ತೂಕ ಕಡಿಮೆ ಮಾಡಿಕೊಳ್ಳಲು ಜೇನುತುಪ್ಪ, ಚಕ್ಕೆ ಮತ್ತು ನಿಂಬೆ ಹಣ್ಣಿನ ಮಿಶ್ರಣ

ನಮ್ಮ ದೇಹದ ತೂಕ ಒಮ್ಮೆ ಹೆಚ್ಚಾದರೆ ನಾವು ಮತ್ತೆ ಮೊದಲಿನಂತೆ ಆಗಲು ಸಾಕಷ್ಟು ಕಷ್ಟ ಪಡಬೇಕಾಗುತ್ತದೆ. ಇನ್ನಿಲ್ಲದ ಕಸರತ್ತುಗಳನ್ನು ಮಾಡಿದರು ಕೂಡ ನಾವಂದುಕೊಂಡ ಮಟ್ಟಿಗೆ ಫಲಿತಾಂಶ ಸಿಗುತ್ತದೆ ಎಂದು ಹೇಳಲು ಬರುವುದಿಲ್ಲ.

ಈ ಸಂದರ್ಭದಲ್ಲಿ ನಮ್ಮ ದೇಹದ ತೂಕವನ್ನು ಹೇಗಾದರೂ ಮಾಡಿ ಬಹಳ ಬೇಗನೆ ತಗ್ಗಿಸಿಕೊಂಡು ಬಿಡಬೇಕು ಎಂಬ ಭಾವನೆ ನಮ್ಮ ಮನಸ್ಸಿನಲ್ಲಿ ಮನೆಮಾಡುತ್ತದೆ. ಈ ಕ್ಷಣದಲ್ಲಿ ನಾವು ಟಿವಿ ಜಾಹೀರಾತಿನಲ್ಲಿ ಬರುವಂತಹ ಉತ್ಪನ್ನಗಳನ್ನು ಅಥವಾ ಯಾರೋ ಹೇಳಿದ ಮಾತನ್ನು ಕೇಳಿಕೊಂಡು ರಾಸಾಯನಿಕಗಳನ್ನು ತುಂಬಿಕೊಂಡ ಉತ್ಪನ್ನಗಳನ್ನು ಬಳಕೆ ಮಾಡಲು ಮುಂದಾಗುತ್ತೇವೆ. ಇದರಿಂದ ನಮ್ಮ ಆರೋಗ್ಯದ ಮೇಲೆ ಅತ್ಯಂತ ಕೆಟ್ಟ ಪರಿಣಾಮ ಬೀರಲಿದೆ.

ಆದರೆ ನೈಸರ್ಗಿಕ ವಿಧಾನದಲ್ಲಿ ನಾವು ಆಲೋಚನೆ ಮಾಡಿದರೆ ಯಾವುದೇ ಅಡ್ಡಪರಿಣಾಮಗಳಿಲ್ಲದೆ ನಮ್ಮ ದೇಹದ ತೂಕವನ್ನು ತುಂಬಾ ಸರಳವಾಗಿ ಕಡಿಮೆ ಮಾಡಿಕೊಳ್ಳಬಹುದು. ಅಂತಹ ಒಂದು ಪ್ರಕ್ರಿಯೆಗೆ ತಾಜಾ ಉದಾಹರಣೆ ಈ ಕೆಳಗಿನ ಮಾಹಿತಿ ಯಲ್ಲಿದೆ.

ನಮ್ಮ ಜೀರ್ಣ ಶಕ್ತಿಯನ್ನು ವೃದ್ಧಿಸಿಕೊಳ್ಳಲು ನಮಗೆ ಹಲವಾರು ಮಾರ್ಗಗಳಿವೆ. ಅದರಲ್ಲಿ ಜೇನುತುಪ್ಪ, ನಿಂಬೆಹಣ್ಣು ಮತ್ತು ಬಿಸಿ ನೀರಿನ ಪ್ರಯೋಗ ಅದ್ಭುತವಾದ ಫಲಿತಾಂಶಗಳನ್ನು ಕೊಡುತ್ತದೆ ಎಂದು ನಂಬಲಾಗಿದೆ.

