ಯಾವ ವಯಸ್ಸಿಗೆ ಯಾವ ಆಹಾರ ಸೇವಿಸಬೇಕು ಗೊತ್ತೇ?

• ಮಕ್ಕಳಿಗೆ ಆಹಾರ ನೀಡುವುದೆಂದರೆ ಅದು ದೊಡ್ಡ ಸಾಹಸದ ಕೆಲಸ. ಯಾಕೆಂದರೆ ಕೆಲವು ಮಕ್ಕಳು ಆಹಾರ ತಿನ್ನುವುದೇ ಇಲ್ಲ. ಆದರೆ ಪೋಷಕಾಂಶಗಳು ಇರುವಂತಹ ಆಹಾರವನ್ನು ನೀಡಲು ಅದನ್ನು ತುಂಬಾ ಆಕರ್ಷಕ ಹಾಗೂ ಬಣ್ಣ ಬಣ್ಣದಿಂದ ತಯಾರಿಸಿದರೆ ಅದು ಮಕ್ಕಳಿಗೆ ಇಷ್ಟವಾಗುವುದು.
• ಬಾಲ್ಯದಲ್ಲಿ ಮಕ್ಕಳಲ್ಲಿ ದೈಹಿಕ, ಸಾಮಾಜಿಕ ಬದಲಾವಣೆಗಳು ಹಾಗೂ ಬೆಳವಣಿಗೆಗಳು ನಡೆಯುವುದು. ಮಕ್ಕಳು ಬೆಳೆಯುತ್ತಿರುವ ಕಾರಣದಿಂದಾಗಿ ಅವರಿಗೆ ಆರಂಭದಲ್ಲಿ ಹೆಚ್ಚಿನ ಪ್ರಮಾಣದ ಪ್ರೋಟೀನ್, ಪ್ರಮುಖ ಕೊಬ್ಬಿನಾಮ್ಲಗಳು ಬೇಕು. ಇದರಿಂದ ಮೆದುಳಿನ ಬೆಳವಣಿಗೆ ಕೂಡ ಆಗುವುದು. ಕ್ಯಾಲ್ಸಿಯಂ, ಪೋಸ್ಪರಸ್, ಮೆಗ್ನಿಶಿಯಂ, ಸತುವನ್ನು ಕೂಡ ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಬೇಕು.

• ಮಕ್ಕಳನ್ನು ಆಕರ್ಷಿಸಲು ಹಲವಾರು ರೀತಿಯ ಆಹಾರವನ್ನು ನೀವು ಪ್ಲೇಟ್ ನಲ್ಲಿ ಹಾಕಿಡಬಹುದು. ಆದರೆ ಬಣ್ಣ ಬಣ್ಣದ ತರಕಾರಿಗಳು ಮತ್ತು ಹಣ್ಣುಗಳು ಅವರನ್ನು ಸೆಳೆಯುವುದು.
• ಕ್ಯಾಬೇಜ್, ಹಸಿರು ಚಟ್ನಿ, ಚೀಸ್ ಇತ್ಯಾದಿಗಳಿಂದ ಮಾಡಿದಂತಹ ಸ್ಯಾಂಡ್ ವಿಚ್ ನ್ನು ನೀವು ಮಕ್ಕಳಿಗೆ ನೀಡಬಹುದು. ಅದೇ ರೀತಿಯಾಗಿ ರೋಲ್, ಪ್ಯಾಟಿಸ್ ಕೂಡ ಒಳ್ಳೆಯದು.

