ಏನಿದು ಓಮಿಕ್ರಾನ್ ವೈರಸ್? ಇದರ ಲಕ್ಷಣಗಳು ಹಾಗೂ ನಿಯಂತ್ರಣ ಹೇಗೆ?

• ಹೊಸ ತಳಿಯು ಸಾರ್ಸ್-ಕೊವಿ-2ನಂತೆ ಹರಡುತ್ತಲಿದೆ. ಇದರ ರೂಪಾಂತರವು ಒಂದು ನಿಗದಿತ ಸಮಯದ ಬಳಿಕ ತಿಳಿದುಬರುತ್ತಲಿದೆ. ಇದರ ರೂಪಾಂತರದಲ್ಲಿ ಯಾವುದು ಹೆಚ್ಚು ಮಾರಕ ಎನ್ನುವ ಬಗ್ಗೆ ವಿಶ್ವದೆಲ್ಲೆಡೆಯಲ್ಲಿನ ಆರೋಗ್ಯ ತಜ್ಞರು ಗಮನಹರಿಸಿರುವರು. ಎನ್ ಜಿಎಸ್-ಎಸ್ ಎ ಇಂತಹ ಪ್ರಕ್ರಿಯೆ ಮೂಲಕವೇ ಇದನ್ನು ಪತ್ತೆ ಮಾಡಿದೆ.
• ಬಿ.1.1.529 ಬಹು ಪ್ರೋಟೀನ್ ರೂಪಾಂತರವಾಗಿದೆ ಮತ್ತು ಇದು ಹೆಚ್ಚು ಸೋಂಕನ್ನು ಉಂಟು ಮಾಡುವುದು ಎಂದು ತಿಳಿದುಬಂದಿದೆ. ಕಳೆದ ಎರಡು ವಾರಗಳಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ಎರಡು ಪಟ್ಟು ಕೊರೊನಾ ಸೋಂಕಿತರ ಸಂಖ್ಯೆಯು ಹೆಚ್ಚಾಗಿದೆ.
• ಜೋಹನ್ಸ್ ಬರ್ಗ್ ಮತ್ತು ಪ್ರಿಟೋರಿಯಾ ಇರುವಂತಹ ಗೌಟೆಂಗ್ ಪ್ರಾಂತ್ಯದಲ್ಲಿ ಇದು ತೀವ್ರವಾಗಿ ಹರಡುತ್ತಲಿದೆ ಎಂದು ಎನ್ ಜಿಎಸ್-ಎಸ್ ಎ ತಿಳಿಸಿದೆ.

• ಹೊಸ ತಳಿಯ ರೂಪಾಂತರವನ್ನು ಬಿ.1.1.529 ಎಂದು ಹೇಳಲಾಗಿದೆ. ಇದನ್ನು ತುಂಬಾ ಅಸಾಮಾನ್ಯ ರೂಪಾಂತರವೆಂದು ಹೇಳಳಾಗಿದೆ. ಇದು ಪ್ರೋಟೀನ್ ಸ್ಪೈಕ್ ನ್ನು ಎನ್ ಕೋಡ್ ಮಾಡಿಕೊಂಡು ಆಗ ಮೂಲಕ ಮಾನುಷ್ಯನ ಅಂಗಾಂಶಗಳ ಮೇಲೆ ಪ್ರವೇಶ ಪಡೆಯುತ್ತದೆ.
• ಇದರಲ್ಲಿ ಕೆಲವೊಂದು ರೂಪಾಂತರಗಳು ಮನುಷ್ಯನ ಪ್ರತಿರೋಧಕ ವ್ಯವಸ್ಥೆಯನ್ನು ತಪ್ಪಿಸಿಕೊಂಡು ಹೋಗುವಂತಹ ಶಕ್ತಿ ಹೊಂದಿದೆ ಎಂದು ಹೇಳಲಾಗಿದೆ. ಕೆಲವೊಂದು ರೂಪಾಂತರಗಳು ಅಲ್ಫಾ ಮತ್ತು ಡೆಲ್ಟಾ ತಳಿಯಲ್ಲಿ ಕಂಡುಬಂದಿದೆ.
• ಆದರೆ ಇತರ ಕೆಲವು ರೂಪಾಂತರಗಳನ್ನು ಇದುವರೆಗೆ ಪತ್ತೆ ಮಾಡಿಲ್ಲ ಎಂದು ಎನ್ ಜಿಎಸ್ ಎಸ್ ಎ ಹೇಳಿದೆ. ಇದರಿಂದ ಯಾವ ರೀತಿಯ ಪರಿಣಾಮಗಳು ಆಗಬಹುದು ಎನ್ನುವ ಬಗ್ಗೆ ತಿಳಿಯಲು ಅಧ್ಯಯನಗಳು ತೀವ್ರಗತಿಯಲ್ಲಿ ನಡೆಯುತ್ತಲಿದೆ.

