ಡೆಂಘಿ ಜ್ವರದ ಹರಡುವಿಕೆಯನ್ನು ತಡೆಗಟ್ಟುವ ಬಗ್ಗೆ ಜಾಗೃತಿ ಮೂಡಿಸಲು ಪ್ರತಿವರ್ಷ ವಿವಿಧ ಅಭಿಯಾನಗಳನ್ನು ನಡೆಸಲಾಗುತ್ತದೆ. ನೀವು ಅಥವಾ ನಿಮ್ಮ ಕುಟುಂಬದ ಯಾರಾದರೂ ಡೆಂಘಿ ಜ್ವರದಿಂದ ಬಳಲುತ್ತಿದ್ದರೆ, ಅವರು ಸಂಪೂರ್ಣವಾಗಿ ಚೇತರಿಸಿಕೊಳ್ಳುವವರೆಗೂ ನೀವು ಹೆಚ್ಚಿನ ಜಾಗರೂಕತೆ ವಹಿಸುವುದು ಅವಶ್ಯಕವಾಗಿದೆ. ಔಷಧಿಗಳ ಹೊರತಾಗಿ, ನಿಮ್ಮ ಆಹಾರವೂ ರೋಗದ ಚೇತರಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಆದರೆ ಸರಿಯಾದ ಆಹಾರಗಳನ್ನು ಸೇವಿಸುವುದು ಅಗತ್ಯ. ಅರಿವಿಲ್ಲದೇ ಈ ತೊಂದರೆಯನ್ನು ಹೆಚ್ಚಿಸುವ ಆಹಾರಗಳನ್ನು ಸೇವಿಸಿದರೆ ಚೇತರಿಕೆ ಇನ್ನಷ್ಟು ತಡವಾಗಬಹುದು. ಡೆಂಘಿ ಜ್ವರದಿಂದ ಚೇತರಿಸಿಕೊಳ್ಳುತ್ತಿರುವ ವ್ಯಕ್ತಿಗಳಿಗೆ ಯಾವ ಆಹಾರಗಳು ಸೂಕ್ತ, ಯಾವುದು ಸೂಕ್ತವಲ್ಲ ಎಂದು ವಿವರಿಸಲಾಗಿದೆ.
ಪಪ್ಪಾಯಿ ಎಲೆಯ ರಸ
ಡೆಂಘಿ ಜ್ವರಕ್ಕೆ ಅತಿ ಸೂಕ್ತ ಎಂದು ನಂಬಲಾಗಿರುವ ಮನೆಮದ್ದಿನಲ್ಲಿ ಪೊಪ್ಪಾಯಿ ಎಲೆಗಳ ರಸ ಅಗ್ರಸ್ಥಾನದಲ್ಲಿದೆ. ಈ ಎಲೆಗಳನ್ನು ಅರೆದು ಸಂಗ್ರಹಿಸಿದ ರಸದ ಸೇವನೆಯಿಂದ ಜ್ವರಕ್ಕೆ ಪರಿಣಾಮಕಾರಿಯಾದ ಚಿಕಿತ್ಸೆ ನೀಡಲು ನೆರವಾಗುತ್ತದೆ. ಈ ರಸ ರಕ್ತದಲ್ಲಿನ ಪ್ಲೇಟ್ಲೆಟ್ ಸಂಖ್ಯೆಯನ್ನು ಹೆಚ್ಚಿಸುತ್ತದೆ ಮತ್ತು ರೋಗ ನಿರೋಧಕ ಶಕ್ತಿಯನ್ನು ಉತ್ತಮಗೊಳಿಸುವ ಮೂಲಕ ರೋಗ ಶೀಘ್ರವೇ ಗುಣವಾಗಲು ನೆರವಾಗುತ್ತದೆ.
ಇದಕ್ಕಾಗಿ ಕೊಂಚ ತಾಜಾ ಪಪ್ಪಾಯಿ ಎಲೆಗಳನ್ನು ಸಂಗ್ರಹಿಸಿ ಚಿಕ್ಕದಾಗಿ ಹೆಚ್ಚಿಕೊಳ್ಳಿ. ಸ್ವಲ್ಪ ನೀರು ಬೆರೆಸಿ ನುಣ್ಣಗೆ ಅರೆಯಿರಿ. ಬಳಿಕ ಇದನ್ನು ಹಿಂಡಿ ರಸವನ್ನು ಸಂಗ್ರಹಿಸಿ. ಉತ್ತಮ ಫಲಿತಾಂಶಕ್ಕಾಗಿ ಅರ್ಧ ಲೋಟದಷ್ಟು ನೀರನ್ನು ದಿನಕ್ಕೆ ಎರಡು ಬಾರಿ ಕುಡಿಯಿರಿ.
