ಹೀಗಾಗಿ ಅವರು ಜೀವನಶೈಲಿ ಹಾಗೂ ಆರೋಗ್ಯದ ಕಡೆಗೆ ಹೆಚ್ಚು ಗಮನಹರಿಸುವುದಿಲ್ಲ. ಇದು ಮುಂದೊಂದು ದಿನ ಅವರ ದೇಹಾರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ನಾವು ನಿಮಗೆ ಇಲ್ಲಿ ಪುರುಷರು ತಮ್ಮ ಜೀವನಶೈಲಿಯಲ್ಲಿ ಯಾವೆಲ್ಲಾ ಬದಲಾವಣೆಗಳನ್ನು ಮಾಡಬೇಕು ಎಂದು ತಿಳಿಸಿಕೊಡುತ್ತೇವೆ.
ಆಲ್ಕೋಹಾಲ್ ಮೇಲೆ ನಿಯಂತ್ರಣವಿರಲಿ
ನೀವು ಆಲ್ಕೋಹಾಲ್ ನ್ನು ಕುಡಿಯಬೇಕೇ ಹೊರತು, ಆಲ್ಕೋಹಾಲ್ ನಿಮ್ಮನ್ನು ಕುಡಿಯುತ್ತಿರಬಾರದು. ಹೆಚ್ಚಾಗಿ ವೃತ್ತಿ ಹಾಗೂ ವೈವಾಹಿಕ ಜೀವನದಲ್ಲಿನ ಒತ್ತಡದಿಂದಾಗಿ ಕೆಲವು ಪುರುಷರು ಆಲ್ಕೋಹಾಲ್ ಗೆ ಮೊರೆ ಹೋಗುವರು.
ಆದರೆ ಮಿತವಾಗಿ ಇದ್ದರೆ ಒಳ್ಳೆಯದು. ಇದನ್ನು ನಿಯಂತ್ರಿಸಲು ಕಷ್ಟವಾದರೆ ಅದು ಆರೋಗ್ಯದ ಮೇಲೆ ಪರಿಣಾಮ ಬೀರುವುದು. ಅದೇ ರೀತಿಯ ವೈವಾಹಿಕ ಸಂಬಂಧ ಹಾಗೂ ಸಮಾಜದಲ್ಲೂ ನಿಮ್ಮ ಘನತೆಗೆ ತೊಂದರೆ ಆಗುವುದು.
ವಿವಾಹ ವಿಳಂಬ, ಒತ್ತಡ, ಸ್ಮೂಕಿಂಗ್, ಆಲ್ಕೋಹಾಲ್, ಇವೇ ಬಂಜೆತನಕ್ಕೆ ಪ್ರಮುಖ ಕಾರಣಗಳು!
ಫಿಟ್ ಆಗಿರಿ
ಡೊಳ್ಳು ಹೊಟ್ಟೆ ಇರುವ ಪುರುಷರು ಯಾವತ್ತಿಗೂ ಮಹಿಳೆಯರಿಗೆ ಇಷ್ಟವಾಗುವುದಿಲ್ಲ. ಹೀಗಾಗಿ ಪುರುಷರು ವ್ಯಾಯಾಮದ ಕಡೆಗೆ ಹೆಚ್ಚು ಗಮನಿಸಬೇಕು. ದೇಹವನ್ನು ಫಿಟ್ ಆಗಿಡುವುದರಿಂದ ಅದು ದೇಹಾರೋಗ್ಯವನ್ನು ಕಾಪಾಡಲು ಸಹಕಾರಿ ಮತ್ತು ಬೊಜ್ಜನ್ನು ಇದು ದೂರವಿಡುವುದು.
ಸರಿಯಾಗಿ ತಿನ್ನಿ
ಮಹಿಳೆಯರಿಗೆ ಹೋಲಿಕೆ ಮಾಡಿದರೆ, ಪುರುಷರಲ್ಲಿ ಹೆಚ್ಚು ಚಯಾಪಚಯ ಮತ್ತು ಹಸಿವು ಇರುವುದು. ಆದರೆ ಇದಕ್ಕಾಗಿ ನೀವು ಅನಾರೋಗ್ಯಕಾರಿ ಇರುವುದನ್ನು ತಿನ್ನಲು ಹೋಗಬಾರದು. ಪುರುಷರು ಕೂಡ ಕೆಲವೊಂದು ಪೋಷಕಾಂಶಗಳು ಇರುವ ಆಹಾರ ಸೇವನೆ ಮಾಡಿದರೆ ಒಳ್ಳೆಯದು.
ಇದರಲ್ಲಿ ವಿಟಮಿನ್ ಗಳು, ಪ್ರೋಟೀನ್, ಕಾರ್ಬೋಹೈಡ್ರೇಟ್ಸ್ ಮತ್ತು ಖನಿಜಾಂಶಗಳು ಇರುವುದು. ಹೀಗಾಗಿ ಜಂಕ್ ಫುಡ್ ಕಡೆಗಣಿಸಿ ಮತ್ತು ಆರೋಗ್ಯಕಾರಿ ಆಹಾರ ಕ್ರಮವನ್ನು ಪಾಲಿಸಿಕೊಂಡು ಹೋಗಿ. ತರಕಾರಿ, ಹಣ್ಣುಗಳು, ಬೀಜ, ಧಾನ್ಯಗಳನ್ನು ಸೇವನೆ ಮಾಡಿ.