ರೂಪಾಂತರದ ಸರಪಳಿಯಾಗಿರುವಂತಹ ಎಚ್655ಯ+ಎನ್679ಕೆ+ಪಿ681ಎಚ್ ತುಂಬಾ ಪರಿಣಾಮಕಾರಿ ಆಗಿ ಮಾನುಷ್ಯನ ಅಂಗಾಂಶಗಳ ಒಳಗಡೆ ಪ್ರವೇಶ ಪಡೆಯುವುದು ಎಂದು ತಜ್ಞರು ಹೇಳಿರುವರು. ಎನ್ ಎಸ್ ಪಿ6 ಅಲ್ಫಾ, ಬೆಟಾ, ಗಮಾ ಮತ್ತು ಲಬ್ಡಾ ಮಾದರಿಯಲ್ಲಿ ಕಂಡುಬಂದಿದೆ ಎಂದು ಹೇಳಲಾಗಿದೆ.

• ತಂತ್ರಜ್ಞರ ಸಮಿತಿಯು ಹೊಸ ರೂಪಾಂತರವನ್ನು ವಿಶ್ಲೇಷಣೆ ಮಾಡಿದೆ ಮತ್ತು ಇದು ಚಿಂತೆಯ ವಿಚಾರವಾಗಿದೆ ಎಂದು ಅದು ಹೇಳಿದೆ.
• ಒಮಿಕ್ರಾನ್ ಇನ್ನು ಹೊಸ ರೂಪವನ್ನು ಪಡೆದುಕೊಂಡರೆ ಆಗ ಇದರಿಂದ ಅದು ಹರಡುವಂತಹ ಸಾಧ್ಯತೆಯು ಹೆಚ್ಚಾಗುವುದು ಮತ್ತು ಲಸಿಕೆ, ಚಿಕಿತ್ಸೆ ಹಾಗೂ ಔಷಧಿಯ ಪರಿಣಾಮವು ಕಡಿಮೆ ಆಗುವುದು ಎಂದು ಹೇಳಿದೆ.
• ದಕ್ಷಿಣ ಆಫ್ರಿಕಾದಿಂದ ಈ ಹೊಸ ರೂಪಾಂತರದ ಬಗ್ಗೆ ತಿಳಿದುಬಂದಿದೆ. ಇದರ ಬಗ್ಗೆ ಸಂಪೂರ್ಣವಾಗಿ ಇನ್ನಷ್ಟೇ ತಿಳಿದುಬರಬೇಕಾಗಿದೆ ಎಂದು ವಿಶ್ವಸಂಸ್ಥೆಯ ಕೊರೊನಾ ತಾಂತ್ರಿಕ ತಂಡದ ಮರಿಯಾ ವ್ಯಾನ್ ಕೆರ್ಕೊಹೊವ್ ತಿಳಿಸಿದರು.
• ಇದು ತುಂಬಾ ಹೆಚ್ಚಿನ ರೂಪಾಂತರವನ್ನು ಹೊಂದಿರುವಂತಹ ತಳಿ. ಇದರಿಂದಾಗಿ ಇದು ಚಿಂತೆಯನ್ನು ಮೂಡಿಸಿದೆ ಎಂದು ಹೇಳಿರುವರು.

ಹೊಸ ರೂಪಾಂತರದಿಂದ ಯಾವುದೇ ರೀತಿಯ ಹೊಸ ಲಕ್ಷಣಗಳು ಕಂಡುಬಂದಿಲ್ಲ ಎಂದು ದಕ್ಷಿಣ ಆಫ್ರಿಕಾದಲ್ಲಿ ವೈದ್ಯಕೀಯ ತಜ್ಞರು ಹೇಳಿರುವರು. ಡೆಲ್ಟಾದಂತೆ ಇದರ ಲಕ್ಷಣಗಳು ಕೆಲವು ಜನರಲ್ಲಿ ಕಾಣಿಸದೆ ಕೂಡ ಇರಬಹುದು ಎಂದು ವೈದ್ಯರು ಹೇಳಿರುವರು.

