ಪುರುಷರಲ್ಲಿ ಮಧುಮೇಹವಿದ್ದರೆ ಬಂಜೆತನ ಸಮಸ್ಯೆ ಬರಬಹುದು!

ಫಲವತ್ತತೆ ಸಮಸ್ಯೆಯು ಕೇವಲ ಮಹಿಳೆಯರಲ್ಲಿ ಮಾತ್ರವಲ್ಲದೆ, ಪುರುಷರಲ್ಲಿ ಕೂಡ ಅತಿಯಾಗಿ ಕಂಡುಬರುವುದು. ಜೀವನಶೈಲಿ, ಆಹಾರ ಕ್ರಮ ಇತ್ಯಾದಿಗಳು ಇದಕ್ಕೆ ಪ್ರಮುಖ ಕಾರಣ. ಅದರಲ್ಲೂ ಮಧುಮೇಹ ಇರುವ ಪುರುಷರಲ್ಲಿ ಬಂಜೆತನ ಸಮಸ್ಯೆಯು ಕಾಡುವುದು.

ಮದುವೆಯಾಗಿ ಒಳ್ಳೆಯ ಜೀವನ ಸಾಗಿಸಬೇಕು ಎಂದು ಬಯಸುತ್ತಿರುವಂತಹ ಪುರುಷರಿಗೆ ಮಧುಮೇಹವು ಅಡ್ಡಿಯಾಗಬಹುದು. ಮಧುಮೇಹವು ಪುರುಷರಲ್ಲಿ ಲೈಂಗಿಕ ಸಮಸ್ಯೆಗಳಿಗೆ ಕಾರಣವಾಗಬಲ್ಲದು. ಇದರಿಂದಾಗಿ ಮಧುಮೇಹವು ಲೈಂಗಿಕ ಜೀವನದ ಮೇಲೆ ನೇರ ಪರಿಣಾಮ ಬೀರುವುದು.

ಗರ್ಭಧಾರಣೆ ಸಂದರ್ಭದಲ್ಲಿ ಮಹಿಳೆಯರಲ್ಲಿ ಮಧುಮೇಹದ ಸಮಸ್ಯೆಯು ಕಂಡುಬಂದರೆ ಅದು ಮಗು ಹಾಗೂ ತಾಯಿಗೆ ಅಪಾಯವನ್ನು ಉಂಟು ಮಾಡಬಹುದು. ಪುರುಷರಲ್ಲಿ ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಾದರೆ ಆಗ ಬಂಜೆತನವು ಕಾಡುವುದು.

ಮಧುಮೇಹದಿಂದ ತಮ್ಮ ಪತ್ನಿಯರಿಗೆ ಗರ್ಭ ಧರಿಸಲು ಸಾಧ್ಯವಾಗದು ಎಂದು ಕೆಲವು ಪುರುಷರಿಗೆ ತಿಳಿದಿರುವುದಿಲ್ಲ. ಅಧ್ಯಯನಗಳ ಪ್ರಕಾರ ಮಧುಮೇಹವು ನೇರವಾಗಿ ಫಲವತ್ತತೆ ಮೇಲೆ ಪರಿಣಾಮ ಬೀರುವುದು.

ಇದು ಪುರುಷರಲ್ಲಿ ಬಂಜೆತವನ್ನು ಹೆಚ್ಚಿಸುವುದು. ಗ್ಲುಕೋಸ್ ಮಟ್ಟವು ಅಧಿಕವಾವಿದ್ದರೆ ಆಕ್ಸಿಡೇಟಿವ್ ಒತ್ತಡವು ಕಂಡುಬರುವುದು. ಇದು ವೀರ್ಯದಲ್ಲಿನ ಡಿಎನ್ ಎ ಗೆ ಹಾನಿ ಉಂಟು ಮಾಡುವುದು. ಹಾನಿಗೀಡಾದ ಅಥವಾ ಛಿದ್ರಗೊಂಡ ವೀರ್ಯವು ಪುರುಷರಲ್ಲಿ ಬಂಜೆತನ ಉಂಟು ಮಾಡಬಹುದು.

ಪುರುಷರ ಫಲವತ್ತತೆ ಬಗ್ಗೆ ಇರುವ ಈ ಕಟ್ಟುಕಥೆಗಳನ್ನು ನಂಬಲೇಬೇಡಿ!

ಅನಿಯಂತ್ರಿತವಾದ ಮಧುಮೇಹದಿಂದ ಸಣ್ಣ ರಕ್ತನಾಳ ಹಾಗೂ ನರಗಳಿಗೆ ಹಾನಿ ಉಂಟು ಮಾಡುವುದು ಮತ್ತು ಇದರಿಂದ ಸ್ಖಲನಕ್ಕೆ ತೊಂದರೆ ಆಗುವುದು ಹಾಗೂ ನಿಮಿರು ದೌರ್ಬಲ್ಯವು ಕಾಣಿಸಬಹುದು.

