*ಡಾ.ಎಮ್‌.ಡಿ.ಸೂರ‍್ಯಕಾಂತ
ತಾಯ್ತನ ಮಹಿಳೆ ತನ್ನನ್ನು ಪರಿಪೂರ್ಣಳು ಎಂದೆನಿಸಿಕೊಳ್ಳುವಂತೆ ಮಾಡುತ್ತದೆ. ಋುತು ಚಕ್ರ, ಗರ್ಭವತಿಯಾಗಲು ಅವಳಿಗೆ ಗರ್ಭಕೋಶ ಅಗತ್ಯ. ಆದರೆ ಕೆಲವು ಮಹಿಳೆಯರಲ್ಲಿ ಈ ಅಂಗಾಂಗವೇ ಇರುವುದಿಲ್ಲ. ಇಂಥವರು ಅಜೀವ ಪರ್ಯಂತ ಪ್ರತಿ ತಿಂಗಳು ಮುಟ್ಟು ಹಾಗೂ ಸಂತಾನೋತ್ಪತ್ತಿ ಇಲ್ಲದೆ ನರಳಬೇಕಾಗುತ್ತದೆ.
ಇವರು ಈಗ ಸಂಕಷ್ಟ ಪಡುವ ಅವಶ್ಯವಿಲ್ಲ. ಏಕೆಂದರೆ ಗರ್ಭಕೋಶದ ಕಸಿ ಮಾಡಿಸಿಕೊಂಡು ಇವರು ಪ್ರತಿ ತಿಂಗಳು ಮುಟ್ಟು ಹಾಗೂ ತಮ್ಮದೇ ಹೊಟ್ಟೆಯಲ್ಲಿ ಒಂ¸ತ್ತು ತಿಂಗಳು ಶಿಶುವನ್ನು ಹೊತ್ತು ತಾಯಿಯಾಗಬಹುದು. ಇಂಥ ಯಶಸ್ವಿ ಗರ್ಭಕೋಶದ ಕಸಿ ಇತ್ತೀಚೆಗೆ ಪುಣೆಯಲ್ಲಿ ನಡೆದಿದೆ. ಕೆಲವು ಅಂಗಾಂಗಳಿಲ್ಲದೆ ಜನಿಸುವುದು ಅಥವಾ ಇವುಗಳ ದೋಷಪೂರ್ಣ ಬೆಳವಣಿಗೆಯಿಂದ ಈ ಅಂಗಾಂಗಗಳ ನಿರುಪಯುಕ್ತತೆ ಹೊಸದೇನಲ್ಲ್ಲ. ಹೀಗಾದಾಗ ಕಸಿ ಮೂಲಕ ಅಂಗಾಂಗವನ್ನು ಬದಲಿಸುವುದು ಈಗ ಸಾಮಾನ್ಯವಾಗುತ್ತಿದೆ.
ಈ ತಂತ್ರಜ್ಞಾನವನ್ನು ಈಗ ಗರ್ಭಕೋಶವಿಲ್ಲದವರಿಗೂ ಬಳಸಲಾಗುತ್ತಿದೆ. ಭಾರತದಲ್ಲಿ ಸುಮಾರು ನಾಲ್ಕು ಲಕ್ಷ ಗರ್ಭಕೋಶ ರಹಿತ ಮಹಿಳೆಯರಿದ್ದಾರೆ. ಇಂಥವರಿಗೆ ಲಭ್ಯವಿರುವ ಸಾಂಪ್ರದಾಯಿಕ ದಾರಿ ಬಾಡಿಗೆ ತಾಯಿ ಮೂಲಕ ಪ್ರನಾಳ ಶಿಶು ಅಥವಾ ದತ್ತು ಪಡೆಯುವುದು. ಆದರೆ ಇವುಗಳಿಂದ ತನ್ನ ಗರ್ಭದಲ್ಲಿ 9 ತಿಂಗಳು ಹೊತ್ತು, ತಾಯ್ತನದ ಸಹಜ ತೃಪ್ತಿ ಸಿಗದು ಇಂಥವರಿಗೆ ಈಗ ದಾರಿ ದೀಪವಾಗಲಿದೆ ಗರ್ಭಕೋಶದ ಕಸಿ. ದಾನಿ ಹಾಗೂ ಗ್ರಾಹಿ(ಅಂಗಾಂಗ ಪಡೆಯುವವರು), ರಕ್ತದ ಗುಂಪು,ಎಚ್‌.ಐ.ವಿಗಳಂತಹ ಹಲವಾರು ಪರೀಕ್ಷೆಗೆ ಒಳಪಡಬೇಕು. ಪತ್ನಿಯ(ಗ್ರಾಹಿಯ) ಅಂಡಾಣು ಹಾಗೂ ಪತಿಯ ವಿರ್ಯಾಣು ಸಂಯೋಜಿಸಿ ಪ್ರಯೋಗಾಲಯದಲ್ಲಿ ಕೃತಕ ಗರ್ಭಧಾರಣೆ ಮೂಲಕ ಭ್ರೂಣವನ್ನು ಅಭಿವೃಧ್ಧಿಗೊಳಿಸಿ ಇದನ್ನು ಸಂಗ್ರಸಹಿಸಲಾಗುವುದು.