• ಪ್ರಯೋಗಾಲದಲ್ಲಿ ಇದರ ಬಗ್ಗೆ ಪರೀಕ್ಷೆ ಹಾಗೂ ಅಧ್ಯಯನಗಳು ನಡೆಸಿದ ಬಳಿಕವಷ್ಟೇ ಇದಕ್ಕೆ ಲಸಿಕೆ ಪರಿಣಾಮಕಾರಿ ಆಗುತ್ತದೆಯಾ ಮತ್ತು ಇದರ ತೀವ್ರತೆಯು ಎಷ್ಟು ಇರುವುದು ಹೇಳಬಹುದಾಗಿದೆ ಎಂದು ತಜ್ಞರು ತಿಳಿಸಿರುವರು.
• ಇದರ ಸೋಂಕಿತರ ಬಗ್ಗೆ ಸರಿಯಾದ ಪರಿಶೀಲನೆ ಹಾಗೂ ಅವರನ್ನು ತೀವ್ರ ನಿಗಾದಲ್ಲಿ ಇಟ್ಟುಕೊಂಡು ಪರೀಕ್ಷಿಸಲಾಗುತ್ತಿದೆ. ಕಾಯಿಲೆಯ ತೀವ್ರತೆ ಅಥವಾ ಚಿಕಿತ್ಸೆಗೆ ಇದು ಪರಿಣಾಮ ಬೀರುತ್ತಲಿದ್ದರೆ ಆಗ ಇದರ ಅಂಕಿಅಂಶಗಳನ್ನು ಬಿಡುಗಡೆ ಮಾಡಲಾಗುವುದು ಎಂದು ತಜ್ಞರು ಹೇಳಿರುವರು.

ಪಿಸಿಆರ್ ಪರೀಕ್ಷೆಯು ಸಾರ್ಸ್-ಕೊವಿ-2ನ ಅಂತಿಮ ಎರಡು ತಳಿಯನ್ನು ಪತ್ತೆ ಮಾಡುವುದು. ಇದರಿಂದಾಗಿ ಹೊಸದಾಗಿ ಕಂಡುಬಂದಿರುವ ಒಮಿಕ್ರಾನ್ ನ್ನು ಪಿಸಿಆರ್ ಪರೀಕ್ಷೆಯಿಂದ ಪತ್ತೆ ಮಾಡುವುದು ಸ್ವಲ್ಪ ಕಷ್ಟವಾಗಬಹುದು ಎಂದು ತಜ್ಞರು ಅಭಿಪ್ರಾಯಪಟ್ಟಿರುವರು.

• ಲಸಿಕೆಯು ಇಲ್ಲಿ ತುಂಬಾ ಪ್ರಮುಖ ಪಾತ್ರ ವಹಿಸುವುದು. ಆಸ್ಪತ್ರೆಗೆ ದಾಖಲಾಗುವುದು ಮತ್ತು ಸಾವಿನ ಪ್ರಮಾಣದ ಅಪಾಯದಿಂದ ರಕ್ಷಿಸಲು ಲಸಿಕೆಯನ್ನು ಪಡೆಯುವುದು ಅಗತ್ಯ. ಲಸಿಕೆಯನ್ನು ಸಂಪೂರ್ಣವಾಗಿ ತೆಗೆದು ಕೊಂಡಿರುವವರಿಗೆ ಇದರ ಪರಿಣಾಮವು ಕಡಿಮೆ ಇದೆ ಎಂದು ಕೆಲವೊಂದು ಸೋಂಕಿತರಿಂದ ತಿಳಿದುಬಂದಿದೆ.
• ಕೊರೊನಾ ಸಾಂಕ್ರಾಮಿಕವು ಇನ್ನು ಸಂಪೂರ್ಣವಾಗಿ ಕೊನೆಗೊಂಡಿಲ್ಲ. ಇದು ಹೊಸ ರೂಪದಲ್ಲಿ ಬರುತ್ತಲೇ ಇದೆ. ಇದರ ಸರಪಳಿಯನ್ನು ಮುರಿಯುವುದು ಅತೀ ಅಗತ್ಯ. ಇದಕ್ಕಾಗಿ ಮಾಸ್ಕ್ ಧರಿಸುವುದು, ಲಸಿಕೆ ಹಾಕಿಸಿಕೊಳ್ಳುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ಮುಖ್ಯವಾಗಿದೆ.