ನಮ್ಮ ದೇಹದ ವಿಷಕಾರಿ ಅಂಶಗಳನ್ನು ಹೇಗಾದರೂ ಮಾಡಿ ದೂರ ಮಾಡಿಕೊಂಡರೆ ನಮ್ಮ ದೈಹಿಕ ತೂಕದಲ್ಲಿ ಸಾಕಷ್ಟು ಇಳಿಕೆ ಕಾಣುತ್ತದೆ. ಇದಕ್ಕೆ ಕಾರಣವೇನೆಂದರೆ ನಿಂಬೆ ಹಣ್ಣಿನಲ್ಲಿರುವ ಪೆಕ್ಟಿನ್ ಎಂಬ ಅಂಶ.

ನಿಂಬೆಹಣ್ಣಿನ ರಸ ನಮ್ಮ ದೇಹ ಸೇರಿದ ತಕ್ಷಣ ಸಕ್ರಿಯವಾಗಿ ನಮ್ಮ ಹೊಟ್ಟೆ ಹಸಿವನ್ನು ದೂರಮಾಡುವುದು ಮಾತ್ರವಲ್ಲದೆ ಬೇರೆ ಬಗೆಯ ಅನಾರೋಗ್ಯಕರ ಆಹಾರಗಳನ್ನು ಸೇವನೆ ಮಾಡಿ ನಮ್ಮ ದೇಹದಲ್ಲಿ ಬೊಜ್ಜು ಅಥವಾ ಕೊಬ್ಬಿನ ಅಂಶವನ್ನು ಹೆಚ್ಚು ಮಾಡಿಕೊಳ್ಳದಂತೆ ತಡೆಯುತ್ತದೆ.

ಇಷ್ಟೇ ಅಲ್ಲದೆ ನಿಂಬೆಹಣ್ಣು ಜೇನುತುಪ್ಪ ಮತ್ತು ಉಗುರು ಬೆಚ್ಚಗಿನ ನೀರು ನಮ್ಮ ಹೊಟ್ಟೆಯಲ್ಲಿ ಆಮ್ಲಿಯ ತೆಯ ಪ್ರಭಾವವನ್ನು ಕಡಿಮೆ ಮಾಡಿ ನಾವು ಸೇವನೆ ಮಾಡಿದ ಆಹಾರದಲ್ಲಿರುವ ಕೊಬ್ಬಿನ ಪ್ರಮಾಣವನ್ನು ಕಡಿಮೆ ಮಾಡುವಂತೆ ನೋಡಿಕೊಳ್ಳುತ್ತದೆ.

ದಾಲ್ಚಿನ್ನಿ ಅಥವಾ ಚಕ್ಕೆಯ ಪ್ರಭಾವ
ಇನ್ನೊಂದು ವಿಧದಲ್ಲಿ ಹೇಳುವುದಾದರೆ ಕೇವಲ ರುಚಿಗಾಗಿ ಬಳಕೆ ಮಾಡುವ ಚಕ್ಕೆ ನಮ್ಮ ದೇಹದ ಜೀರ್ಣ ಪ್ರಕ್ರಿಯೆಯನ್ನು ಉತ್ತಮಗೊಳಿಸಿ ಅಗತ್ಯ ಪ್ರಮಾಣದಲ್ಲಿ ನಮ್ಮ ದೇಹದಲ್ಲಿ ಇನ್ಸುಲಿನ್ ಎಂಬ ಅಂಶ ಉತ್ಪತ್ತಿಯಾಗುವಂತೆ ನೋಡಿಕೊಂಡು ಕಾರ್ಬೋಹೈಡ್ರೇಟ್ ಅಂಶಗಳನ್ನು ನಿಯಂತ್ರಣ ಮಾಡುವಲ್ಲಿ ಯಶಸ್ವಿಯಾಗುತ್ತದೆ.

ಇದರ ಜೊತೆಗೆ ಸಾಕಷ್ಟು ಬಗೆಯ ಪೌಷ್ಟಿಕಾಂಶಗಳು ನಮ್ಮ ದೇಹ ಸೇರುವ ಮೂಲಕ ನಮ್ಮ ಹೊಟ್ಟೆ ಹಸಿವನ್ನು ಕಡಿಮೆ ಮಾಡಿ ನಮ್ಮ ದೇಹದ ತೂಕವನ್ನು ಬಹಳ ಬೇಗನೆ ತಗ್ಗಿಸಿಕೊಳ್ಳಲು ಸಹಾಯ ಮಾಡುತ್ತವೆ.

