ಯೋನಿ ತುರಿಕೆ ಮತ್ತು ಉರಿಯುವಿಕೆಯ ಹೊರತಾಗಿ, ಯೋನಿ ಜಾಗದಲ್ಲಿ ಮತ್ತು ಸುತ್ತಮುತ್ತ ಕೆಂಪು ಬಣ್ಣ ಮತ್ತು ಊತ ಕಾಣಿಸಿಕೊಳ್ಳಬಹುದು, ಇದು ನಿಮಗೆ ಅಹಿತಕರ ನೋವು ತರಬಹುದು. ಆದ್ದರಿಂದ ಯೋನಿ ತುರಿಕೆ ಮತ್ತು ಉರಿಯುವಿಕೆ ಬರದಂತೆ ತಡೆಯಲು ನೀವು ಸರಿಯಾಗಿ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳಬೇಕು. ಈಗಾಗಲೇ ಈ ಸಮಸ್ಯೆಯಿಂದ ಬಳಲುತ್ತಿರುವವರು ಇದರಿಂದ ಪರಿಹಾರ ಪಡೆಯಲು ಇಲ್ಲಿ ಕೊಟ್ಟಿರುವ ಕೆಲವು ಮನೆಮದ್ದುಗಳನ್ನು ಪ್ರಯತ್ನಿಸಬಹುದು.
ಮೊಸರು ಮತ್ತು ಜೇನುತುಪ್ಪ
ಮೊಸರಿನಲ್ಲಿ ಪ್ರೋಬಯಾಟಿಕ್ ಅಂಶವಿದೆ. ಇದು ಯೋನಿ ತುರಿಕೆ ಮತ್ತು ಉರಿಯುವಿಕೆಗೆ ಸುಲಭವಾಗಿ ಚಿಕಿತ್ಸೆ ನೀಡುತ್ತದೆ. ಮೊಸರು ಮತ್ತು ಜೇನುತುಪ್ಪ ಸಂಯೋಜನೆಯು ಎರಡು ರೀತಿಯಲ್ಲಿ ಸಹಾಯ ಮಾಡುತ್ತದೆ. ಮೊದಲನೆಯದಾಗಿ, ಮೊಸರಿನಲ್ಲಿರುವ ಹಿತವಾದ ಪರಿಣಾಮ ಮತ್ತು ಜೇನುತುಪ್ಪದಲ್ಲಿರುವ ಉರಿಯೂತದ ಗುಣಲಕ್ಷಣಗಳು ಕಿರಿಕಿರಿಯನ್ನು ತೊಡೆದುಹಾಕಲು ಸಹಾಯ ಮಾಡುತ್ತವೆ. ಎರಡನೆಯದಾಗಿ ಇದರಲ್ಲಿರುವ ಪ್ರೋಬಯಾಟಿಕ್ ಸಂಯುಕ್ತಗಳು, ಬ್ಯಾಕ್ಟೀರಿಯಾದಲ್ಲಿನ ಅಸಮತೋಲನವನ್ನು ಸರಿಪಡಿಸುತ್ತದೆ. ಯೀಸ್ಟ್ ಸೋಂಕು ಅಥವಾ ಬ್ಯಾಕ್ಟೀರಿಯಾದ ಯೋನಿನೋಸಿಸ್ ಅಪಾಯವನ್ನು ಕಡಿಮೆ ಮಾಡುತ್ತದೆ.
ಬಳಸುವ ವಿಧಾನ: ನೀವು ಮೊಸರು ಕುಡಿಯಬಹುದು ಅಥವಾ ನಿಮ್ಮ ಯೋನಿಗೆ ನೇರವಾಗಿ ಜೇನುತುಪ್ಪದೊಂದಿಗೆ ಮೊಸರು ಹಚ್ಚುವ ಮೂಲಕ ಯೋನಿ ತುರಿಕೆಯಿಂದ ತ್ವರಿತ ಪರಿಹಾರ ಪಡೆಯಬಹುದು. ತ್ವರಿತ ಫಲಿತಾಂಶಗಳನ್ನು ನೋಡಲು ಇದನ್ನು ದಿನಕ್ಕೆ ಎರಡು ಬಾರಿ ಹಚ್ಚಿ.
ಆಪಲ್ ಸೈಡರ್ ವಿನೆಗರ್’ನೊಂದಿಗೆ ತೊಳೆಯಿರಿ
ಆಪಲ್ ಸೈಡರ್ ವಿನೆಗರ್ ಪ್ರಬಲವಾದ ಆಂಟಿ ಬ್ಯಾಕ್ಟೀರಿಯಾ ಮತ್ತು ಆಂಟಿಫಂಗಲ್ ಗುಣಗಳನ್ನು ಹೊಂದಿದೆ, ಇದು ಯೋನಿ ತುರಿಕೆ ಮತ್ತು ಉರಿಯುವಿಕೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದು ಯೋನಿಯ ಮತ್ತು ಚರ್ಮದ ಪಿಹೆಚ್ ಮಟ್ಟವನ್ನು ಸಮತೋಲನಗೊಳಿಸಲು ಸಹಾಯ ಮಾಡುತ್ತದೆ. ಆದ್ದರಿಂದ, ಇದು ಯೋನಿ ಸಮತೋಲನವನ್ನು ಸುಲಭವಾಗಿ ಪುನಃಸ್ಥಾಪಿಸಬಹುದು.
