ಈಗಿನ ಸಮಯದಲ್ಲಿ ವೈದ್ಯರು ಮತ್ತು ದಾದಿಯರು ಜನರ ಪಾಲಿಗೆ ದೇವರಿದ್ದಂತೆ!!

ನಮ್ಮ ಸಮಾಜದಲ್ಲಿ ವೈದ್ಯರು ಮತ್ತು ದಾದಿಯರು ಮಾಡುವ ಕೆಲಸಕ್ಕೆ ವಿಶೇಷವಾದ ಪ್ರಾಮುಖ್ಯತೆಯಿದೆ. ಏಕೆಂದರೆ ಜನರ ಜೀವ ರಕ್ಷಣೆ ಮಾಡುವ ಕೆಲಸವನ್ನು ಅವರು ಅತ್ಯಂತ ನಿಷ್ಠೆಯಿಂದ ಪ್ರಾಮಾಣಿಕವಾಗಿ ಮಾಡುತ್ತಿದ್ದಾರೆ.

ಒಬ್ಬ ಬೀದಿ ಭಿಕ್ಷುಕನಿಗೆ ಕಾಯಿಲೆ ಬಂದರೂ ವೈದ್ಯಕೀಯವಾಗಿ ಆರೈಕೆ ಮಾಡಲು ದಾದಿಯರು ಬೇಕು, ಅದೇ ರೀತಿ ಒಬ್ಬ ಮಂತ್ರಿಗೆ ಕಾಯಿಲೆ ಬಂದಾಗಲೂ ದಾದಿ ಬೇಕೇ ಬೇಕು. ಈಗಿನ ಕೊರೋನಾ ಸಂದರ್ಭದಲ್ಲಿ ತಮ್ಮ ಸ್ವಂತ ಕುಟುಂಬದವರನ್ನು ಲೆಕ್ಕಿಸದೆ ಸಮಾಜದ ಆರೋಗ್ಯದ ದೃಷ್ಟಿಯಲ್ಲಿ ಅವರು ಮಾಡುತ್ತಿರುವ ಸೇವೆಗೆ ಪ್ರತಿಯೊಬ್ಬರು ತಲೆಬಾಗಲೇಬೇಕು. ಹಾಗಾಗಿ ಇಂದು ಮೇ 12 ಅಂತರಾಷ್ಟ್ರೀಯ ದಾದಿಯರ ದಿನ ಎಂದು ಪ್ರಖ್ಯಾತವಾಗಿದೆ.