ಅಯ್ಯೋ ದೇವರೇ ಕೊರೊನಾ‪ಗೆ ಸಾಥ್ ಕೊಡಲು ಬಂದಿದೆ ಹ್ಯಾಂಟ ವೈರಸ್‌!

ಕಿಲ್ಲರ್ ಕೊರೊನಾ ಒಂದು ಮಾರಕ, ಸಾಂಕ್ರಾಮಿಕ ಮತ್ತು ಕೆಟ್ಟ ಕಾಯಿಲೆ ಎಂಬ ಕುಖ್ಯಾತಿ ಪಡೆದು ಪಕ್ಕದ ದೇಶವಾದ ಚೀನಾ ದಿಂದ ಉತ್ಪತ್ತಿಗೊಂಡು ಇಂದು ನಮ್ಮ ಇಡೀ ಭಾರತದ ಸಂಪೂರ್ಣ ವಹಿವಾಟನ್ನೇ ತಲೆಕೆಳಗು ಮಾಡಿದೆ. ಪಕ್ಕದ ದೇಶದ ವೈರಸ್ ಆದ ಕರೋನ ವೈರಸ್ ಎಂಬ ಕಣ್ಣಿಗೆ ಕಾಣದ ಒಂದು ಸಣ್ಣ ಕ್ರಿಮಿ ನಮ್ಮನ್ನು ಏನುತಾನೇ ಮಾಡೀತು ಎಂದು ಅಲ್ಲಗಳೆಯುತ್ತಿದ್ದ ನಾವು ಇಂದು ಕರೋನ ಎಂದರೆ ಅರ್ಧ ರಾತ್ರಿಯಲ್ಲಿ ಸಹ ಬೆಚ್ಚಿ ಬೀಳುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದಕ್ಕೆ ಕಾರಣ ಕರೋನದ ಮಿತಿಮೀರಿದ ಅಟ್ಟಹಾಸ ಮತ್ತು ಭಾರತದಲ್ಲಿ ಅತ್ಯಂತ ವೇಗವಾಗಿ ಒಬ್ಬರಿಂದ ಒಬ್ಬರಿಗೆ ಹರಡುತ್ತಿರುವ ಸೋಂಕು. ಸೋಂಕಿತರನ್ನು ಒಂದೆಡೆ ಕೂಡಿ ಹಾಕಿ ಚಿಕಿತ್ಸೆ ಒದಗಿಸುವ ಕರ್ತವ್ಯ ಒಂದೆಡೆಯಾದರೆ ಇರುವ ಜನರನ್ನು ಸೋಂಕಿನಿಂದ ರಕ್ಷಿಸುವ ಇನ್ನೊಂದು ಕರ್ತವ್ಯ ಸರ್ಕಾರದ್ದು.

ಬೇರೆ ಯಾವ ವಿಷಯದ ಬಗ್ಗೆ ಆಲೋಚಿಸಲೂ ಆಗದ ಇಂತಹ ಇಕ್ಕಟ್ಟಿನ ಸಂದರ್ಭದಲ್ಲಿ ಚೀನಾ ದೇಶದಲ್ಲಿ ಈಗ ಮತ್ತೊಂದು ವೈರಸ್ ತನ್ನ ಪ್ರಾಬಲ್ಯ ಮೆರೆಯಲು ಪ್ರಾರಂಭ ಮಾಡಿದೆ. ಅದೇ ಹ್ಯಾಂಟ ವೈರಸ್. ಹರಡುವಿಕೆಯ ವಿಷಯದಲ್ಲಿ ಕರೋನಗಿಂತಲೂ ಕಡಿಮೆ ಶಕ್ತಿ ಹೊಂದಿರುವ ಈ ವೈರಸ್ ರೋಗ ಲಕ್ಷಣಗಳಲ್ಲಿ ಮತ್ತು ಮನುಷ್ಯನನ್ನು ಬಲಿ ಪಡೆಯುವಲ್ಲಿ ಕರೋನಾ ವೈರಸ್ ಗಿಂತಲೂ ವೇಗ ಪಡೆದುಕೊಂಡಿದೆ. ಇದರಿಂದ ಇಡೀ ವಿಶ್ವ ಇನ್ನೊಮ್ಮೆ ತನ್ನ ಜೀವ ಕೈಯಲ್ಲಿ ಹಿಡಿದು ಕೊಳ್ಳಬೇಕಾದ ಪರಿಸ್ಥಿತಿ ನಿರ್ಮಾಣವಾದಂತೆ ಇದೆ

