ಆಲೂಗಡ್ಡೆ ಬಳಸುವ ವೇಳೆ ಖಂಡಿತವಾಗಿಯೂ ಅದರ ಸಿಪ್ಪೆಯನ್ನು ಬಿಸಾಕದೆ ತೆಗೆದಿಡಬಹುದು. ಆಲೂಗಡ್ಡೆಯ ಸಿಪ್ಪೆಯ ಆರೋಗ್ಯ ರಕ್ಷಣೆ ಮಾಡುವುದು ಹಾಗೂ ಸೌಂದರ್ಯವನ್ನು ಕಾಪಾಡಲು ಇದು ಸಹಕಾರಿ ಆಗಿದೆ. ಅದರ ಕೆಲವೊಂದು ಲಾಭಗಳ ಬಗ್ಗೆ ತಿಳಿಯಿರಿ.
ತೂಕ ಇಳಿಸಲು ಸಹಕಾರಿ
ಆಲೂಗಡ್ಡೆಯು ಕಾರ್ಬೋಹೈಡ್ರೇಟ್ಸ್ ನಿಂದ ಸಮೃದ್ಧವಾಗಿದ್ದು, ಇದನ್ನು ತೂಕ ಹೆಚ್ಚಿಸಲು ಬಳಕೆ ಮಾಡಬಹುದು. ಆಲೂಗಡ್ಡೆ ಸಿಪ್ಪೆಯಲ್ಲಿ ತುಂಬಾ ಕಡಿಮೆ ಕೊಬ್ಬು, ಕೊಲೆಸ್ಟ್ರಾಲ್ ಮತ್ತು ಸೋಡಿಯಂ ಇದೆ. ಹೀಗಾಗಿ ಇದನ್ನು ತೂಕ ಇಳಿಸಲು ಆಹಾರ ಕ್ರಮದಲ್ಲಿ ಬಳಕೆ ಮಾಡಬಹುದು.
ಪ್ರತಿರೋಧಕ ಶಕ್ತಿ ವೃದ್ಧಿ
ಆಲೂಗಡ್ಡೆ ಸಿಪ್ಪೆಯಲ್ಲಿ ಇರುವಂತಹ ವಿಟಮಿನ್ ಸಿ ಅಂಶವು ಆಂಟಿಆಕ್ಸಿಡೆಂಟ್ ಆಗಿ ಚರ್ಮಕ್ಕೆ ಸಹಕಾರಿ ಆಗಿದೆ. ಅದೇ ರೀತಿಯಾಗಿ ಇದರಲ್ಲಿ ವಿಟಮಿನ್ ಬಿ ಸಂಕೀರ್ಣ ಮತ್ತು ಕ್ಯಾಲ್ಸಿಯಂ ಕೂಡ ಇದೆ. ದೇಹಕ್ಕೆ ರಕ್ಷಣೆ ನೀಡುವ ಇದು ಪ್ರತಿರೋಧಕ ಶಕ್ತಿ ವೃದ್ಧಿ ಮಾಡುವುದು.
ಕ್ಯಾನ್ಸರ್ ನಿಂದ ರಕ್ಷಿಸುವುದು
ಆಲೂಗಡ್ಡೆ ಸಿಪ್ಪೆಯಲ್ಲಿ ಪೈಥೋಕೆಮಿಕಲ್ ಅಂಶವು ಸಮೃದ್ಧವಾಗಿದೆ ಮತ್ತು ಇದು ಆಂಟಿಆಕ್ಸಿಡೆಂಟ್ ನಿಂದಲೂ ಕೂಡಿದೆ. ಇದರಲ್ಲಿ ಇರುವಂತಹ ಅಧಿಕ ಪ್ರಮಾಣದ ಕ್ಲೋರೊಜೆನಿಕ್ ಆಮ್ಲವು ಕ್ಯಾನ್ಸರ್ ಕಾರಕ ಅಂಶಗಳನ್ನು ತಡೆಯುವುದು ಹಾಗೂ ದೇಹವನ್ನು ಕ್ಯಾನ್ಸರ್ ನಿಂದ ರಕ್ಷಿಸುವುದು.
