ಜಂಕ್ ಫುಡ್ ಸೇವನೆ
ನಾವೆಲ್ಲರೂ ಜಂಕ್ ಫುಡ್ ಅನ್ನು ತುಂಬಾ ಇಷ್ಟಪಡುತ್ತೇವೆ ಆದರೆ ಅದರ ಸೇವನೆಯನ್ನು ಕಡಿಮೆ ಮಾಡಬೇಕು. ಜಂಕ್ ಫುಡ್ ಅನ್ನು ಹೆಚ್ಚಿನ ಯುವಕ, ಯುವತಿಯರು ಸೇವಿಸುತ್ತಾರೆ. ಆದರೆ ಇದರ ಅತಿಯಾದ ಸೇವನೆಯು ದೇಹದಲ್ಲಿ ಹಲವಾರು ರೋಗಗಳನ್ನು ಉಂಟುಮಾಡುತ್ತದೆ. ಮನೆಯಲ್ಲಿ ತಯಾರಿಸಿದ ಆಹಾರ ಆರೋಗ್ಯಕ್ಕೆ ಒಳ್ಳೆಯದು. ಆರೋಗ್ಯಕರವಾಗಿರಲು, ಹೆಚ್ಚು ಹೆಚ್ಚು ಹಸಿರು ತರಕಾರಿಗಳು ಮತ್ತು ಹಣ್ಣುಗಳನ್ನು ಸೇವಿಸಬೇಕು.
ಅನುವಂಶಿಕ ಕಾಯಿಲೆ
ಅಧಿಕ ರಕ್ತದೊತ್ತಡವು ಒಂದು ಅನುವಂಶಿಕ ಕಾಯಿಲೆಯಾಗಿದ್ದು, ನಿಮ್ಮ ಕುಟುಂಬದಲ್ಲಿ ಯಾರಾದರೂ ಅಧಿಕ ಬಿಪಿ ಸಮಸ್ಯೆ ಇದ್ದರೆ, ನಿಮ್ಮಲ್ಲಿ ಸಹ ಈ ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. 'ಹೌದು, ಇದು ವಾಸ್ತವವಾಗಿ ಪರಿಣಾಮ ಬೀರುತ್ತದೆ.
ನಿಮ್ಮ ಕುಟುಂಬದಲ್ಲಿ ಯಾರಾದರೂ ಈ ರೋಗವನ್ನು ಹೊಂದಿದ್ದರೆ, ಮುಂಬರುವ ಪೀಳಿಗೆಯು ಅದರ ಬಗ್ಗೆ ಜಾಗರೂಕರಾಗಿರಬೇಕು. ಎಂದು ಆರ್ ಜಿಕೆ ಆಸ್ಪತ್ರೆ ಹಾಗೂ ವೈದ್ಯಕೀಯ ಕಾಲೇಜಿನ ವೈದ್ಯಕೀಯ ವಿಭಾಗದ ಪ್ರೊ. ಡಾ. ಜ್ಯೋತಿರ್ಮಯ್ ಪಾಲ್ ಹೇಳುತ್ತಾರೆ.
World Hypertension Day: ಅಧಿಕ ರಕ್ತದೊತ್ತಡದ ಸಮಸ್ಯೆಯಿಂದ ಯಾವೆಲ್ಲಾ ಅಡ್ಡಪರಿಣಾಮಗಳಿವೆ ಗೊತ್ತಾ?
ಸ್ಥೂಲಕಾಯದ ಸಮಸ್ಯೆ
ಇಂದಿನ ಕಾಲಘಟ್ಟದಲ್ಲಿ ಹೆಚ್ಚಿನ ಜನರು ಸ್ಥೂಲಕಾಯದ ಸಮಸ್ಯೆ ಎದುರಿಸುತ್ತಿದ್ದಾರೆ. ನೀವು ಅಧಿಕ ರಕ್ತದೊತ್ತಡದ ರೋಗಿಯಾಗಿದ್ದರೆ ಈ ಸ್ಥಿತಿಯು ನಿಮ್ಮ ಬಿಪಿಯನ್ನು ಹೆಚ್ಚಿಸಬಹುದು. ಸ್ಥೂಲಕಾಯತೆಯಿಂದಾಗಿ, ಒಬ್ಬ ಸಣ್ಣ ವಯಸ್ಸಿನ ಯುವಕರೂ ಕೂಡ ಅಧಿಕ ರಕ್ತದೊತ್ತಡದ ಸಮಸ್ಯೆಗೆ ಬಲಿಯಾಗಬಹುದು.
ವಿಶೇಷವಾಗಿ ಹೊಟ್ಟೆಯ ಬೊಜ್ಜು ಈ ಸಮಸ್ಯೆಗೆ ಪ್ರಮುಖ ಅಂಶವಾಗುತ್ತದೆ. ಆದ್ದರಿಂದ, ಅಧಿಕ ರಕ್ತದೊತ್ತಡವನ್ನು ತಡೆಗಟ್ಟಲು ಅಥವಾ ನಿಯಂತ್ರಿಸಲು ಸ್ಥೂಲಕಾಯತೆಯನ್ನು ಕಡಿಮೆ ಮಾಡುವುದು ಅವಶ್ಯಕ. BMI (ಬಾಡಿ ಮಾಸ್ ಇಂಡೆಕ್ಸ್) ಆಧಾರದ ಮೇಲೆ ಬೊಜ್ಜು ಕಡಿಮೆ ಮಾಡಬೇಕು.
