ಅದೇ ರೀತಿಯಾಗಿ ಅಧಿಕ ರಕ್ತದೊತ್ತಡವು ಮಹಿಳೆಯರಲ್ಲಿ ಲೈಂಗಿಕ ಸಮಸ್ಯೆಯನ್ನು ಉಂಟು ಮಾಡುವುದು. ಅಧಿಕ ರಕ್ತದೊತ್ತಡದಿಂದ ಮಹಿಳೆಯರಿಗೆ ಲೈಂಗಿಕ ಜೀವನದ ಸುಖ ಪಡೆಯಲು ಸಾಧ್ಯವಾಗದೆ ಇರಬಹುದು. ಇದಕ್ಕಾಗಿ ಏನು ಮಾಡಬೇಕು ಎಂದು ನಾವು ನಿಮಗೆ ಈ ಲೇಖನದಲ್ಲಿ ತಿಳಿಸಿಕೊಡಲಿದ್ದೇವೆ.
ಅಧಿಕ ರಕ್ತದೊತ್ತಡ ಸಮಸ್ಯೆ ಇರುವ ಮಹಿಳೆಯರಿಗೆ ಲೈಂಗಿಕ ನಿರಾಸಕ್ತಿ
- ಮಹಿಳೆಯರಲ್ಲಿ ಅಧಿಕ ರಕ್ತದೊತ್ತಡ ಸಮಸ್ಯೆಯಿದ್ದರೆ, ಅದು ಅವರಿಗೆ ಲೈಂಗಿಕವಾಗಿಯು ಸಮಸ್ಯೆಯನ್ನು ಉಂಟು ಮಾಡುವುದು ಎಂದು ಹಲವಾರು ಅಧ್ಯಯನಗಳು ಹೇಳಿವೆ. ಆದರೆ ಇದರ ಬಗ್ಗೆ ಇನ್ನು ಕೂಡ ಅಧ್ಯಯನಗಳು ನಡೆಯುತ್ತಲೇ ಇವೆ.
- ಅಧಿಕ ರಕ್ತದೊತ್ತಡ ಮತ್ತು ಮಹಿಳೆಯರಲ್ಲಿ ಕಾಮಾಸಕ್ತಿಯು ಕೆರಳದೆ ಇರುವುದಕ್ಕೆ ನೇರ ಸಂಬಂಧವಿದೆ ಎಂದು ಹೇಳಿವೆ. ಅಧಿಕ ರಕ್ತದೊತ್ತಡ ಇರುವ ಮಹಿಳೆಯರಲ್ಲಿ ಸಾಮಾನ್ಯ ಮಹಿಳೆಯರಿಗಿಂತ ಹೆಚ್ಚು ಲೈಂಗಿಕ ಸಮಸ್ಯೆಯು ಕಾಣಿಸಬಹುದು. ರಕ್ತದಲ್ಲಿ ಆಗುವಂತಹ ಏರುಪೇರು ಸಮಸ್ಯೆಯಲ್ಲದೆ ಇದ್ದರೂ ಇದನ್ನು ನಿಭಾಯಿಸಬೇಕು.
- ಅಧಿಕ ರಕ್ತದೊತ್ತಡ ಸಮಸ್ಯೆಯು ಇರುವವರಲ್ಲಿ ರಕ್ತ ಸಂಚಾರವು ಸರಿಯಾಗಿ ಆಗದೆ ಇರುವ ಪರಿಣಾಮವಾಗಿ ಲೈಂಗಿಕ ಆಸಕ್ತಿಯು ಕಡಿಮೆ ಆಗುವುದು. ಚಂದ್ರನಾಡಿ ಮತ್ತು ಯೋನಿಗೆ ಸರಿಯಾದ ರಕ್ತ ಸಂಚಾರವು ಆಗಬೇಕು ಮತ್ತು ಇದರಿಂದ ಲೈಂಗಿಕವಾಗಿ ಪರಾಕಾಷ್ಠೆ ತಲುಪಲು ನೆರವಾಗುವುದು.
- ರಕ್ತ ಸಂಚಾರವು ಸರಿಯಾಗಿಲ್ಲದೆ ಇರುವ ಕಾರಣ ಇದು ಮಹಿಳೆಯರಲ್ಲಿ ಉದ್ರೇಕ ಹಾಗೂ ಲೈಂಗಿಕಾಸಕ್ತಿ ಉಂಟು ಮಾಡದೆ ಇರಬಹುದು. ಅದೇ ರೀತಿಯಲ್ಲಿ ಯೋನಿಯು ಒಣಗುವ ಸಮಸ್ಯೆಯು ಕಂಡುಬರುವುದು.
ಅಧಿಕ ರಕ್ತದೊತ್ತಡದಿಂದ ಬಂಜೆತನ!
ಮಹಿಳೆಯರಲ್ಲಿ ಅಧಿಕ ರಕ್ತದೊತ್ತಡ ಸಮಸ್ಯೆಯು ಇದ್ದರೆ ಆಗ ಅವರಲ್ಲಿ ಅಂಡೋತ್ಪತ್ತಿಯ ಗುಣಮಟ್ಟವು ಕುಸಿಯಬಹುದು ಹಾಗೂ ಇದರಿಂದಾಗಿ ಬಂಜೆತನವು ಕಾಣಿಸುವುದು. ಅಧಿಕ ರಕ್ತದೊತ್ತಡ ಸಮಸ್ಯೆ ಇರುವ ಮಹಿಳೆಯರಲ್ಲಿ ಈಸ್ಟ್ರೋಜನ್ ಹಾರ್ಮೋನ್ ಅತಿಯಾಗಿ ಉತ್ಪತ್ತಿಯಾಗುವ ಪರಿಣಾಮದಿಂದಾಗಿ ಬಂಜೆತನವು ಕಾಡಬಹುದು.