ಕೊರೊನಾ ಆಯ್ತು ಈಗ ಹ್ಯಾಂಟಾ ವೈರಸ್ ಬಂದುಬಿಟ್ಟಿದೆ! ಇರಲಿ ಎಚ್ಚರ

ಮನುಷ್ಯನ ಹಂಟರ್ ಆಗಬಲ್ಲದೇ ಈ ಹ್ಯಾಂಟ ವೈರಸ್?
ಹ್ಯಾಂಟ ವೈರಸ್ ಕೂಡ ಒಂದು ಸಾಂಕ್ರಾಮಿಕ ಖಾಯಿಲೆಯಾಗಿದ್ದು, ಮನುಷ್ಯರ ಆರೋಗ್ಯದ ಮೇಲೆ ಸವಾರಿ ಮಾಡಲು ಹೊಂಚು ಹಾಕಿ ಕಾಯುತ್ತಿದೆ. ಹ್ಯಾಂಟ ವೈರಸ್ ಒಂದು ಕಾಯಿಲೆಯಾಗಿದ್ದು ಮಹಾಮಾರಿ ಕರೋನಗಿಂತಲೂ ಅಪಾಯಕಾರಿ ಎಂದು ತಿಳಿದು ಬಂದಿದೆ. ಮನುಷ್ಯನ ಶ್ವಾಸಕೋಶವನ್ನು ತನ್ನ ಸುಪರ್ದಿಗೆ ತೆಗೆದುಕೊಂಡು ತನಗೆ ಬೇಕಾದ ಹಾಗೆ ಅದನ್ನು ಹಾಳು ಮಾಡಿ ಮನುಷ್ಯನ ಕಿಡ್ನಿಗಳ ಮೇಲೂ ಪ್ರಭಾವ ಬೀರಿ ಮನುಷ್ಯನನ್ನು ಅಡ್ಡಡ್ಡ ಮಲಗಿಸಲು ಹೊಂಚು ಹಾಕಿ ಕಾಯುತ್ತಿದೆ. ತೀರಾ ಇತ್ತೀಚಿಗೆ ಅಂದರೆ ಇಂದು ಬೆಳಗ್ಗೆ ಚೈನಾದ ಒಬ್ಬ ನಾಗರೀಕ ಹ್ಯಾಂಟ ವೈರಸ್ ನಿಂದಲೇ ಸಾವನ್ನಪ್ಪಿರುವ ವಿಷಯ ಗ್ಲೋಬಲ್ ಟೈಮ್ಸ್ ವರದಿಯ ಮುಖಾಂತರ ಬೆಳಕಿಗೆ ಬಂದಿದೆ.

ಆದರೆ ಒಂದು ಅಚ್ಚರಿಯ ಸಂಗತಿ ಎಂದರೆ ಕರೋನಾ ವೈರಸ್ ನಂತೆ ಹ್ಯಾಂಟ ವೈರಸ್ ಮನುಷ್ಯರಿಂದ ಮನುಷ್ಯರಿಗೆ ಹರಡುವ ಸೋಂಕಲ್ಲ. ಬದಲಿಗೆ ರೋಡೆಂಟ್ ಗಳ ಜಾತಿಗೆ ಸೇರಿದ ಪ್ರಾಣಿಗಳು ಅಂದರೆ ಇಲಿಗಳು, ಮೊಲಗಳು, ಅಳಿಲುಗಳು ಇತ್ಯಾದಿ ಪ್ರಾಣಿಗಳಿಂದ ಮನುಷ್ಯನಿಗೆ ಹರಡುವ ಸೋಂಕು ಎಂದು ತಿಳಿದು ಬಂದಿದೆ. ಅಂದರೆ ಮನುಷ್ಯ ಈ ಪ್ರಾಣಿಗಳ ಮಲ ಮೂತ್ರದೊಂದಿಗೆ ಸಂಪರ್ಕ ಹೊಂದಿದ ಎಂದರೆ ಅವನು ಇದುವರೆಗೂ ಯಾವುದೇ ಖಾಯಿಲೆ ಇಲ್ಲದೆ ಎಷ್ಟೇ ಆರೋಗ್ಯ ದಿಂದಿದ್ದರೂ ಈ ವೈರಸ್ ಆತನನ್ನು ಚಟ್ಟದ ಮೇಲೆ ಮಲಗಿಸದೇ ಬಿಡುವುದಿಲ್ಲ.