ಅಧಿಕ ಉಪ್ಪಿನ ಸೇವನೆ
ಅಧಿಕ ಉಪ್ಪಿನ ಸೇವನೆಯು ಬಿಪಿ ಸಮಸ್ಯೆಯನ್ನು ಹೆಚ್ಚಿಸಬಹುದು ಎನ್ನುತ್ತಾರೆ ಡಾ.ಪಾಲ್. ಆದ್ದರಿಂದ, ಹೆಚ್ಚುವರಿ ಉಪ್ಪು ಸೇವನೆಯನ್ನು ತಪ್ಪಿಸಬೇಕು. ಅಧಿಕ ಪ್ರಮಾಣದ ಉಪ್ಪು ದೇಹದಲ್ಲಿ ನೀರಿನಂಶವನ್ನು ಕಾಪಾಡುತ್ತದೆ. ಹೆಚ್ಚಿನ ಪ್ರಮಾಣದ ನೀರು ದೇಹದಲ್ಲಿ ಒತ್ತಡವನ್ನು ಹೆಚ್ಚಿಸುತ್ತದೆ, ಇದು ಅಧಿಕ ರಕ್ತದೊತ್ತಡ ಹೊಂದಿರುವ ರೋಗಿಗಳಿಗೆ ಸಮಸ್ಯೆಯಾಗಿ ಪರಿಣಮಿಸಬಲ್ಲದು.
ದಿನನಿತ್ಯದ ವ್ಯಾಯಾಮ
ವ್ಯಾಯಾಮಕ್ಕೆ ಯಾವುದೇ ಪರ್ಯಾಯವಿಲ್ಲ ಹಾಗಾಗಿ ಪ್ರತಿಯೊನಬ್ಬರೂ ಆರೋಗ್ಯವಾಗಿರಬೇಕಾದರೆ ವ್ಯಾಯಾಮ ಮಾಡಲೇ ಬೇಕು. ಪ್ರತಿದಿನ 30 ನಿಮಿಷಗಳ ಕಾಲ ಬೆವರುವವರೆಗೆ ವ್ಯಾಯಾಮ ಮಾಡಿದರೆ ಮಧುಮೇಹ ಮತ್ತು ಕೊಲೆಸ್ಟ್ರಾಲ್ ಸಮಸ್ಯೆ ಉದ್ಭವಿಸುವುದಿಲ್ಲ. ವಾರದಲ್ಲಿ ಐದು ದಿನವೂ 30 ನಿಮಿಷಗಳ ಕಾಲ ವ್ಯಾಯಾಮ ಮಾಡಿದರೆ ಹಲವು ರೋಗಗಳಿಂದ ಪಾರಾಗಬಹುದು ಎನ್ನುತ್ತಾರೆ ಡಾ. ಪಾಲ್.
ನಿಮ್ಮ ಬಿಪಿ ಜಾಸ್ತಿಯಾಗಿದ್ಯಾ? ಬಿಪಿಯನ್ನು ಕಡಿಮೆ ಮಾಡುವ ಆಹಾರಗಳಿವು
ವರ್ಷಕ್ಕೊಮ್ಮೆ ಬಿಪಿ ಪರೀಕ್ಷೆ
ಮನೆಯಲ್ಲಿ ಯಾರಿಗಾದರೂ ಅಧಿಕ ರಕ್ತದೊತ್ತಡ ಇದ್ದರೆ, ಅದರ ಲಕ್ಷಣಗಳನ್ನು ಪರೀಕ್ಷಿಸಲು, ನೀವು ನಿಯಮಿತವಾಗಿ ತಪಾಸಣೆ ಮಾಡಿಸಿಕೊಳ್ಳುವುದು ಅವಶ್ಯಕ. ನಾನು ಮೊದಲೇ ಹೇಳಿದಂತೆ ಅನೇಕರಲ್ಲಿ ಈ ರೋಗದ ಯಾವುದೇ ಲಕ್ಷಣಗಳು ಕಂಡುಬರುವುದಿಲ್ಲ. ಆದರೆ ದೇಹದೊಳಗೆ ರೋಗ ಹೆಚ್ಚುತ್ತಲೇ ಹೋಗುತ್ತದೆ.
ಆದಾಗ್ಯೂ, ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನರು ಚಿಕ್ಕ ವಯಸ್ಸಿನಲ್ಲೇ ಅಧಿಕ ರಕ್ತದೊತ್ತಡಕ್ಕೆ ಬಲಿಯಾಗುತ್ತಾರೆ. ಆದ್ದರಿಂದ ನೀವು ಆರೋಗ್ಯವಾಗಿರಲು ಬಯಸಿದರೆ, ಕನಿಷ್ಠ ವರ್ಷಕ್ಕೊಮ್ಮೆಯಾದರೂ ಬಿಪಿ ಪರೀಕ್ಷಿಸಲೇ ಬೇಕು.