ಕೊರೊನಾದ ಸಂದರ್ಭದಲ್ಲಿ ಕ್ಯಾಶುವಲ್ ಸೆಕ್ಸ್ ಬೇಕೆ ?

• ಇನ್ನು ನೀವು ಒಬ್ಬರ ಜೊತೆ ಪ್ರೀತಿಯಲ್ಲಿ ಬಿದ್ದು ಅದನ್ನು ಪ್ರಣಯಕ್ಕೆ ತಿರುಗಿಸುವ ಹೊಂಚು ಹಾಕುತ್ತಿದ್ದರೆ, ದಯವಿಟ್ಟು ಸ್ವಲ್ಪ ತಡೆಯಿರಿ. ಅಪ್ಪಿ ತಪ್ಪಿ ಕೂಡ ಹೊಸದಾಗಿ ಪರಿಚಯ ಅಥವಾ ಸಂಬಂಧ ಹೊಂದಿದವರ ಜೊತೆ ಲೈಂಗಿಕ ಚಟುವಟಿಕೆಯಲ್ಲಿ ತೊಡಗಬೇಡಿ.
• ಸ್ವಲ್ಪ ದಿನಗಳ ಕಾಲ ಕಾದು ಕೊರೊನಾದ ಯಾವುದೇ ರೋಗ - ಲಕ್ಷಣಗಳು ಅವರಲ್ಲಿ ಕಂಡು ಬರದೆ ಇದ್ದರೆ ಆಗ ನಿಮ್ಮ ಜೀವನ ಸುಗಮವಾಗಲಿದೆ. ಲೈಂಗಿಕವಾಗಿ ನಿಮಗೆ ಕೊರೊನಾ ವೈರಸ್ ಹಬ್ಬಿ ಬಿಡುತ್ತದೆ ಎಂದು ನಾವು ಹೇಳುತ್ತಿಲ್ಲ.
• ಏಕೆಂದರೆ ಇದು ಅಂತಹ ಕಾಯಿಲೆ ಅಲ್ಲವೇ ಅಲ್ಲ. ಕೇವಲ ನಿಮ್ಮಿಬ್ಬರ ರೋಮ್ಯಾನ್ಸ್ ನಿಂದ ನಿಮಗೆ ಕೊರೊನಾ ಸಂಕಷ್ಟ ಉಂಟಾಗಬಹುದು ಅದೂ ಕೂಡ ಬಹಳಷ್ಟು ಸುಲಭವಾಗಿ. ಇಲ್ಲಿ ಕೆಲವೊಂದು ಅಂಶಗಳನ್ನು ಗಮನಿಸೋಣ...

ಪುರುಷರಲ್ಲಿ ಕಾಡುವ ಲೈಂಗಿಕ ಸಮಸ್ಯೆಗಳು ಮತ್ತು ಪರಿಹಾರಗಳು

ಮನೆಯಲ್ಲಿರುವ ನಿಮ್ಮ ಸಂಗಾತಿಗೆ ನೀವು ಮುತ್ತು ಕೊಡುವುದನ್ನು ನಾವೇಕೆ ಬೇಡ ಎನ್ನೋಣ. ಆದರೆ ನಿಮಗೆ ಈಗ ತಾನೆ ಪರಿಚಯವಾಗಿರುವ ಅಥವಾ ಸದ್ಯದಲ್ಲೇ ನಿಶ್ಚಯವಾದ ಸಂಬಂಧ, ಇಂತಹ ಪ್ರಕರಣಗಳಲ್ಲಿ ಸ್ವಲ್ಪ ಎಚ್ಚರಿಕೆ ಇರಲಿ.

ಸ್ವಲ್ಪ ದಿನಗಳ ಕಾಲ ಸಂಪ್ರದಾಯವನ್ನು ಬದಿಗಿಟ್ಟು ನೀವಿಬ್ಬರೂ ದೂರ ಉಳಿಯುವುದು ಒಳ್ಳೆಯದು. ಲೈಂಗಿಕ ಸಂಪರ್ಕದ ಜೊತೆಗೆ ರೋಮ್ಯಾನ್ಸ್ ಕೂಡ ಮಾಡದಿದ್ದರೆ ತುಂಬಾ ಒಳ್ಳೆಯದು. ಏಕೆಂದರೆ ಇದರಿಂದ ನೀವಿಬ್ಬರೂ ತುಂಬಾ ಹತ್ತಿರ ಇರುವುದು ತಪ್ಪುತ್ತದೆ. ಸ್ವಲ್ಪ ದಿನಗಳು ಕಳೆದ ಮೇಲೆ ಕೊರೋನಾದ ಭಯ ಕೂಡ ದೂರ ಆಗುತ್ತದೆ.

