ಕರುಳಿನ ಕ್ಯಾನ್ಸರ್ ತಡೆಯುವ ಶಕ್ತಿ ಈ 5 ಆಹಾರಗಳಲ್ಲಿ ಅಡಗಿದೆ

ಇಂದಿನ ದಿನಗಳಲ್ಲಿ ಜನರು ತಮ್ಮ ಆಹಾರ ಮತ್ತು ಜೀವನಶೈಲಿ ಕಡೆಗೆ ಹೆಚ್ಚಿನ ಗಮನ ಹರಿಸುತ್ತಿಲ್ಲ. ಹೀಗಾಗಿ ಕರುಳಿನ ಕ್ಯಾನ್ಸರ್ ಸಮಸ್ಯೆಯು ಹೆಚ್ಚಾಗುತ್ತಲಿದೆ. ಆಹಾರದ ನಾರಿನಾಂಶವು ಕಡಿಮೆ ಇರುವುದು, ಅಧಿಕ ಸಂಸ್ಕರಿತ ಕೊಬ್ಬು, ಅಧಿಕ ಕ್ಯಾಲರಿ, ಧೂಮಪಾನ ಮತ್ತು ಮದ್ಯಪಾನವು ಕರುಳಿನ ಕ್ಯಾನ್ಸರ್ ನ ಸಮಸ್ಯೆಯನ್ನು ಹೆಚ್ಚಿಸುವುದು. ಕರುಳಿನ ಕ್ಯಾನ್ಸರ್ ನ್ನು ತಡೆಯಲು ಆಹಾರ ಕ್ರಮವು ಯಾವ ರೀತಿಯಲ್ಲಿ ನೆರವಾಗುವುದು ಎಂದು ನಾವು ನಿಮಗೆ ಈ ಲೇಖನದಲ್ಲಿ ತಿಳಿಸಿಕೊಡಲಿದ್ದೇವೆ.

ಕ್ಯಾಲ್ಸಿಯಂ ಅಧಿಕವಾಗಿ ಇರುವಂತಹ ಹಾಲಿನ ಉತ್ಪನ್ನಗಳು ಕರುಳಿನ ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುವುದು ಎಂದು ಕೆಲವೊಂದು ಅಧ್ಯಯನಗಳು ಹೇಳಿವೆ. ಇದರಿಂದ ಪ್ರತಿಯೊಬ್ಬರು ಹಾಲಿನ ಉತ್ಪನ್ನಗಳನ್ನು ಸೇವಿಸಬೇಕು. ಇದರಲ್ಲಿ ಮುಖ್ಯವಾಗಿ ಮೊಸರು ಮತ್ತು ಚೀಸ್ ಇತ್ಯಾದಿ ದಿನನಿತ್ಯದ ಆಹಾರ ಕ್ರಮದಲ್ಲಿ ಸೇರಿಸಿಕೊಳ್ಳಿ.

ಪುರುಷರಲ್ಲಿ ಮೊದಲ ಹಂತದಲ್ಲಿ ಕ್ಯಾನ್ಸರ್‌ ಪತ್ತೆಗೆ ಸ್ಕ್ರೀನಿಂಗ್

ಆಹಾರದ ನಾರಿನಾಂಶದ ಕೊರತೆಯಿಂದಾಗಿ ಕರುಳಿನ ಕ್ಯಾನ್ಸರ್ ಬರುವುದು. ಇದನ್ನು ತಡೆಯಲು ನೀವು ಧಾನ್ಯದಿಂದ ಮಾಡಿರುವಂತಹ ಆಹಾರ ಸೇವನೆ ಮಾಡಿದರೆ ತುಂಬಾ ಒಳ್ಳೆಯದು. ಧಾನ್ಯದ ಆಹಾರದಲ್ಲಿ ಉನ್ನತ ಮಟ್ಟದ ಮೆಗ್ನಿಶಿಯಂ ಮತ್ತು ನಾರಿನಾಂಶವಿದೆ ಮತ್ತು ಇದರ ಸೇವನೆಯಿಂದ ಪೋಷಕಾಂಶವು ಸಿಗುವುದು ಮತ್ತು ಕ್ಯಾನ್ಸರ್ ತಡೆಯಲು ನೆರವಾಗುವುದು. ಪ್ರತಿನಿತ್ಯವು 90 ಗ್ರಾಂನಷ್ಟು ಧಾನ್ಯದ ಆಹಾರ ಸೇವನೆ ಮಾಡಬೇಕು. ಓಟ್ ಮೀಲ್, ಧಾನ್ಯದ ಬ್ರೆಡ್ ಮತ್ತು ಕಂದು ಅಕ್ಕಿ ಸೇವಿಸಬಹುದು.

