ಕ್ಯಾನ್ಸರ್‌ ರೋಗದ ಸಾಧ್ಯತೆ ಕಮ್ಮಿ ಮಾಡುವ ಜೀವನಶೈಲಿ

ಇತ್ತೀಚೆಗೆ ಕ್ಯಾನ್ಸರ್‌ ಪ್ರಕರಣಗಳು ಹೆಚ್ಚಾಗುತ್ತಿವೆ. ದೇಹದಲ್ಲಾಗುವ ಸಣ್ಣ ಸಣ್ಣ ಬದಲಾವಣೆಗಳು ಭೀತಿ ಹುಟ್ಟಿಸುತ್ತವೆ. ಈ ನಿಟ್ಟಿನಲ್ಲಿ ಕ್ಯಾನ್ಸರ್‌ನಿಂದ ದೂರವಿರಲು ಜೀವನಶೈಲಿಯಲ್ಲಿಪ್ರಮುಖ ಬದಲಾವಣೆಗಳನ್ನು ಮಾಡಿಕೊಳ್ಳುವುದು ಮುಖ್ಯ. ಅಂತಹ ಜೀವನಶೈಲಿಯ ಬಗ್ಗೆ ಕ್ಯಾನ್ಸರ್‌ ತಜ್ಞ ಡಾ.ವಿಶ್ವನಾಥ್‌ ಮಾಹಿತಿ ನೀಡಿದ್ದಾರೆ.
1. ದೇಹತೂಕದಲ್ಲಿಸಮತೋಲನವಿರಲಿ-ಪುರುಷರು ಹಾಗೂ ಮಹಿಳೆಯರು ಸಮರ್ಪಕವಾದ ತೂಕವನ್ನು ನಿರ್ವಹಿಸಿಕೊಂಡು ಹೋಗಬೇಕು ಮತ್ತು ಬಾಡಿ ಮಾಸ್‌ ಇಂಡೆಕ್ಸ್‌ ಸೂಚ್ಯಂಕವನ್ನು ಸಮತೋಲನದಲ್ಲಿಇಡುವುದು ಒಳ್ಳೆಯದು.
2. ಪ್ರತಿದಿನ ಕನಿಷ್ಠ 30 ನಿಮಿಷಗಳ ಕಾಲ ದೈಹಿಕವಾಗಿ ಚಟುವಟಿಕೆಯಿಂದ ಇರಬೇಕು. ಇದನ್ನು 10-15 ನಿಮಿಷಗಳಾಗಿ ವಿಭಾಗಿಸಬಹುದು ಮತ್ತು ಇದಕ್ಕಿಂತಲೂ ಹೆಚ್ಚಿನ ದೈಹಿಕ ಚಟುವಟಿಕೆ ಉತ್ತಮ.
3. ಹೆಚ್ಚಿನ ಪ್ರಮಾಣದ ಹಣ್ಣು, ತರಕಾರಿಗಳು ಮತ್ತು ಇಡಿಯ ಕಾಳಿನ ಸೇವನೆ ಒಳ್ಳೆಯದು.

4. ವೈವಿಧ್ಯಮಯ ಹಣ್ಣುಗಳು, ತರಕಾರಿ, ಇಡಿಯ ಕಾಳು, ಬೀನ್ಸ್‌ನಂಥ ಹಸಿರು ತರಕಾರಿಗಳನ್ನು ಸೇವಿಸಬೇಕು.
5. ಸಂಸ್ಕರಿಸಿದ ಮಾಂಸವನ್ನು ಸೇವಿಸಬೇಡಿ. ಅನಿವಾರ್ಯವಾದಲ್ಲಿಅಲ್ಪಪ್ರಮಾಣದ ಸೇವನೆ ಮುಖ್ಯ.
6. ಅಧಿಕ ಲವಣಾಂಶ ಇರುವ ಆಹಾರ ಮತ್ತು ಸೋಡಿಯಂ ಅಧಿಕ ಇರುವ ಸಂಸ್ಕರಿತ ಆಹಾರ ಸೇವನೆಯನ್ನು ಮಿತಗೊಳಿಸಿ.
7. ಮಹಿಳೆಯರು ತಮ್ಮ ಮಕ್ಕಳಿಗೆ ಸ್ತನ್ಯಪಾನವನ್ನು ಕಡ್ಡಾಯವಾಗಿ ಮಾಡಿಸಬೇಕು. ಎಷ್ಟು ಅಧಿಕ ಅವಧಿಗೆ ಸ್ತನ್ಯಪಾನ ಮಾಡಿಸುತ್ತಾರೋ ಅಷ್ಟರಮಟ್ಟಿಗೆ ಸ್ತನ ಕ್ಯಾನ್ಸರ್‌ ಅಪಾಯ ಸಾಧ್ಯತೆ ಕಡಿಮೆಯಾಗುತ್ತದೆ.