ನಿಯಮಿತವಾಗಿ ಪರೀಕ್ಷೆ ಮಾಡಿ
ಪುರುಷರಾದ ಕೂಡಲೇ ನೀವು ಎಲ್ಲಾ ಕಾಯಿಲೆಗಳಿಂದ ಮುಕ್ತರಾಗಿದ್ದೀರಿ ಎಂದು ಹೇಳಲಾಗದು. ಹೀಗಾಗಿ ಆರೋಗ್ಯವನ್ನು ಕಡೆಗಣಿಸಲು ಹೋಗಬೇಡಿ ಮತ್ತು ಆಗಾಗ ವೈದ್ಯರ ಬಳಿಗೆ ಹೋಗಿ ಪರೀಕ್ಷೆ ಮಾಡಿಸಿ.
ಮಹಿಳೆಯರು ತಮ್ಮ ಆರೋಗ್ಯದ ಕಡೆಗೆ ಹೆಚ್ಚು ಗಮನ ನೀಡುವರು. ಪುರುಷರು ಕೂಡ ತಮ್ಮ ದೇಹದ ಆರೋಗ್ಯದ ಬಗ್ಗೆ ಗಮನಿಸಬೇಕು.
ಪುರುಷರಲ್ಲಿ ಕಂಡುಬರುವ ಲೈಂಗಿಕ ಕಾಯಿಲೆಗಳು
ಭಾವನೆ ಹಂಚಿಕೊಳ್ಳಲು ಹಾಗೂ ವ್ಯಕ್ತಪಡಿಸಲು ಕಲಿಯಿರಿ
ಹೆಚ್ಚಾಗಿ ಪುರುಷರು ತಮ್ಮ ಭಾವನೆಗಳನ್ನು ಅದುಮಿಟ್ಟುಕೊಳ್ಳುವುದು ಹೆಚ್ಚು. ಆದರೆ ಭಾವನೆಗಳನ್ನು ಹಂಚಿಕೊಂಡ ವೇಳೆ ಮನಸ್ಸು ಹಗುರವಾಗುವುದು ಹಾಗೂ ಒತ್ತಡವು ಕಡಿಮೆ ಆಗುವುದು.
ಇದರಿಂದಾಗಿ ಯಾವುದೇ ಸಮಸ್ಯೆ ಅಥವಾ ಭಾವನೆಗಳಿದ್ದರೂ ಅದನ್ನು ವ್ಯಕ್ತಪಡಿಸಿ ಮತ್ತು ಹಂಚಿಕೊಳ್ಳಿ. ನೀವು ಎಷ್ಟೇ ದೊಡ್ಡ ಸಮಸ್ಯೆಗೆ ಸಿಲುಕಿದ್ದರೂ ನಿಮ್ಮ ನೆರವಿಗೆ ಕುಟುಂಬ ಹಾಗೂ ಸ್ನೇಹಿತರು ಇರುವರು.
ಆಹಾರ ಸೇವನೆ ಹೀಗಿರಲಿ...
ಅಕ್ಕಿ, ಓಟ್ಸ್, ಕಾರ್ನ್ ಮೀಲ್, ಬಾರ್ಲಿ, ಕ್ವಿನೋವಾ ಮತ್ತು ಇತರ ಕೆಲವೊಂದು ಧಾನ್ಯಗಳು ಪುರುಷರ ಆರೋಗ್ಯಕ್ಕೆ ಒಳ್ಳೆಯದು.
ಇದರಲ್ಲಿ ಅಧಿಕ ಕಾರ್ಬೋಹೈಡ್ರೇಟ್ಸ್ ಗಳಿದ್ದು, ಮೆದುಳು ಹಾಗೂ ಸ್ನಾಯುಗಳಿಗೆ ಶಕ್ತಿ ನೀಡುವುದು. ಎಲ್ಲಾ ಧಾನ್ಯಗಳಲ್ಲಿ ಒಂದೇ ರೀತಿಯ ಪೋಷಕಾಂಶಗಳು ಇರಲ್ಲ. ಆದರೆ ವಿವಿಧ ರೀತಿಯ ಧಾನ್ಯಗಳನ್ನು ಸೇವನೆ ಮಾಡಿದರೆ ಆಗ ಖಂಡಿತವಾಗಿಯೂ ಪೋಷಕಾಂಶಗಳು ಲಭ್ಯವಾಗಲಿದೆ.
ಇಡೀ ಧಾನ್ಯ ಮತ್ತು ರಿಫೈನ್ಡ್ ಧಾನ್ಯಗಳು ಎನ್ನುವ ಎರಡು ವಿಧಗಳು ಇವೆ. ಇಡೀ ಧಾನ್ಯದಲ್ಲಿ ಇರುವಂತಹ ಎಲ್ಲಾ ಪೋಷಕಾಂಶಗಳು ಹಾಗೂ ನಾರಿನಾಂಶವು ದೇಹಕ್ಕೆ ಸಿಗುವುದು. ಇದರಲ್ಲಿ ಓಟ್ ಮೀಲ್, ಕುಚ್ಚಲಕ್ಕಿ, ಕ್ವಿನೋವಾ ಮತ್ತು ಇಡೀ ಗೋಧಿಯ ಬ್ರೆಡ್ ಅಥವಾ ಪಾಸ್ತಾ ಸೇರಿದೆ.
ರಿಫೈನ್ಡ್ ಧಾನ್ಯಗಳನ್ನು ಸಂಸ್ಕರಿಸಲಾಗುತ್ತದೆ ಮತ್ತು ಇದರಲ್ಲಿ ಪೋಷಕಾಂಶಗಳ ಕೊರತೆಯು ಕಾಡುವುದು. ರಿಫೈನ್ಡ್ ಧಾನ್ಯಗಳಿಂದ ಬ್ರೆಡ್, ಬೆಳ್ತಿಗೆ ಅಕ್ಕಿ ಮತ್ತು ಕೆಲವು ರೀತಿಯ ಪಾಸ್ತಾ ಸೇರಿದೆ.