ಮಕ್ಕಳು ಎತ್ತರವಾಗಿ ಬೆಳೆಯಲು ಸಹಾಯ ಮಾಡುವ ಆಹಾರಗಳು

• ಆರೋಗ್ಯ ಕಾಪಾಡುವುದು ಮತ್ತು ರೋಗಗಳು ಬರದಂತೆ ತಡೆಯುವುದು ಈ ವಯಸ್ಸಿನಲ್ಲಿ ಅತೀ ಅಗತ್ಯವಾಗಿರುವುದು. ಹೀಗಾಗಿ ಮುಂದಿನ ಭವಿಷ್ಯದ ದೃಷ್ಟಿಯಿಂದ ಆರೋಗ್ಯಕಾರಿ ಆಹಾರ ಸೇವನೆ ಮಾಡಬೇಕು.
• ಈ ಸಮಯದಲ್ಲಿ ಪುರುಷರು ಹಾಗೂ ಮಹಿಳೆಯರಿಗೆ ವಿವಿಧ ರೀತಿಯ ಪೋಷಕಾಂಶಗಳು ಬೇಕಾಗುವುದು. ಹೆಚ್ಚಾಗಿ ಸಂತಾನೋತ್ಪತ್ತಿ ತೊಡಗುವ ವಯಸ್ಸು ಇದಾಗಿರುವ ಕಾರಣದಿಂದಾಗಿ ಮಹಿಳೆಯರ ದೇಹಕ್ಕೆ ಅತೀ ಹೆಚ್ಚು ಪೋಷಕಾಂಶಗಳು ಬೇಕು.
• ಮಹಿಳೆಯರಿಗೆ ಗರ್ಭಧಾರಣೆ ಮತ್ತು ಹೆರಿಗೆ ಬಳಿಕ ಪ್ರಮುಖ ಪೋಷಕಾಂಶಗಳು ಅಗತ್ಯವಾಗಿರುವುದು. ಇದಕ್ಕಾಗಿ ಅವರು ಪ್ರೋಟೀನ್, ಕೊಬ್ಬಿನಾಮ್ಲಗಳು, ಕ್ಯಾಲ್ಸಿಯಂ, ಪೋಸ್ಪರಸ್, ಕಬ್ಬಿಣಾಂಶ ಮತ್ತು ಫಾಲಿಕ್ ಆಮ್ಲವನ್ನು ಸೇವನೆ ಮಾಡಬೇಕು. ಪುರುಷರಿಗೆ ದೈಹಿಕ ಚಟುವಟಿಕೆಗಳನ್ನು ನಡೆಸಲು ಶಕ್ತಿಯು ಬೇಕಾಗಿರುವುದು.

• ಸಮತೋಲಿತ ಆಹಾರ ಸೇವನೆ ಮಾಡುವಂತಹ ವಯಸ್ಸು ಇದಾಗಿದೆ. ಚಯಾಪಚಯದಲ್ಲಿ ಬದಲಾವಣೆಗಳು ಆಗುವ ಕಾರಣದಿಂದಾಗಿ ಪೋಷಕಾಂಶಗಳು ಹೆಚ್ಚು ಅಗತ್ಯವಿರುವುದು. ಆರೋಗ್ಯಕಾರಿ ಕೊಬ್ಬನ್ನು ಆಹಾರ ಕ್ರಮಕ್ಕೆ ಸೇರಿಸಬೇಕು ಮತ್ತು ಸರಿಯಾದ ಆಹಾರ ಕ್ರಮ ಪಾಲಿಸಬೇಕು.
• ಆಹಾರ ಕ್ರಮದಲ್ಲಿ ಪೈಥೋನ್ಯೂಟ್ರಿಯೆಂಟ್ಸ್ ಮತ್ತು ಆಂಟಿಆಕ್ಸಿಡೆಂಟ್ ಗಳನ್ನು ಸೇವನೆ ಮಾಡುವ ಮೂಲಕವಾಗಿ ಒಳ್ಳೆಯ ಆರೋಗ್ಯವನ್ನು ಕಾಪಾಡಬೇಕು. ಇದರಿಂದ ಜೀರ್ಣಕ್ರಿಯೆ ವ್ಯಸ್ಥೆಯು ಉತ್ತಮವಾಗಿರುವುದು ಮತ್ತು ಪ್ರತಿರೋಧಕ ಶಕ್ತಿ ವೃದ್ಧಿಸುವುದು.
• ಹಾರ್ಮೋನ್ ಗಳಲ್ಲಿ ಬದಲಾವಣೆಗಳು ಆಗುವ ಕಾರಣದಿಂದಾಗಿ ಅಸ್ಥಿರಂಧ್ರತೆ, ಅಧಿಕ ರಕ್ತದೊತ್ತಡ ಮತ್ತು ಹೃದಯದ ಕಾಯಿಲೆಗಳು ಕೂಡ ಕಂಡುಬರುವುದು. ಕಾಯಿಲೆಗಳನ್ನು ದೂರವಿಡಲು ಎಲ್ಲಾ ರೀತಿಯ ಪೋಷಕಾಂಶಗಳು ಇರುವಂತಹ ಆಹಾರವನ್ನು ಸೇವನೆ ಮಾಡಬೇಕು.
• ಒಳ್ಳೆಯ ಕೊಬ್ಬಿನಾಮ್ಲಗಳು ಇರುವಂತಹ ಆಹಾರ ಸೇವನೆ ಮಾಡಿದರೆ ಉತ್ತಮ. ಹಣ್ಣುಗಳು ಮತ್ತು ತರಕಾರಿಗಳನ್ನು ತಪ್ಪದೆ ಸೇವನೆ ಮಾಡಬೇಕು. ಅವಕಾಡೊ ಮತ್ತು ಬೆರ್ರಿಗಳನ್ನು ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿ. ಇದರಲ್ಲಿ ಆಂಟಿಆಕ್ಸಿಡೆಂಟ್ ಮತ್ತು ಪೈಥೋನ್ಯೂಟ್ರಿಯೆಂಟ್ ಗಳು ಇವೆ. ಹಸಿರೆಲೆ ತರಕಾರಿಗಳಲ್ಲಿ ಒಳ್ಳೆಯ ಕಬ್ಬಿಣಾಂಶವು ಇರುವುದು.

