ಮಟನ್‌ , ಚಿಕನ್ ಮಾಂಸದಲ್ಲಿ ಯಾವುದು ಹೆಚ್ಚು ಆರೋಗ್ಯಕರ?

ತೂಕ ಇಳಿಕೆಯ ಡಯಟ್‌ನಲ್ಲಿ ನಾನ್‌ವೆಜ್ ಇರುತ್ತದೆ. ಗ್ರಿಲ್ಡ್‌ ಫಿಶ್‌, ಚಿಕನ್‌ ಅಂತ ಬಳಸುತ್ತಾರೆ. ಮಟನ್‌ ತಿಂದರೆ ಮೈ ತೂಕ ಹೆಚ್ಚಾಗುತ್ತದೆ ಎಂದು ಹೇಳುವುದನ್ನು ಕೇಳಿರುತ್ತೀರಿ? ತೂಕ ಇಳಿಕೆಯ ಡಯಟ್‌ನಲ್ಲಿರುವವರು ಮಟನ್‌ ತಿನ್ನಲೇಬಾರದೇ? ಪೋಷಕಾಂಶದ ದೃಷ್ಟಿಯಿಂದ ಯಾವ ಮಾಂಸ ಒಳ್ಳೆಯದೆಂದು ನೋಡೋಣ ಬನ್ನಿ:

ಮಟನ್‌ ಹಾಗೂ ಚಿಕನ್‌ ಮಾಂಸದಲ್ಲಿನ ವ್ಯತ್ಯಾಸ

ಕಬ್ಬಿಣದಂಶ
1. ಕೆಂಪು ಮಾಂಸದಲ್ಲಿ ಕಬ್ಬಿಣದಂಶ ಅಧಿಕವಿರುತ್ತದೆ. 100 ಗ್ರಾಂ ಕೆಂಪು ಮಾಂಸದಲ್ಲಿ 2.7mg ಕಬ್ಬಿಣದಂಶವಿರುತ್ತದೆ. ಅದೇ 100ಗ್ರಾಂ ಬಿಳಿ ಮಾಂಸ ಅಂದರೆ ಚಿಕನ್‌ನಲ್ಲಿ 1.3mg ಮಾತ್ರ ಕಬ್ಬಿಣದಂಶವಿರುತ್ತದೆ.
ಕಬ್ಬಿಣದಂಶದ ದೃಷ್ಟಿಯಿಂದ ನೋಡಿದರೆ ಕೆಂಪು ಮಾಂಸ ರಕ್ತ ಕಣಗಳು ಹೆಚ್ಚಾಗಲು ಸಹಕಾರಿ.

ಕೊಬ್ಬಿನಂಶ
ಕೆಂಪು ಮಾಂಸಕ್ಕೆ ಹೋಲಿಸಿದರೆ ಬಿಳಿ ಮಾಂಸದಲ್ಲಿ ಕೊಬ್ಬಿನಂಶ ಕಡಿಮೆ ಇದೆ. 100 ಗ್ರಾಂ ಕೆಂಪು ಹಾಗೂ ಬಿಳಿ ಮಾಂಸದಲ್ಲಿ 14 ಗ್ರಾಂ ಹಾಗೂ 7 ಗ್ರಾಂ ಕೊಬ್ಬಿನಂಶಗಳಿವೆ. ಅಲ್ಲದೆ ಕೆಂಪು ಮಾಂಸಕ್ಕೆ ಹೋಲಿಸಿದರೆ ಬಿಳಿ ಮಾಂಸದಲ್ಲಿ ಒಮೆಗಾ 3 ಅಂಶ ಅಧಿಕ.
ಕ್ಯಾಲೋರಿ ಬಗ್ಗೆ ತುಂಬಾ ಜಾಗ್ರತೆ ವಹಿಸುವುದಾದರೆ ಚಿಕನ್‌ ತಿನ್ನಿ.

ಪ್ರೊಟೀನ್‌
ಈ ಎರಡೂ ಮಾಂಸದಲ್ಲಿ ಪ್ರೊಟೀನ್‌ ಪ್ರಮಾಣದಲ್ಲಿ ಹೆಚ್ಚಿನ ವ್ಯತ್ಯಾಸವಿಲ್ಲ, 100 ಗ್ರಾಂ ಬಿಳಿ ಹಾಗೂ ಕೆಂಪು ಮಾಂಸದಲ್ಲಿ 25-30 ಗ್ರಾಂ ಪ್ರೊಟೀನ್ ಇರುತ್ತದೆ.

ವಿಟಮಿನ್ಸ್
ಎರಡರಲ್ಲೂ ವಿಟಮಿನ್ ಬಿ2, ಬಿ3, ಬಿ5 ಮತ್ತು ಬಿ6 ಇದ್ದು, ಕೆಂಪು ಮಾಂಸದಲ್ಲಿ ಬಿ12 ಸ್ವಲ್ಪ ಜಾಸ್ತಿಯೇ ಇರುತ್ತದೆ. ವಿಟಮಿನ್ ಬಿ 12 ರಕ್ತ ಕಣಗಳ ಆರೋಗ್ಯ ಹೆಚ್ಚಿಸುವಲ್ಲಿ ಸಹಕಾರಿ.

ಹೃದಯದ ಆರೋಗ್ಯಕ್ಕೆ
ಕೆಂಪು ಮಾಂಸದಲ್ಲಿ ಕೊಬ್ಬಿನಂಶ ಸ್ವಲ್ಪ ಅಧಿಕವಿರುವುದರಿಂದ ಹೃದಯ ಸಂಬಂಧಿ ಸಮಸ್ಯೆ ಇರುವವರು ಚಿಕನ್‌ ತಿನ್ನುವುದು ಒಳ್ಳೆಯದು.

ಇನ್ನು ವಿಶ್ವ ಆರೋಗ್ಯ ಸಂಸ್ಥೆ ಕೆಂಪು ಮಾಂಸ ಅಧಿಕ ತಿನ್ನುವುದರಿಂದ ಕ್ಯಾನ್ಸರ್ ಬರುವ ಅಪಾಯವಿದೆ ಎಂದಿದೆ.

ಎರಡೂ ಮಾಂಸದಲ್ಲಿ ಪ್ರೊಟೀನ್‌, ಕಬ್ಬಿಣದಂಶ, ವಿಟಮಿನ್ಸ್ ಇದ್ದು ತೂಕ ಇಳಿಕೆಯ ಪ್ರಯತ್ನದಲ್ಲಿರುವವರು ಚಿಕನ್‌ ತಿಂದರೆ ಒಳ್ಳೆಯದು. ಇನ್ನು ತೂಕ ಹೆಚ್ಚಿಸಿಕೊಳ್ಳ ಬಯಸುವವರು ಮಟನ್‌ ತಿಂದರೆ ಹೆಚ್ಚು ಕೊಬ್ಬು ದೇಹವನ್ನು ಸೇರಿ ಮೈ ತೂಕ ಹೆಚ್ಚುವುದು.