ಉಸಿರಾಟದ ತೊಂದರೆ ನಿವಾರಣೆಗೆ ಇಲ್ಲಿದೆ ಸರಳ ಮನೆಮದ್ದುಗಳು

ಕಾಫಿಯಲ್ಲಿ ಕೆಫೀನ್ ಇದ್ದು, ಇದು ವಾತಾಯನದಲ್ಲಿ ಇರುವ ಸ್ನಾಯುಗಳಲ್ಲಿನ ಬಿಗಿತವನ್ನು ಕಡಿಮೆ ಮಾಡುತ್ತದೆ. ಈ ಪರಿಹಾರವು ಅಸ್ತಮಾದಿಂದ ಬಳಲುತ್ತಿರುವ ಜನರಿಗೆ ಸಾಕಷ್ಟು ಪರಿಣಾಮಕಾರಿ ಎಂದು ಸಾಬೀತಾಗಿದೆ. ಕಪ್ಪು ಕಾಫಿ ಶ್ವಾಸಕೋಶದ ಕಾರ್ಯವನ್ನು ಸುಧಾರಿಸುತ್ತದೆ ಮತ್ತು ಉಸಿರಾಟದ ಸಮಸ್ಯೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಆದರೆ ಇದು ನಿಮಗೆ ಸರಿ ಬರದಿದ್ದರೆ, ತೊಂದರೆಯುಂಟಾದರೆ ಬಳಸಬೇಡಿ. ನಿಮ್ಮ ಆರೋಗ್ಯ ಚೆನ್ನಾಗಿದ್ದರೆ ಮತ್ತು ಕೆಫೀನ್’ನಿಂದ ಯಾವುದೇ ತೊಂದರೆ ಆಗದಿದ್ದರೆ ನೀವು ದಿನಕ್ಕೆ 400 ಮಿಲಿಗ್ರಾಂ ವರೆಗೆ ಕಾಫಿ ಸೇವಿಸಬಹುದು ಎಂದು ಯು.ಎಸ್. ಫುಡ್ ಅಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್ (ಎಫ್ಡಿಎ) ಹೇಳುತ್ತದೆ.

ತಾಜಾ ಶುಂಠಿ ಅಥವಾ ಶುಂಠಿ ಚಹಾ ಸೇವಿಸುವುದರಿಂದ ಉಸಿರಾಟದ ಸಮಸ್ಯೆ ನಿವಾರಣೆಯಾಗಲು ಸಹಾಯ ಮಾಡುತ್ತದೆ. ಉಸಿರಾಟದ ಸೋಂಕಿನಿಂದ ಉಂಟಾಗುವ ಉಸಿರಾಟದ ತೊಂದರೆ ಕಡಿಮೆ ಮಾಡಲು ಸಹ ಶುಂಠಿ ಸಹಾಯ ಮಾಡುತ್ತದೆ. ಸಾಮಾನ್ಯವಾಗಿ ಶುಂಠಿ ಉರಿಯೂತದ ಗುಣಗಳನ್ನು ಹೊಂದಿದ್ದು, ಅದು ಶ್ವಾಸಕೋಶದಲ್ಲಿ ಉರಿಯೂತವನ್ನು ಕಡಿಮೆ ಮಾಡುತ್ತದೆ.

ಈ ಸರಳ ಉಸಿರಾಟದ ತಂತ್ರವು ಉಸಿರಾಟದ ಸಮಸ್ಯೆಯನ್ನು ನಿರ್ವಹಿಸಲು ನಿಮಗೆ ಸಹಾಯ ಮಾಡುತ್ತದೆ. ಇದು ನಿಮ್ಮ ಉಸಿರಾಟದ ವೇಗವನ್ನು ನಿಧಾನಗೊಳಿಸಿ, ನಿಮಗೆ ಆರಾಮ ನೀಡುತ್ತದೆ. ನೀವು ಇದನ್ನು ಹೇಗೆ ಮಾಡಬಹುದು ಎಂಬುದು ಇಲ್ಲಿದೆ ನೋಡಿ…

ಹಂತ 1: ಆರಾಮದಾಯಕ ಭಂಗಿಯಲ್ಲಿ ನೆಲದ ಮೇಲೆ ಅಥವಾ ಕುರ್ಚಿಯ ಮೇಲೆ ಕುಳಿತುಕೊಳ್ಳಿ. ನಿಮ್ಮ ಬೆನ್ನು ನೇರವಾಗಿರಲಿ.

