ಪ್ಲಾಸ್ಟಿಕ್‌ ಸ್ಟ್ರಾ ಬಳಕೆ ಆರೋಗ್ಯಕ್ಕೆ ಹಾನಿಕರ

ಪ್ಲಾಸ್ಟಿಕ್‌ ನಿಷೇಧದ ಜತೆಗೇ ಪ್ಲಾಸ್ಟಿಕ್‌ ಸ್ಟ್ರಾಗಳನ್ನೂ ದೂರ ಮಾಡಬೇಕು ಎಂಬ ದನಿ ಮೊಳಗಿದೆ. ಜತೆಗೇ ಸ್ಟ್ರಾಗಳಲ್ಲಿ ಪಾನೀಯ ಸೇವನೆ ಆರೋಗ್ಕಕ್ಕೆ ಹಿತಕರ ಎಂಬ ವಾದವೂ ಹೊರಬಂದಿದೆ. ಹೀಗಾಗಿ 'ನೊ ಸ್ಟ್ರಾ' ಚಾಲೆಂಜ್‌ ಕೂಡ ಹುಟ್ಟಿಕೊಂಡಿದೆ. ಸ್ಟ್ರಾಗಳು ಹೀಗೆ ಆರೋಗ್ಯಕ್ಕೆ ಹಾನಿ ಉಂಟು ಮಾಡಬಹುದು:

*ಸ್ಟ್ರಾಗಳಲ್ಲಿ ಸಕ್ಕರೆಯಿಂದ ಮಾಡಿದ ಅಥವಾ ಇನ್ನಾವುದೇ ಆಮ್ಲೀಯ ಪಾನೀಯ ಕುಡಿಯುವಾಗ ಸ್ಟ್ರಾ ಮೂಲಕ ಬಾಯಿಗೆ ಬರುವ ಪಾನೀಯವು ನೇರವಾಗಿ ಹಲ್ಲಿನ ಒಂದು ಭಾಗಕ್ಕೆ ಹೊಡೆಯುತ್ತದೆ. ಈ ಮೂಲಕ ಹಲ್ಲಿನ ಮೇಲೆ ಸಾಂದ್ರೀಕೃತ ಸಕ್ಕರೆಯು ಬಿದ್ದು ಹಲ್ಲಿನ ಮೇಲ್ಪದರವಾದ ಎನಾಮೆಲ್‌ಗೆ ಹಾನಿಯಾಗುತ್ತದೆ ಎನ್ನುತ್ತಾರೆ ತಜ್ಞರು.

*ಸ್ಟ್ರಾ ಗ್ಯಾಸ್ಟ್ರಿಕ್‌ಗೆ ಕಾರಣ ಎನ್ನುತ್ತಾರೆ ತಜ್ಞರು. ಸ್ಟ್ರಾ ಮೂಲಕ ಕುಡಿಯುವಾಗ ಜ್ಯೂಸ್‌ನ ಜತೆಗೆ ಗ್ಯಾಸ್‌ ಕೂಡ ಹೊಟ್ಟೆಯನ್ನು ಪ್ರವೇಶಿಸುತ್ತದೆ. ಇದು ಉದರದಲ್ಲಿ ಗ್ಯಾಸ್‌ ಉಂಟಾಗುವಂತೆ ಮಾಡಿ ದೈಹಿಕವಾಗಿ, ಸಾಮಾಜಿಕವಾಗಿಯೂ ಕಿರಿಕಿರಿ ಅನುಭವಿಸುವಂತೆ ಮಾಡುತ್ತದೆ.

* ಗ್ಲಾಸ್‌ನಲ್ಲಿ ನೇರವಾಗಿ ಕುಡಿಯುವಾಗ ಅಥವಾ ಸಿಪ್‌ ಮಾಡುವಾಗ ಸೇವನೆ ಮಾಡುವುದಕ್ಕಿಂತ ಸ್ಟ್ರಾ ಮೂಲಕ ಸೇವನೆ ಮಾಡುವಾಗ ವೇಗ ಹೆಚ್ಚು. ಹೀಗಾಗಿ ಪಾನೀಯ ಸೇವನೆಯ ಪ್ರಮಾಣವೂ ಹೆಚ್ಚು. ಪಾನೀಯದಲ್ಲಿರುವ ಸಕ್ಕರೆಯ ಅಂಶ ದೇಹಕ್ಕೆ ಹೋಗುವುದೂ ಹೆಚ್ಚು

*ಸ್ಟ್ರಾಗಳನ್ನು ಪ್ರಾಥಮಿಕವಾಗಿ ಪಾಲಿಪ್ರೊಪಿಲೀನ್‌ ಎಂಬ ರಾಸಾಯನಿಕದಿಂದ ಮಾಡುತ್ತಾರೆ. ಸ್ಟ್ರಾದಿಂದ ಕುಡಿಯುವಾಗ ದೇಹಕ್ಕೆ ರಾಸಾಯನಿಕ ಪ್ರವೇಶವಾಗುತ್ತದೆ. ಇದು ದೇಹದ ಹಾರ್ಮೋನ್‌ಗಳ ಮೇಲೆ ದುಷ್ಪರಿಣಾಮ ಬೀರಬಹುದು.

ಬೀಟ್‌ರೂಟ್‌ ಹಾಗೂ ಅದರ ಎಲೆಗಳನ್ನು ಬೇಯಿಸಿದ ನೀರು ಸುಟ್ಟಗಾಯಗಳು,ಚರ್ಮದ ವ್ಯಾಧಿ ಹಾಗೂ ಮೊಡವೆಗಳಿಗೆ ಅತ್ಯುತ್ತಮ ಮುಲಾಮು.

ಪ್ರತಿದಿನವೂ ಊಟದಲ್ಲಿ ಅಥವಾ ಸಂಜೆಯ ತಿಂಡಿಯ ಬದಲಾಗಿ ಮಾವಿನ ಹಣ್ಣನ್ನು ತಿನ್ನಿ. ಇದರಲ್ಲಿ ವಿಟಮಿನ್‌ ಬಿ ಹೇರಳವಾಗಿದೆ. ಇದು ದೀರ್ಘಕಾಲದ ದೇಹದಲ್ಲಿ ಶಕ್ತಿಯನ್ನು ಉಳಿಸುತ್ತದೆ.