ಬಂಜೆತನ ಸಮಸ್ಯೆ ಇದ್ದವರು, ಡಾರ್ಕ್ ಚಾಕಲೇಟ್‌ ತಿನ್ನಬೇಕಂತೆ!
ಅಧಿಕ ರಕ್ತದೊತ್ತಡ ನಿಭಾಯಿಸಲು ಏನು ಮಾಡಬೇಕು?
ಅಧಿಕ ರಕ್ತದೊತ್ತಡ ಸಮಸ್ಯೆಯಿಂದ ಬಳಲುತ್ತಿದ್ದರೆ ಮತ್ತು ಲೈಂಗಿಕ ಸಮಸ್ಯೆಗಳು ಇದ್ದರೆ ಆಗ ನೀವು ಜೀವನಶೈಲಿ ಬದಲಾವಣೆ ಮಾಡಿಕೊಂಡು, ರಕ್ತದೊತ್ತಡ ನಿಭಾಯಿಸಬೇಕು.
ವ್ಯಾಯಾಮ
ವ್ಯಾಯಾಮವು ಕೇವಲ ಲೈಂಗಿಕ ಜೀವನವನ್ನು ಉತ್ತಮಪಡಿಸುವುದು ಮಾತ್ರವಲ್ಲದೆ, ಇದು ಅಧಿಕ ರಕ್ತದೊತ್ತಡ ನಿಭಾಯಿಸಲು ಸಹಕಾರಿ. ಇದು ಒತ್ತಡ ತಗ್ಗಿಸುವುದು, ಸ್ಥಿತಿಸ್ಥಾಪಕತ್ವ ವೃದ್ಧಿಸುವುದು ಮತ್ತು ಇತರ ಅನಾರೋಗ್ಯ ಸಮಸ್ಯೆಗಳ ಅಪಾಯ ತಗ್ಗಿಸುವುದು.
ಅಧಿಕ ರಕ್ತದೊತ್ತಡ ನಿಯಂತ್ರಿಸಲು ಮಾಡಬೇಕಾದ ಯೋಗಾಸನಗಳು
ಸಮತೋಲಿತ ಆಹಾರ
ಸಮತೋಲಿತ ಆಹಾರ ಸೇವನೆ ಮಾಡಿದರೆ, ಆಗ ನೀವು ಉತ್ತಮ ಲೈಂಗಿಕ ಜೀವನ ಹಾಗೂ ಕಾಮಾಸಕ್ತಿ ಸುಧಾರಿಸಲು ನೆರವಾಗುವುದು. ಬೀಜಗಳು, ಬೆರ್ರಿಗಳು, ಅವಕಾಡೊ, ಹಣ್ಣುಗಳು ಮತ್ತು ಹಸಿರು ತರಕಾರಿಗಳನ್ನು ಸೇವನೆ ಮಾಡಿದರೆ, ಅದು ಅಧಿಕ ರಕ್ತದೊತ್ತಡ ಸಮಸ್ಯೆಯನ್ನು ನಿಭಾಯಿಸಲು ಸಹಕಾರಿ.
ಆಲ್ಕೋಹಾಲ್ ಮತ್ತು ಧೂಮಪಾನ ಕಡಿಮೆ ಮಾಡಿ
ಅತಿಯಾದ ಆಲ್ಕೋಹಾಲ್ ಮತ್ತು ಧೂಮಪಾನ ಸೇವನೆಯಿಂದಾಗಿ ಅಧಿಕ ರಕ್ತದೊತ್ತಡ ಸಮಸ್ಯೆಯು ಕಾಡುವುದು. ಇದರಿಂದ ಲೈಂಗಿಕ ಸಮಸ್ಯೆಯು ಕಾಡಬಹುದು. ಹೀಗಾಗಿ ಇವೆರಡರಿಂದ ದೂರವಿರಬೇಕು.
ವಿವಾಹ ವಿಳಂಬ, ಒತ್ತಡ, ಸ್ಮೂಕಿಂಗ್, ಆಲ್ಕೋಹಾಲ್, ಇವೇ ಬಂಜೆತನಕ್ಕೆ ಪ್ರಮುಖ ಕಾರಣಗಳು!
ಸೊಂಟದ ಸುತ್ತಳತೆ
ಅಧಿಕ ರಕ್ತದೊತ್ತಡ ಸಮಸ್ಯೆಯಿಂದಾಗಿ ತೂಕವು ಹೆಚ್ಚಾಗುವುದು. ಹೀಗಾಗಿ ಸಮತೋಲಿತ ತೂಕ ಕಾಪಾಡುವುದು ಕೂಡ ಅತೀ ಅಗತ್ಯ. ರಕ್ತದೊತ್ತಡ ಹಾಗೂ ತೂಕವನ್ನು ಸಮತೋಲನದಲ್ಲಿಟ್ಟರೆ, ಆಗ ಲೈಂಗಿಕ ಸಮಸ್ಯೆಗಳು ದೂರವಾಗುವುದು.