ಅಧಿಕ ರಕ್ತದೊತ್ತಡ ಎನ್ನುವುದು ಈಗ ಪ್ರತಿಯೊಬ್ಬರಲ್ಲೂ ಕಾಮನ್ ಆಗಿರುವ ಸಮಸ್ಯೆಯಾಗಿದೆ. ಅಧಿಕ ರಕ್ತದೊತ್ತಡವು ನಿಮ್ಮ ಅಪಧಮನಿಯ ಗೋಡೆಗಳ ವಿರುದ್ಧ ರಕ್ತದ ಬಲವು ಸಾಕಷ್ಟು ಹೆಚ್ಚಿರುವ ಒಂದು ಸಾಮಾನ್ಯ ಸ್ಥಿತಿಯಾಗಿದ್ದು ಅದು ಅಂತಿಮವಾಗಿ ಹೃದ್ರೋಗದಂತಹ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು.

ರಕ್ತದೊತ್ತಡವನ್ನು ನಿಮ್ಮ ಹೃದಯ ಪಂಪ್ ಮಾಡುವ ರಕ್ತದ ಪ್ರಮಾಣ ಮತ್ತು ನಿಮ್ಮ ಅಪಧಮನಿಗಳಲ್ಲಿನ ರಕ್ತದ ಹರಿವಿನ ಪ್ರತಿರೋಧದ ಪ್ರಮಾಣದಿಂದ ನಿರ್ಧರಿಸಲಾಗುತ್ತದೆ. ನಿಮ್ಮ ಹೃದಯವು ಹೆಚ್ಚು ರಕ್ತವನ್ನು ಪಂಪ್ ಮಾಡುತ್ತದೆ ಮತ್ತು ನಿಮ್ಮ ಅಪಧಮನಿಗಳು ಕಿರಿದಾಗುತ್ತವೆ ಇದರಿಂದ ನಿಮ್ಮ ರಕ್ತದೊತ್ತಡ ಹೆಚ್ಚಾಗುತ್ತದೆ.

ಅಧಿಕ ರಕ್ತದೊತ್ತಡಕ್ಕೆ ಸೂಕ್ತ ಸಮಯಕ್ಕೆ ಚಿಕಿತ್ಸೆ ನೀಡದಿದ್ದರೆ ಹೃದಯಾಘಾತ, ಪಾರ್ಶ್ವವಾಯು, ಹೃದ್ರೋಗ, ಅಂಗಾಂಗ ವೈಫಲ್ಯ ಮತ್ತು ಸಾವಿಗೆ ಕಾರಣವಾಗಬಹುದು. ನೀವು ಅಧಿಕ ರಕ್ತದೊತ್ತಡ ಹೊಂದಿದ್ದರೆ ನಿಮ್ಮ ವೈದ್ಯರು ನಿಮಗೆ ವೈದ್ಯಕೀಯ ಔಷಧಿಗಳನ್ನು ನೀಡುತ್ತಾರೆ, ಆದರೆ ನಿಮ್ಮ ಕಿಚನ್‌ಲ್ಲಿರುವ ಹಲವಾರು ಸಾಮಾಗ್ರಿಗಳನ್ನು ನಿಮ್ಮ ಅಧಿಕ ರಕ್ತದೊತ್ತಡ ಸಮಸ್ಯೆಯನ್ನು ಕಡಿಮೆ ಮಾಡಲು ಇದನ್ನು ಬಳಸಬಹುದು ಎನ್ನುವುದು ನಿಮಗೆ ಗೊತ್ತಿದೆಯೇ?ನಮ್ಮ ಅಡುಗೆ ಮನೆಯಲ್ಲಿರುವ ಕೆಲವು ನೈಸರ್ಗಿಕ ಪದಾರ್ಥಗಳಿಂದ ಹೈ ಬಿಪಿಯನ್ನು ಆದಷ್ಟು ಕಂಟ್ರೋಲ್‌ನಲ್ಲಿಡಬಹುದು.

ಈರುಳ್ಳಿ ಮತ್ತು ಜೇನುತುಪ್ಪ
ನಿಮ್ಮ ರಕ್ತದೊತ್ತಡವನ್ನು ಕಡಿಮೆ ಮಾಡಲು ತ್ವರಿತ ಸಲಹೆ ಎಂದರೆ ಒಂದು ಕಪ್‌ನಲ್ಲಿ ಒಂದು ಟೀಸ್ಪೂನ್ ಈರುಳ್ಳಿ ರಸವನ್ನು ತೆಗೆದುಕೊಂಡು ಎರಡು ಟೀಸ್ಪೂನ್ ಜೇನುತುಪ್ಪವನ್ನು ಸೇರಿಸಿ. ಪ್ರತಿದಿನ ಈ ಮಿಶ್ರಣವನ್ನು ಕುಡಿಯಿರಿ.

ಮಾತ್ರೆಗಳಿಲ್ಲದೆ ಬಿಪಿ ನಿಯಂತ್ರಣ ಹೇಗೆ?