ತೂಕ ಇಳಿಸಲು ಬಯಸುವವರು ಅರ್ಧ ಇಂಚು ದಾಲ್ಚಿನ್ನಿ ಸೇವಿಸಿ!

ಈ ಮೇಲಿನ ಮಿಶ್ರಣದ ಬಳಕೆ ಹೇಗೆ


ನಮಗೆ ಬೇಕಾಗಿರುವ ಸಾಮಗ್ರಿಗಳು

• 1 ಟೀಚಮಚ ಚಕ್ಕೆ ಅಥವಾ ದಾಲ್ಚಿನ್ನಿ ಪುಡಿ
• ಅರ್ಧ ಹೋಳು ನಿಂಬೆ ಹಣ್ಣು
• 1 ಟೇಬಲ್ ಚಮಚ ಜೇನುತುಪ್ಪ
• ಒಂದು ಗ್ಲಾಸ್ ಕುಡಿಯುವ ಬಿಸಿನೀರು

ಮಾಡುವ ವಿಧಾನ

• ಮೊದಲಿಗೆ ಒಂದು ಕಾಲಿ ಗ್ಲಾಸ್ ತೆಗೆದುಕೊಂಡು ಅದಕ್ಕೆ ಒಂದು ಟೀ ಚಮಚ ಚಕ್ಕೆ ಪುಡಿಯನ್ನು ಹಾಕಿ ನಂತರ ನಿಂಬೆ ಹಣ್ಣಿನ ರಸ ಹಿಂಡಿ ಸ್ವಲ್ಪ ಜೇನುತುಪ್ಪವನ್ನು ಬೆರೆಸಿ ಗಟ್ಟಿಯಾದ ಪೇಸ್ಟ್ ತಯಾರಿಸಿಕೊಳ್ಳಿ. ಈಗ ಇದಕ್ಕೆ ಉಗುರು ಬೆಚ್ಚಗಿನ ನೀರನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.

ಸೇವನೆ ಮಾಡುವ ವಿಧ

• ಬೆಳಗಿನ ಸಮಯದಲ್ಲಿ ಖಾಲಿಹೊಟ್ಟೆಯಲ್ಲಿ ದಿನಕ್ಕೆ ಒಂದು ಬಾರಿ ಈ ಮಿಶ್ರಣವನ್ನು ಕುಡಿಯುವ ಅಭ್ಯಾಸ ನಿಮ್ಮದಾದರೆ ಒಳ್ಳೆಯದು.

ಗಮನಿಸಬೇಕಾದ ಒಂದು ಅಂಶ

• ಮೊಟ್ಟಮೊದಲ ಬಾರಿಗೆ ನೀವು ಮಿಶ್ರಣವನ್ನು ಪ್ರಯತ್ನ ಮಾಡುತ್ತಿದ್ದರೆ ಸೇವನೆ ಮಾಡುವ ಮುಂಚೆ ವೈದ್ಯರನ್ನು ಒಮ್ಮೆ ಕೇಳಿ ತಿಳಿದುಕೊಳ್ಳಿ.

ನಿಮ್ಮ ಸದ್ಯದ ಆರೋಗ್ಯದ ಪರಿಸ್ಥಿತಿಯನ್ನು ನೋಡಿಕೊಂಡು ವೈದ್ಯರು ಕೊಡುವ ಸೂಚನೆಯ ಮೇರೆಗೆ ಇದು ನಿಮ್ಮ ದೇಹಕ್ಕೆ ಹೊಂದಾಣಿಕೆಯಾಗುತ್ತದೆ ಅಥವಾ ಇಲ್ಲ ಎಂಬುದು ಕಂಡುಬಂದ ನಂತರವಷ್ಟೇ ಈ ಮಿಶ್ರಣದ ಸೇವೆ ಮಾಡಿ.

ದೇಹ ತೂಕ ಇಳಿಸಲು ಐದು ಪ್ರೋಟೀನ್‌ಯುಕ್ತ ಉಪಾಹಾರಗಳು