ಟೊಮೆಟೊ ಹಣ್ಣು, ಇದ್ರಿಂದ ಮಾಡಿದ ರಸಂ, ಕ್ಯಾನ್ಸರ್‌ಗೆ ರಾಮಬಾಣ!
ಕೊಲೆಸ್ಟ್ರಾಲ್ ತಗ್ಗಿಸುವುದು
ಆಂಟಿಆಕ್ಸಿಡೆಂಟ್, ಪಾಲಿಫೆನಾಲ್ ಮತ್ತು ಗ್ಲೈಕೋಅಲ್ಕಲಾಯ್ಡ್ಸ್ ಅಂಶವನ್ನು ಹೊಂದಿರುವ ಇದು ದೇಹದಲ್ಲಿ ಕೊಲೆಸ್ಟ್ರಾಲ್ ಮಟ್ಟ ತಗ್ಗಿಸುವುದು. ಇದರಿಂದ ಆಲೂಗಡ್ಡೆ ಸಿಪ್ಪೆ ಸೇವನೆ ಮಾಡಿದರೆ ಅದರಿಂದ ಕೊಲೆಸ್ಟ್ರಾಲ್ ಸಮತೋಲನದಲ್ಲಿ ಇಡಬಹುದು.
ಈ ಒಣ ಬೀಜಗಳು ಹಾರ್ಟ್‌ಗೂ-ಕೊಲೆಸ್ಟ್ರಾಲ್‌ಗೂ ಎರಡಕ್ಕೂ ಒಳ್ಳೆಯದು
ಹೃದಯದ ಕಾಯಿಲೆ ಅಪಾಯ ಕಡಿಮೆ
- ಆಲೂಗಡ್ಡೆ ಸಿಪ್ಪೆಯಲ್ಲಿ ಅಧಿಕ ಮಟ್ಟದ ಪೊಟಾಶಿಯಂ ಅಂಶವಿದ್ದು, ಇದು ಹೃದಯದ ಕಾಯಿಲೆ ಮತ್ತು ಪಾರ್ಶ್ವವಾಯುವಿನ ಸಮಸ್ಯೆಯನ್ನು ಕಡಿಮೆ ಮಾಡುವುದು.
- ರಕ್ತದೊತ್ತಡವನ್ನು ಕಡಿಮೆ ಮಾಡುವಲ್ಲಿ ಪೊಟಾಶಿಯಂ ಪ್ರಮುಖ ಪಾತ್ರ ವಹಿಸುವುದು ಹಾಗೂ ಇದು ಹೃದಯದ ಆರೋಗ್ಯ ಕಾಪಾಡುವುದು. ಆಲೂಗಡ್ಡೆ ಸಿಪ್ಪೆಯಲ್ಲಿ ಇರುವಂತಹ ಒಮೆಗಾ-3 ಕೊಬ್ಬಿನಾಮ್ಲವು ಹೃದಯವನ್ನು ಆರೋಗ್ಯವಾಗಿಡುವುದು.
ರಕ್ತದಲ್ಲಿನ ಸಕ್ಕರೆ ಮಟ್ಟ ಕಾಪಾಡುವುದು
- ಪದೇ ಪದೇ ಹಸಿವಾಗುತ್ತಲಿದ್ದರೆ, ಆಗ ನೀವು ಆಹಾರ ಕ್ರಮದಲ್ಲಿ ಸಿಪ್ಪೆ ತೆಗೆಯದೆ ಇರುವ ಆಲೂಗಡ್ಡೆ ಬಳಸಿದರೆ ಅದು ತುಂಬಾ ಸಹಕಾರಿ ಆಗುವುದು.