ಚೈನಾ ದೇಶದಲ್ಲಿ ಹ್ಯಾಂಟ ವೈರಸ್ ಮೊದಲನೇ ಕೇಸ್ ಪತ್ತೆ: ಸೋಂಕಿತ ಭೂಲೋಕದಿಂದಲೇ ನಾಪತ್ತೆ !!!
ಪ್ರಪಂಚವನ್ನೇ ನಡುಗಿಸುತ್ತಿರುವ ಕರೋನ ಬೆನ್ನಲ್ಲೇ ಹ್ಯಾಂಟ ವೈರಸ್ ಜನ್ಮ ತಾಳಿದೆ. ಇದರ ರೋಗ ಲಕ್ಷಣಗಳು ಕರೋನ ವೈರಸ್ ರೋಗ ಲಕ್ಷಣಗಳಂತೆಯೇ ಇದ್ದರೂ ಸೋಂಕಿತ ವ್ಯಕ್ತಿಗಳಲ್ಲಿ ಕೇವಲ ಅರ್ಧದಷ್ಟು ಮಂದಿ ಮಾತ್ರ ನಿಯಂತ್ರಣಕ್ಕೆ ಬಾರದ ಜ್ವರ, ತಲೆ ನೋವು, ಮೈ ಕೈ ನೋವು, ಹೊಟ್ಟೆ ನೋವು, ತಲೆಸುತ್ತುವಿಕೆ, ಇದ್ದಕ್ಕಿದ್ದಂತೆ ನಿರಂತರವಾಗಿ ಮೈ ನಡುಗುವುದು, ವಾಕರಿಕೆ, ವಾಂತಿ ಮತ್ತು ಬೇಧಿಯ ಲಕ್ಷಣಗಳನ್ನು ಕಾಣುತ್ತಾರೆ. ಸೋಂಕು ಜಾಸ್ತಿಯಾಗಿ ಖಾಯಿಲೆ ತೀರಾ ಉಲ್ಬಣಗೊಂಡಾಗ ಶ್ವಾಸಕೋಶದಲ್ಲಿ ನೀರು ತುಂಬಿಕೊಂಡು ಉಸಿರಾಡಲು ಬಹಳ ಕಷ್ಟ ಪಡಬೇಕಾಗುತ್ತದೆ. ಆಗ ಮನುಷ್ಯ ತನ್ನ ಇಹಲೋಕದ ಯಾತ್ರೆ ಮುಗಿಸಬೇಕಾಗುತ್ತದೆ.

'ಕೊರೊನಾ ವೈರಸ್‌' ನಿಂದ ಸುರಕ್ಷಿತವಾಗಿರಲು ಆಹಾರಕ್ರಮಗಳು ಹೀಗಿರಲಿ

ಪಕ್ಕದ ದೇಶದ ಹ್ಯಾಂಟ ವೈರಸ್ ಗೆ ಭಾರತೀಯರು ಭಯ ಪಡಬೇಕೇ?
ಇದಕ್ಕೂ ಮೊದಲು ಹ್ಯಾಂಟ ವೈರಸ್ ಮತ್ತು ಕರೋನ ವೈರಸ್ ನಡುವೆ ಇರುವ ವ್ಯತ್ಯಾಸಗಳನ್ನು ಮೊದಲು ನೀವು ಅರ್ಥ ಮಾಡಿಕೊಳ್ಳಬೇಕು ಕರೋನ ವೈರಸ್ ಮತ್ತು ಹ್ಯಾಂಟ ವೈರಸ್ ಎರಡೂ ಬೇರೆ ಬೇರೆ ಬಗೆಯ ವೈರಸ್ ಆಗಿದ್ದು, ಕರೋನ ವೈರಸ್ ತನ್ನ ಹಂತ - 3 ರಲ್ಲಿ ಮನುಷ್ಯ ಸಮುದಾಯದಲ್ಲಿ ಓಡಾಡಿಕೊಂಡು ಮನುಷರಿಂದ ಮನುಷ್ಯರಿಗೆ ಹಬ್ಬುವ ಗುಣ ಲಕ್ಷಣ ಪಡೆದಿದೆ. ಇದಕ್ಕೆ ಕಾರಣವೆಂದರೆ ಮನುಷ್ಯನ ಶ್ವಾಸಕೋಶದಲ್ಲಿರುವ ಪ್ರೋಟೀನ್ ಅಂಶದ ತಳ ಭಾಗ ಕರೋನ ವೈರಸ್ ಗೆ ಬಹಳ ಸಹಕಾರಿಯಾಗಿದೆ.

ಕೊರೊನಾ ವೈರಸ್ ಬಹಳ ಸುಲಭವಾಗಿ ಮನುಷ್ಯನ ಶ್ವಾಸಕೋಶಕ್ಕೆ ಅಂಟಿಕೊಳ್ಳುತ್ತದೆ ಮತ್ತು ಅಲ್ಲೇ ತನ್ನ ಸಂಖ್ಯೆಯನ್ನು ವೃದ್ಧಿಗೊಳಿಸಿಕೊಳ್ಳುತ್ತದೆ. ಮನುಷ್ಯ ಕೆಮ್ಮಿದಾಗ ಅಥವಾ ಸೀನಿದಾಗ ಈ ವೈರಸ್ ಗಳು ದ್ರವದ ಮೂಲಕ ಹೊರಗಿನ ವಾತಾವರಣಕ್ಕೆ ಬಿದ್ದು ಇತರ ಮನುಷ್ಯರಿಗೆ ಹರಡುತ್ತವೆ. ಅಷ್ಟೇ ಏಕೆ ಮನುಷ್ಯರಿಂದ ಪ್ರಾಣಿಗಳಿಗೂ ಹರಡಿರುವ ಬಗ್ಗೆ ಸಾಕಷ್ಟು ಪುರಾವೆಗಳು ಈಗಾಗಲೇ ದೊರಕಿರುವುದು ನಿಮಗೆ ನಿಜಕ್ಕೂ ಆಶ್ಚರ್ಯ ಉಂಟು ಮಾಡುತ್ತವೆ. ಇದಕ್ಕೆ ಉದಾಹರಣೆ ಎಂಬಂತೆ ಬಾವಲಿಗಳು ಮತ್ತು ಬೀದಿ ನಾಯಿಗಳಲ್ಲಿ ಕರೋನ ವೈರಸ್ ಇರುವುದು ಪತ್ತೆ ಆಗಿದೆ.

