗಳನ್ನು ನೀಡುತ್ತದೆ.
- ಈ ಕೆಂಪು ಹಣ್ಣಿನ ಸೇವನೆಯು ಅಪಾಯಕಾರಿ ಹೃದಯಾಘಾತ ಮತ್ತು ಪಾರ್ಶ್ವವಾಯುಗಳನ್ನು ತಡೆಗಟ್ಟಲು ಸಹಾಯ ಮಾಡುತ್ತದೆ.
ತೂಕ ನಷ್ಟ ಮಾಡಿಕೊಳ್ಳುವವರ ಪ್ಲೇಟ್‌ನಲ್ಲಿ ಏನೇನಿರಬೇಕು ಗೊತ್ತಾ?
೩. ಗರ್ಭಿಣಿಯರಿಗೆ ಒಳ್ಳೆಯದು
- ಸ್ಟ್ರಾಬೆರಿಗಳು ನೋಡಿದಾಕ್ಷಣ ತಿನ್ನಬೇಕು ಎಂದು ಅಂದುಕೊಳ್ಳುತ್ತೇವೆ.
- ಅದರ ಸೊಗಸಾದ ಬಣ್ಣ ಹಾಗು ರುಚಿಯೇ ಹಾಗೆ ಆಕರ್ಷಿಸಿಬಿಡುತ್ತದೆ.
- ಇದು ಗರ್ಭಿಣಿಯರಿಗೆ ಅತ್ಯುತ್ತಮವಾದ ಹಣ್ಣಾಗಿದೆ. ಆರೋಗ್ಯಕರವಾದ ಗರ್ಭಧಾರಣೆಗೆ ಈ ಸ್ಟ್ರಾಬೆರಿ ಹಣ್ಣನ್ನು ಶಿಫಾರಸು ಮಾಡಲಾಗಿದೆ.
- ಏಕೆಂದರೆ ಇದರಲ್ಲಿನ ಫೋಲೇಟ್ ಅಥವಾ ಪೋಲಿಕ್ ಆಮ್ಲವು ಮಗುವಿನ ಬೆಳವಣಿಗೆಯಲ್ಲಿ ಪ್ರಮುಖವಾದ ಪಾತ್ರ ವಹಿಸುತ್ತದೆ.
ಪ್ರತಿನಿತ್ಯ ಶುಂಠಿ ಚಹಾ: ಈ ಎಲ್ಲಾ ಪ್ರಯೋಜನಗಳು ನಿಮಗಾಗಿ
೪. ಉರಿಯೂತ ಮತ್ತು ಉಬ್ಬುವುದನ್ನು ಕಡಿಮೆ ಮಾಡುತ್ತದೆ
- ಸ್ಟ್ರಾಬೆರಿಯಲ್ಲಿನ ಫೈಬರ್ ಮತ್ತು ನೀರಿ ಅಂಶ ಅಧಿಕವಾಗಿರುವ ಈ ಹಣ್ಣನ್ನು ಉರಿಯೂತವನ್ನು ಶಮನ ಮಾಡಲು ಸಹಾಯ ಮಾಡುತ್ತದೆ ಎಂದು ನಂಬಲಾಗಿದೆ.
- ಅಲ್ಲದೇ ಪರಿಣಾಮಕಾರಿಯಾಗಿ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಕೂಡ ಸಹಾಯ ಮಾಡುತ್ತದೆ.
- ಉರಿಯೂತವು ಕೂಡ ದೇಹಕ್ಕೆ ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
- ನಿಮಗೆ ತಿಳಿದಿರಲಿ, ದೀರ್ಘಾ ಕಾಲದ ಉರಿಯೂತವು ಪಾರ್ಶ್ವವಾಯು, ಹೃದಯಾಘಾತ ಮತ್ತು ಕ್ಯಾನ್ಸರ್ ನಂತಹ ಭಯಾನಕವಾದ ಕಾಯಿಲೆಗಳನ್ನು ಸ್ಟ್ರಾಬೆರಿ ಬಾರದಂತೆ ತಡೆಯುತ್ತದೆ.
೫. ನಿಮ್ಮ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ
- ಫೈಬರ್ ನಿಂದ ತುಂಬಿರುವ ಈ ಹಣ್ಣಿನ ಸೇವನೆಯು ನಿಮ್ಮ ಜೀರ್ಣಾಂಗ ವ್ಯವಸ್ಥೆಗೆ ಸಹಾಯ ಮಾಡುತ್ತದೆ.