ಇನ್ನು ಕ್ಯಾನ್ಸರ್ ನಂತಹ ಮಾರಕ ಕಾಯಿಲೆಗಳಿಂದ ದೂರವಿರಬೇಕೆಂದರೆ ಕ್ಯಾನ್ಸರ್ ವಿರೋಧಿ ಆಹಾರ ಹೆಚ್ಚು ಸೇವಿಸಬೇಕು ಎನ್ನುತ್ತಾರೆ ತಜ್ಞರು. ವಿಶೇಷವೆಂದರೆ ನಾವು ದಿನನಿತ್ಯ ಬಳಸುವ ಮಸಾಲೆ ಪದಾರ್ಥಗಳಲ್ಲಿಯೂ ಕ್ಯಾನ್ಸರ್ ವಿರೋಧಿ ಗುಣಗಳಿದ್ದು, ನೀವು ನಿಯಮಿತವಾಗಿ ಸೇವಿಸಿದರೆ ಕ್ಯಾನ್ಸರ್ ಕೋಶಗಳ ಬೆಳವಣಿಗೆ ತಡೆಯಬಹುದು ಎಂದು ಪ್ರಾಯೋಗಿಕವಾಗಿ ಸಾಬೀತುಪಡಿಸಲಾಗಿದೆ.

ಎಚ್ಚರ! ದಿನಬಳಕೆಯ ವಸ್ತುಗಳಿಂದಲೂ ಕ್ಯಾನ್ಸರ್ ಬರಬಹುದು!

ಅರಿಶಿನ
ಆಹಾರಕ್ಕೆ ರುಚಿ, ಬಣ್ಣ ಕೊಡುವ ಮಸಾಲೆಗಳ ರಾಜ ಅರಿಶಿನ ಕ್ಯಾನ್ಸರ್ ಕಾಯಿಲೆ ಎದುರಿಸಲು ಸಹಾಯ ಮಾಡುತ್ತದೆ. ಇದು ಪಾಲಿಫಿನಾಲ್ ಕರ್ಕ್ಯುಮಿನ್ ಹೊಂದಿದ್ದು, ಪ್ರಾಸ್ಟ್ರೇಟ್ ಕ್ಯಾನ್ಸರ್, ಮೆಲನೋಮ, ಸ್ತನ ಕ್ಯಾನ್ಸರ್, ಮೆದುಳಿನ ಗೆಡ್ಡೆ, ಮೆದೋಜೀರಕ ಗ್ರಂಥಿಯ ಕ್ಯಾನ್ಸರ್ ಮತ್ತು ರಕ್ತ ಕ್ಯಾನ್ಸರ್’ಗೆ ಕಾರಣವಾಗುವ ಕ್ಯಾನ್ಸರ್ ಕೋಶಗಳ ಬೆಳವಣಿಗೆಯನ್ನು ಹಿಮ್ಮೆಟ್ಟಿ ಸುತ್ತದೆ ಎಂಬುದು ಪ್ರಾಯೋಗಿಕವಾಗಿ ಸಾಬೀತಾಗಿದೆ.