ತರಕಾರಿಗಳ ರಸ
ಹಸಿ ಮತ್ತು ತಾಜಾ ತರಕಾರಿಗಳ ರಸ ಅಗತ್ಯವಾದ ಪೋಷಕಾಂಶಗಳಿಂದ ಸಮೃದ್ಧವಾಗಿದೆ. ನಿಮ್ಮ ಆಯ್ಕೆಯ ತರಕಾರಿಗಳನ್ನು ಬೆರೆಸುವ ಮೂಲಕ ಇದನ್ನು ಸುಲಭವಾಗಿ ತಯಾರಿಸಬಹುದು. ವಿಟಮಿನ್ ಸಿ ಅಂಶವನ್ನು ಹೆಚ್ಚಿಸಲು ಸ್ವಲ್ಪ ನಿಂಬೆ ರಸವನ್ನು ಸೇರಿಸಿ ಮತ್ತು ರಸದ ರುಚಿಯನ್ನೂ ಹೆಚ್ಚಿಸಿ. ನಿಮ್ಮ ಆಯ್ಕೆಯ ನಾಲ್ಕಾರು ತರಕಾರಿಗಳನ್ನು ಚಿಕ್ಕದಾಗಿ ಹೆಚ್ಚಿ ಅರೆದು ರಸ ಸಂಗ್ರಹಿಸಿ ಅರ್ಧ ಲೋಟದಷ್ಟು ಪ್ರಮಾಣವನ್ನು ದಿನಕ್ಕೆರಡು ಬಾರಿ ಸೇವಿಸಿ.
ಗಿಡಮೂಲಿಕೆಗಳ ಟೀ
ಗಿಡಮೂಲಿಕೆಗಳ ಟೀ ಪೋಷಕಾಂಶಗಳಿಂದ ತುಂಬಿರುತ್ತವೆ ಮತ್ತು ನಿಮ್ಮ ಆರೋಗ್ಯಕ್ಕೆ ಹಲವು ರೀತಿಯಲ್ಲಿ ಪ್ರಯೋಜನಕಾರಿಯಾಗಿದೆ. ಹಿತವಾದ ಪರಿಣಾಮಕ್ಕಾಗಿ ನೀವು ಏಲಕ್ಕಿ, ಶುಂಠಿ ಹಾಗೂ ದಾಲ್ಚಿನ್ನಿ ಚಹಾವನ್ನು ಆಯ್ಕೆ ಮಾಡಬಹುದು. ಗಿಡಮೂಲಿಕೆ ಚಹಾದ ಉಲ್ಲಾಸಕರ ಪರಿಮಳವು ನಿಮ್ಮ ಮನಸ್ಸನ್ನು ಸಹ ಉಲ್ಲಾಸಗೊಳಿಸುತ್ತದೆ.
ಬೇವಿನ ಎಲೆಗಳು
ಬೇವು ಅತ್ಯುತ್ತಮ ಕ್ರಿಮಿನಾಶಕ ಆಹಾರವಾಗಿದೆ ಹಾಗೂ ಔಷಧೀಯ ಗುಣಗಳಿಂದ ಕೂಡಿದೆ. ವಿಶೇಷವಾಗಿ ಡೆಂಘಿ ಜ್ವರದ ರೋಗಿಗಳಿಗೆ ಇದು ಉತ್ತಮವಾಗಿದೆ. ಬೇವಿನ ಎಲೆಗಳನ್ನು ಅರೆದು ಹಿಂಡಿ ಸಂಗ್ರಹಿಸಿದ ರಸ ವೈರಸ್ಸಿನ ಬೆಳವಣಿಗೆ ಮತ್ತು ಹರಡುವಿಕೆಯನ್ನು ತಡೆಯುತ್ತದೆ. ಆದ್ದರಿಂದ ರೋಗ ಪ್ರಾರಂಭಿಕ ಹಂತದಲ್ಲಿದ್ದಾಗ ಈ ರಸವನ್ನು ಕುಡಿಸಬೇಕು.
ಮಾಂಸಾಹಾರ ಸೇವನೆಯಿಂದ ಕ್ಯಾನರ್ ಎದುರಾಗುವ ಸಾಧ್ಯತೆ ಹೆಚ್ಚುತ್ತದಂತೆ ನಿಜವೇ?
