ಟೀ ಜತೆ ಧೂಮಪಾನ ತರುವುದು ಅನ್ನನಾಳ ಕ್ಯಾನ್ಸರ್

ಧೂಮಪಾನ ಆರೋಗ್ಯಕ್ಕೆ ಹಾನಿಕಾರ. ಅದರಲ್ಲೂ ಹೆಚ್ಚಿನವರಿಗೆ ಬಿಸಿ-ಬಿಸಿ ಟೀ ಹೀರುತ್ತಾ ಸಿಗರೇಟ್‌ ಹೊಗೆ ಬಿಡುವ ಅಭ್ಯಾಸ ಇರುತ್ತದೆ. ಈ ಅಭ್ಯಾಸ ತರುವುದು ಅನ್ನನಾಳದ ಕ್ಯಾನ್ಸರ್‌ ಎಂದು ಅಧ್ಯಯನ ಹೇಳಿದೆ.

ಬಿಸಿ-ಬಿಸಿ ಟೀ/ ಕಾಫಿ ಕುಡಿಯುತ್ತಾ ಸಿಗರೇಟ್‌ ಎಳೆಯುವುದರಿಂದ ಅನ್ನನಾಳಕ್ಕೆ ಹಾನಿಯುಂಟಾಗುವುದು ಇದರಿಂದ ಕ್ಯಾನ್ಸರ್‌ ಗಡ್ಡೆ ಬೆಳೆಯುತ್ತದೆ ಎಂದು Annals of Internal Medicine ಎಂಬ ಜರ್ನಲ್‌ ತಿಳಿಸಿದೆ.

ಸಿಗರೇಟ್‌ ಸೇದುತ್ತಾ ಟೀ ಹೀರಿದಾಗ ಟೀ ಜತೆಗೆ ಸಿಗರೇಟಿನ ಹೊಗೆ ಕೂಡ ಹೊಟ್ಟೆ ಸೇರುತ್ತದೆ. ಇದರಿಂದಾಗಿ ಅನ್ನನಾಳಕ್ಕೆ ಹಾನಿಯಾಗಿ ಕ್ಯಾನ್ಸರ್ ಉಂಟಾಗುವುದು.