ಆದರೆ ಭಾರತೀಯರಿಗೆ ಇದು ಹೊಸ ಕಾಯಿಲೆ ಎಂದು ಗೋಚರಿಸುವುದಿಲ್ಲ. ಏಕೆಂದರೆ ಈಗಾಗಲೇ 2008 ರಲ್ಲಿ ತಮಿಳುನಾಡಿನಲ್ಲಿ ಸುಮಾರು 28 ಮಂದಿ ಇರುಲಾ ಪಂಗಡದವರು ಈ ವೈರಸ್ ನಿಂದ ಸೋಂಕಿಗೆ ಒಳಗಾಗಿದ್ದರು. ಈ ಪಂಗಡದವರು ಹಾವು ಮತ್ತು ಇಲಿಗಳನ್ನು ಹಿಡಿಯುವ ಜನರಾಗಿದ್ದರು ಎಂಬುದು ನೆನಪಿಟ್ಟುಕೊಳ್ಳಬೇಕಾದ ಸಂಗತಿ.

ಕೊರೊನಾ ಎಚ್ಚರಿಕೆ: ನೀವೇನು ಮಾಡಬೇಕು, ಮಾಡಬಾರದು?

ನಮ್ಮ ಎಚ್ಚರಿಕೆಯಲ್ಲಿ ನಾವಿರುವುದು ಒಳ್ಳೆಯದು.......ಹ್ಯಾಂಟ ವೈರಸ್ ನ ಜೀವಿತಾವಧಿ ತುಂಬಾ ಕಡಿಮೆ. ಅಂದರೆ ಅದು ತುಂಬಾ ಹೊತ್ತು ಬದುಕುಳಿಯುವುದಿಲ್ಲ. ಬಿಸಿಲಿಗೆ ಅದರ ಆಯಸ್ಸು ಮುಗಿದು ಹೋಗುತ್ತದೆ. ಆದ್ದರಿಂದ ಇದರ ಸೋಂಕು ಮನುಷ್ಯರಿಂದ ಮನುಷ್ಯರಿಗೆ ಹಬ್ಬುವ ಲಕ್ಷಣ ಅಷ್ಟಾಗಿ ಕಾಣುತ್ತಿಲ್ಲ. ಆದರೂ ಚೀನಾ ದೇಶದಲ್ಲಿ ಇದರಿಂದ ಒಬ್ಬ ವ್ಯಕ್ತಿ ಬಲಿ ಆಗಿರುವುದು ನಿಜಕ್ಕೂ ಎಂತಹವರನ್ನೂ ಬೆಚ್ಚಿ ಬೀಳಿಸುತ್ತಿದೆ. ಏಕೆಂದರೆ ಚೈನಾ ತಮ್ಮ ದೇಶದಲ್ಲಿ ವೈರಸ್ ತಂದು ಹಾಕಿದ್ದೇ ಅಮೇರಿಕಾ ಎಂದು ಎಷ್ಟೇ ವಾದಿಸಿದರೂ ಜನರ ಮನಸ್ಸಿನಲ್ಲಿ ಮಾತ್ರ ಅದೊಂದು ಮಹಾಮಾರಿ ಖಾಯಿಲೆಗಳ ತವರೂರು ಮತ್ತು ಸ್ಮಶಾನ ಮೌನ ತರುವ ದೇಶ ಎಂದು ಈಗಾಗಲೇ ಅಚ್ಚು ಹೊತ್ತಿದಂತಾಗಿದೆ. ಆದ್ದರಿಂದ ಅಲ್ಲಿನ ಯಾವುದೇ ಸಣ್ಣ ಪುಟ್ಟ ಕಾಯಿಲೆಗಳ ವಿಷಯದಲ್ಲೂ ಬಹಳ ಜಾಗರೂಕರಾಗಿ ಇರಬೇಕಾದ ಪರಿಸ್ಥಿತಿ ಇದೆ.