ಜಂಕ್‌ ಫುಡ್ಸ್ ಇಷ್ಟಪಡುವ ಪುರುಷರ ವೀರ್ಯಾಣು ಸಂಖ್ಯೆ ಕಡಿಮೆಯಾಗುವುದು

ವೀಕೆಂಡ್‌ನಲ್ಲಿ ಹೊರಗಡೆ ಸುತ್ತಾಡುವಾಗ ಅನ್ನ-ಸಾರು ಅಂತ ತಿನ್ನುವ ಬದಲು ಪಿಜ್ಜಾ ಬರ್ಗರ್‌ನಂಥ ಜಂಕ್‌ ಫುಡ್ಸ್ ತಿನ್ನಲು ಹೆಚ್ಚಿನವರು ಇಷ್ಟ ಪಡುತ್ತಾರೆ.

ಯುವ ಪೀಳಿಗೆಗೆಯಂತೂ ಜಂಕ್‌ ಫುಡ್ಸ್ ಅಂದರೆ ತುಂಬಾ ಇಷ್ಟ, ಅಲ್ಲದೆ ಪಿಜ್ಜಾ, ಬರ್ಗರ್‌ ತಿನ್ನುವುದು ಒಂದು ಫ್ಯಾಷನ್‌ ಕೂಡ ಆಗಿದೆ.

ಜಂಕ್‌ ಫುಡ್ಸ್ ಇಷ್ಟಪಟ್ಟು ತಿನ್ನುವ ಪುರುಷರಿಗೆ ಒಂದು ಆಘಾತಕಾರಿ ವಿಷಯ ಹೇಳ ಹೊರಟಿದ್ದೇವೆ. ಜಂಕ್ ಫುಡ್ಸ್ ತಿನ್ನುವುದರಿಂದ ನಿಮ್ಮ ಪುರುಷತ್ವಕ್ಕೆ ಕುತ್ತು ಬರಲಿದೆ.

ಹಾರ್ವಾಡ್‌ ವಿಶ್ವವಿದ್ಯಾನಿಲಯ ಸಂಶೋಧನೆ ಮಾಡಿ ಜಂಕ್‌ ಫುಡ್ಸ್ ತಿಂದರೆ ಪುರುಷರಲ್ಲಿ ವೀರ್ಯಾಣು ಸಂಖ್ಯೆ ಕಡಿಮೆಯಾಗುವುದು ಎಂದಿದೆ.

ಕೆಂಪು ಮಾಂಸ, ಶೀತಲೀಕರಿಸಿದ ಮಾಂಸ, ಪ್ಯಾಕ್‌ ಮಾಡಿಟ್ಟ ಆಹಾರ, ಅಧಿಕ ಕೊಬ್ಬಿನಂಶ ಇರುವ ಹಾಲಿನ ಉತ್ಪನ್ನಗಳು, ಫ್ರೈಡ್‌ ಫುಡ್ಸ್, ಸಕ್ಕರೆ ಇವೆಲ್ಲಾ ನಮ್ಮ ಇಂದಿನ ಲೈಫ್‌ಸ್ಟೈಲ್‌ನ ಭಾಗವಾಗಿ ಬಿಟ್ಟಿದೆ.

ಆದರೆ ಈ ಆಹಾರವನ್ನು ಹೆಚ್ಚಾಗಿ ಯಾರು ತಿನ್ನುತ್ತಾರೋ ಅವರ ವೀರ್ಯಾಣುಗಳ ಸಂಖ್ಯೆ, ಆರೋಗ್ಯಕರ ಆಹಾರ ತಿನ್ನುವವರ ವೀರ್ಯಾಣು ಸಂಖ್ಯೆಗಿಂತ ಕಡಿಮೆ ಇರುವುದು ಸಂಶೋಧನೆಯಿಂದ ತಿಳಿದು ಬಂದಿದೆ.

ಈ ಸಮಸ್ಯೆ ಹೆಚ್ಚಾಗಿ ವಿದೇಶದಲ್ಲಿ ಕಂಡು ಬರುತ್ತಿದೆ. ಜಂಕ್‌ ಫುಡ್‌ ಹೆಚ್ಚಾಗಿ ತಿನ್ನುವವರ ಸಂತಾನೋತ್ಪತ್ತಿ ಸಾಮರ್ಥ್ಯ ತುಂಬಾ ಕುಗ್ಗುತ್ತಿದ್ದು, ಹದಿ ವಯಸ್ಸಿನವರ ಲೈಂಗಿಕ ಸಾಮರ್ಥ್ಯ ಕಡಿಮೆಯಾಗುತ್ತಿದ್ದು, ಅವರ ವೀರ್ಯಾಣುಗಳ ಸಂಖ್ಯೆ 70 ವಯಸ್ಸಿನ ಆಸುಪಾಸಿನಲ್ಲಿ ಕಂಡು ಬರುವಷ್ಟಿದೆ ಎಂದು ಸಂಶೋಧನೆ ಹೇಳಿದೆ.

ಮೀನು, ಕೊಬ್ಬು ಕಮ್ಮಿಯಿರುವ ಮಾಂಸ, ಹಣ್ಣುಗಳು, ತರಕಾರಿಗಳನ್ನು ಡಯಟ್‌ನಲ್ಲಿ ಪಾಲಿಸುತ್ತಿರುವ ವೀರ್ಯಾಣು ಆರೋಗ್ಯಕರವಾಗಿರುತ್ತೆ ಎಂದು ಸಂಶೋಧನೆ ಹೇಳಿದೆ.

ಉತ್ಪತ್ತಿಯಾದ ವೀರ್ಯಾಣುಗಳು 3 ತಿಂಗಳವರೆಗೆ ಜೀವಂತವಾಗಿರುತ್ತೆ. ಡಯಟ್‌ನಲ್ಲಿ ಬದಲಾವಣೆ ಮಾಡಿದರೆ ವೀರ್ಯಾಣುಗಳು ಅಧಿಕ ಸಂಖ್ಯೆಯಲ್ಲಿ ಉತ್ಪತ್ತಿಯಾಗುವುದು. ಇನ್ನು ತುಂಬಾ ಸಮಯದಿಂದ ಜಂಕ್‌ ಫುಡ್‌ ತಿನ್ನುತ್ತಿದ್ದರೆ ವೀರ್ಯಾಣು ಉತ್ಪತ್ತಿ ಮಾಡುವ Sertoli cells ಹಾನಿಯಾಗುವುದರಿಂದ ಸಂತಾನೋತ್ಪತ್ತಿ ಸಾಮರ್ಥ್ಯ ಕುಗ್ಗುವುದು ಎಂದಿದ್ದಾರೆ.