ಬಳಸುವ ವಿಧಾನ: ನೀವು ಒಂದು ಗ್ಲಾಸ್ ಬೆಚ್ಚಗಿನ ನೀರಿಗೆ ಒಂದು ಚಮಚ ಆಪಲ್ ಸೈಡರ್ ವಿನೆಗರ್ ಬೆರೆಸಿ ಕುಡಿಯಬಹುದು ಅಥವಾ ನಿಮ್ಮ ಸ್ನಾನದ ನೀರಿಗೆ ಅರ್ಧ ಕಪ್ ಆಪಲ್ ಸೈಡರ್ ವಿನೆಗರ್ ಸೇರಿಸಿ. ನಂತರ ಸೋಂಕಿಗೆ ಚಿಕಿತ್ಸೆ ನೀಡಲು ನಿಮ್ಮ ಯೋನಿ ಪ್ರದೇಶವನ್ನು ನಿಯಮಿತವಾಗಿ ತೊಳೆಯಿರಿ.
ಟೀ ಟ್ರೀ ಎಣ್ಣೆ
ಯೋನಿ ಸಮಸ್ಯೆಗೆ ಚಿಕಿತ್ಸೆ ನೀಡಲು ಕೆಲವು ಸಾರಭೂತ ತೈಲಗಳು ನಿಜವಾಗಿಯೂ ಪರಿಣಾಮಕಾರಿ. ಟೀ ಟ್ರೀ ಎಣ್ಣೆ ಅವುಗಳಲ್ಲಿ ಒಂದು. ಇದರ ಆಂಟಿ ಫಂಗಲ್, ಆಂಟಿ ಬ್ಯಾಕ್ಟೀರಿಯಾ ಮತ್ತು ಆಂಟಿ-ವೈರಲ್ ಗುಣಲಕ್ಷಣಗಳು ಯೋನಿ ತುರಿಕೆ ಮತ್ತು ಉರಿಯುವಿಕೆಗೆ ಚಿಕಿತ್ಸೆ ನೀಡಲು ಪರಿಣಾಮಕಾರಿ.
ಬಳಸುವ ವಿಧಾನ: ನಿಮ್ಮ ಕೈಯ್ಯಲ್ಲಿ 2-3 ಹನಿ ಎಣ್ಣೆಯನ್ನು ತೆಗೆದುಕೊಂಡು ಯೋನಿಯ ಹೊರ ಚರ್ಮದ ಮೇಲೆ ಹಚ್ಚಿ. ಇದು ನಿಮ್ಮ ಯೋನಿಯಲ್ಲಿರುವ ಯೀಸ್ಟ್ ಅನ್ನು ಕೊಲ್ಲುತ್ತದೆ.
ತುಳಸಿ ಎಲೆಗಳು
ಜನಪ್ರಿಯ ಗಿಡಮೂಲಿಕೆಯಾದ ತುಳಸಿ ಯುಜೆನಾಲ್ ಎಂಬ ಸಂಯುಕ್ತವನ್ನು ಹೊಂದಿರುತ್ತದೆ. ಇದು ತುರಿಕೆಗೆ ಕಾರಣವಾಗುವ ನರ ತುದಿಗಳನ್ನು ನಿಶ್ಚೇಷ್ಟಗೊಳಿಸುತ್ತದೆ. ಇದು ಉರಿಯೂತ, ಆಂಟಿ ಬ್ಯಾಕ್ಟೀರಿಯಾ ಮತ್ತು ಆಂಟಿಫಂಗಲ್ ಗುಣಗಳನ್ನು ಹೊಂದಿದ್ದು, ಯೋನಿ ತುರಿಕೆ ಮತ್ತು ಉರಿಯುವಿಕೆಗೆ ಚಿಕಿತ್ಸೆ ನೀಡುತ್ತದೆ.
ಬಳಸುವ ವಿಧಾನ: ತಾಜಾ ತುಳಸಿ ಎಲೆಗಳನ್ನು ತೆಗೆದುಕೊಂಡು ಅವುಗಳನ್ನು ನೀರಿನಲ್ಲಿ ಕುದಿಸಿ, ಒಂದು ಬೌಲ್’ನಲ್ಲಿ ಈ ನೀರನ್ನು ಸುರಿಯಿರಿ, ಇದನ್ನು ತಣ್ಣಗಾಗಲು ಬಿಡಿ. ಈಗ ಈ ಮಿಶ್ರಣವನ್ನು ಬಳಸಿ ನಿಮ್ಮ ಯೋನಿಯನ್ನು ತೊಳೆಯಿರಿ. ನೀವು ಇದನ್ನು ದಿನಕ್ಕೆ 2-3 ಬಾರಿ ಮಾಡಬಹುದು.