ಅತಿಯಾಗಿ ಗ್ಲುಕೋಸ್ ಮಟ್ಟವು ಟೆಸ್ಟೋಸ್ಟೆರಾನ್ ಮಟ್ಟವನ್ನು ತಗ್ಗಿಸುವುದು. ಈ ಹಾರ್ಮೋನ್ ಪುರುಷರಲ್ಲಿ ಲೈಂಗಿಕ ಆಸಕ್ತಿ ಹೆಚ್ಚು ಕಡಿಮೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು.

ಗರ್ಭಿಣಿಯರಲ್ಲಿ ಟೈಪ್ 1 ಅಥವಾ ಟೈಪ್ 2 ಮಧುಮೇಹವು ಇದ್ದರೆ ಆಗ ಗರ್ಭಪಾತ ಅಥವಾ ಅಕಾಲಿಕ ಹೆರಿಗೆ ಆಗುವಂತಹ ಸಾಧ್ಯತೆಯು ಹೆಚ್ಚು. ಇಂತಹ ಮಕ್ಕಳಲ್ಲಿ ಪೋಷಕಾಂಶದ ಕೊರತೆಯು ಕಾಣಿಸುವುದು.

ಟೈಪ್ 2 ಮಧುಮೇಹವು ಟೈಪ್ 1 ಆಗಿ ಪರಿವರ್ತನೆ ಆಗುವುದೇ?

ಇದನ್ನು ನಿಯಂತ್ರಿಸಬಹುದೇ?

ಮಧುಮೇಹ ಎನ್ನುವುದು ಒಂದು ದೀರ್ಘಕಾಲಿಕ ಕಾಯಿಲೆಯಾಗಿದ್ದು, ಮೇಧೋಗ್ರಂಥಿಗಳು ಸರಿಯಾಗಿ ಇನ್ಸುಲಿನ್ ಉತ್ಪಾದನೆ ಮಾಡದೆ ಇರುವುದು ಅಥವಾ ದೇಹವು ಇನ್ಸುಲಿನ್ ಗೆ ಸರಿಯಾಗಿ ಪ್ರತಿಕ್ರಿಯಿಸದೆ ಇರುವುದು ಇದಕ್ಕೆ ಕಾರಣ.

ಜೀವನಶೈಲಿ ಬದಲಾವಣೆ ಮತ್ತು ನಿತ್ಯವೂ ವ್ಯಾಯಾಮ ಮಾಡುವ ಮೂಲಕ ಇದನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬಹುದಾಗಿದೆ. ಇದು ನಿಮ್ಮ ಲೈಂಗಿಕ ಜೀವನದ ಮೇಲೆ ಪರಿಣಾಮ ಬೀರುವ ಮೊದಲೇ ಇದಕ್ಕೆ ಪರಿಹಾರ ಕಂಡುಕೊಳ್ಳಬೇಕು.

ಸಂತಾನೋತ್ಪತ್ತಿ ಅಂಗಾಂಗಗಳಿಗೆ ಸರಿಯಾದ ರೀತಿಯಲ್ಲಿ ರಕ್ತಸಂಚಾರವಾದರೆ ಆಗ ಖಂಡಿತವಾಗಿಯೂ ನಿಮಿರು ದೌರ್ಬಲ್ಯ ಕಡಿಮೆ ಮಾಡಬಹುದು. ನೀವು ಮಧುಮೇಹದ ಲಕ್ಷಣಗಳು ಏನು ಎಂದು ತಿಳಿಯಬೇಕು ಮತ್ತು ಮಧುಮೇಹ ನಿಯಂತ್ರಿಸಲು ಪ್ರಯತ್ನಿಸಬೇಕು.

30ರ ಹರೆಯ ದಾಟಿದ್ದರೆ, ತೂಕ ಅತಿಯಾಗಿದ್ದರೆ ಅಥವಾ ಬೊಜ್ಜು ಅಥವಾ ಕುಟುಂಬದಲ್ಲಿ ಯಾರಿಗಾದರೂ ಮಧುಮೇಹವಿದ್ದರೆ ಆಗ ನೀವು ವೈದ್ಯಕೀಯ ನೆರವು ಪಡೆಯಲು ಮರೆಯಬೇಡಿ.

ಬಂಗುಡೆ ಮೀನು ತಿಂದ್ರೆ ತೂಕ ಇಳಿಯುತ್ತೆ-ಮಧುಮೇಹ ನಿಯಂತ್ರಣಕ್ಕೆ ಬರುತ್ತೆ