ಹಂತ 2: ನಿಮ್ಮ ಮೂಗಿನ ಮೂಲಕ 4 ರಿಂದ 5 ಸೆಕೆಂಡುಗಳವರೆಗೆ ನಿಧಾನವಾಗಿ ಉಸಿರೆಳೆದುಕೊಳ್ಳಿ. ನಿಮ್ಮ ಶ್ವಾಸಕೋಶದ ಬದಲು ನಿಮ್ಮ ಹೊಟ್ಟೆಯನ್ನು ಗಾಳಿಯಿಂದ ತುಂಬಿಸಿ.

ಹಂತ 3: ನಿಮ್ಮ ತುಟಿಗಳನ್ನು ಪರ್ಸ್ ಮಾಡಿ ಮತ್ತು 4 ರಿಂದ 6 ಸೆಕೆಂಡುಗಳ ಕಾಲ ಉಸಿರು ಬಿಡಿ.

ಹಂತ 4: ಸಾಮಾನ್ಯ ಸ್ಥಿತಿಗೆ ಮರಳಲು ಇದೇ ರೀತಿ 10 ರಿಂದ 20 ಬಾರಿ ಪುನರಾವರ್ತಿಸಿ.

ಎದೆಯುರಿ ರಾತ್ರಿ ಹೊತ್ತಿನಲ್ಲೇಕೆ ಉಲ್ಬಣಗೊಳ್ಳುತ್ತದೆ?

ಶೀತದಿಂದ ಬಳಲುತ್ತಿರುವಾಗ ನಿಮಗೆ ಉಸಿರಾಡಲು ಕಷ್ಟವಾಗುತ್ತಿದ್ದರೆ ಅದು ಶ್ವಾಸಕೋಶದಲ್ಲಿ ಲೋಳೆಯ ರಚನೆಯಿಂದಾಗಿರಬಹುದು. ಲೋಳೆಯು ಮುರಿಯಲು ಮತ್ತು ನಿಮ್ಮ ಗಾಳಿಯ ಮಾರ್ಗವನ್ನು ತೆರವುಗೊಳಿಸಲು ಸ್ಟೀಮ್ ತೆಗೆದುಕೊಳ್ಳಿ.

ತಂಪಾದ ಗಾಳಿಯು ಉಸಿರಾಟದ ಸಮಸ್ಯೆಯಿಂದ ಪರಿಹಾರವನ್ನು ನೀಡಲು ಸಹಾಯ ಮಾಡುತ್ತದೆ ಎಂದು ಅಧ್ಯಯನವು ಸೂಚಿಸುತ್ತದೆ. ಉಸಿರಾಡುವಾಗ ತೊಂದರೆ ಅನುಭವಿಸಿದರೆ, ಉಸಿರಾಡಲು ಕಷ್ಟವಾದರೆ ಫ್ಯಾನ್ ಹತ್ತಿರ ಕುಳಿತುಕೊಳ್ಳಿ. ಹೀಗೆ ಮಾಡುವುದರಿಂದ ನೀವು ಸಮಾಧಾನದಿಂದ ಇರಲು ಸಹಾಯ ಮಾಡುತ್ತದೆ.

ಈ ಸಮಸ್ಯೆ ಯಾರಲ್ಲಿ ಹೆಚ್ಚು?

