ನಮ್ಮ ದೇಹಕ್ಕೆ ಫೋಲಿಕ್ ಆಮ್ಲ ಅಷ್ಟೊಂದು ಇಂಪಾರ್ಟೆಂಟ್ ಅಂತೆ ಹೌದಾ?

• ನಮ್ಮ ಆಹಾರ ಪದ್ಧತಿಯಲ್ಲಿ ಯಾವ ಸಂದರ್ಭದಲ್ಲಿ ಫೋಲಿಕ್ ಆಮ್ಲ ಸಿಗುತ್ತದೆ, ಅದು ನಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿ, ಹೊಟ್ಟೆಗೆ ಸಂಬಂಧಪಟ್ಟ ತೊಂದರೆಗಳನ್ನು ದೂರ ಮಾಡುತ್ತದೆ.
• ಫೋಲಿಕ್ ಆಮ್ಲ ಮಲಬದ್ಧತೆ ಸಮಸ್ಯೆಯನ್ನು ಹೋಗಲಾಡಿಸುವುದರ ಜೊತೆಗೆ ವಾಕರಿಕೆ ಹಾಗೂ ವಾಂತಿಯ ತೊಂದರೆಯನ್ನು ಇಲ್ಲವಾಗಿಸುತ್ತದೆ. ನಮ್ಮ ದೇಹದಲ್ಲಿ ಆಮ್ಲಜನಕದ ಕೊರತೆ ಉಂಟಾಗದಂತೆ ನೋಡಿಕೊಂಡು ಶ್ವಾಸಕೋಶದ ಸಂಬಂಧಪಟ್ಟಂತೆ ಯಾವುದೇ ಸಮಸ್ಯೆಗಳು ಕಂಡುಬರದ ಹಾಗೆ ನಿರ್ವಹಣೆ ಮಾಡುತ್ತದೆ.

ಹೆಚ್ಚು ಕಿರಿಕಿರಿ ಉಂಟಾಗಬಹುದು, ಉಸಿರಾಟದ ತೊಂದರೆ ಎದುರಾಗಬಹುದು, ಇದ್ದಕ್ಕಿದ್ದಂತೆ ಎಲ್ಲರ ಮೇಲೆ ಕೋಪ ಮಾಡಿಕೊಳ್ಳುವ ಅನುಭವ ಎದುರಾಗಬಹುದು, ತುಂಬಾ ಬೇಜಾರು ಹಾಗೂ ಅಸಹನೆ ಉಂಟಾಗುತ್ತದೆ, ಅನಿಮಿಯ ಸಮಸ್ಯೆ ಎದುರಾಗುತ್ತದೆ ಜೊತೆಗೆ ದೈಹಿಕ ನಿತ್ರಾಣತೆ ಮತ್ತು ಆಯಾಸ ಹೆಚ್ಚಾಗಿ ಕಂಡುಬರುತ್ತದೆ.

• ಗರ್ಭಿಣಿ ಮಹಿಳೆಯರಿಗೆ ಗರ್ಭಾವಸ್ಥೆಯ ಸಂದರ್ಭದಲ್ಲಿ ದೇಹಕ್ಕೆ ಸೇರುವ ಪ್ರತಿಯೊಂದು ಆರೋಗ್ಯಕರ ಅಂಶ ಕೂಡ ಬಹಳ ಮುಖ್ಯ ಎನಿಸುತ್ತದೆ.
• ದೈಹಿಕ ಹಾಗೂ ಮಾನಸಿಕ ಅಭಿವೃದ್ಧಿಯಲ್ಲಿ ನೆರವಾಗುವ ಹಾಗೆ ಗರ್ಭಕೋಶದಲ್ಲಿ ಬೆಳವಣಿಗೆಯಾಗುವ ಮಗುವಿನ ಅಭಿವೃದ್ಧಿಯ ಮೇಲೂ ಕೂಡ ಇದರ ಪ್ರಭಾವ ಇರುತ್ತದೆ.
• ಆರೋಗ್ಯ ತಜ್ಞರು ಹೇಳುವ ಹಾಗೆ, ಗರ್ಭಾವಸ್ಥೆಯಲ್ಲಿ ಸುಮಾರು 400 ಮಿಲಿಗ್ರಾಂ ಫೋಲೆಟ್ ಅಂಶದ ಅಗತ್ಯತೆ ಇದ್ದೇ ಇರುತ್ತದೆ. ಬೇರೆ ಯಾವುದೇ ಬಗೆಯ ವಿಟಮಿನ್ ಅಂಶಗಳು, ಖನಿಜಾಂಶಗಳು, ಆಂಟಿಆಕ್ಸಿಡೆಂಟ್ ಅಂಶಗಳು ಹಾಗೂ ನಾರಿನ ಅಂಶದ ಜೊತೆಗೆ ಫೋಲಿಕ್ ಆಮ್ಲವನ್ನು ಕೂಡ ಸೇವನೆ ಮಾಡಬೇಕಾದ ಅನಿವಾರ್ಯತೆ ಗರ್ಭಿಣಿ ಮಹಿಳೆಯರಿಗೆ ಆ ಸಂದರ್ಭದಲ್ಲಿ ಇರುತ್ತದೆ.

• ಪ್ರತಿಯೊಬ್ಬರೂ ಸಹ ತಮ್ಮ ಆಹಾರಪದ್ಧತಿಯಲ್ಲಿ ಬ್ರೊಕೋಲಿ, ಹಸಿರು ತರಕಾರಿಗಳು, ಹಣ್ಣುಗಳು, ಕುಂಬಳಕಾಯಿ ಬೀಜಗಳು, ಸೂರ್ಯಕಾಂತಿ ಬೀಜಗಳು ಹಾಗೂ ಫ್ಲಾಕ್ಸ್ ಸೀಡ್ಸ್ ಸೇವನೆ ಮಾಡಬೇಕು.
• ಸಾಧ್ಯವಾದರೆ ಬೀಟ್ರೋಟ್ ಮತ್ತು ಅಲಸಂದೆ ಕಾಳುಗಳನ್ನು ಹೆಚ್ಚಾಗಿ ಸೇವನೆ ಮಾಡುವ ಅಭ್ಯಾಸ ಇಟ್ಟುಕೊಳ್ಳಬೇಕು. ಇದರಿಂದ ದೇಹಕ್ಕೆ ಫೋಲಿಕ್ ಆಮ್ಲ ಹೆಚ್ಚಿನ ಪ್ರಮಾಣದಲ್ಲಿ ಸಿಗುತ್ತದೆ ಹಾಗೂ ಅನಿಮಿಯ ಸಮಸ್ಯೆ ದೂರವಾಗುತ್ತದೆ.