55% ಭಾರತೀಯರಿಗೆ ತಮಗೆ ರಕ್ತದೊತ್ತಡವಿದೆ ಎಂದು ಗೊತ್ತೇ ಇಲ್ಲವಂತೆ!

ಹೊಸದಿಲ್ಲಿ: ಭಾರತದಲ್ಲಿ ರಕ್ತದೊತ್ತಡದ ಸಮಸ್ಯೆ ತೀವ್ರವಾಗಿದೆ. ಆದರೆ, ಶೇಕಡಾ 55 ಜನರಿಗೆ ತಾವು ಈ ಸಮಸ್ಯೆಯಿಂದ ಬಳಲುತ್ತಿರುವ ಅರಿವೇ ಇಲ್ಲ!

ಇದು ರಾಷ್ಟ್ರೀಯ ಆರೋಗ್ಯ ಮತ್ತು ಕೌಟುಂಬಿಕ ಸರ್ವೇ (ಎನ್‌ಎಫ್‌ಎಚ್‌ಎಸ್‌-4) 2015-16ರ ವರದಿಯಲ್ಲಿ ಉಲ್ಲೇಖಿತವಾದ ಗಂಭೀರ ಅಂಶ.

ದೇಶದ 29 ಜಿಲ್ಲೆ, 7 ಕೇಂದ್ರಾಡಳಿತ ಪ್ರದೇಶಗಳಲ್ಲಿ 15ರಿಂದ 49 ವರ್ಷ ವಯಸ್ಸಿನ ಸುಮಾರು 7.31 ಲಕ್ಷ ಮಂದಿ ಮಾಹಿತಿ ಕಲೆ ಹಾಕಿ ಸಿದ್ಧಪಡಿಸಿದ ವರದಿ ಇದಾಗಿದ್ದು, ಕೇವಲ ಶೇಕಡಾ 45 ಮಂದಿಗೆ ಮಾತ್ರ ತಾವು ಸಮಸ್ಯೆಯಿಂದ ಬಳಲುತ್ತಿರುವುದರ ಅರಿವಿದೆ ಎನ್ನುತ್ತದೆ.

ಮುಖ್ಯಾಂಶಗಳು

* ರಕ್ತದೊತ್ತಡ ಇರುವ ನಾಲ್ಕರಲ್ಲಿ ಮೂರು ಮಂದಿ, ಎಷ್ಟಿದೆ ಎಂದು ತಿಳಿದೇ ಇಲ್ಲ.

* 45% ಮಂದಿ ಮಾತ್ರ ಪರೀಕ್ಷೆ ಮಾಡಿಸಿಕೊಂಡಿದ್ದಾರೆ.

* 13% ಮಂದಿ ಮಾತ್ರ ಸದ್ಯಕ್ಕೆ ಔಷಧ ತೆಗೆದುಕೊಳ್ಳುತ್ತಿದ್ದಾರೆ.

* 8% ಮಂದಿ ರಕ್ತದೊತ್ತಡ ನಿಯಂತ್ರಣದಲ್ಲಿದೆ ಎನ್ನುತ್ತಿದ್ದಾರೆ.

ಪುದುಚೆರಿ ಜಾಗೃತ

ಪುದುಚೆರಿಯಲ್ಲಿ ಶೇ. 80.5 ಮಂದಿಯಲ್ಲಿ ರಕ್ತದೊತ್ತಡದ ಬಗ್ಗೆ ಜಾಗೃತಿ ಇದೆ. ಜಾಗೃತಿ ವಿಷಯದಲ್ಲಿ ಛತ್ತೀಸ್‌ಗಢ ಕೊನೆಯ ಸ್ಥಾನದಲ್ಲಿದೆ. ಇಲ್ಲಿ ಕೇವಲ ಶೇಕಡಾ 22.1 ಮಂದಿ ಮಾತ್ರ ಬಿ.ಪಿ ಚೆಕ್‌ ಮಾಡಿಸಿಕೊಂಡಿದ್ದಾರೆ.