ಪುರುಷರಲ್ಲಿ ಮೊದಲ ಹಂತದಲ್ಲಿ ಕ್ಯಾನ್ಸರ್‌ ಪತ್ತೆಗೆ ಸ್ಕ್ರೀನಿಂಗ್

ಕೇಸರಿ
ಕೇಸರಿ ಕ್ಯಾನ್ಸರ್ ಬೆಳವಣಿಗೆಯನ್ನು ತಡೆಯುವುದಲ್ಲದೆ, ಗೆಡ್ಡೆಯ ಗಾತ್ರವನ್ನು ಅರ್ಧದಷ್ಟು ಕಡಿಮೆ ಮಾಡುತ್ತದೆ. ಕೊನೆಗೆ ಕ್ಯಾನ್ಸರ್’ಗೆ ಸಂಪೂರ್ಣ ವಿದಾಯ ಹೇಳುತ್ತದೆ. ಇದು ವಿಶ್ವದ ಅತ್ಯಂತ ದುಬಾರಿ ಮಸಾಲೆ. ಆದರೂ ಕಾಯಿಲೆಯಿಂದ ದೂರವಿರಬೇಕೆಂದರೆ ಸೇವಿಸಲೇಬೇಕು.

ಚಕ್ಕೆ
ಕ್ಯಾನ್ಸರ್ ಅಪಾಯವನ್ನು ದೂರವಿರಿಸಲು ಪ್ರತಿದಿನ ಅರ್ಧ ಟೀಸ್ಪೂನ್ ದಾಲ್ಚಿನ್ನಿ ಪುಡಿಯನ್ನು ಸೇವಿಸಿ ಸಾಕು. ನೈಸರ್ಗಿಕ ಆಹಾರ ಸಂರಕ್ಷಕ ದಾಲ್ಚಿನ್ನಿಯಲ್ಲಿ ಕಬ್ಬಿಣ ಮತ್ತು ಕ್ಯಾಲ್ಸಿಯಂ ಹೇರಳವಾಗಿದ್ದು, ಕ್ಯಾನ್ಸರ್ ಗೆಡ್ಡೆಯ ಬೆಳವಣಿಗೆಯನ್ನು ಕಡಿಮೆ ಮಾಡುತ್ತದೆ. ದೇಹದಲ್ಲಿ ಹೊಸ ನಾಳಗಳ ರಚನೆಯನ್ನು ನಿರ್ಬಂಧಿಸುತ್ತದೆ. ಆದ್ದರಿಂದ ನಿಮ್ಮ ದಿನವನ್ನು ಒಂದು ಕಪ್ ದಾಲ್ಚಿನ್ನಿ ಚಹಾದೊಂದಿಗೆ ಪ್ರಾರಂಭಿಸಿ. ಉಪಾಹಾರದಲ್ಲಿ ಈ ಮಸಾಲೆ ಸೇರಿಸಿ. ಮಲಗುವ ಮುನ್ನ ಹಾಲಿಗೆ ಜೇನುತುಪ್ಪ ಮತ್ತು ದಾಲ್ಚಿನ್ನಿ ಸೇರಿಸಿ ಕುಡಿಯುವುದರಿಂದ ಕ್ಯಾನ್ಸರ್’ನಂತಹ ಯಾವುದೇ ದುಃಸ್ವಪ್ನಗಳು ಕಾಡುವುದಿಲ್ಲ.

ಶುಂಠಿಕೊಲೆಸ್ಟ್ರಾಲ್ ಕಡಿಮೆ ಮಾಡಲು, ಚಯಾಪಚ ಹೆಚ್ಚಿಸಲು ಮತ್ತು ಕ್ಯಾನ್ಸರ್ ಕೋಶಗಳನ್ನು ಕೊಲ್ಲಲು ಸಹಾಯ ಮಾಡುವ ಔಷಧೀಯ ಗುಣಗಳನ್ನು ಹೊಂದಿದೆ ಶುಂಠಿ. ತರಕಾರಿ ಮತ್ತು ಮೀನಿನ ಅಡುಗೆಗಳು, ಸಲಾಡ್‌ಗಳಿಗೆ ಶುಂಠಿಯನ್ನು ಸೇರಿಸಿದರೆ ಅಡುಗೆಯ ಪರಿಮಳ ಹೆಚ್ಚುತ್ತದೆ.