ಅರಿಶಿನ
ಇದೊಂದು ಪ್ರತಿಜೀವ ಮತ್ತು ಜೀವ ರಾಸಾಯನಿಕ ಕ್ರಿಯೆಯನ್ನು ಚುರುಕುಗೊಳಿಸುವ ಆಹಾರವಾಗಿದೆ. ಡೆಂಘಿ ಜ್ವರದ ರೋಗಿಗಳು ಅರಿಶಿನ ಬೆರೆಸಿದ ಹಾಲನ್ನು ಸೇವಿಸುವಂತೆ ವೈದ್ಯರು ಶಿಫಾರಸ್ಸು ಮಾಡುತ್ತಾರೆ. ಇದರಿಂದ ಶೀಘ್ರ ಚೇತರಿಕೆ ಸಾಧ್ಯವಾಗುತ್ತದೆ. ಅರಿಶಿನ ಬೆರೆಸಿದ ಹಾಲು ಇಷ್ಟವಾಗದೇ ಇದ್ದರೆ ನೀರಿನಲ್ಲಿ ಬೆರೆಸಿಯೂ ಸೇವಿಸಬಹುದು.
ನೆಲ್ಲಿಕಾಯಿ
ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ನೆಲ್ಲಿಕಾಯಿ ಉತ್ತಮ ಆಯ್ಕೆಯಾಗಿದೆ. ಇದರಲ್ಲಿ ವಿಟಮಿನ್ ಎ, ಮತ್ತು ಸಿ ಉತ್ತಮ ಪ್ರಮಾಣದಲ್ಲಿವೆ ಹಾಗೂ ರಕ್ತದಲ್ಲಿ ಪ್ಲೇಟ್ಲೆಟ್ ಗಳನ್ನು ಉತ್ಪಾದಿಸಲು ನೆರವಾಗುತ್ತವೆ. ನೆಲ್ಲಿಕಾಯಿಯಲ್ಲಿ ಆಂಟಿ ಆಕ್ಸಿಡೆಂಟುಗಳು ಅಥವಾ ಉತ್ಕರ್ಷಣ ನಿರೋಧಕ ಗುಣಗಳು ಪ್ರಬಲವಾಗಿವೆ ಹಾಗೂ ಉತ್ಕರ್ಷಣಶೀಲ ಒತ್ತಡ (oxidative stress) ದ ಪರಿಣಾಮವನ್ನು ಕನಿಷ್ಟವಾಗಿಸುತ್ತದೆ. ಈ ಮೂಲಕ ರಕ್ತದ ಕಣಗಳು ಕಡಿಮೆಯಾಗುವುದರಿಂದ ಎದುರಾಗುವ ಮಾರಕ ಕಾಯಿಲೆಗಳಿಂದ ರಕ್ಷಿಸುತ್ತದೆ.
ತ್ವಚೆ ಆರೋಗ್ಯಕ್ಕೆ ಬಹಳ ಒಳ್ಳೆಯದು ಗುಲಾಬಿ ಪೇರಳೆ
ಚಿಕನ್ ಸೂಪ್
ಶೀತ ಮತ್ತು ಜ್ವರದ ರೋಗಲಕ್ಷಣಗಳನ್ನು ನಿವಾರಿಸುವಲ್ಲಿ ಚಿಕನ್ ಸೂಪ್ ಅದ್ಭುತವಾದ ಪರಿಣಾಮಗಳನ್ನೇ ನೀಡುತ್ತದೆ ಎಂದು ಸಾಬೀತುಪಡಿಸುವ ಹಲವು ಅಧ್ಯಯನಗಳಿವೆ. ದೇಹದಲ್ಲಿ ನೀರಿನಂಶ ಉಳಿಸಲು ಮತ್ತು ಉಸಿರಾಟದ ನಾಳಗಳ ತಾಪಮಾನವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಪರಿಣಾಮವಾಗಿ ಇಲ್ಲಿ ಸಂಗ್ರಹವಾಗಿದ್ದ ಸ್ನಿಗ್ಧ ಲೋಳೆಯನ್ನು ಸಡಿಲಗೊಳಿಸಿ ಉಸಿರಾಟ ಸರಾಗವಾಗಲು ಸಹಾಯ ಮಾಡುತ್ತದೆ.
ಡೆಂಘಿ ಜ್ವರದ ರೋಗಿಗಳು ಸೇವಿಸಬಾರದ ಆಹಾರಗಳು
ಡೆಂಘಿ ಜ್ವರ ಎದುರಾಗಿರುವ ರೋಗಿಗಳು ಸೇವಿಸಬಾರದ ಕೆಲವು ಆಹಾರಗಳಿವೆ. ಈ ಪಟ್ಟಿಯಲ್ಲಿ ಎಣ್ಣೆಯುಕ್ತ ಮತ್ತು ಹುರಿದ ಆಹಾರಗಳು, ಕೆಫೀನ್, ಬುರುಗು ಪಾನೀಯಗಳು, ಮಸಾಲೆಯುಕ್ತ ಆಹಾರಗಳು ಮತ್ತು ಹೆಚ್ಚಿನ ಕೊಬ್ಬು ಇರುವ ಆಹಾರಗಳು ಸೇರಿವೆ.
To read in English Click: Dengue Diet: Dos and don't of eating for a fast recovery