ಮಹಿಳೆಯರು, ಪುರುಷರು ಎನ್ನುವ ಬೇಧವಿಲ್ಲದೆ ಎಲ್ಲರಿಗೂ ಸೊಂಟನೋವು ಕಾಡುತ್ತದೆ. ಇದರಿಂದ ಭಾರ ಎತ್ತಲು, ಹೆಚ್ಚು ಹೊತ್ತು ಕುಳಿತುಕೊಳ್ಳಲು ಸಾಧ್ಯವಾಗದೆ ಪರದಾಡುವ ಸ್ಥಿತಿ ಎದುರಾಗುತ್ತದೆ.
ಹಾಗಾದರೆ ಈ ರೀತಿ ಸೊಂಟ ನೋವಿಗೆ ಕಾರಣಗಳೇನು, ಅದನ್ನು ಹೇಗೆ ಪರಿಹರಿಸಿಕೊಳ್ಳಬಹುದು ಎನ್ನುವ ಬಗ್ಗೆ ಆಯುರ್ವೇದ ವೈದ್ಯರಾದ ಡಾ.ಶರದ್‌ ಕುಲಕರ್ಣಿ ಮಾಹಿತಿ ನೀಡಿದ್ದಾರೆ ಇಲ್ಲಿದೆ ನೋಡಿ.
ಸೊಂಟ ನೋವಿಗೆ ಕಾರಣಗಳು
- ಗುಂಡಿಗಳಿರುವ ರಸ್ತೆಯಲ್ಲಿ ವಾಹನ ಚಲಾಯಿಸಿಕೊಂಡು ಹೋದಾಗ ಸೊಂಟದ ಭಾಗಕ್ಕೆ ಪೆಟ್ಟು ಬೀಳುತ್ತದೆ. ಇದರಿಂದ ಸೊಂಟ ನೋವು ಕಾಡುತ್ತದೆ.
- ಇನ್ನು ವಿಟಮಿನ್‌ ಮತ್ತು ಕ್ಯಾಲ್ಸಿಯಂ ಕೊರತೆಯಾದಾಗಲೂ ಸೊಂಟ ನೋವು ಕಾಡುತ್ತದೆ.
- ಹೆಚ್ಚು ಭಾರ ಹೊತ್ತಾಗ ಸೊಂಟ ಉಳುಕುವುದರಿಂದ ಸೊಂಟ ನೋವು ಬರಬಹುದು.
- ಇಡೀ ದಿನ ಕುಳಿತುಕೊಂಡು ಇರುವುದರಿಂದ ಮತ್ತು ದೇಹದಲ್ಲಿ ಅತಿಯಾದ ತೂಕವಿದ್ದರೆ
- ಮಲಗುವ ಭಂಗಿ ಸರಿಯಾಗಿ ಇಲ್ಲದಿದ್ದರೂ ಸೊಂಟ ನೋವು ಕಾಣಿಸಿಕೊಳ್ಳುತ್ತದೆ.
ಇದನ್ನೂ ಓದಿ: ಬೆಳಗ್ಗೆ ಈ ತಿಂಡಿಗಳನ್ನು ತಿಂದರೆ ಇಡೀ ದಿನ ಆರೋಗ್ಯವಾಗಿರಬಹುದು
ಲಕ್ಷಣಗಳೆಂದರೆ...
- ಸೊಂಟ ಹಿಡಿದುಕೊಂಡ ಅನುಭವ
- ನಡೆಯಲು ಕಷ್ಟವಾಗುವುದು
- ಸೊಂಟದಿಂದ ಕಾಲಿನ ಕೆಳಭಾಗದವರೆಗೂ ವಿಪರೀತ ನೋವು ಕಾಡುತ್ತದೆ.
ಇದನ್ನೂ ಓದಿ: ದೇಹದಲ್ಲಿನ ಕೊಲೆಸ್ಟ್ರಾಲ್‌ ಮಟ್ಟ ನಿಯಂತ್ರಣಕ್ಕೆ ಶಂಖಪುಷ್ಪ ಸಹಾಯಕ, ಹೇಗೆ ಗೊತ್ತಾ?