- ಅಲ್ಲದೇ, ಮಲಬದ್ಧತೆಯಂತಹ ಸಮಸ್ಯೆಯಿಂದ ನಿಮ್ಮನ್ನು ಪಾರು ಮಾಡುತ್ತದೆ.
- ಹಾಗಾಗಿ ನಿಯಮಿತವಾಗಿ ಸ್ಟ್ರಾಬೆರಿಯನ್ನು ಪ್ರತಿನಿತ್ಯ ಸೇವಿಸುತ್ತಾ ಬನ್ನಿ.
ಬೆಳಗ್ಗೆ ಎದ್ದ ಕೂಡಲೇ, ಈ 5 ಕೆಲಸಗಳನ್ನು ಮಾಡಿದ್ರೆ ಆರೋಗ್ಯವಾಗಿರುವಿರಿ
೬. ನಿಮ್ಮ ಚರ್ಮಕ್ಕೆ ಒಳ್ಳೆಯದು
ನೀವು ಪ್ರತಿನಿತ್ಯ ಕೆಲವು ಸ್ಟ್ರಾಬೆರಿ ಹಣ್ಣು ಸೇವನೆ ಮಾಡುವುದರಿಂದ ಉತ್ತಮವಾದ ಚರ್ಮ ಕಾಂತಿಯನ್ನು ಪಡೆಯಬಹುದು.
ಇದು ಒಳಗಿನಿಂದ ನಿಮ್ಮ ಚರ್ಮಕ್ಕೆ ಪೋಷಣೆಯನ್ನು ನೀಡುತ್ತದೆ. ಇದರ ಬದಲಾಗಿ ಆಕರ್ಷಕವಾದ ಲುಕ್ ಗಾಗಿ ನೀವು ಸ್ಟ್ರಾಬೆರಿ ಫೇಸ್ ಮಾಸ್ಕ್ ಅನ್ನು ನಿಮ್ಮ ತ್ವಚೆಗೆ ಅನ್ವಯಿಸಿ.
ಹೀಗೆ ಮಾಡಿ
ಒಂದು ಬೌಲ್ ನಲ್ಲಿ ಒಂದೆರಡು ಸ್ಟ್ರಾಬೆರಿ ಹಿಸುಕಿ ಪೇಸ್ಟ್ ರೀತಿ ತಯಾರಿಸಿಕೊಳ್ಳಿ. ಇದಕ್ಕೆ ಒಂದು ಚಮಚ ಜೇನುತುಪ್ಪವನ್ನು ಹಾಕಿ ಮಿಶ್ರಣ ಮಾಡಿ. ನಂತರ ನಿಮ್ಮ ತ್ವಚೆಯ ಮೇಲೆ ಅನ್ವಯಿಸಿ. ೨೦ ರಿಂದ ೩೦ ನಿಮಿಷಗಳ ಕಾಲ ಬಿಟ್ಟು ಮುಖವನ್ನು ತೊಳೆಯಿರಿ. ಇದು ನಿಮ್ಮ ಚರ್ಮಕ್ಕೆ ನೈಸರ್ಗಿಕವಾದ ಹೊಳಪನ್ನು ತಕ್ಷಣವೇ ನೀಡುತ್ತದೆ. ಉತ್ತಮವಾದ ಫಲಿತಾಂಶಕ್ಕಾಗಿ ವಾರಕ್ಕೆ ೩ ಬಾರಿ ಬಳಸುವುದು ಉತ್ತಮ.
ತೂಕ ಇಳಿಕೆ ಮಾಡಿಕೊಳ್ಳಲು ವಾಕಿಂಗ್ ಯಾವ ಸಮಯದಲ್ಲಿ ಮಾಡಬೇಕು ಗೊತ್ತಾ?
೭. ನಿಮ್ಮ ಹಲ್ಲುಗಳನ್ನು ಬಿಳುಪಾಗಿಸುತ್ತದೆ
- ನಿಮ್ಮ ಹಲ್ಲುಗಳನ್ನು ಫಳಫಳ ಹೊಳೆಯುವಂತೆ ಮಾಡಲು ಸ್ಟ್ರಾಬೆರಿಯನ್ನು ನಿಮ್ಮ ಹಲ್ಲುಗಳ ಮೇಲೆ ನಿಧಾನವಾಗಿ ಉಜ್ಜಿ.
- ಈ ಹಣ್ಣಿನಲ್ಲಿರುವ ಮ್ಯಾಲಿಕ್ ಆಮ್ಲದ ಅಂಶವು ನಿಮ್ಮ ಹಲ್ಲನ್ನು ಬಿಳಿಯಾಗಿಸಿ, ಹೊಳೆಯುವಂತೆ ಮಾಡುತ್ತದೆ.