ಎರಡು ತೋಳುಗಳಲ್ಲಿಯೂ ರಕ್ತದೊತ್ತಡವನ್ನು ಪರೀಕ್ಷಿಸಬೇಕು ಏಕೆ ?
ಅಡುಗೆ ಸೋಡಾ
ಅಡುಗೆ ಸೋಡಾವನ್ನು ಸೋಡಿಯಂ ಬೈಕಾರ್ಬನೇಟ್ ಎಂದೂ ಕರೆಯುತ್ತಾರೆ, ಇದು ನೀರಿನಲ್ಲಿ ಕರಗಿದಾಗ ಕ್ಷಾರೀಯ ದ್ರಾವಣವನ್ನು ರೂಪಿಸುತ್ತದೆ. ಇದು ಶಿಲೀಂಧ್ರವು ಹೆಚ್ಚಾಗದಂತೆ ಅನಾನುಕೂಲಕರ ವಾತಾವರಣವನ್ನು ಸೃಷ್ಟಿಸುತ್ತದೆ. ತುರಿಕೆ, ಉರಿಯುವಿಕೆ ಮತ್ತು ಊತವನ್ನು ಶಮನಗೊಳಿಸಲು ಮತ್ತು ನಿವಾರಿಸಲು ಇದು ಉತ್ತಮ ಪರಿಹಾರವಾಗಿದೆ.
ಬಳಸುವ ವಿಧಾನ: ನಿಮ್ಮ ಸ್ನಾನಕ್ಕೆ ¼ ಕಪ್ ಅಡಿಗೆ ಸೋಡಾ ಸೇರಿಸಿ. ಇದನ್ನು ಕರಗಲು ಬಿಡಿ. ಸುಮಾರು 15-20 ನಿಮಿಷಗಳ ಕಾಲ ನೀರಿನಲ್ಲಿ ನೆನೆಸಿ.
ಕೋಲ್ಡ್ ಕಂಪ್ರೆಸ್
ತುರಿಕೆ ನಿಯಂತ್ರಣ ಮೀರಿದರೆ, ಕೋಲ್ಡ್ ಕಂಪ್ರೆಸ್ ನಿಮ್ಮ ಯೋನಿ ಜಾಗದಲ್ಲಿ ಮತ್ತು ಸುತ್ತಮುತ್ತಲು ಆಗುವ ಉರಿಯುವಿಕೆಯಿಂದ ನಿಮಗೆ ವೇಗವಾಗಿ ಪರಿಹಾರ ನೀಡುತ್ತದೆ. ಕೋಲ್ಡ್ ಕಂಪ್ರೆಸ್ ತುರಿಕೆ ಅನುಭವವನ್ನು ನಿಶ್ಚೇಷ್ಟಗೊಳಿಸುತ್ತದೆ, ಇದರಿಂದಾಗಿ ಊತ ಮತ್ತು ಉರಿಯೂತ ಕಡಿಮೆಯಾಗುತ್ತದೆ.
ಬಳಸುವ ವಿಧಾನ: ಕೆಲವು ಐಸ್ ಕ್ಯೂಬ್‌’ಗಳನ್ನು ಒಂದು ಬ್ಯಾಗ್’ನಲ್ಲಿ ಹಾಕಿ ಸ್ವಚ್ಛವಾದ ಬಟ್ಟೆಯಿಂದ ಕಟ್ಟಿ. ಈ ಐಸ್ ಪ್ಯಾಕ್ ಅನ್ನು ನಿಮ್ಮ ಯೋನಿಯ ಮೇಲೆ ಕೆಲವು ನಿಮಿಷಗಳ ಕಾಲ ಇರಿಸಿ. ಯೋನಿ ಉರಿಯುವಿಕೆ ಮತ್ತು ತುರಿಕೆ ತೊಡೆದುಹಾಕಲು ಇದನ್ನು ದಿನಕ್ಕೆ 2-3 ಬಾರಿ ಪುನರಾವರ್ತಿಸಿ.
ಮಹಿಳೆಯರೇ, ಈ ಮನೆಮದ್ದುಗಳು ನಿಮ್ಮ ಯೋನಿ ಸಮಸ್ಯೆಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತವೆ. ಆದರೆ ನೈರ್ಮಲ್ಯವು ಅಷ್ಟೇ ಮುಖ್ಯವಾಗಿದೆ ಎಂಬುದನ್ನು ನೆನಪಿನಲ್ಲಿಡಿ.