ನಿಮಗೆ ಉಸಿರಾಟದ ತೊಂದರೆ ಇದ್ದರೆ ಹಗುರವಾಗಿ ಪರಿಗಣಿಸಬೇಡಿ. ವಿಶೇಷವಾಗಿ ನಿಮಗೆ ಆರೋಗ್ಯದ ಸಮಸ್ಯೆಯಿದ್ದರೆ ಅದು ಉಸಿರಾಟದ ತೊಂದರೆಗಳಿಗೆ ಕಾರಣವಾಗುತ್ತದೆ. ಉದಾಹರಣೆಗೆ ಆಸ್ತಮಾ, ಸಿಒಪಿಡಿ (ದೀರ್ಘಕಾಲದ ಪ್ರತಿರೋಧಕ ಶ್ವಾಸಕೋಶದ ಕಾಯಿಲೆ), ಬೊಜ್ಜು, ಶ್ವಾಸಕೋಶದ ಕ್ಯಾನ್ಸರ್, ಅಲರ್ಜಿಯ ಪ್ರತಿಕ್ರಿಯೆ ಮತ್ತು ನ್ಯುಮೋನಿಯಾ ಇದ್ದರೆ ಉಸಿರಾಟದ ಸಮಸ್ಯೆ ಕಾಣಿಸಿಕೊಳ್ಳುವುದು ಹೆಚ್ಚು.

ಕೊರೋನಾ ವೈರಸ್‌ನಿಂದ ಗಂಟಲು ನೋವು ಸಾಮಾನ್ಯ, ಅದು ಆತಂಕಕಾರಿಯಲ್ಲ...

ಉಸಿರಾಟದ ಸಮಸ್ಯೆ ಕಡಿಮೆಯಾಗಬೇಕೆಂದರೆ ನೀವು ಕೆಫೀನ್ ಸೇವಿಸಬೇಡಿ. ಆದರೆ ನೀವು ಕೆಫೀನ್ ತ್ಯಜಿಸಿದ ನಂತರವೂ ನಿಮಗೆ ಉಸಿರಾಟದ ತೊಂದರೆ ಉಂಟಾಗುತ್ತಿದ್ದರೆ, ನಿಮ್ಮ ವೈದ್ಯರನ್ನು ಭೇಟಿ ಮಾಡಿ. ಅಮೇರಿಕನ್ ಲಂಗ್ ಅಸೋಸಿಯೇಷನ್ ಉಸಿರಾಟದ ತೊಂದರೆ ಇದ್ದಕ್ಕಿದ್ದಂತೆ ಬಂದರೆ, ದೀರ್ಘಕಾಲದವರೆಗೆ ಕಾಡಿದರೆ ತಕ್ಷಣವೇ ವೈದ್ಯರನ್ನು ಭೇಟಿ ಮಾಡಲು ಶಿಫಾರಸ್ಸು ಮಾಡುತ್ತದೆ. ಉಸಿರಾಟದ ತೊಂದರೆ ಇರುವಾಗ ಎದೆ ನೋವು, ವಾಕರಿಕೆ, ನಿಮ್ಮ ತುಟಿ ಅಥವಾ ಉಗುರುಗಳಲ್ಲಿ ನೀಲಿ ಛಾಯೆ, ಜ್ವರ, ಆಯಾಸ, ಕಾಲುಗಳು ಊದಿಕೊಂಡಿದ್ದರೆ, ಉಬ್ಬಸ ಮತ್ತು ಕೆಮ್ಮು, ವಿಶ್ರಾಂತಿ ಸಮಯದಲ್ಲಿ ಉಸಿರಾಟದ ತೊಂದರೆ ಇಂತಹ ಯಾವುದೇ ರೋಗಲಕ್ಷಣಗಳನ್ನು ಅನುಭವಿಸುತ್ತಿದ್ದರೆ ತಕ್ಷಣವೇ ತುರ್ತು ವೈದ್ಯಕೀಯ ಆರೈಕೆ ಪಡೆಯಿರಿ ಎಂದು ತಜ್ಞರು ಹೇಳುತ್ತಾರೆ.

To read in English Click: 5 effective home remedy for shortness of breath