ಚಿಕನ್ ಪ್ರಿಯರಿಗೆ ಸಿಹಿ ಸುದ್ದಿ! ಅದೇನು ಗೊತ್ತಾ?

ಸಸ್ಯಹಾರಿಗಳು ಕೇವಲ ಸಸ್ಯಾಹಾರ ಪದಾರ್ಥಗಳಿಂದ ಮಾತ್ರ ತಮಗೆ ಬೇಕಾದ ಪೌಷ್ಟಿಕ ಸತ್ವಗಳನ್ನು ಪಡೆದುಕೊಳ್ಳಲು ಸಾಧ್ಯ. ಆದರೆ ಮಾಂಸಹಾರಿಗಳು ಹಾಗಲ್ಲ. ಆದರೆ ಯಾವ ಬಗೆಯ ಮಾಂಸ ಆರೋಗ್ಯಕ್ಕೆ ಒಳ್ಳೆಯದು ಎಂಬುದು ದೊಡ್ಡ ಪ್ರಶ್ನೆಯಾಗಿ ಉಳಿದಿದೆ.

• ಬೇರೆ ಯಾವುದೇ ಮಾಂಸಹಾರ ಪದಾರ್ಥಗಳಿಗೆ ಹೋಲಿಸಿದರೆ ಸಾಮಾನ್ಯವಾಗಿ ಎಲ್ಲ ಕಡೆ ಸಿಗುವುದು ಮತ್ತು ಎಲ್ಲಾ ವರ್ಗದ ಮಾಂಸಹಾರಿ ಜನಗಳು ಇಷ್ಟಪಟ್ಟು ಸೇವನೆ ಮಾಡುವುದು ಚಿಕನ್.
• ವರ್ಷಕ್ಕೊಮ್ಮೆ ಚಿಕನ್ ಬಗ್ಗೆ ಕೊರೊನಾ ಕಾರಣದಿಂದ ಇಲ್ಲಸಲ್ಲದ ವದಂತಿಗಳು ಹಬ್ಬಿದರೂ ಕೂಡ ಇದೊಂದು ಅತ್ಯುತ್ತಮ ಆಹಾರ ಪದಾರ್ಥ ಎಂಬ ಹೆಸರು ಪಡೆದುಕೊಂಡಿದೆ.
• ಮಾಂಸಾಹಾರಿಗಳು ಪ್ರತಿದಿನ ನಿಯಮಿತವಾಗಿ ಚಿಕನ್ ಏಕೆ ಸೇವನೆ ಮಾಡಬೇಕು ಮತ್ತು ಅದರಿಂದ ಸಿಗುವ ಆರೋಗ್ಯದ ಲಾಭಗಳೇನು ಎಂಬ ಬಗ್ಗೆ ಈ ಲೇಖನದಲ್ಲಿ ಸಂಪೂರ್ಣವಾದ ಮಾಹಿತಿಯನ್ನು ತಿಳಿದುಕೊಳ್ಳಬಹುದು.

• ಅತ್ಯುತ್ತಮವಾಗಿ ಚಿಕನ್ ನಿಮ್ಮ ಆಹಾರ ಪದ್ಧತಿಯಲ್ಲಿ ಸೇರಿದರೆ ತುಂಬಾ ಒಳ್ಳೆಯದು. ಏಕೆಂದರೆ ನಿಮ್ಮ ದೇಹದ ಕಾರ್ಯ ಚಟುವಟಿಕೆಯಲ್ಲಿ ಪ್ರೋಟೀನ್ ಅಂಶದ ಪಾತ್ರ ತುಂಬಾ ಇರುತ್ತದೆ.
• ಜೀವ ಕೋಶಗಳ ಮಟ್ಟದಲ್ಲಿ ಪ್ರೋಟೀನ್ ಅಂಶದ ಅವಶ್ಯಕತೆ ಇರುವುದರಿಂದ ಜೊತೆಗೆ ನಿಮ್ಮ ಜನನಾಂಗಗಳ ಕಾರ್ಯ ಚಟುವಟಿಕೆಯಲ್ಲಿ ಪ್ರೊಟೀನ್ ಅಂಶ ಮಹತ್ತರ ಪಾತ್ರ ಬೀರುವುದರಿಂದ ಯಾವುದೇ ಕಾರಣಕ್ಕೂ ನೀವು ಈ ವಿಷಯದಲ್ಲಿ ನಿರ್ಲಕ್ಷತೆ ವಹಿಸಬಾರದು.

