ಈ ಟೈಮ್‌ನಲ್ಲಿ ಕಾಫಿ ಹೀರಿದರೆ ದೇಹಕ್ಕೆ ಒಳ್ಳೆಯದು

ಬೆಳಗ್ಗೆ ಎಷ್ಟೊತ್ತಿಗೆ ಕಾಫಿ ಕುಡಿಯುತ್ತೀರಾ? ಸಾಮಾನ್ಯವಾಗಿ 6-9 ಗಂಟೆಯ ಒಳಗೆ ಒಂದು ಲೋಟ ಕಾಫಿ ಹೀರಿ ಬಿಡುತ್ತೇವೆ ಅಲ್ವಾ? ಮತ್ತೆ ಕೆಲವರಿಗೆ ಬೆಡ್‌ ಕಾಫಿ ಕುಡಿದ ಮೇಲೆಯೇ ಮುಂದಿನ ದಿನಚರಿ.

ಆದರೆ ಕಾಫಿ ಕುಡಿಯಲು ಇದು ಸರಿಯಾದ ಸಮಯ ಅಲ್ಲವೆಂದು ವಿಜ್ಞಾನ ಹೇಳುತ್ತದೆ. ಕಾಫಿಯ ಕೆಫೀನ್‌ ನಮ್ಮ ದೇಹವನ್ನು ಬಾಧಿಸದೆ, ನಾವು ಕುಡಿದ ಕಾಫಿ ಔ‍ಷಧಿಯಾಗಿ ಪರಿಣಮಿಸಬೇಕೆ? ಹಾಗಾದರೆ ಕಾಫಿಯನ್ನು ಈ ನಿರ್ಧಿಷ್ಟ ಈ ಸಮಯದಲ್ಲಿಯಷ್ಟೇ ಕುಡಿಯಬೇಕು.

ಹಾಗಾದರೆ ಕಾಫಿ ಕುಡಿಯಲು ಸೂಕ್ತ ಸಮಯ ಯಾವುದು?
ಬೆಳಗ್ಗೆ 9.30ಯಿಂದ 11.30, ಮಧ್ಯಾಹ್ನ 1.30ರಿಂದ 5.30 ಅಥವಾ ರಾತ್ರಿ 7 ಗಂಟೆ ಮೇಲೆ.

ಏಕೆ ಈ ಸಮಯ ಒಳ್ಳೆಯದು

ನಮ್ಮ ದೇಹದಲ್ಲಿ ಸರ್ಕಾಡೈನ್‌ ರಿಥಮ್‌ (circadian rhythm) ಎಂಬ ಹಾರ್ಮೋನ್ cortisol ಎಂಬ ಹಾರ್ಮೋನ್‌ ಉತ್ಪತ್ತಿ ಮಾಡುತ್ತದೆ . ಇದು ನಮ್ಮ ದೇಹವನ್ನು ಎಚ್ಚರವಾಗಿರುವಂತೆ ಮಾಡುತ್ತದೆ. ನಮ್ಮ ದೇಹದಲ್ಲಿ ಈ ಹಾರ್ಮೋನ್‌ ಅತ್ಯಧಿಕ ಇರುವ ಸಮಯದಲ್ಲಿ ಕಾಫಿ ಕುಡಿಯುವುದು ಒಳ್ಳೆಯದಲ್ಲವೆಂದು ವಿಜ್ಞಾನ ಹೇಳುತ್ತದೆ.

ಈ ಹಾರ್ಮೋನ್‌ ಅತ್ಯಧಿಕ ಇರುವ ಸಮಯದಲ್ಲಿ ಕಾಫಿ ಕುಡಿದರೆ ಕಾಫಿಯು ನಮ್ಮ ದೇಹದಲ್ಲಿ ಯಾವುದೇ ಪ್ರಭಾವ ಬೀರುವುದಿಲ್ಲ, ಬದಲಿಗೆ ಮತ್ತಷ್ಟು ಕಾಫಿ ಬೇಕೆನಿಸುತ್ತದೆ. ಇದರಿಂದ ದೇಹದಲ್ಲಿ ಕೆಫೀನ್‌ ಅಂಶ ಹೆಚ್ಚಾಗುವುದು.

ಅದೇ ಈ ಹಾರ್ಮೋನ್‌ಗಳ ಉತ್ಪತ್ತಿ ಕಡಿಮೆಯಾಗುವ ಸಮಯದಲ್ಲಿ ಸೇವಿಸುವಯದರಿಂದ ದೇಹಕ್ಕೆ ಹುರುಪು ದೊರೆಯುವುದು.

ಬೆಳಗ್ಗೆ 7-9 ಗಂಟೆವರೆಗೆ ಈ ಹಾರ್ಮೋನ್‌ಗಳ ಉತ್ಪತ್ತಿ ಅಧಿಕವಿರುತ್ತದೆ. ನಂತರ ಕಡಿಮೆಯಾಗುತ್ತಾ ಹೋಗುವುದು, ಆಗ ತೂಕಡಿಕೆ ಬರಬಹುದು. ಈ ಸಮಯದಲ್ಲಿ ಕಾಫಿಯನ್ನು ಹೀರಿ, ಹುಮ್ಮಸ್ಸು ಮರಳಿ ಪಡೆಯಿರಿ.