ಪುರುಷರ ಸಂತಾನೋತ್ಪತ್ತಿ ಸಾಮರ್ಥ್ಯದ ಬಗ್ಗೆ ಇರುವ ಮಿಥ್‌ಗಳು

ಪುರುಷರಿಗೆ ಎಷ್ಟೇ ವಯಸ್ಸಾದರೂ ಅವರಲ್ಲಿನ ಸಂತಾನೋತ್ಪತ್ತಿ ಸಾಧ್ಯತೆ ಕಡಿಮೆಯಾಗುವುದಿಲ್ಲ, ಅವರು ಧರಿಸುವ ಬಟ್ಟೆಗಳು ಸಡಿಲವಾಗಿದ್ದಷ್ಟೂ ಸಂತಾನ ಸಾಧ್ಯತೆ ಹೆಚ್ಚು ಎಂಬಿತ್ಯಾದಿ ಮಿಥ್‌ಗಳು ಜನರಲ್ಲಿವೆ.

ಇವುಗಳ ಬಗ್ಗೆ ತಜ್ಞರು ನೀಡುವ ಮಾಹಿತಿ ಇದು

ಸ್ಟೋನಿ ಬ್ರೂಕ್‌ನಲ್ಲಿರುವ ಯೂನಿವರ್ಸಿಟಿ ಆಫ್‌ ನ್ಯೂಯಾರ್ಕ್‌ನಲ್ಲಿ ನಡೆದ ಸಂಶೋಧನೆಯ ಪ್ರಕಾರ ಒಳ ಉಡುಪಿಗೂ ಫಲವತ್ತತೆಗೂ ಸಂಬಂಧವಿಲ್ಲ ಎನ್ನಲಾಗಿದೆ. ಪುರುಷರಿಗೆ ವಯಸ್ಸಾದಂತೆಲ್ಲ ವೀರಾರ‍ಯಣುವಿನ ಗುಣಮಟ್ಟವೂ ಕಡಿಮೆಯಾಗುತ್ತದೆ. ಪುರುಷನ ವಯಸ್ಸು 45 ದಾಟಿದ್ದರೆ ಗರ್ಭಪಾತದ ಸಾಧ್ಯತೆಯೂ ಹೆಚ್ಚು ಎನ್ನಲಾಗಿದೆ.

ಹೀಗಾಗಿಯೇ ವಯಸ್ಸಾದ ತಂದೆಯರ ಮಕ್ಕಳಿಗೆ ಆಟಿಸಂ, ಕಲಿಕೆಯ ಸಮಸ್ಯೆಗಳೂ ಕಾಣಿಸಿಕೊಳ್ಳುವುದು ಹೆಚ್ಚು ಎನ್ನಲಾಗಿದೆ. ವ್ಯಕ್ತಿಯ ದೇಹದ ತೂಕಕ್ಕೂ ಸಂತಾನ ಸಾಧ್ಯತೆಗೂ ಸಂಬಂಧವಿಲ್ಲ ಎಂಬುದೂ ತಪ್ಪು. ಹೆಚ್ಚು ದೇಹತೂಕ ಇರುವವರಲ್ಲಿ ಈಸ್ಟ್ರೋಜನ್‌ ಪ್ರಮಾಣ ಹೆಚ್ಚಿ ಟೆಸ್ಟಿಸ್ಟೆರೋನ್‌ ಪ್ರಮಾಣ ಕಡಿಮೆಯಾಗುವುದರಿಂದ ವೀರಾರ‍ಯಣುಗಳ ಸಂಖ್ಯೆಯೂ ಕಡಿಮೆಯಾಗಬಹುದು.

ಮಕ್ಕಳಾಗದಿರಲು ಮಹಿಳೆಯರಲ್ಲಿರುವ ಸಮಸ್ಯೆಯೇ ಕಾರಣ
ದಂಪತಿಗೆ ಮಕ್ಕಳಾಗದಿದ್ದರೆ ಅದಕ್ಕೆ ಮಡದಿಯಲ್ಲಿರುವ ಸಮಸ್ಯೆಯೇ ಕಾರಣವಲ್ಲ. ಪುರುಷರಲ್ಲಿಯೂ ಬಂಜೆತನ ಸಮಸ್ಯೆ ಇರುತ್ತದೆ. ಧೂಮಪಾನ, ಮದ್ಯಪಾನ, ಅತ್ಯಧಿಕ ಮಾನಸಿಕ ಒತ್ತಡ ಇವುಗಳಿಂದ ಪುರುಷರಲ್ಲಿ ವೀರ್ಯಾಣು ಸಂಖ್ಯೆ ಕಡಿಮೆಯಾಗಿ ಸಂತಾನೋತ್ಪತ್ತಿ ಉಂಟಾಗುವುದಿಲ್ಲ.