ಇದಾದ ನಂತರ ದಾನಿಯಿಂದ ಪಡೆದ ಗರ್ಭಕೋಶವನ್ನು ಗ್ರಾಹಿಗೆ ಕಸಿ ಮಾಡಲಾಗುವುದು. ಇದು ನಡೆದ 45 ದಿನಗಳ ನಂತರ ಮಾಸಿಕ ಋುತುಚಕ್ರ ಆರಂಭವಾಗುತ್ತದೆ. ಕಸಿ ಮಾಡಿದ 6 ತಿಂಗಳ ನಂತರ ಈ ಮುಂಚೆ ಸಂಗ್ರಹಿಸಲಾದ ಭ್ರೂಣವನ್ನು ಕಸಿ ಮಾಡಿದ ಗರ್ಭಕೋಶದೊಳಗೆ ಸೇರಿಸಲಾಗುತ್ತದೆ.
ಗರ್ಭಕೋಶದ ಇಲ್ಲದಿರುವುದು ಅರಿಯುವುದು ಹೇಗೆ?: ಪಿಯರ್‌ ಹಣ್ಣಿನ ಆಕಾರದ, ಮೂರು ಅಂಗುಲ ಉದ್ದ, ಒಂದುವರೆ ಅಂಗುಲ ಅಗಲ,ಒಂದು ಅಂಗುಲ ದಪ್ಪವಿರುವ ಗರ್ಭಕೋಶ ಹೊಟ್ಟೆಯ ಕೆಳಭಾಗದಲ್ಲಿದ್ದು, ಇದರ ಕೆಳಭಾಗ ಯೋನಿಯಲ್ಲಿ ತೆರೆದು ಕೊಳ್ಳುತ್ತದೆ. ಜನಿಸಿದ 5ಸಾವಿರ ಶಿಶುಗಳಲ್ಲಿ,ಒಂದಕ್ಕೆ ಗರ್ಭಕೋಶ ಇರುವುದಿಲ್ಲ.
ಇದರ ಜೊತೆ ಸಣ್ಣ ಯೋನಿ ಸಾಧ್ಯ. ಈ ಎಲ್ಲದ್ದಕ್ಕೆ ಕಾರಣ ದೋಷಪೂರ್ಣ ವರ್ಣತಂತುಗಳು.ಆದರೆ ಮಹಿಳೆಯ ಹೊರಮಾಟಕ್ಕೆ ಕಾರಣವಾದ ಎರಡು ಕಡೆಯ ಅಂಡಾಶಯ ಬೆಳವಣಿಗೆ ಅಭಾದಿತ. ಇವುಗಳಿಂದಾಗಿ ವಯಸ್ಸಿಗೆ ಅನುಗುಣವಾದ ಸ್ತ್ರಿ ಹರೆಯದ ಬಾಹ್ಯಲಕ್ಷ ಣ ಸ್ತನ ಮತ್ತು ಪಿರೆ ಗಾತ್ರದಲ್ಲಿ ಹೆಚ್ಚಳ, ಯೋನಿ ಸುತ್ತಲೂ ಕೂದಲು ಇರುತ್ತದೆ. ಹೀಗಾಗಿ ನೋಡಲು ಎಲ್ಲ ಮಹಿಳೆಯಂತಿರುತ್ತಾರೆ. ಆದರೆ ಮೈನೆರೆಯುವುದಿಲ್ಲ. ಸಂಭೋಗದಲ್ಲಿ ನೋವು ಸಾಧ್ಯ. ಹೊಟ್ಟೆಯ ಅಲ್ಟ್ರಾಸೌಂಡ್‌ ಪರೀಕ್ಷೆಯಿಂದ ಗರ್ಭಕೋಶ ಇಲ್ಲದಿರುವುದನ್ನು ಖಚಿತಪಡಿಸಬಹುದು.