ಮೀನು ಹಾಗೂ ಕೋಳಿ ಮಾಂಸ
ಮೀನು ಮತ್ತು ಕೋಳಿ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಆದರೆ ಕೆಂಪು ಮಾಂಸವು ನಿಮ್ಮ ರಕ್ತದೊತ್ತಡವನ್ನು ಹೆಚ್ಚಿಸುತ್ತದೆ ಮತ್ತು ವಿಷಯಗಳನ್ನು ಇನ್ನಷ್ಟು ಹದಗೆಡಿಸುತ್ತದೆ. ತರಕಾರಿಗಳೊಂದಿಗೆ ಕೋಳಿ ಅಥವಾ ಮೀನುಗಳನ್ನು ಕ್ಲಬ್ ಮಾಡಿ ಸೇವಿಸಲು ಪ್ರಯತ್ನಿಸಿ.


ಬೆಳ್ಳುಳ್ಳಿ
ಬೆಳ್ಳುಳ್ಳಿ ಭಾರತೀಯ ಆಹಾರದ ಪ್ರಮುಖ ಅಂಶವಾಗಿದೆ ಮತ್ತು ಪ್ರಪಂಚದಾದ್ಯಂತದ ಅನೇಕ ಪಾಕಪದ್ಧತಿಗಳು ಬೆಳ್ಳುಳ್ಳಿಯನ್ನು ಬಳಸುತ್ತವೆ. ನಿಮ್ಮ ಅಜ್ಜಿ ಪ್ರತಿದಿನ ಬೆಳ್ಳುಳ್ಳಿ ತುಂಡು ತಿನ್ನಲು ಹೇಳಿದ್ದನ್ನು ನೆನಪಿಸಿಕೊಳ್ಳಿ.ಈ ನೈಸರ್ಗಿಕ ಔಷಧವು ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ನಿಮ್ಮ ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ. ನೀವು ಬೆಳ್ಳುಳ್ಳಿಯನ್ನು ಯಾವ ರೀತಿ ಸೇವಿಸುತ್ತೀರಿ ಎನ್ನುವುದರ ಮೇಲೆ ಜೀವನವು ಬದಲಾಗಬಹುದು. ತುಂಬಾ ಘಾಟು ಹೊಂದಿರುವಂತಹ ಹಸಿ ಬೆಳ್ಳುಳ್ಳಿ ಸೇವನೆ ಮಾಡಿದರೆ ಅದರಿಂದ ಖಿನ್ನತೆ ದೂರ ಮಾಡಬಹುದು ಮತ್ತು ರಕ್ತವನ್ನು ಶುದ್ಧೀಕರಿಸಬಹುದು.

ಮನೆಯಲ್ಲೇ ಹೈ-ಬಿಪಿಯನ್ನು ಕಂಟ್ರೋಲ್‌ನಲ್ಲಿ ಇಡೋದು ಹೇಗೆ?

ಕ್ಯಾರೆಟ್ , ಬೀಟ್‌ರೂಟ್
ಕ್ಯಾರೆಟ್ ಮತ್ತು ಪಾಲಕವನ್ನು ಮಿಶ್ರಣ ಮಾಡಿ ಜ್ಯೂಸ್‌ ಮಾಡಿ. ನಿಮ್ಮ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ, ಇದನ್ನು ದಿನಕ್ಕೆ ಎರಡು ಬಾರಿ ಕುಡಿಯಿರಿ.
ಬೀಟ್ ರೂಟ್ ರಸವು ನಿಮ್ಮ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಉತ್ತಮ ಮಾರ್ಗವಾಗಿದೆ. ಇದನ್ನು ದಿನಕ್ಕೆ ಎರಡು ಬಾರಿ ಕುಡಿಯಿರಿ. ನಿಮ್ಮ ದಿನನಿತ್ಯದ ಅಡುಗೆಯಲ್ಲಿ ಉಪ್ಪನ್ನು ಕಡಿಮೆ ಸೇವಿಸಿ.


ಕರಿಬೇವು
ನಮ್ಮ ದಕ್ಷಿಣ ಭಾರತೀಯರಯ ಪ್ರತಿಯೊಂದು ಪದಾರ್ಥಕ್ಕೂ ಕರಿಬೇವನ್ನು ಹಾಕುತ್ತಾರೆ. ಕರಿಬೇವಿನ ಎಲೆಗಳು ನೈಸರ್ಗಿಕ ಕಾಯಿಲೆಗಳೊಂದಿಗೆ ಹೋರಾಡುತ್ತದೆ. ಒಂದು ಪಾತ್ರೆಯಲ್ಲಿ ಕುಡಿಯುವ ನೀರು ಮತ್ತು 4-5 ಕರಿಬೇವಿನ ಎಲೆಗಳನ್ನು ಸೇರಿಸಿ ಕುದಿಸಿ, ಅದನ್ನು ತಣ್ಣಗಾಗಿಸಿ ಮತ್ತು ದಿನನಿತ್ಯ ಕುಡಿಯಲು ಬಳಸಿ.