ಹಾಗಿದ್ದರೆ ಮನೆಯಲ್ಲಿರುವಾಗಲೂ ಕೂಡ ಮಾಸ್ಕ್ ಹಾಕಿಕೊಳ್ಳಬೇಕೇ ಎಂದು ನೀವು ಕೇಳಬಹುದು. ಅದು ನಿಮಗೆ ಬಿಟ್ಟ ವಿಚಾರ. ಒಬ್ಬರ ಉಸಿರಾಟವನ್ನು ಇನ್ನೊಬ್ಬರು ಸೇವನೆ ಮಾಡಿದರೆ ನಾನು ಆಂಟಿಕೊಳ್ಳುತ್ತೇನೆ ಎಂಬುದು ಕೊರೊನಾದ ವಾದ.

ಒಂದು ವೇಳೆ ನಿಮ್ಮ ಇತ್ತೀಚಿನ ಸಂಗಾತಿಯಲ್ಲಿ ಕೊರೊನಾ ಕಂಡು ಬಂದಿದ್ದರೆ ಒಂದೇ ಮನೆಯಲ್ಲಿ, ಒಂದೇ ಕೊಠಡಿಯಲ್ಲಿ, ಒಂದೇ ಬೆಡ್ ಮೇಲೆ ಇರುವ ಸಂದರ್ಭದಲ್ಲಿ ಒಬ್ಬರ ಉಸಿರಾಟ ಇನ್ನೊಬ್ಬರಿಗೆ ಸೇವನೆಯಾಗುತ್ತದೆ. ಇದು ಕಾಯಿಲೆ ಹರಡಲು ಸುಲಭವಾದ ಮಾರ್ಗವಲ್ಲದೆ ಮತ್ತೇನು?

ಚುಂಬನದಲ್ಲಿದೆ ಹಲವು ಆರೋಗ್ಯಕರ ಪ್ರಯೋಜನ!

• ಸಂಶೋಧನೆಗಳು ಇದುವರೆಗೂ ಹೇಳಿರುವ ಪ್ರಕಾರ ಲೈಂಗಿಕ ಸಂಪರ್ಕದಿಂದ ಕೊರೊನಾ ಒಬ್ಬರಿಂದ ಒಬ್ಬರಿಗೆ ಹರಡುವುದಿಲ್ಲ ಆದರೆ.
• ನಿಮ್ಮ ಸಂಗಾತಿಯ ಜೊತೆ ನೀವು ಕೇವಲ ಕೆಲವು ನಿಮಿಷಗಳ ಕಾಲ ನಡೆಸುವ ರೋಮ್ಯಾನ್ಸ್ ನಿಮ್ಮನ್ನು ಸಂಕಷ್ಟಕ್ಕೆ ಗುರಿ ಮಾಡುತ್ತದೆ, ಕೇವಲ ಐದು ನಿಮಿಷಗಳ ಒಳಗಾಗಿ ನಿಮಗೆ ಕೊರೊನಾ ಹರಡುವ ಸಾಧ್ಯತೆ ಇರುತ್ತದೆ.
• ಸೋಂಕಿತ ವ್ಯಕ್ತಿ ನಿಮಗೆ ತಿಳಿಯುವ ಹಾಗೆ ಯಾವುದೇ ರೋಗ - ಲಕ್ಷಣಗಳನ್ನು ತೋರಿಸದೆ ಇರಬಹುದು. ಏಕೆಂದರೆ ಈಗ ಎಲ್ಲಾ ಕಡೆ ನಡೆಯುತ್ತಿರುವುದೇ ಇದು. ಹಾಗಾಗಿ ಇತ್ತೀಚೆಗಷ್ಟೇ ಪರಿಚಯವಾದ ಅಥವಾ ಹೊಸದಾಗಿ ನಿಶ್ಚಯವಾದ ಸಂಬಂಧದ ಸಂಗಾತಿಯೊಂದಿಗೆ ರೋಮ್ಯಾನ್ಸ್ ಬೇಡವೇ ಬೇಡ.