ರಾಜ್ಮಾ ಪ್ರಿಯರೇ ಅದರ ಅಪಾಯದ ಅರಿವಿರಲಿ!

ರಾಜ್ಮಾ ಗ್ರೇವಿ ಮಾಡಿ ಅನ್ನ ಅಥವಾ ಚಪಾತಿ ಜತೆ ಸವಿಯಲು ಎಷ್ಟೊಂದು ರುಚಿಕರ ಅಲ್ವಾ? ಪಂಜಾಬಿ ಶೈಲಿಯ ಅಡುಗೆಯಲ್ಲಿ ರಾಜ್ಮಾ ಗ್ರೇವಿ ಇದ್ದೇ ಇರುತ್ತದೆ.

ನಾವು ಇಷ್ಟಪಟ್ಟು ತಿನ್ನುವ ಈ ರಾಜ್ಮಾ ಬೇಯಿಸುವ ವಿಧಾನ ಸರಿಯಿಲ್ಲದಿದ್ದರೆ ಅದುವೇ ವಿಷವಾಗುವ ಅಪಾಯವಿದೆ!

ರಾಜ್ಮಾ ಯಾವಾಗ ಅಪಾಯ? ಇದರಿಂದ ಉಂಟಾಗುವ ಅಪಾಯವನ್ನು ತಪ್ಪಿಸಲು ಏನು ಮಾಡಬೇಕೆಂದು ನೋಡೋಣ ಬನ್ನಿ:

ಕಿಡ್ನಿ ಬೀನ್ಸ್ ಬೇಯಿಸುವುದಾದರೆ ಅದನ್ನು ಸಂಪೂರ್ಣವಾಗಿ ಬೇಯಿಸಬೇಕು. ಹಸಿ ಕಿಡ್ನಿ ಬೀನ್ಸ್‌ ಅಥವಾ ಅರ್ಧ ಬೆಂದ ಕಿಡ್ನಿ ಬೀನ್‌ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ಏಕೆಂದರೆ ಕಿಡ್ನಿ ಬೀನ್ಸ್‌ನಲ್ಲಿ Phytohaemagglutin ಎಂಬ ಅಂಶವಿರುತ್ತದೆ. 4-5 ಬೆಂದಿಲ್ಲದ ಕಿಡ್ನಿ ಬೀನ್ಸ್‌ ಸಾಕು ನಿಮ್ಮನ್ನು ಕಾಯಿಲೆ ಬೀಳಿಸಲು. 'Epidemiology and Infection' ಎಂಬ ಜರ್ನಲ್‌ನಲ್ಲಿ ಇದನ್ನು ಹಸಿಯಾಗಿ ತಿನ್ನುವುದರಿಂದ ಹೊಟ್ಟೆ ಹಾಳಾಗುವುದು ಎಂದು ಹೇಳಲಾಗದೆ.

ಆದ್ದರಿಂದ ಕಿಡ್ನಿ ಬೀನ್ಸ್‌ ನಿಮಗೆ ತುಂಬಾ ಪ್ರಿಯವಾಗಿದ್ದರೆ ಒಂದು ರಾತ್ರಿ ನೆನೆಹಾಕಿ ಚೆನ್ನಾಗಿ ಬೇಯಿಸಿ ತಿಂದರೆ ಯಾವುದೇ ತೊಂದರೆ ಉಂಟಾಗುವುದಿಲ್ಲ.