- ಆಲೂಗಡ್ಡೆ ಸಿಪ್ಪೆಯಲ್ಲಿ ಅಧಿಕ ಮಟ್ಟದ ನಾರಿನಾಂಶವಿದ್ದು, ಅದೇ ರೀತಿಯಾಗಿ ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿ ಇಡುವಂತಹ ಪ್ರಮುಖ ಪೋಷಕಾಂಶಗಳನ್ನು ಹೊಂದಿದೆ. ಸಿಪ್ಪೆ ಇರುವಂತಹ ಆಲೂಗಡ್ಡೆ ಸೇವನೆ ಮಾಡಿದರೆ ಅದು ಟೈಪ್ 2 ಮಧುಮೇಹ ತಡೆಯಲು ತುಂಬಾ ಲಾಭಕಾರಿ ಆಗಿರುವುದು.
ಮಧುಮೇಹಿಗಳ ರಕ್ತದಲ್ಲಿನ ಸಕ್ಕರೆ ಮಟ್ಟ ನಿಯಂತ್ರಿಸುವ ಪಾನೀಯಗಳು
ಸುಟ್ಟ ಚರ್ಮಕ್ಕೆ ಒಳ್ಳೆಯದು
ಚರ್ಮವು ಸುಟ್ಟು ಹೋಗಿದ್ದರೆ, ಆಗ ನೀವು ಅದನ್ನು ಸರಿಪಡಿಸಲು ಆಲೂಗಡ್ಡೆ ಸಿಪ್ಪೆ ಬಳಕೆ ಮಾಡಬಹುದು. ಇದು ಬ್ಯಾಕ್ಟೀರಿಯಾ ವಿರೋಧಿಯಾಗಿ ಕೆಲಸ ಮಾಡುವ ಜತೆಗೆ ಚರ್ಮಕ್ಕೆ ಮೊಶ್ಚಿರೈಸ್ ನೀಡುವುದು ಮತ್ತು ಸುಟ್ಟ ಗಾಯವನ್ನು ಸರಿಯಾಗಿ ರೀತಿಯಲ್ಲಿ ನಿವಾರಿಸುವುದು.
ಕೂದಲಿಗೆ ನೈಸರ್ಗಿಕ ಬಣ್ಣ
ಆಲೂಗಡ್ಡೆ ಸಿಪ್ಪೆಯನ್ನು ಬಳಕೆ ಮಾಡಿದರೆ, ಅದು ಬಿಳಿ ಕೂದಲನ್ನು ಕಡಿಮೆ ಮಾಡುವುದು ಎಂದು ಹೆಚ್ಚಿನ ಜನರಿಗೆ ತಿಳಿದಿಲ್ಲ. ಇದರಲ್ಲಿ ಇರುವಂತಹ ಹಲವಾರು ಬಗೆಯ ಪೋಷಕಾಂಶಗಳು ಕೂದಲಿಗೆ ನೈಸರ್ಗಿಕ ಕಾಂತಿ ಮತ್ತು ಬಣ್ಣ ನೀಡುವುದು.
ಕಪ್ಪು ಕಲೆಗಳು ಮಾಯ
- ಆಲೂಗಡ್ಡೆ ಸಿಪ್ಪೆಯಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಅಂಶಗಳು ಮತ್ತು ಆಂಟಿಆಕ್ಸಿಡೆಂಟ್ ಸಮೃದ್ಧವಾಗಿದ್ದು, ಇದು ಬ್ಲೀಚಿಂಗ್ ಗುಣವನ್ನು ಹೊಂದಿದೆ.
- ತಾಜಾ ಆಲೂಗಡ್ಡೆಯ ಸಿಪ್ಪೆ ತೆಗೆದು ಅದನ್ನು ಕಪ್ಪು ಕಲೆಗಳ ಮೇಲೆ ಉಜ್ಜಿಕೊಳ್ಳಿ. ಇದರಿಂದ ಬಿಸಿಲಿನಿಂದ ಆಗಿರುವ ಕಲೆಗಳು ಮಾಯವಾಗುವುದು. ನಿಯಮಿತವಾಗಿ ನೀವು ಇದನ್ನು ಮಾಡಿದರೆ, ಆಗ ಚರ್ಮಕ್ಕೆ ಕಾಂತಿ ಬರುವುದು.