ಋತುಸ್ರಾವದ ಅವಧಿಯಲ್ಲಿ ಕಪ್ಪು ಬಣ್ಣದ ರಕ್ತದ ಹರಿವಿಗೆ ಕಾರಣ ಏನು ಗೊತ್ತೆ?

ತಜ್ಞರು ಹೇಳುವ ಪ್ರಕಾರ ಋತು ಸ್ರಾವದ ಅವಧಿಯ ಆರಂಭದಲ್ಲಿ ಅಥವಾ ಮುಕ್ತಾಯದ ಅವಧಿಯಲ್ಲಿ ಹರಿವಿನ ಬಣ್ಣದಲ್ಲಿ ಕಪ್ಪು ಬಣ್ಣವು ಗೋಚರಿಸುವುದು. ಹಾಗಾಗಿ ಅದನ್ನು ಒಂದು ಸಾಮಾನ್ಯ ಹರಿವು ಎಂದು ಪರಿಗಣಿಸಲಾಗುವುದು. ದೇಹದ ಹರಿವು ಪ್ರಾರಂಭವಾದ ಬಳಿಕ ಕಪ್ಪು ಬಣ್ಣ ಇರುವುದಿಲ್ಲ. ಬದಲಾಗಿ ದೇಹದಿಂದ ಹೊರ ಬಂದ ಬಳಿಕ ಮಾತ್ರ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ.

ಅನಿಯಮಿತವಾದ ಋತುಸ್ರಾವ ಹೃದಯ ರೋಗವನ್ನು ಹೆಚ್ಚಿಸುವುದೇ?

ಯೋನಿಯ ಒಳ ಭಾಗದಲ್ಲಿ ಏನಾದರೂ ಬೇರೆ ವಸ್ತುಗಳು ಅಂಟಿಕೊಂಡಿರುವಾಗ ಸ್ರಾವದ ಹರಿವು ಕಪ್ಪು ಬಣ್ಣಕ್ಕೆ ತಿರುಗಬಹುದು. ನಿಮ್ಮ ಸ್ರಾವವು ಕಪ್ಪು ಬಣ್ಣದಲ್ಲಿದೆ ಎನ್ನುವುದು ನಿಮ್ಮ ಗಮನಕ್ಕೆ ಬಂದರೆ ಅದು ಟ್ಯಾಂಪೂನ್ ನಂತಹ ವಸ್ತುಗಳ ಪರಿಣಾಮ ಅಥವಾ ಯೋನಿಯಲ್ಲಿ ಇರುವ ಗರ್ಭ ನಿರೋಧಕ ಸಾಧನಗಳಿಂದಾಗಿ ಉಂಟಾಗಬಹುದು. ಇವು ಯೋನಿಯ ಸಮಸ್ಯೆ ಅಥವಾ ಸೋಂಕಿಗೆ ಕಾರಣವಾಗಬಹುದು. ಅಸಹನೀಯತೆ ಉಂಟಾಗುತ್ತಿದೆ ಎನ್ನುವುದನ್ನು ಕಪ್ಪು ಬಣ್ಣ ಹಾಗೂ ವಾಸನೆಯಿಂದ ಕೂಡಿರುವ ಸ್ರಾವದಿಂದ ತಿಳಿಯಬಹುದು.

ಅನಿಯಮಿತವಾದ ಕಪ್ಪು ರಕ್ತ ಸ್ರಾವ ಹಾಗೂ ಅನಿಯಮಿತವಾದ ಋತು ಬಂಧವು ಗರ್ಭಕಂಠದ ಕ್ಯಾನ್ಸರ್ ಅನ್ನು ಸೂಚಿಸುತ್ತದೆ. ಗರ್ಭಕಂಠದ ಕ್ಯಾನ್ಸರ್ ಮುಂದುವರಿದ ಹಂತದಲ್ಲಿ ಆಯಾಸ, ತೂಕ ನಷ್ಟ, ನೋವಿನ ಸಂಭೋಗ, ದೀರ್ಘ ಅಥವಾ ಭಾರವಾದ ಅವಧಿ, ಮೂತ್ರ ವಿಸರ್ಜನೆಯ ತೊಂದರೆ ಮತ್ತು ಶ್ರೋಣಿಯ ನೋವು ಕಾಣಿಸಿಕೊಳ್ಳುವುದು.

ಪದೇ ಪದೇ ಮೂತ್ರ ವಿಸರ್ಜನೆಯಾಗುತ್ತಿದೆಯಾ, ಕಾರಣ ಇಲ್ಲಿದೆ ನೋಡಿ…

ಗರ್ಭ ಪಾತದ ಸಮಯದಲ್ಲಿ ರಕ್ತಸ್ರಾವವು ಕಂದು ಬಣ್ಣದಿಂದ ಕಪ್ಪು ಬಣ್ಣದಲ್ಲಿ ಕಾಣಿಸಿಕೊಳ್ಳುತ್ತದೆ. ಇದು ಗರ್ಭ ಧಾರಣೆಯ ಮೊದಲ 20 ವಾರಗಳಲ್ಲಿ ಸಂಭವಿಸುವುದು. ಕೆಲವೊಮ್ಮೆ ಗಾಢವಾದ ಕೆಂಪು ಸ್ರಾವ ಹಾಗೂ ಕಪ್ಪು ಸ್ರಾವದ ಅವಧಿಯು ರಕ್ತದೊಂದಿಗೆ ಗೊಂದಲವನ್ನು ಉಂಟುಮಾಡುವುದು. ಇವು ಆರಂಭಿಕ ಗರ್ಭಪಾತವನ್ನು ಸೂಚಿಸುತ್ತದೆ. ಹಾಗಾಗಿ ಈ ವಿಷಯದ ಬಗ್ಗೆ ಜಾಗರೂಕತೆ ಹಾಗೂ ವೈದ್ಯರ ಸಲಹೆ ಪಡೆಯುವುದನ್ನು ಮರೆಯಬಾರದು ಎಂದು ತಜ್ಞರು ಸಲಹೆ ನೀಡುತ್ತಾರೆ.

ಕಪ್ಪು ಬಣ್ಣದ ಸ್ರಾವವು ರಕ್ತವನ್ನು ಕ್ಲಮೈಡಿಯ ಮತ್ತು ಗೊನೊರಿಯಾದಂತಹ ಲೈಂಗಿಕವಾಗಿ ಹರಡುವ ಸೋಂಕುಗಳೊಂದಿಗೆ ಸಂಬಂಧ ಪಡೆದುಕೊಂಡಿದೆ ಎಂದು ಹೇಳಬಹುದು. ಕಪ್ಪು ರಕ್ತಸ್ರಾವ, ವಾಸನೆ ಭರಿತ ಸ್ರಾವ ಮತ್ತು ತುರಿಕೆ ಹೊಂದಿದ್ದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ ತಪಾಸಣೆ ಹಾಗೂ ಚಿಕಿತ್ಸೆಯನ್ನು ಪಡೆಯಬೇಕು. ಆಗ ಸಮಸ್ಯೆಯನ್ನು ಆರಂಭದ ಹಂತದಲ್ಲಿಯೇ ನಿವಾರಿಸಬಹುದು.