• ಈ ವಯಸ್ಸಿನಲ್ಲಿ ಹೆಚ್ಚಿನ ಜನರಿಗೆ ತಮ್ಮ ದೈನಂದಿನ ಕಾರ್ಯಚಟುವಟಿಕೆಗಳನ್ನು ಮಾಡಲು ಸಾಧ್ಯವಾಗದೆ ಇರುವುದು. ಕೆಲವರಿಗೆ ತಮ್ಮ ಆಹಾರ ತಯಾರಿಸಲು ಆಗದು ಮತ್ತು ಇನ್ನು ಕೆಲವರಿಗೆ ಇದನ್ನು ಸರಿಯಾಗಿ ಜಗಿಯಲು ಆಗದು. ಹಲ್ಲಿನ ಸಮಸ್ಯೆಗಳು ಕೂಡ ಇವರಿಗೆ ಕಾಡುವುದು.
• ಜೀರ್ಣಕ್ರಿಯೆಯಲ್ಲಿನ ಸಮಸ್ಯೆಗಳು ಕೂಡ ಅವರ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು. ಈ ವಯಸ್ಸಿನಲ್ಲಿ ಕೆಲವೊಂದು ಪೋಷಕಾಂಶಗಳ ಕೊರತೆಯು ಕಾಡುವುದು. ಪ್ರೋಟೀನ್ ದೇಹದಲ್ಲಿ ತುಂಬಾ ಕಡಿಮೆ ಆಗುವುದು, ಇದರಿಂದ ಮಾಂಸಖಂಡಗಳು ಕುಸಿಯುವುದು ಮತ್ತು ಪ್ರೋಟೀನ್ ಕೊರತೆಯಿಂದಾಗಿ ಬಿದ್ದ ವೇಳೆ ಬೇಗನೆ ಗಾಯಗಳು ಆಗಬಹುದು.
• ಪ್ರೋಟೀನ್ ಜತೆಗೆ ವಿಟಮಿನ್ ಡಿ ಮತ್ತು ಕ್ಯಾಲ್ಸಿಯಂನ್ನು ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿದರೆ, ಅದರಿಂದ ಮೂಳೆಗಳು ಬಲಿಷ್ಠವಾಗಿರುವುದು. ಆಹಾರವನ್ನು ತುಂಬಾ ಮೆತ್ತಗೆ ಮಾಡಿ ಸೇವಿಸಬೇಕು.
• ತರಕಾರಿಗಳು ಮತ್ತು ಬೇಳೆಕಾಳುಗಳನ್ನು ಆಹಾರ ಕ್ರಮದಲ್ಲಿ ಸೇರಿಸಬೇಕು. ರಾಗಿಯನ್ನು ನಿಯಮಿತವಾಗಿ ಸೇವನೆ ಮಾಡಿದರೆ ಅದರಿಂದ ದೇಹಕ್ಕೆ ಬೇಕಾಗಿರುವ ಕ್ಯಾಲ್ಸಿಯಂ ಸಿಗುವುದು. ಇದನ್ನು ಸಣ್ಣ ಪ್ರಮಾಣದಲ್ಲಿ ಸೇವನೆ ಮಾಡಿದರೂ ಅದರಿಂದ ಹೆಚ್ಚು ಪೋಷಕಾಂಶಗಳು ಸಿಗುವುದು.