ಬೀನ್ಸ್ ನಲ್ಲಿ ಹೆಚ್ಚಿನ ಮಟ್ಟದ ನಾರಿನಾಂಶವಿದೆ. ಬೀನ್ಸ್ ನ್ನು ಹೊರತುಪಡಿಸಿ ನೀವು ಬೇರೆ ರೀತಿಯ ದ್ವಿದಳ ಧಾನ್ಯಗಳಾಗಿರುವಂತಹ ಸೋಯಾಬೀನ್ಸ್, ಅವರಳೆಕಾಳು ಇತ್ಯಾದಿಗಳನ್ನು ಸೇವಿಸಬಹುದು. ಇದರಲ್ಲಿ ಕೇವಲ ನಾರಿನಾಂಶ ಮಾತ್ರವಲ್ಲದೆ ಪ್ರೋಟೀನ್, ಪೋಷಕಾಂಶಗಳಾಗಿರುವಂತಹ ವಿಟಮಿನ್ ಬಿ ಮತ್ತು ಇ ಸಮೃದ್ಧವಾಗಿದೆ. ಇದರಲ್ಲಿ ಫ್ಲಾವನಾಯ್ಡ್ ಎನ್ನುವ ಅಂಶವಿದ್ದು, ಇದು ಗಡ್ಡೆಯು ಬೆಳೆಯದಂತೆ ತಡೆಯುವುದು. ಇದರಲ್ಲಿ ಇರುವಂತಹ ಆಂಟಿಆಕ್ಸಿಡೆಂಟ್ ಕರುಳಿನ ಕ್ಯಾನ್ಸರ್ ಬರದಂತೆ ತಡೆಯುವುದು.

ನಮ್ಮ ಜೀವನ ಶೈಲಿ ಹೀಗಿದ್ದರೆ, ಕ್ಯಾನ್ಸರ್‌ ರೋಗಕ್ಕೆ ಭಯಪಡಬೇಕಿಲ್ಲ!

ಬಣ್ಣಬಣ್ಣದ ಹಣ್ಣುಗಳು ಹಾಗೂ ತರಕಾರಿಗಳು ಆರೋಗ್ಯಕ್ಕೆ ಹಲವಾರು ವಿಧದಿಂದ ಲಾಭ ನೀಡುವುದು. ಇವುಗಳಲ್ಲಿ ಇರುವಂತಹ ಪೈಥೋಕೆಮಿಕಲ್ ಕ್ಯಾನ್ಸರ್ ಕೋಶಗಳು ಬೆಳೆಯದಂತೆ ಮತ್ತು ಅದರ ಉರಿಯೂತವನ್ನು ತಡೆಯುವುದು. ಆರೋಗ್ಯಕಾರಿ ಇರಲು ಮತ್ತು ಕರುಳಿನ ಕ್ಯಾನ್ಸರ್ ತಡೆಯಲು ನೀವು ವಿವಿಧ ಬಗೆಯ ಹಣ್ಣು ಹಾಗೂ ತರಕಾರಿಗಳನ್ನು ಸೇವಿಸಿ. ಮುಖ್ಯವಾಗಿ ಎಲೆಕೋಸು, ಕಿತ್ತಳೆ, ಬ್ರಾಕೋಲಿ ಇತ್ಯಾದಿಗಳು.

ಮಾಂಸಹಾರಿಗಳಾಗಿದ್ದರೆ ಮೀನು ಸೇವನೆಯು ನಿಮಗೆ ತುಂಬಾ ಒಳ್ಳೆಯದು. ಯಾಕೆಂದರೆ ಒಮೆಗಾ-3 ಕೊಬ್ಬಿನಾಮ್ಲವು ಅಧಿಕವಾಗಿ ಇರುವಂತಹ ಮೀನುಗಳ ಹೃದಯದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಮತ್ತು ಇದು ಕ್ಯಾನ್ಸರ್ ಕೋಶಗಳ ಬೆಳವಣಿಗೆಯನ್ನು ನಿಧಾನಗೊಳಿಸುವುದು. ಮೀನುಗಳ ಆಯ್ಕೆ ಬಗ್ಗೆ ನಡೆಸಿರುವಂತಹ ಅಧ್ಯಯನಗಳಿಂದ ತಿಳಿದುಬಂದಿರುವಂತಹ ವಿಚಾರವೆಂದರೆ ಕೆಂಪು ಮಾಂಸ ಸೇವನೆ ಮಾಡುವವರಿಗಿಂತ ಮೀನು ಸೇವನೆ ಮಾಡುವವರಲ್ಲಿ ಕರುಳಿನ ಕ್ಯಾನ್ಸರ್ ಬೆಳೆಯುವುದು ತುಂಬಾ ಕಡಿಮೆ ಎಂದು ತಿಳಿದುಬಂದಿದೆ. ಮಿತ ಪ್ರಮಾಣದಲ್ಲಿ ನೀವು ವಿವಿಧ ರೀತಿಯ ಮೀನುಗಳನ್ನು ಸೇವನೆ ಮಾಡಬಹುದು.

ಚೆನ್ನಾಗಿ ಮೀನು ತಿನ್ನಿ, ಯಾವ ಕಾಯಿಲೆಯೂ ನಿಮ್ಮ ಹತ್ತಿರಬರಲ್ಲ!