• ಚಿಕನ್ ತನ್ನಲ್ಲಿ ಅಪಾರ ಪ್ರಮಾಣದ ಪೌಷ್ಟಿಕ ಸತ್ವಗಳನ್ನು ಒಳಗೊಂಡಿದೆ. ಕೇವಲ 100 ಗ್ರಾಂ ಚಿಕನ್ ತನ್ನಲ್ಲಿ ದೇಹಕ್ಕೆ ಅಗತ್ಯವಾಗಿ ಬೇಕಾದ ಒಳ್ಳೆಯ ಕೊಬ್ಬಿನ ಅಂಶ, ಪ್ರೋಟೀನ್ ಅಂಶ ಮತ್ತು ಕ್ಯಾಲೋರಿ ಅಂಶಗಳನ್ನು ಒಳಗೊಂಡಿದೆ.
• ಇದರ ಜೊತೆಗೆ ಕ್ಯಾಲ್ಸಿಯಂ, ಮೆಗ್ನೀಷಿಯಂ, ಕಬ್ಬಿಣ, ಫಾಸ್ಫರಸ್, ಪೊಟ್ಯಾಶಿಯಂ, ಜಿಂಕ್, ಸೋಡಿಯಂ, ವಿಟಮಿನ್ ಡಿ ಇತ್ಯಾದಿ ಖನಿಜಾಂಶಗಳನ್ನು ಸಹ ಒಳಗೊಂಡಿದೆ. ಇದೆಲ್ಲ ಕಾರಣದಿಂದ ಮಾಂಸಾಹಾರಿಗಳಿಗೆ ಚಿಕನ್ ಸೇವನೆ ಆರೋಗ್ಯಕ್ಕೆ ತುಂಬ ಒಳ್ಳೆಯದು ಎಂದು ಹೇಳಬಹುದು.

ನಾನ್‌ ವೆಜ್ ಪ್ರಿಯರಿಗೆ ಸಿಹಿ ಸುದ್ದಿ-ಚಿಕನ್ ತಿಂದ್ರೆ ಆರೋಗ್ಯಕ್ಕೆ ಒಳ್ಳೆಯದಂತೆ

• ಒಂದು ದಿನಕ್ಕೆ ಒಬ್ಬ ವ್ಯಕ್ತಿ ಏನಿಲ್ಲ ಅಂದರೂ ಸುಮಾರು 200 ಗ್ರಾಂ ಚಿಕನ್ ಸೇವನೆ ಮಾಡಬಹುದು. ಇದರಿಂದ ತನ್ನ ದೇಹಕ್ಕೆ ದಿನದ ಅಗತ್ಯವಾಗಿ ಬೇಕಾದ ಪ್ರಮಾಣದಲ್ಲಿ ಆತನಿಗೆ ಪ್ರೊಟೀನ್ ಅಂಶ ಸಿಗುತ್ತದೆ.
• ಆರೋಗ್ಯ ತಜ್ಞರ ಪ್ರಕಾರ ಒಬ್ಬ ವ್ಯಕ್ತಿ ಎಷ್ಟು ಕೆಜಿ ದೇಹದ ತೂಕ ಹೊಂದಿರುತ್ತಾನೆ ಅದಕ್ಕೆ ಅನುಗುಣವಾಗಿ ಗ್ರಾಂ ಲೆಕ್ಕದಲ್ಲಿ ಪ್ರೋಟಿನ್ ಅಂಶವನ್ನು ಸೇವನೆ ಮಾಡಬೇಕು.
• ಉದಾಹರಣೆಗೆ ಯಾವುದೇ ಒಬ್ಬ ವ್ಯಕ್ತಿ 50 ಕೆಜಿ ತೂಕ ಹೊಂದಿದ್ದರೆ, ಪ್ರತಿದಿನವೂ ಆತನಿಗೆ 50 ಗ್ರಾಂ ಪ್ರೋಟೀನ್ ಅಂಶದ ಅವಶ್ಯಕತೆ ಇದ್ದೇ ಇರುತ್ತದೆ. ಬೇರೆ ಯಾವುದೇ ಆಹಾರದ ಬಗ್ಗೆ ಮಾಹಿತಿ ಇಲ್ಲದೆ ಇದ್ದರೂ ಕೂಡ ಚಿಕನ್ ಈ ವಿಷಯದಲ್ಲಿ ತುಂಬಾ ಪ್ರಯೋಜನಕಾರಿ ಎಂದು ಹೇಳಬಹುದು.

• ಆದರೂ ಕೂಡ ಅತಿಯಾಗಿ ಯಾವುದನ್ನೂ ಅವಲಂಬಿಸಬಾರದು ಎನ್ನುವಂತೆ ಚಿಕನ್ ಸೇವನೆಯನ್ನು ಅತಿಯಾಗಿ ಮಾಡುವುದು ಕೂಡ ಬೇಡ.
• ನಿಮ್ಮ ದೇಹಕ್ಕೆ ಎಷ್ಟು ಪ್ರಮಾಣದಲ್ಲಿ ಚಿಕನ್ ಅವಶ್ಯಕತೆ ಇದೆ ಅಷ್ಟು ಮಾತ್ರ ಸೇವನೆ ಮಾಡಿ. ಯಾವುದೇ ಕಾರಣಕ್ಕೂ ಅರ್ಧಂಬರ್ಧ ಬೇಯಿಸಿದ ಚಿಕನ್ ಸೇವನೆ ಮಾಡಬೇಡಿ.
• ಹಸಿ ಮಾಂಸ ಕೂಡ ಆರೋಗ್ಯಕ್ಕೆ ತುಂಬಾ ಹಾನಿಕರ. ಆಹಾರ ಪದಾರ್ಥದಲ್ಲಿ ಸ್ವಚ್ಛತೆ ಕಾಯ್ದುಕೊಂಡು ಮಾಂಸಾಹಾರವನ್ನು ಸ್ವಲ್ಪ ಹೆಚ್ಚಿನ ತಾಪಮಾನದಲ್ಲಿ ಬೇಯಿಸಿ ಸೇವನೆ ಮಾಡಬೇಕು.