ಕೀಟೊ ಡಯಟ್‌ನಲ್ಲಿ ಕೊಬ್ಬಿನಂಶವಿರುವ ಈ ಆಹಾರ ತಿನ್ನಬೇಕು

ಕೀಟೊ ಡಯಟ್ ಬಗ್ಗೆ ನೀವು ಕೇಳಿರುತ್ತೀರಿ. ಎಷ್ಟೋ ಜನರು ಈ ಡಯಟ್ ಪಾಲಿಸಿ ಉತ್ತಮ ಪ್ರಯೋಜನ ಕಂಡುಕೊಂಡಿದ್ದಾರೆ. ಆದ್ದರಿಂದಲೇ ಈ ಡಯಟ್‌ ತುಂಬಾ ಫೇಮಸ್. ಕೀಟೊ ಡಯಟ್ ಅನ್ನು ಲೋ ಕಾರ್ಬ್‌ ಡಯಟ್‌ ಎಂದು ಕೂಡ ಕರೆಯುತ್ತಾರೆ.

ಆದರೆ ಕೀಟೊ ಡಯಟ್‌ನ ಸರಿಯಾದ ಕ್ರಮ ತಿಳಿದುಕೊಳ್ಳದೆ ಜನ ಗೊಂದಲ ಮಾಡಿಕೊಳ್ಳುತ್ತಾರೆ. ಕೀಟೊ ಡಯಟ್‌ ಹೇಗಿರಬೇಕು? ಯಾವ ಆಹಾರ ತಿನ್ನಬಾರದು, ಯಾವುದು ತಿನ್ನಬೇಕು ಎಂಬುವುದರ ಮಾಹಿತಿ ಇಲ್ಲಿದೆ ನೋಡಿ:

ಕೀಟೊ ಡಯಟ್:
ಕೀಟೊ ಡಯಟ್ ಅಂದರೆ ಅತ್ಯಂತ ಕಡಿಮೆ ಕಾರ್ಬೋಹೈಡ್ರೇಟ್‌ ಆಹಾರ ಸೇವಿಸುವ ಡಯಟ್‌. ಕಡಿಮೆ ಕಾರ್ಬೋ ತಿಂದಾಗ ಲಿವರ್‌ನಲ್ಲಿ ಕೆಟೋನ್ಸ್ ಉತ್ಪತ್ತಿಯಾಗುತ್ತದೆ. ಅದನ್ನು ದೇಹವು ಶಕ್ತಿಯಾಗಿ ಉಪಯೋಗಿಸುತ್ತದೆ. ಕೀಟೊ ಡಯಟ್‌ ಕಡಿಮೆ ಕಾರ್ಬೋ ಅಧಿಕ ಕೊಬ್ಬಿನಂಶವಿರುವ ಆಹಾರವನ್ನು ಸೇವಿಸಲಾಗುವುದು.

ನೀವು ಕಾರ್ಬೋ ಆಹಾರ ತಿಂದಾಗ ದೇಹದಲ್ಲಿ ಗ್ಲೂಕೋಸ್ ಹಾಗೂ ಇನ್ಸುಲಿನ್‌ ಉತ್ಪತ್ತಿಯಾಗುತ್ತದೆ. ಗ್ಲೂಕೋಸ್ ನಿಮ್ಮ ರಕ್ತನಾಳವನ್ನು ಸೇರಿ ಶಕ್ತಿಯಾಗಿ ಪರಿವರ್ತನೆಯಾಗಿ ದೇಹಕ್ಕೆ ಶಕ್ತಿಯನ್ನು ತುಂಬುವುದು. ಆಗ ದೇಹದಲ್ಲಿ ಕೊಬ್ಬಿನಂಶ ಶೇಖರವಾಗಿ ಮೈ ತೂಕ ಹೆಚ್ಚುವುದು. ಕೀಟೊ ಡಯಟ್‌ನಲ್ಲಿ ಕೊಬ್ಬು ಶಕ್ತಿಯಾಗಿ ಪರಿವರ್ತನೆಯಾಗುವುದು.

ಈ ಡಯಟ್‌ನಲ್ಲಿ ತಿನ್ನಬೇಕಾದ ಆಹಾರಗಳು
ಪನ್ನೀರ್‌, ಚೀಸ್‌, ಅತ್ಯಲ್ಪ ಕಾರ್ಬೋ ಆಹಾರಗಳು, ಸೋರೆಕಾಯಿ, ಚಿಕನ್‌, ಸಮುದ್ರಾಹಾರ, ಹೂಕೋಸು, ಬ್ರೊಕೋಲಿ, ಬೆಣ್ಣೆ ಹಣ್ಣು, ಮೊಟ್ಟೆಯ ಬಿಳಿ, ತೆಂಗಿನೆಣ್ಣೆ, ಮೊಸರು, ಆಲೀವ್‌ ಎಣ್ಣೆ, ಬೆರ್ರಿ ಹಣ್ಣುಗಳು, ನಟ್ಸ್‌, ಬೆಣ್ಣೆ, ಕಾಫಿ, ಡಾರ್ಕ್ ಚಾಕಲೇಟ್‌

ಏನು ತಿನ್ನಬಾರದು
ಅಧಿಕ ಕಾರ್ಬೋಹೈಡ್ರೇಟ್ ಇರುವ ಆಹಾರಗಳು, ಫಾಸ್ಟ್ ಫುಡ್ಸ್, ಪಿಜ್ಜಾ, ಬರ್ಗರ್, ಅನ್ನ, ಚಾಕಲೇಟ್‌, ಕ್ಯಾಂಡಿ, ಸಕ್ಕರೆ, ಓಟ್ಸ್, ಕಾರ್ನ, ಹಣ್ಣುಗಳು, ಹಾಲು, ಗೆಡ್ಡೆ-ಗೆಣಸುಗಳು, ಕೆರೆ ಮೀನು, ಕುರಿ ಮಾಂಸ.

ಸೂಚನೆ
ಕೀಟೊ ಡಯಟ್ ಮಾಡಿ ತೆಳ್ಳಗಾಗುವುದರ ಜತೆಗೆ ಆರೋಗ್ಯ ಕಾಪಾಡಬಹುದು, ಆದರೆ ಈ ಡಯಟ್ ಮಾಡುವ ಮುನ್ನ ನಿಮ್ಮ ದೇಹ ಸ್ಥಿತಿಗೆ ಈ ಡಯಟ್ ಹೊಂದಬಹುದೇ ಎಂದು ವೈದ್ಯರ ಸಲಹೆ ಕೇಳಿ.