ವ್ಯಾಯಾಮದ ಅಭ್ಯಾಸ
ಸೊಂಟ ನೋವನ್ನು ನಿವಾರಣೆ ಮಾಡಲು ಅತ್ಯುತ್ತಮ ವಿಧಾನ ಎಂದರೆ ಅದು ವ್ಯಾಯಾಮದ ಅಭ್ಯಾಸ. ಕಾಲು ಮತ್ತು ಸೊಂಟಕ್ಕೆ ವ್ಯಾಯಾಮ ಸಿಗುವಂತಹ ಆಸನಗಳನ್ನು, ದೈಹಿಕ ಚಟುವಟಿಕೆಗಳನ್ನು ಮಾಡುವುದರಿಂದ ಸೊಂಟ ನೋವನ್ನು ನಿವಾರಣೆ ಮಾಡಬಹುದಾಗಿದೆ.
ಅದಕ್ಕಾಗಿ ನೀವು ನೇರವಾಗಿ ಮಲಗಿ ಕಾಲುಗಳನ್ನು ನೇರವಾಗಿ ಮೇಲಕ್ಕೆ ಎತ್ತುವ ಅಭ್ಯಾಸ ಮಾಡಬಹುದು. ಇದರಿಂದ ಸೊಂಟದ ಸ್ನಾಯುಗಳು ಬಲಗೊಳ್ಳುತ್ತವೆ.
ಇದನ್ನೂ ಓದಿ: ಈ ಸಮಸ್ಯೆಗಳಿರುವವರು ತುಪ್ಪವನ್ನು ಸೇವನೆ ಮಾಡುವುದು ಒಳ್ಳೆಯದಲ್ಲ
ಅಭ್ಯಂಗ
ಆಯುರ್ವೇದದಲ್ಲಿ ದೇಹದ ಭಾಗಗಳನ್ನು ಸಡಿಲಗೊಳಿಸಲು, ನೋವನ್ನು ನಿವಾರಣೆ ಮಾಡಲು ಇರುವ ವಿಧಾನ ಎಂದರೆ ಅದು ಅಭ್ಯಂಗ ಅಥವಾ ಅಭ್ಯಂಜನ.
ಸೊಂಟ ನೋವಿರುವಾಗ ಎಳ್ಳೆಣ್ಣೆ ಅಥವಾ ಕೊಬ್ಬರಿ ಎಣ್ಣೆಯನ್ನು ಉಗುರು ಬೆಚ್ಚಗೆ ಮಾಡಿ ಸೊಂಟಕ್ಕೆ ಹಚ್ಚಿ ಮಸಾಜ್‌ ಮಾಡಿ ನಂತರ ಬಿಸಿ ನೀರಿನಿಂದ ಶಾಖ ನೀಡಿದರೆ ಕೆಳಬೆನ್ನಿನ ನೋವನ್ನು ನಿವಾರಣೆ ಮಾಡಬಹುದಾಗಿದೆ.
ಇದನ್ನೂ ಓದಿ: ಪ್ರತಿನಿತ್ಯ ಅಭ್ಯಂಗ ಸ್ನಾನ ಮಾಡುವುದರಿಂದ ಇಷ್ಟೆಲ್ಲಾ ಪ್ರಯೋಜನ ಸಿಗಲಿದೆ
ಕ್ಯಾಲ್ಸಿಯಂಯುಕ್ತ ಆಹಾರ
ಸೊಂಟ ನೋವಿನ ನಿವಾರಣೆಗೆ ಆಹಾರ ಸೇವನೆಯೂ ಅಷ್ಟೇ ಮುಖ್ಯವಾಗಿರುತ್ತದೆ. ಸೊಂಟದ ಭಾಗದ ಸ್ನಾಯು ಮತ್ತು ಮೂಳೆಗಳನ್ನು ಬಲಪಡಿಸಲು ಕ್ಯಾಲ್ಸಿಯಂಯುಕ್ತ ಆಹಾರಗಳನ್ನು ಹೆಚ್ಚು ಸೇವನೆ ಮಾಡಬೇಕು.
ಹಾಲು, ಮೊಟ್ಟೆ, ಬಾದಾಮಿ, ಗೋಡಂಬಿ, ಬೆಲ್ಲದಂತಹ ಆಹಾರಗಳನ್ನು ಹೆಚ್ಚು ಸೇವನೆ ಮಾಡುವುದರಿಂದ ಸೊಂಟ ನೋವನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬಹುದು.
Dr. Sharad Kulkarni
BAMS, MS
Jeevottama Health - Ayurveda Clinic, Bengaluru
ಇದನ್ನೂ ಓದಿ: ಮೆದುಳು ಮತ್ತು ಹೊಟ್ಟೆಯ ಸಂಬಂಧ ಸರಿಯಾಗಿದ್ದರೆ ಆರೋಗ್ಯವೂ ಉತ್ತಮವಾಗಿರುತ್ತದೆ, ಹೇಗೆ ಗೊತ್ತಾ?